Author Topic: ”استاد تاج محمد طائر ءِ یک یاتے“... پہ من وشتریں درد٭ منی شائری٭  (Read 1808 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture
”استاد تاج محمد طائر ءِ یک یاتے“
پہ من وشتریں درد٭ منی شائری٭
”منی شائری“ ھچ وڑیں لبز ءُ ھچ وڑیں ستاھے ءِ چم چار نہ اِنت ، پرچا کہ آ وتی جاگھہ ءَ یک ءُ بے درور انت ؛ ”منی شائری “ ھما لبز اِنت ، کہ ھر شائرے اشی گوشگ ءَ باز ءَ چہ باز پھریز کنت ، نہ زاناں پرچا ؟ بلے من پہ ٹھل گوشت کناں ”منی شائری“۔
”منی شائری“  یک ٹھلے ، یک انچیں ٹھلے کہ دل ءَ دوست ءُ دپ ءَ درآمد اِنت ؛ دل ءَ پمیشکا دوست اِنت کہ آ منی شائری انتءُ دپ ءَ پمیشکا درآمد اِنت ،  کہ پہ تو ٹھلے لیکگ بیت۔
”منی شائری“ ھچ شائرے اِے لبز ءَ گوشت نہ کنت؛ پرچا کہ آ چہ مات ءِ لاپ ءَ شائرے نہ بوتگ ، _ شائر ھما مردم اِنت ، کہ آرا دلے پہ دل ءِ مانھا گون بہ بیت ، انچیں دلے کہ درد بہ مار ایت ءُ درد بہ پھم ایت ءُ درد بہ کش ایت، انچیں دلے کہ پہ دل بہ تَپ ایت پہ دل بجنت ۔
”منی شائری“ ھما ”فلسفہ“ ءُ ”منطق“ ءِ من ءِ موجودیت اِنت ،ھاں ”منی شائری“ بزاں من ۔
گُلیں وانوکاں ھر شائرے ”منی شائری“ ءِ لبز ءَ چہ تئی دپ ءَ اشکُنگ لوٹ ایت، پرچا کہ آ من اِنت۔
بلکیں من پہ پوتاری چیزے نبشت ءَ کُت ءَ چوش ھم بوت کنت ، کہ من آزمان ءَ گَج جناں بلے۔۔۔
”منی شائری“ھما گپ ءِ برورد اِنت کہ استاد تاج محمد طائر من ءَ سہ داں چار سال ءَ ساری گوشتگ ات ، کہ مرچی نوں من آئی ءِ یک  شئرے ونت من ”منی شائری“ ءِ من مار اِت۔
چو کہ من ءُ یک سنگتے پہ استاد ءِ چارگ ءَ چابار ءُ کُنرک ءَ شُتیں ، چہ جُست ءُ پُرس ءَ رند مارا یک ھوٹلے ءِ ڈس اِش دات ، کہ استاد شمارا ھمودا دست کپ ایت،چہ بازیں شوھاز ءَ رند مارا استاد دست کپت ءُ استاد ءَ مارا وتی لوگ ءَ برت ۔
استاد وتی نادُراھیانی بابت ءَ گپ ءَ ات کہ گوشتی:””منی چُک من ءَ گوش اَنت ؛ منی پت ترا شائری  کش ایت، ءُ منی دائم ءَ پسو ھمیش انت کہ ، اگاں من زندگاں ھمے شائری ءِ برکت اِنت ، گُڈا آ روچے کہ من شائری یل دات بزاں من نہ بوت اوں““۔
گڈا شما وت بہ مار اِت کہ ”منی شائری“ بزاں چے؟
من و ءَ گوشاں ”منی شائری“ بزاں من ، اے ھم گُشگ بیت کہ شئر ءِ اندر ءَ ھر کس وت ءَ ایر دنت ،پرچا کہ آ من اِنت ۔
”منی شائری“ استاد تاج محمد طائر  ءِ زبانی:
 
نہ اِنت کسی آہ ســـــــــــــــــــــــــرد منی شائری
مـــــــــــــــــــــــــــــــــــــــــــنی انگریں درد منی شائری
عطا ءِ جوک نہ غــــــــــــــــــــــــــــــــــــــزل قاضی ءِ
وتـــــــــــــــــــــــــــــــــــــــــــی پگر ءِ برورد منی شائری
نہ دنت کس ءَ تاواں اگاں سیت نہ دنت
وتــــــــــــــــــــــــــــــــــــــــــی کُل ءِ بامرد منی شائری
منی جرند ءِ رنگ ءُ مــــــــــــــنی دُروشم اِنت
چـــــــــــــــــــــــــــــــو دیم ءَ منی زرد منی شائری
پُتاریت من ءَ چہ گـــــــــــــــــــــــــــــــــــــم ءُ اندواں
ھــــــــــــــــــــــــــــــــــــــــــــما دنز ھما گرد منی شائری
نہ سجیگ نہ مُرگ نہ شــــــــــــــــــراب ءُ کباب
پـــــــــــــــــــــــــــــــــــہ من وشتریں درد منی شائری
داں ھست اِنت بلوچے دل ءَ دلـــــــــــــــــجماں
نــــــــــــــــــــــــــــــــــــــہ بیت طائر روزرد منی شائری
 
”منی شائری“ ءِ ھر نبشتھے کہ کئیت اُمیت اِنت ، نہ ایوک ءَ شما آرا وان اِت ، بلکین ءَ وتی ، منی ،آیی ءُ پھکانی من ءِ تپاکی ءَ نبشتہ ءَ بہ مار ات۔
 
شمئے من کستر”عدنان دلدوست“
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line