Author Topic: حفیظ عبداللہ ءِ آزمانک  (Read 1396 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7064
  • Karma: 356
    • Baask-Home of Baluchi Language, Literature & Culture
حفیظ عبداللہ ءِ آزمانک
« on: December 03, 2013, 06:58:26 AM »
رُوہ زرد ‘
شپ منا دوست بی گوں ماہ ءُ استالاں ، من ءُ شپ یکیں نپدانی سرا وپتگیں ءُ استال ھساب کُتگ، بریں منی ھساب کُتگیں استال گیش بوتگاں ءُ بریں بریں کہ من بے ھال بوتگاں یا دمبروتگ گوں لیب ( فٹبال ) ءَ گُڑا آ شپ ءَ شپ ءَ سجیں استال وتئی کُتگاں‘ کمبر ھمے ھبراں گوں من کنگ ءَ کہ من بے سمائی ءَ گُشت گُڑا ؟؟
 گُشی تو ھر وھد منا جست کنئے کہ تو سیگریٹ نہ کَشئے ، بَلے ھمے کہ روچ بَرکت بی ءُ مُلا ( اللہ ءُ اکبر ) بنا کنت تو سیگریٹے لوٹئے پرچا ؟؟؟؟؟
 من گُشت ھؤ یار پرچا ؟ تو وَا سیگریٹی یے نہ ئے؟ گُشی روچ کہ ایربُکگ ءَ بی من ھمے ماراں کہ منی اندر ءَ ھمے روچے استیں کہ منی تمامیں جسم ءَ تھار کنت ءُ ھمے تہاری ءَ پُورا یک جان دردیں تپے گوں اِنت ءُ منی جان ءَ ماں شانی ۔۔۔۔۔۔ کمبر دیما ھبر بکنت منی دپ ءَ درتک ءُ تو ساری نشہ کُتگ ؟؟؟ نشہ ؟ ھناں ،،،، ھؤ بیگاہ ءَ من فُتبال کُتگ بَلے آ وھد ءَ منی جان ءَ درد نہ کُتگ ، آ وَا بیگاہ بوتگ روچ زرد ناں،،، ( کمو بے کراری ءَ پد ) کمبر ءَ گُشت ‘‘‘ تئی ھیالاں ماسٹر امام ءَ ھم ھمے جان درد ماریتگ ؟ ماسٹر امام ؟؟؟ ھؤ ماسٹر امام ، مئے میتگ ءَ یک ماسٹر امام نامیں مردے بوتگ کہ ھمک روچ زرد اتکگ مئے فُٹبال ءِ گولانی پُشت ءَ نشتگ ءُ چرس ئِے پُر کُتگ وھدے مُلا بانگ شرو کُتگ گُڑا ھمے فُٹبال ءِ گول ءِ گام کُتگاں ءُ چرس پہ ڈول ءِ دیت داتگئِے ،،،،،،،،،،، ھمے دماں ءَ کُچکے آواز بوت ، کمبر ءَ تُپنگ کشیت کہ جنان ئِے ، من گوشت مجن ئِے کہ تیر ھراب بیت پدا آفسر ءِ دیما جواب دیگی اِنت کہ تیر چوں جتگ ، ؟ چنچو کُچک بوتگاں ؟ آ ساھت ءَ تو چے کنگ ءَ بوتگئے ؟ دوھمی تئی ھمراہ چے کنگ ءَ بوتگ ؟ تیر یک بَلے سوال ھزار ،،،، کُچک ءَ بِل چانگی روت ، بس ھمچو بچار کہ شیخ ءِ اُشتراں ماوارت کہ آ منی ءُ تئی جند ءَ چہ شَرترانت ،،، کُچک چانگ ءَ اَت ، کمبر ءَ تُپنگ زورت ڈن ءَ درتک ساھتے رند اتک ءُ گُشتے یار سیگرٹے بدئے گوں ،،، من گُشت شَپ وا گُڈی پاسانیں روچ زرد نہ اِنت ،،، سیگریٹ ۔۔۔۔۔۔۔۔۔۔۔۔۔
 حفیظ عبداللہ
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line