Author Topic: جَـــنــیــنءِ نــازانــتــی ءُ مِـــیـــدءِ هِــگـــمَــت  (Read 831 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
جَـنـیـنءِ نـازانـتـی ءُ مِـیـدءِ هِـگـمَـت
ادَبـی هـکـیـم
-----------------------------------
بـادشـاهے هَـسـت اَت آئـیءَ مـاهـیـگءِ وَرَگ سَـکّ وَشّ بـوُت یَـک روچے مِـیـدےءَ مـاهـیـگے آورت ءُ دات بـادشـاه چـہ مِـیـدءِ داد سَـکّ رَزا بـوُت آئـیءَ هُـگـم دات مِـیـدءَ چـار هَـزار دَرَهــم بـہ دَے اِت بـادشـاهءِ جَـنـیـن زَهــر گـپـت آئـیءَ گـوَشـت تـو اے مِـیـدءَ مَـروچـی چـار هَـزار درَهَـم داتَـگ بـانـدات دگِے یَـکّے هَـمـے پَـیـمءَ چـار هَـزار دَرهَـم لـوٹ ایـت ایـشـیءَ زَرّ مـہ دَے بـادشـاهءَ گـوَشـت نـوں شَـرّ نے اِنـت کـہ مَـن وَتـی هُـگـمءَ بـہ پـروشـاں مَـن یَـک بـادشـاهے آں جَـنـیـنءَ گـوَشـت اِنّـاں تـو وَتـی هُـگـمءَ مـہ پـروش مِـیـد زرّانـی زورَگءَ  کـَـیـت تـو آئـیءَ جُـسـت بـہ کـن اے مـاهـیـگ کـہ تـو آورتَـگ نَـرے یـاں مـادَگے؟ مِـیـد اے گـپءِ پَــسّــوءَ نـہ زانـت رَنـدا تـو مــیـدءَ مَـیـاریـگ بـہ کـن مِـیـد زرّانـی گِـرَگءَ آتـک بـادشـاهءَ جُـسـت کـُـرت اے مـاهـیـگ کـہ تـو آورتَـگ نَـرے یـاں مـادَگـے ؟ مـیـدءَ گـوَشـت واجَـہ ماهــیـگـانـی تَـهـا نَـر ءُ مـادَگ نـیـسـت مـاهـیـگ هَـم نَـر اَنـت ءُ هَـم مـادَگ اَنـت بـادشـاهءَ کـنـدَگے جَـت پَـدا آئـیءَ هُـگـم دات مِـیـدءَ دگے چـار هـزار درهَـم بـہ دَے اِت هُـسـابـدار پـدا شُـت دگے چـار هَـزار دَرهَـم آورت مـیـدءَ هَـشـت هـزار دَرهَـم رَس اِت آئـیءَ زرّ بَـڈءَ جَـت اَنـت رَوَگءَ لَـگّ اِت یَـک دَرهَـمے بُـنءَ کـپـت مـیـدءَ آ یـکّـیـں دَرهَـم چـہ زُمـیـنءَ چـسـت کـُـرت ءُ مـاں وَتـی کـیـتـوءَ کـُـرت بـادشـاهءِ جَـنـیـن ءَ گـوَشـت چـونـیـں بَـهـیـلے مَـردَک یَـک دَرهَـمے بُـنءَ کـپـتَـگ اَت آئـیءِ هَــم چـت ءُ کـیـتـوءَ کـُـرت بـادشـاه مـیـدءِ سـرا زَهـر گـپـت آئــیءَ گـوَشــت مـنءَ بـهـلـیـں مـردُم دوسـت نـہ بَـنـت مــیـدءِ زرّاں پَـچ گِــراِت مـیـدءَ گـوَشـت واجَـہ اے زرّءِ سَـرا تـئـی بُتت ( عـکــس) لـگ اِتَـگ مـن تـئـی بُـتءِ ازّتءَ کـُرت اگـاں اے زرّ زُمـیـنّءَ بـہ کـپ ایـت یَـکّے آئـیءَ لـگـت کـنـت مـن پَـمـشـا چـسـت کـُـرتءُ مـاں وَتـی کـیـتـوءَ کـرت بـادشـاه چـہ مِـیـد ءِ گـپءَ وَشّـهـال بـوُت آئـیءَ پَــدا هُـگـم دات مِـیـدءَ دگِے چـار هَــزار دَرهَــم بـہ دَے اِت رَنــدا بـادشـاهءَ جـار جَـت او مَــردُمـاں هـجـبَـر جـنـیـنءِ گــپءَ مـہ زوُراِت جَـنـیـنءِ شَـورءُ سَـلاه مـردیـنءِ نُـکـسءَ سَے کِـسـاس گِــیـش کـَـنـت .
[/b]