Author Topic: پـہ وَتــی شُـــرّیــں تَــبءَ بُــرو  (Read 1500 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
پـہ وَتـی شُـرّیـں تَـبءَ بُـرو
ادَبـی هـکـیـم
--------------------------
هـکـیـمے کـَـورےءِ کِــرّءَ نـشـتَـگ اَت آ کـَـورءِ آپءِ نـدارَگءَ سَـیـل چـارَگءَاَت مـاں هَـمے شـونَـگءَ زوّمـے آتـکءُ آپءِ تـهـا کـپـت زوُمّ ڈبّـگءَ لـگ اِت هَـکـیـمءَ وَتـی دَسـت تـچـک کـُـرت کـہ زوُمّءَ چـہ آپءَ بـہ کـَـشّ ایـت بَـلے زوُمّءَ آئـیءِ دَسـتءَ ڈنـگ جَـت پَـدا هَـکـیـمءَ وَتـی آدگے دَسـت شِـهـار دات زوُمّءَ آئـیءِ آدگے دَسـتءَ هَـم ڈنـگ جَـت هَـکـیـم دیـرےءَ رَنــد پَــدا زوُمّءِ کـَـشّـگءِ جُـهــدءَ لـگّ اِت وَرنـائے هَـکـیـمءِ کـَـشءَ نـشـتَـگ اَت وَرنـاءَ گـوشـت واجَـہ تـو دو بَـرا  اے شـوُمّـیـں زوُمّ ءِ کـَـشّـگءَ جُـهــد کـُـرت بـلے آئـیءَ تـرا ڈنـگ جَـت چـہ آ دوئـیـں بَـراں تـو سَـبَـک نـہ گِـپـت سَـیـمے بَـرا ایـشـیءِ کـَـشّـگ یـَکّ نَـزانـتـکـاری یے هَـکـیـمءَ وَرنـاءِ گـپ گـوش نـہ داشـت پـدا آئـیءَ جُـهــد کـُـرت تـاں کـہ زوُمّ ءِ چـہ آپءَ کـَـشّ اِت ءُ دَرا ایـر کـرت رَنــدا هـکـیـم وَرنـاءِ کـوپَـگءِ سَـرا وَتـی دَسـت ایـر کـُـرت ءُ گــوَشــت مـنـی چُـکّ آ مـردُم کـہ گـوں زوُمّءِ تَـبءَ بـہ رَوت چـو هَـمـا زوُمّءَ هَـمُـک کـَـسءَ ڈنـگ جَـنـت بـلے مـنـی تَـب مـهــرءُ دوسـتـیءِ تَـب اِنـت پَـرچـا تـو لـوٹ ئَے کـہ مـن وَتـی تَـبءَ چـو هَـمـا زوُمّءِ تـبءَ بـہ کـنـاں؟ گـوں هَــر کـَـسءَ پـہ وَتـی تـبءَ بُـرو دگِــرءِ تَـبءَ مَـزوُر بَـلـکـیـں آیـانی تَـب بَــد اَنـت آ هَـرچـا تـرا دَرد بـہ دی اَنـت بـلے تـو پـہ وَتـی تَـبءَ بُـرو لَـهـتے مَـردُم تـرا گـوَش اَنـت کـہ تـو هَـم هَـنـچـو کـہ هَـمـا زوُمّ ءِ وڑا وَتـی تَـبءَ بَـدَل بـہ کـن بـلے نـاں مَـنـی چُـکّ آ رَد اَنـت اگـاں تـو چـو هَـمـا زوُمّءَ بـہ کـن ئَے گــڑا تـرا ءُ آ زوُمّ ءَ چے پَـرک بـیـت .
[/b]