میاه بلوچ
" تو ناکو زتک تریاک کش ۓ ؟"
من گاڑی ء_ ودار ء- اسٹاف ء- کولنج اتاں کہ ورناھے نزیک بوت ء، جست ء- پد منی چماں چارگ ء- لگ ات
اناں ! من کلھے آئی ء_ سیائیں لنٹ چار اتنت ء، گوشت
انچوک ء- کماش ء_ آئی ء_ کش ء- اتک ء، اوشتات
"اے واجہ منی کماش انت کمے گوشاں گران انت بلے اے گپ ء- ھجبر نہ من ایت"
آئی ء- کماش ء_نیمگ ء- چاران ء-گوشت
تئ کماش تریاک کش ایت ؟
"تو چی گشگاۓ ... تئ کرا مستریں مردمانی عزت اش انت"
موبائل ء- گوں وھد ء_ چارات کمو گستا اوشتات
بلے تو کش ۓ؟
" اناں .! من چار سال بیت کہ ویل کتگ منی لنٹ بازیں سگریٹ کشگ ء- سیاہ انت "
ورناہ چو گشان ء- انگت گستا شت ء، اوشتات مروچی منی ھیال ء- پدا میتگ ء- رؤگ نہ بیت بلکیں من اوں چار سال پیش تریاک کشتگ اگاں ناں گڈا اے ورناہ ...
" واجہ وھد چنت بیت " من چک ترینت داں راستی کش ء- جنکے گوں بچکنداں پیش سلام انت
شش ء، نیم انت من چار ات ورناہ ء، کماش زائر نہ انت
" منت واراں " جنک کمے نزیک بوت ء، پدا گوشگ ء- لگ ات " واجہ ترا تریاک لازم انت "
من کمے ھجکہ بوتاں پدا ھیرت ھیرت ء- جنک چار ات داں ھما ورناہ ء_رنگ ء- جنگا انت ___
