Author Topic: کـــمـاشـی کـہ پَـہ مـالـداری بـہ بـیـت  (Read 1020 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
کـَـمـاشـی کـہ پَـہ مـالـداری بـہ بـیـت
ادَبـی هَـکـیـم
----------------------------------
مـاں گـوَسـتگـیـں زَمـانـگءَ مـالـداریـں مَـردے هَـسـت اَت مـیـتـگءِ مـهـلوکءَ آئـیءَ وَتـی واجـہ کـُـرتـگ اَت هَـمُـکّ کـَـس آئـیءِ ازّتءَ کـُـرت هَـمُـک کـَـس چـہ آئـیءَ شَـورءُ سَـلاه جُـسـت کـُـرت رَنــدا کـمّ کـمّ ءَ مَـردءِ روچ بَــدَل بـوُت اَنـت آئـی ءِ کـارءُ بـارءَ نُکـس کـُـرت مـردءِ سَـرجَـمـیـں مال شُـتءُ گـار بـوُت چـہ مـالـدارےءَ نـیـزگـارے بـوُت رَنــدا مـهـلوُکءَ آئـیءِ دیـوانـداری یَـلـہ کـُـرت کـَـسءَ آئـیءَ جُـسـت نـہ کـُـرت تـاں کـہ یـک سـالے مـیـتَـگءَ ڈکّـالے کـپـت سَـرجـمـیـں مـهـلـوُک وار بـوُت اَنـت مـهـلـوُکءَ گـَـلّـہ کـشـتَـگ اَت بـلے گـلّـہ بـے بَـر بوُت ءُ مُـرت اَنـت آ مـردءَ جَـو کـشـتَـگ اَت آئـیءِ جَـوءَ شَــرّ سَــمَــر دات مـیـتَـگءِ مـهـلـوُک یـکـجـاهءَ مُـچّ بـوُت اَنـت کـہ دیـمـاءِ روچـانـی بـاروا گـپّ ءُ تـرانے بـہ کـن اَنـت آ مَـرد هَـم آتـکـگ ءُ مـاں دیـوانءِ مُـچّـیءِ تـهـا نـشـت بـلے مـردءَ کـمّے جَـو پُـچّےءِ تـهـا بَـسـتَـگ اَت ءُ گـوں وَت آورتَـگ اَت مـیـتَـگءِ مـهـلـوُکءَ وَتـی گـپ بُـنـگـیـج کـُـرت کـہ مـئے مـیـتَـگ نـوں هَـمـیـش اِنـت کـہ واراِنـت یکّ دو مـاهءَ رَنــد کـسےءِ لـوگءَ وَرَگءِ تـوشَـگ پَـشـت نہ کـَـپ ایت نـوں آیـوکـیـں روچـانـی بـاروا شـمـئے هَـیـال چـی اِنـت ؟ مـا چـے بـہ کـن ایـں؟ رَنـدا سـرجَـمـیـں مهـلـوُک هَـمـا مَـردءِ نـیـمَـگءَ چـارَگءَ لَـگّ اِتـنـت بـلے آ مـردءَ هـچّ نـہ گـوَشـت پـدا مـهـلـوُکءَ گـوَشـت واجَـہ تــو مـارا شَــورے بـہ دَے کـہ مـا چـوں بـہ کـن ایـں؟ مـردءَ هَـمـا جَـوءِ پُـتِـنـکّ – گـرِنـچّ چـہ کـیـتـوءَ کـَـشّ اِت ءُ زُمـیـنءِ سَـرا ایـر کـُـرت آ گـوَشَـگءَ لَگّ اِت جَـو گـپ کـن اِت، جَـو گـپ کـن اِت ، اے نـازانـتـیـں مـهـلـوُکءَ پَـسّـو بـہ دَے اِت.
مَـنـی گـپءِ بـزانـت ایـش اِنـت کـہ مـئے مـهـلـوُک مَـردُمءِ زانـتـکـاریءَ نـچـاراَنـت مـردمءِ مـالـداریءَ چـاراَنـتءُ پـہ وَتـی کـمـاشـیءَ گِـچـیـن کـن اَنـت.
[/b]