Author Topic: مـئـے دود ءُ رُبـیـدَگ گـوں هـاکـاں اوار اِنـت  (Read 1462 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
مـئـے دود ءُ رُبـیـدَگ گـوں هـاکـاں اوار اِنـت.
ادبـی هـکـیـم
----------------------------------------------------
اَنـاگـہ مـیـتَـگءِ تـهـا کـوکـّارے بُـنـاه بـوُت پـیـریـں زالـے گـوں وَتـی کـلـمـانـٹـیـں جـنـیـں چُـکّ زار جـنَـگ اِتـنـت مـیـتَـگءِ مـهـلـوُکّ جـنـیـن ءُ مـردیـں آتـک پـہ سَـیـل چـارَگءَ مُـچّ بـوت اَنـت پـیـرَزال وَتـی وَرنـائـیـں مـردیـں چُـکّءَ جـنـگءُ چـوپَـگءَ اَت!!!... کـمـاشـےءَ جُـسـت کـرت چـے بـوُتَـگ ؟ شـمـا ایـشـیءَ پَرچـا چـو هـوشَـگ چـوپ کـنَـگ اِت ؟ مـاتءَ گـوَشـت مـنـی بـرات اے نـامُـرادءَ وَتـی گـُهـارءِ پـشـک بُـرتَـگءُ بُـهـا کـرتَـگ!!!... کـمـاشءَ گـوَشـت بَـچَـک تـرا لَـجّ نـکـنـت تـو وَتـی گـُـهـارءِ پَـشـک پـہ هـیـروئـیـنءِ دَیـنـاں داتَـگ!!!... وَرنـاءَ هـچّ نـگـوَشـت آئـیءِ مـاتءَ گـوَشـت واجـہ مـئـے لـوگءِ گـُـدءُ پـچّ بـہ کـُـٹ اَنـت رَنـدا اے بـے نَـنـگ وَتـی گـُـهـارءَ بـارت ءُ بُـهـا کـنـت!!!... مـهـلـوُکّ درُهـا مـاں وَتـی لـوگـاں شُـت اَنـت هَـر کـسءَ وَتـی لـوگءِ دَروازَگ چـہ تـهـا بَـنـد کـُـرت کـہ اے پـیـریـں زالءُ کـلـمـانـٹـیـں جـنـیـن چُـکّءِ پـریـاتـاں مَـشـکـُن اَنـت.
نـوں مـروچـی اَگـاں مـئـے بـلـوچـی دود ءُ رُبـیـدَگ زنـدَگ بـہ بـوتّـیـں مُـلـکءِ کـمـاشـاں اے وَرنـا ءَ گـوں مَـچّـی کـُـنـٹـے بـسـتَـگ اَت مـیـتَـگءِ هَـمُـکّ مـات ءُ گـُـهـار ایـشـیءِ بـے نَـنـگـیـں دیـمءَ زَهـرءِ تُـہ جَـتَـگ اَت هَـمُـک مـات ایـشـیءَ چـوُنـڈک پـاچـتَـگ اَت هَـمُـکّ پـت ایـشـیءَ سُـهـریـں چَـمّ پـیـش داشـتَـگ اَت هَـمُـک بـرات ایـشـیءَ پـہ چـابُـک جَـتَـگ اَت تـاں کـہ پـہ دگـے وَرنـاهـاں سَـبَـکے بـہ بـوتـیـں.
اے اَڑ مـاں هَـمُـکّ مـیـتَـگءِ تـهـا هَـسـت یـکّ کـسـے ایـشـیءَ گـار کـُـرت نـہ کـنـت تـاں مُـلـکءِ درُهـیـں مَـهـلـوُکّ پـہ ایـشـیءِ گـار کـنَـگءَ هَـشَـر مـکـن اَنـت.
[/b]