Author Topic: واجَـہءِ هـال هَـم هَــنـچـو کـہ مَـنـی هـال اَت  (Read 854 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
واجَـہءِ هـال هَـم هَــنـچـو کـہ مَـنـی هـال اَت
رجـانـک : ادبـی هـکـیـم
-----------------------------------------
مَـردےءِ زال دراج زُبـانـے اَت ، هَـمُـکّ روچ گـوں وَتـی لـوگ واجَـہءَ دَپـجَـنـگ اَت ، یَـک روچـے آ مَـرد ( حـضـرت عَـمَـر رضـی الله عـنـہ ) ءِ گـورا پَـہ وَتـی زالءِ شـکـاهَـتءِ کـَـنَـگءَ شُـت ، دَروازَگءِ دَپءَ رَس اِت مَـردءَ اِشـکـُـت کـہ (حضـرت عُـمَـر) ءِ زالءَ کـوُکـّـار ءُ سَـلـوات اِنـت ،   زال واجَـہ ءِ سَـرا زَهـر گـپـتَـگ اَت ، بَـلَـے واجَـہ هـچ گـوَشـگءَ نَـے اِنـت ، مَـردءَ مـاں وَتـی دلءَ گـوَشـت وَهـدے کـہ ( حضرت عَـمَـر) ءِ وَتـی هـال گـوں وَتـی زالءَ اِیـش اِنـت گـڑا آ مَـنـی کـارءَ هـاک شَـرّ کـَـنـت ، مَـرد رَوَگءَ لـگّ اِت واجَـہءَ تَـوار کـُـرت ، بـیـا ادءَ مَـردَک تـرا چـہ کـارے هَـسـت اَت؟ مَـردءَ گـوَشـت واجَـہ مَـن وَتـی زالءِ شـکـاهَــت کـنَـگءَ تـئـی گـورا آیَـگءَاِتـاں بـلـے مَـن دیـسـت کـہ تـئـی وَتـی هـال هَـم هَـنـچـو کـہ مَـنـی هـال اِنـت پَـمـشـا مـن شُـتـاں ، واجَـہ ءَ گـوَشـت گـڑا تـو زانـت کـہ مـن پَـرچـا هِـچّ گـوَشـگءَ نَـیـاں ؟ مَـردءَ گـوَشـت اِنـاں!!. واجَـہءَ گـوشـت پَـمـشـا کـہ اِے مَـنـی وَتـی زال اِنـت ، مَـنـی چُـکـّـانـی مـات اِنـت ، مَـنـی وَرَگ جـواں کـنـوک اِنـت ، مَـنـی هِـلارءِ هَـمـراه اِنـت ءُ مـنـی هَـرامءِ دوُر کـنـوک اِنـت ، پَـمـشـا مَـن آئـیءَ بَـرداشـت کـنَـگءَآں تـو هَـم بُـرو هَـنـچـو مَـنـی وَڑا بـہ کـن ، وتـی زالءِ گـپـاں بَـرداشـت بـہ کـن .
[/b]