Author Topic: وَرنــاءِ شَــهــوُر کــپــتءُ گــار بــوُت  (Read 825 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
وَرنـاءِ شَـهـوُر کـپـتءُ گـار بـوُت
ادبـی هَـکـیـم
------------------------------
وَرنـائـے تـیـز تَـچَـگءَاَت ، اَنـاگـَـہ آئـیءَ گـوں پـیـرَزالـے ٹـوکـَـر وارت ، پـیـرَزال زُمـیـنّءَ کـپـت ءُ سَـکّ پـہ دَرد بـوُت ، بَـلَـے وَرنـا یَـک کِـرّےءَ اوشـتـاتءُ بـچـکـنـداِت ، پـیـرَزال گـوں وَتـی نـزوریـں دَسـتءُ پـاداں زور جَـت رَنـدا پَـہ یَـک واری یـے پـاداتـک ءُ اوشـتـات ، وَرنـا ءَ چَـہ پـیـرَزال پَـهـلّـی نـہ لـوٹ اِت ، آ دَنـیـگـا پَـہ پـیـرَزالءِ نـزوریـں جـانءَ بـچـکـنـدَگءَ اَت ، پـیـرزالءَ گـوَشـت وَرنـا اودا بـچـار تـئـی چـیـزے کـپـتَـگ آرا بـہ چـن ءُ گـوں وَت بـہ بَـر ، وَرنـاءَ اِد ءُ اودا شـوهـاز کـُـرت بَـلـے آئـیءَ هِـچ نـہ دیـسـت ، رَنـدا وَرنـا ءَ جُـسـت کـُـرت ، پـیـرَزال مـن اِدا هـچّ نـہ گـنـدَگـاں زانءَ تـو دیـسـت کـہ مـنـی چـیـزے کـپـت ءُ گـار بـوُت ؟ پـیـرزالءَ گـوَشـت هَـو وَرنـا مَـن دیـسـت کـہ تـئـی شَـهـوُر کـپـتءُ گـار بـوُت  ، آ هَـمـدا کـپـتَـگ آئـیءَ بـہ چـنءُ گـوں وَت بـہ بَـر ، پَـرچـا کـہ بـے شَـهـورءَ تـئـی هُـشـکـیـں جـان هـچّءِ دَردءَ نـہ وارت.
[/b]