Author Topic: زالءِ مـهـرءَ جـانـواریـں نَـرشـیـر دوسـت کـُـرت  (Read 917 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
زالءِ مـهـرءَ جـانـواریـں نَـرشـیـر دوسـت کـُـرت
رجـانـک : ادبــی هـکـیـم
-----------------------------------------------
زالـےهَـکـیـمـےءِ کِـرّءَ شـُـت ، آئـیءِ هَـیـالءَ هَـکـیـم جـادوگـَـراَنـت ، زالءَ گـوَشـت مَـنـی جـود مـنءَ بـاز دوسـت دارَگ نَے اِنـت تـو هَنـچـیـں کـارے بـہ کـن کـہ آ مَـنءَ بـاز دوسـت بـدارایـت ، هَـکـیـمءَ گـوَشـت شَـرّاِنـت بـلـے پَـہ اے کـارءِ کـنَـگءَ تَـرا یَـکّ چـیـزے کـارَگ لـوٹ ایـت تـو اگـاں نَـرشـیـرءِ سَـرءِ مـودانءَ وَت پَـہ وَتـی دَسـتـاں بـہ چـن ئَےءُ بـیـارئَے مَـن پَـہ تـو کـارے کـناں اگـاں نـاں تـئـی کـار گـوں مَـنءَ نـہ بـیـت ، زالءَ گـوَشـت نَـرشـیـرءِ مـودانـی چـنَـگ آسـانـیـں کـارے نَے اِنـت بـلـے مَـن جُـهـد کـنـاں ، زال شُـت دگـےهَـکـیـمـےءِ کِــرّءَ جُـسـت کـُـرت مَـن نَـرشـیـرءِ نَـزّءَ چـوں شُـت کـنـاں کـہ آئـیءِ سَـرءِ مـوداں بـہ چـنـاں ؟ هَـکـیـمءَ سـوج دات اگـاں تـو هَـمُـک روچ نَـرشـیـرءَ مـهـر بـہ دَے ئَے ءُ آرا گـوشـت بُـواریـن ئَے کـمّ کـمّ ءَ آ تـئـی نَـزّءَ کـَـیـت رَنـدا تـو چَـہ آئـیءِ مـوُداں بـہ چـن ، زال هَـمُـکّ روچ جَـنـگـلءَ شُـت آئـیءَ نَـرشـیـرے دیـسـت ، زالءَ گـوشـت نَـرشِـیـرءِ نِـیـمَـگءَ دَور دات اَنـت هَـمـے پَـیـمـا هَـمُـکّ روچ زالءَ نَـرشـیـرءِ نـیـمَـگءَ گـوشـت دَوردَیـاں کـُـرت تـاں نَـرشـیـر زالءِ نَـزّیـکّءَ آیـاں بـوُت ، یَـک روچـے نَـرشـیـر زالءِ کـشءَ آتـک ءُ وَپـت زالءَ نَـرشـیـرءِ سَـرءَ وَتـی نـازرُکـّـیـں دَسـت پـرمُـشـت اَنـت نَـرشـیـرءَ زالءِ وَپـاداریءِ ماراِشـت بـوُت ، نَـرشـیـرءَ وَتـی سَـر زالءِ زانءِ سَـرا ایـر کـُـرت ، پَـدا هَـمـا دَمـانءَ زالءَ چَـہ نَـرشـیـرءِ مـوُداں لَـهـتـے چـت ، رَنـدا هَـکـیـمءِ کـرّءَ شـُـت زالءَ گـوَشـت هَـکـیـم مَـن تـئـی لـوٹ ءِ چـیـزءَ آورتَـگ نـوں تـو مـنی جـودءَ هَـنـچُـشـیـں جـادوُئے بـہ کـن کـہ آئـیءِ دل ایـوَکءَ مَـنـی بـہ بـیـت ، هَـکـیـمءَ گـوَشـت شَـرّاِنـت بـلـے تـو مَـنءَ بـہ گـُـوَش کـہ تـو نَـرشـیـرءِ نَـزّءَ چـوں شُـت ئَے ؟  تـو آئـیءِ مـوُد چـوں چـت اَنـت؟ زالءَ گـوَشـت مَـن نَـرشـیـرءَ مـهـر دات آئـیءَ گـوشـت واراِیـنـت آئـیءِ سَـرا بـاز مـهـرَبـاں بـوُتـاں تـاں کـہ آئـیءَ مَـنـی وَپـاداریءِ مـاراِشـت بـوُت رَنـدا مَـنـی نَـزّءَ آتـک ، وَهـدے  کـہ آ مَـنـی نَـزّءَ آتـک مَـن آئـیءِ مـوُد چـت اَنـت ، هَـکـیـمءَ گـوَشـت وَهـدے کـہ تـو جَـنـگـلءِ جـانـواریـں دَلـوَتےءَ مـهـر دات ءُ آئـیءِ وَپـادار بـوُت ئَےءُ رَنـدا تـو آئـیءَ مـاں وَتـی دسـتءَ کـُـرت گـڑا پـہ تـو یَـک اِنـسـانـےءِ مـهـر دَیَـگءُ آئـیءِ وَپـادار بَـیَـگ ءُ آئـیءَ مـاں وَتـی دَسـتءَ کـنَـگ پَـرچـا مُـشـکِـلـیـں کـارے؟   
[/b]