Author Topic: ھر چیز بدل بوتگ اَت۔ ثناء شمبے زہی ءِ نبشتانک ۔ وتی چمشانک ءَ الما بہ دئیت  (Read 1244 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture
ھر چیز بدل بوتگ اَت
 ثناءشمبےزیئ
شال 2015۔1۔5


انچو گُمان بوت آئیءِ زردءَ بالاھیں ٹپءِ وارتگ اَت آئیءِدلءِ سرا مزنیں بارءِ اِیراَت ایں ورنایں بالاد کہ کسءَ پہ چارگءَ دل نہ بوتگ ات بالادءِ زرد تریتگ ات چمءِ سُہر سُہر اِتاں دیمءِ ھُشک ات لُنتءِچو ہارکءَ ھُشک اِتاں ۔منی دلءَآرام نہ بوت من گِر بست کہ آئی حالءَ جُست بکناں چونائیءَآں منی سکیں نزدیکیں سنگتے اَت چہ کسانیءَ مہ یکیں میتگءَ روستگءُ مزن بوتگ اِتاں مے کسانی یکیں میتگءِ تہا گواستگ اَت بلے وھدے اڈءُ جنجالاں مارا یکءِ چہ دومیءَ سستءُ جُدا کُت چار(4) سال کُبل اَت کہ من آئیءِ بالاد نہ دیستگ اَت وھدے چار سالءَ چہ پد من پہ گندُکی آئیءِ میتگءَ شُتاں ھر چیز بدل بوتگ اَت وھدے من آئیءِ دست گپت تو گُشے آزمانی گرندءَ منا وتی امبازاں زُرت منی دل مَنگءَ نہ اَت چماں باوار بوھگءَ نہ اَت ایں ھما جانءَ پُریں مرد انت کہ آئیءِ چمانی چارگءَ منی زردءَ تاھیر رستگ ات من جُہد کُت وتی ارساں بیداراں آئیءِ ھالءَ جُست بکناں بلے زُبان گُنگ اَت جان درھگءِ بندات کُتگ ات من آں وتی امبازاں زُرت منی ارس چہ انارکاں شیپ گران بوتاں آئیءَ پُژمردگیں بچکند ے جت ءُ دراینتءِ ادا کس کسی دردوار نہ انت ھرکس مطلبءِ مردُم انت اگاں پہ ارسءِ گوارگءَ گم کم بوتیناں گُڈا من ایں چاگردءِ تہا پلگار تِریں مردُم گُشگ بوتگ اِتاں وتی ارساں مہ گوار منا تو شات نہ بے پہ ارسءِ گوارگءَ ارسءِ گوارگءَ من بس آں کہ منی چماں پِٹءِ ارس نہ گواھیت کہ وتی زردءِ دامُنءَ بریچاں ءُ وتی زردءِ گماں کَمتر بکناں من نہ لوٹاں تو منی دردیگیں دلءِ کسہاں وتی پلگاریں دامُنءَ ھمگرنچ بکنءِ منا میتگے مردوماں چے چے نہ گُشت من کسی دیماں چماں چست کُت نہ کناں لالہ منا چہ ایں بے نپیں زندءَ مرگ دوستر انت بلے من وتی بہتءِ سرا گریواں کہ ملکموت پرچہ منی دلءِ گپاں نہ زُریت آں ملکموتءَ وتی مستریں دُژمن گُشگءَ ات پرچکہ آں چہ ایں بے مہرٰں زندءَ شیزار ات آئیءَ دم بُرتگ ات وادار ات کہ کدی آئیءِ مستریں دُژمن ملکموت کیت ءُآئیءَ وتی امبازاں زُریت پہ دائمی چہ دُگنیاے گماں آسودگءُ آجو کنت۔۔
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line