زَهـگءَ گـوں هـاوَنــد گـپ جَـت
ادبـی هـکـیـم
-------------------------------------
بـادشـاهے سَـکّ نـادراه بـوُت مُـلـکءِ درُهـیـں مَـزنـیـں تـبـیـب آتـکءُ مُـچّ بـوُت اَنـت تـبـیـانـی مُـچّـیءَ گـوَشـت بـادشـاهءِ نـادراهـیءِ اِلاجءِ دَوا یَـک زَهـگےءِ تـاجَـگـیـں جَـگـراِنـت اگـاں بـادشـاه زهـگےءِ تـاجَـگـیـں جـگـرءَ بُـوارت گـڑا وَشّ بـیـت نـیـزگـاریـں مَـردے هَـسـت اَت آئـیءَ12 سـالَـگـیـں زَهـگے هَـسـت اَت مُـلـکءِ کـازیءَ هَـمے زَهـگءِ پـت لـوٹ اِت ءُ بـادشـاهءِ گـورا آورت بـادشـاهءَ بـازیـں مـالے پـہ آئـیءِ زَهـگءِ کـُـشَـگءُ آئـیءِ جَـگـرءِ کـشّـگءَ دات زَهـگءِ پـت رزا بـوُت کـازیءَ هُـگـم دات زَهـگءَ بُکـُـش اَنـت جَـلاّد آتـکءُ تَـیـار بـوُت زَهـگءِ دَسـتءُ پـاد اِش بَـسـتَـگ اَنـت زَهـگ آزمـانءَ چـارَگءُ بـچـکـنـدَگءَاَت بـادشـاهءَ جُـسـت کـُـرت تـو پَـرچـا آزمـانءَ چـارَگءُ بـچـکـَـنـدَگءَئَے؟ زَهـگءَ گـوَشـت مـن گـوں هـاوَنـدءَ گـپ جَـنَـگءَاوں!. بـادشـاهءَ جُـسـت کـُـرت تـو گـوں هـاوَنـدءَ چے گـوَشـگءَئَے ؟ زَهـگءَ گـوَشـت مـن هـاوَنـدءَ جُـسـت کـُـرت کـہ تـو گـوَشـتَـگ مـن انـسـانءَ چـہ درُهـیـں مـهـلـوُکـاں شـرَپـدارتِـر کـُـرتَـگ گـڑا مـاں اے دُنـیـاءِ تـهـا انـسـانءِ شَـرَپ کـجـا اِنـت؟ مـن هَـم یَـکّ انـسـانے اوں اَگـاں راسـتے کـہ انـسـانءَ شـرَپ هَـسـت گــڑا مـنـی پـت نـیـزگـارے نـہ بـوُتَـگ اَت مـنـی پـت مـالءِ لا لِـچءَ نـہ کـپـتَـگ اَت تـئـی کـازیءَ مـنـی پـت نـہ تُـرسـیـنـتَـگ اَت مـئے بـادشـاه زوراکءُ زالِـمے نـہ بـوُتَـگ اَت جَـلاّدءِ کـار بے گـُـنـاهـیـں مَـردُمءِ کُـشَـگ نـہ بـوُتَـگ اَت مـروچـی مـن چـو بے وَسـیـں پَـسے پَـہ کُـشَـگ بَـنـدَگ نـہ بـوُتَـگـتـاں مـاں اے مُـلـکءِ تـهـا دگِے زَهـگ هَـسـت اَت بَـلے پـمـشـا کـہ مـنـی پـت نـیـزگـارے اَت شـمـا هَـمـائـیءَ گـچـیـن کـُـرت ءُ مـالءِ لالـچ دات ایـشـیءِ بـزانـت هَـمـش اِنـت کـہ نـیـزگـارےءِ زَهـگءَ شَـرَپ نـیـسـت بـلے مـنءَ پـہ وَتـی نـیـزگـاریـں زَهـگـی پَـهــراِنـت کـہ چـہ مـنـی نـیـزگـاریـں جَـگــرءِ وَرَگءَ رَنــد تـو وَشّ بـئـے .
زَهـگءِ گـپ جَـنَـگءَ رَنـد بـادشـاه ۓ چَـمّـانـی اَرس رِتـک اَنـت آئـیءَ هُـگـم دات زَهـگءَ پَـچ بـہ کـن اَنـت آئـیءَ گـوَشـت مـن کـَـسےءِ جَـگــرءَ نـہ وَراں اگـاں هـاوَنـد وَت مـنءَ وَشّ بـہ کـنـت وَ شـرّ اِنـت اگـاں نـاں مـن پـہ کـَـسءَ زُلـم نـہ کـنـاں ، هَـنـچُـش گـوَش اَنـت کـہ چـہ هــاوَنـدءِ کـُـدرَتءَ هَـپـتَـگےءَ رَنــد آ بـادشـاه وَشّ ءُ جـانـدراه بـوُت .
أعج
[/b]
