Author Topic: اے آر داد ءِ نبشتانک واکیہ  (Read 1475 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7060
  • Karma: 356
    • Baask-Home of Baluchi Language, Literature & Culture
اے آر داد ءِ نبشتانک واکیہ
« on: February 04, 2015, 02:28:20 PM »
واکیہ... تو باز بر ءَ اے گپ اشکتگ کہ اود ءَ واکیاتے بیتگ یا پِلانی ءَ واکیاتے سر ءَ کپتگ. اد ءَ ھمے زاھر بیت کہ واکیہ ھما چیز اِنت کہ چریشی ءِ سر کشّگ ءَ جاور آ وڑ ءَ نہ بنت کہ پیش ءَ بیتگ اَنت نہ کہ آ مرد آ وڑ ءَ بیت کہ واکیاتے ءِ سر ءِ کپگ ءَ ساری بیت.
واکیات... مرچیگیں ھم بیت، زیک ءُ باندات ءِ ھم بیت بلے اشاں ما گوشیں" زیکی واکیاتے " بیتگ." باندا واکیاتے " بیت. بیا اے مسالاں چاریں بلکیں تو شرتر سر پد بہ بے.
۱}. شھدوست ءَ دست بُرز ءَ کت ءُ کُنرے سست.
۲}. مھراب ءَ پاد اتک ءُ دروازگ گپت.
اولی رِد ءِ تہ ءَ ھمے زانگ بیت کہ شھدوست پیسر ءَ انچو اوشتاتگ اَت. دومی ءِ تہ ءَ ھمے زانگ بیت کہ پیسر ءَ دروازگ پچ اَت مھراب پاد اتک ءُ بست ئے.
نی اے مسالاں بچار اشانی تہ ءَ ہچ بدلی ءُ سدلی یا واکیہ نیست.
۱}. شھدوست شرّیں بچکے
۲}. چکّاں شپ ءَ چہ تُرسیت
۳}. کچک ءِ دنتان مزن اَنت
بیا نی ترا کسّہ ءَ گوشاں چی ے؟ حسن عسکری گوشیت" کسّہ وشّیں واکیاتے " ھمے واکیات ءَ دیم ءَ برے کسّہ بیت بلے یات بکن اے کسّہ ھما وھدے آزمانک بیت کہ تو پلاٹ ءَ کارمرد بکن ئے.
اے مسالاں بچار.
۱}. شھدوست چہ لوگ ءَ در کپت ءُ دیم پہ جنگل ءَ شُت.
۲}. مھراب چہ زند ءُ مردماں شزار بوت ءُ دیم پہ جنگل ءَ شُت.
اولی رِد ءِ تہ ءَ پلاٹ نیست، اشی ءَ ما کسّہ گوشیں بس. بلے دومی رِد ءِ تہ ءَ پلاٹ ھست کہ شھدوست جنگل ءَ ھمے ھاترا شُت کہ زند ءُ مردماں چہ شزار اَت.
بیا ترا کسّہ ءُ پلاٹ ءَ اے وڑ سر پد کنگ ءِ جھد ءَ کناں. کسّہ ایش اِنت.
" بادشاھے ھست اَت جنکے ءَ گوں سیرئے کت "
اے رِد {جملہ} ءِ تہ ءَ پلاٹ نیست. بلے وھدے من اے رِد ءِ تہ ءَ ھمے سیر کنگ ءِ نیمون ءُ سبب ءَ بگوشاں گڑا پلاٹ گون کپیت.
چو کہ" بادشاھے ھست اَت شر رنگیں جنکے دیست ءُ سیرئے کت. اد ءَ" شر رنگی " سبب ءُ نیمون انت سیر کنگ ءِ. ھمیشی ءَ پلاٹ گوشنت.

" استاد اے آر داد "
گوں کاروان بلوچ ءِ منہ واری ءَ
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line