Author Topic: شـیـرءِ زوراکـی ، روبـاهءِ سـیـاسَـت ءُ هَـرءِ بـے اَگـلـی  (Read 3076 times)

0 Members and 2 Guests are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
شـیـرءِ زوراکـی ، روبـاهءِ سـیـاسَـت ءُ هَـرءِ بـے اَگـلـی
ادبـی هـکـیـم
------------------------------------------------------
شـیـرءَ گـوں روبـاه گـوَشـت مـن سَـکّ شُـدیـگـاں بـلـے مـروچـی مـنءَ تَـچ ءُ تـاچ واک نـہ کـنـت تـو بُـرو یَـک دَلـوَتـے مـنی گـوَرا بـیـار مـن آئـیءَ وَراں ، روبـاهءَ پـگـر کـُـرت کـہ هَـرءَ زوُتـر رَد دات کـنـت ، روبـاه هَـرءِ گـوَرا شُـتءُ گـوَشـت ، کـَـمـبَـهـت تـو کـُـجـائـے؟ مَـنءُ جَـنـگـَـلءِ بـادشـاهءَ دیـراِنـت کـہ تـرا شـوهـاز کـنـگءَایـں ، هَـرءَ جُــسـت کـُـرت شـمـا مـنءَ شـوهـاز کـنَـگءَاِت؟!!.. زانءَ چـے بـوُتَـگ؟ روبـاهءَ گـوَشـت شـیـرءَ پـہ جَـنـگـَـلءِ بـادشـاهـی کـنَـگءَ دگـہ یـک کـسـےءِ اَزکـاراِنـت جَـنـگـَـل سَـکّ مَـزَن اِنـت پَـهـکـیـں جَـنـگـَـلءِ بـادشـاهـی کـنَـگ ایـوَکءَ شـیـرءِ کـارے نَـے اِنـت آئـیءَ دگـے یَـک کـُـمَـک دَیـوکـیـں بـادشـاهـے اَزکـاراِنـت ، نـوں آئـیءَ تـرا گِـچـیـن کـُـرتَـگ تـو بـیـا کـہ تـرا جَـنـگـَـلءِ بـادشـاه کـَـنـت ، هَـر وَشـهـال بـوُت آ تـرَدّ گِـراں بـوُت ءُ شـیـرءِ گـوَرا آتـک ، آ هَـنـچـو کـہ شـیـرءِ کـشءَ رَس اِت شـیـرءَ پَـنـجَـگـے جَـت هَـرءِ دوئـیـں گـوش سِـسـت اَنـت ، هَـر کـلـوُنـزّاں بـوُتءُ تَـتک ، شـیـرءَ روبـاه تَـوار کـُـرت بُـرو هَـرءَ گِـر ءُ بـیـار ، روبـاه پَـدا هَـرءِ گـوَرا شُـت ، هَـرءَ گـوَشـت روبـاه تـو مـنءَ رَد دات ، اِش اِنـت کـہ شـیـرءَ مـنـی اے هـال کـُـرت بـچـار شـیـرءَ مـنـی گـوش سـسـتءُ وارت اَنـت ، روبـاهءَ گـوَشـت زانءَ تـرا بـادشـاهـیءِ تـاج سَـرءَ کـنَـگـی نـہ اِنـت؟ هَـرءَ گـوَشـت بـلـے !!.. روبـاهءَ گـوَشـت شـیـرءَ پـمـشءَ تـئـی گـوش گـوَتـک اَنـت کـہ بـادشـاهـیءِ تـاج تـئـی سَـرءَ بـہ نـنـدایـت ، شـیـرءَ زانـتَـگ کـہ اے بَـلاهـیـں گـوش تـلاهـیـں تـاجءَ تـئـی سَـرءَ نَـیـل اَنـت ، هَـرءَ روبـاهءِ گـپ وَشّ بـوت آ پَـدا شـیـرءِ گـوَرا شُـت شـیـرءَ دَسـت جَـت کـہ هَـرءِ پـادءَ بـہ گِـرایـت هَـرءِ دُمـب آئـیءِ دسـتءَ آتـک اے بَـرءَ هَـرءِ دُمـب گـوَجَـگ بـوُت ، پَـدا هَـر تـتـک ءُ جـنـگــلءَ شُـت شـیـرءَ پَـدا روبـاه تَـوار جَـت آئـیءَ گـوَشـت زوُت بُـرو هَـرءَ بـیـار مـن سَـکّ شُـدیـگـاں ، روبـاه پَـدا هَـرءِ گـوَرا شُـت ، هَـرءَ گـوَشـت روبـاه تـو پَـدا مـنءَ رَد دات اے شـیـرءَ مـنءَ وَرَگـی اِنـت بـچـار شـیـرءَ اے بَـرا مـنـی دُمـب گـوَتـک ، روبـاهءَ گـوَشـت تـو نـہ زان ئَـے پـرچـا شـیـرءَ تـئـی دُمـب گـوَتـک ؟ پـمـشءَ کـہ تـو گـوں اے مـزَنـیـں دُمـب بـادشـاهـی تَـهـتءِ سَـرا نِشـت نـہ کـن ئَـے !!.. بـلـے نـوں تـئـی کـار بَـرابَـراَنـت تـو تـاجءَ هَـم سَـرءَ کـُـرت کـن ئَـے ءُ تَـهـتءِ سَـرا هَـم نِـشـت کـن ئَـے ، نـوں تـو شـیـرءِ گـوَرا بُـرو کـہ تـرا بـادشـاهـیءَ دَنـت ، هَـر پَـدا شـیـرءِ گـوَرا شُـت اے بَـرءَ شـیـرء هَـرءِ گـَـردن پـروشـت ءُ دَور دات رَنـدا شـیـرءَ روبـاه تَـوار جَـت آئـیءَ گـوَشـت هَـرءِ پـوسـتءَ بـہ کـَـشّ آئـیءِ جَـگـَـرءُ دلءُ گـُـٹـیـگ ءُ سَـرءِ مَـجـگءَ پـہ مـن بـیـار ، روبـاهءَ هَـرءِ سَـرگءِ مَـجـگ وارت اَنـت ءُ آدگـے چـیـزّ شـیـرءِ گـوَرا بُـرت اَنـت ، شـیـرءَ جُـسـت کـُـرت هَـرءِ سَـرَگءِ مَـجـگ کـُـجـا اَنـت ؟ روبـاهءَ گـوَشـت واجَـہ هَـرءِ سَـرگءَ مَـجـگ مـاں نـہ بـوُتَـگ ، اَگـاں آئـیءِ سَـرا مَـجـگ مـاں بـہ بـوُتـیـں گـوَشءُ دُمـب کـنَـگءَ رَنـد آ پـدا تـئـی گـوَرا نَـیـاتـکـگ اَت ، شـیـرءَ کـَـنـدَگے جَـتءُ گـوَشـت روبـاه تـو سَـکـیـں مَـکـّـارے ءِ چـہ تـئـی مَـکـّـاریءَ هَـرءَ وَتـی هـوش بـاهـیـنـت ، نـوں تـو بـیـا هَـرءِ روتَـکـاں بُـوَر تـو مـنـی شَـرّیـں دَردواریـں سَـنـگـَـتـےءِ .       
[/b]