Author Topic: مجید عاجز ءِ شاعری ءِ سرءَ میران بلوچ ءِ گونڈیں چمشانکے  (Read 1382 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7058
  • Karma: 356
    • Baask-Home of Baluchi Language, Literature & Culture
مجید عاجز ء_شاعری ء_ سرا گونڈیں چمشانکے
،،،،،،،،،،،،،،،،،،،،،-----،،،،،،،،،،،،،،،،،،،،،،،،،
عاجزء_شاعری ء_بابت ء-شریں رنگے ء- گپ جنگ ، ارزانیں کارے نہ انت ، پہ منی وڑیں نوک دربرے ء-دنیا ء_گراں تریں کاراں چہ یکے ...چو کہ هر شاعر ء_وتی رنگے بیت همے وڑا مجید عاجز ء_وتی جتائیں درشاندابے ...مجید ء_شعر پرمانا ، وزن دار و پرزیمل انت ....مجید ء_رپک و هنراں بلد و سرپد انت ...لبزانی مهرگاں جوانیں اندازے ء-گوں هیال ء_بندیک ء-کمائیت جوانیں لچہ و دستونک جوڑ کنت ....
هما رهشون یا سروک کہ چہ راج ء-پہک شموشکار انت یا پہ چار کلدار ء-وتی ایمان ء_سودا اش جتگ هماہانی بابت ء- مجید وتی غزلے ء_شعر ے ء-گشیت

" تن و گژن ء-مریت رمگ گاریں
شوانگ ء_چم پہ بینگ ء-کپتگ "

مرچی باندا چیزے لچہ کار جدیدیت ء_نام ء-بلوچی شاعری ء-دگہ رنگے ء-رجگا انت ...بلے مجید ء-وتا چشیں جنجالاں رکینتگ چو کہ آ گشیت

" لبز رومستاں زبان گاجیل کتگ
شاعری چو ایسپ ء_مرچاں کتب"

عاجز ء_زبان پلگاریں زبانے ناں آ وت مان گیشیت ناں وانوک ء-مان گیشینیت ...مرچی کہ بلوچ جنگ ء-گپتگ ، بلوچی شاعری ء-هم آشوبی رنگے زرتگ ...مرچی زلف و لنٹ ء_نازینوکیں شاعر هم لاچار انت کہ تپنگ و تیر ء_نام ء- بہ گیپت ....ماں مجید عاجز ء_شاعری ء-چہ بنیاد ء-آشوبی رنگ گندگ کئیت چو کہ

" تاں رهنیں آجوئی موکگ نہ بیتیں
دل ء-چہ ماهیں مهرنگاں بشوداں "

بلوچ ء_ واری ، لنگڑی ، بزگی و بدهالی ء_بابت ء-گشیت

" گژن ء- چہ همک زهگ بلوچ ء_
ایران و امارات ء_ سرا انت "

بلوچ ء_مال و مڈی آوار جنگ و برگ بیتگ انت زورآور ء-بلوچ ء_زمین پشت ء-کش اتگ پہ بلوچ هچ پشت نہ کپتگ ...اگاں پشت کپتگ گڑا کلونگریں کرگینے یا پرشتگیں کاپرے عاجز راج ء-ٹوهینیت و گشیت ..

" پچ بگر سوچن چہ بندیک ء- وتی
یا بہ باهین کاپر ء- هچی مہ گش "

زهیر ماں بلوچی شاعری ء-سک باز کامرز بیتگ بلے هر شاعر درشان کنگ ء_وڑ پیم جتا جتا انت
چو کہ منظور بسمل گشیت ...

" تئی زهیر ورگایاں"
عطا شاد گشیت .....

"تئی زهیر وارتہ زندگیں مرکان کننت "

مجید عاجز گشیت ..

" دل منی عاجز پکیری کاسگے
پہ زهیرانی زکاتاں زندگاں "

عاجز ء_شاعری ء-پہ راج ء-کلوہ و پیگام باز جاگہ گندگ کئیت ...چو کہ

" شہر ء_مردم ستک دل چیر اندری
دز کمک کوهانی جنگولاں بہ بنت "

جنگانی تہا قلم ء-بلاهین بستارے هست ...همے بابت ء-عاجز گشیت

" باج ہما بارت کہ نوبتاں جنگ ء_
زهم ء_همرائی ء-کلم کشیت "

عاجز نظم و غزل هر دو تهراں شاعری کنت بزاں غزل و نظم دوئیں تهراں سوبمند انت

###(میران بلوچ )###‫#‏31مئی‬ 2014
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line