Author Topic: زهگانی لچہ ءِ ھَژدَری  (Read 4556 times)

0 Members and 1 Guest are viewing this topic.

Offline hannan66

  • Baluchi Nadkaar بلوچی ندکار
  • ***
  • Posts: 7
  • Karma: 1
زهگانی لچہ ءِ ھَژدَری
« on: February 09, 2015, 12:05:15 AM »
(زهگانی لچہ ءِ ھَژدَری ( ضرورت شعر کودک

نبیسوک: رهماندوست

  لچہ : شعر،       ھَژدری: ضرورت
ھر بلوچی چُکّے کہ وھدی لَگ اِیت ماں ھبر کنگ ءَ بَژنی گپ اش اِنت کہ آئی ءِ مات ءُ پِتجُھد کن اَنت گشتر آئی ءَ پارسی پیش بدار اَنت.
پارسی ءَ چُکّ ماں وانگجاہ ءَ ( مدرسہ ) یات گِر اَنت. بلے اگاں بلوچی آیاں یات مہ دیئنت گُڑا وتی بلوچی زبان ءَ شَموش اَنت.
زبان ءِ یات گِرَگ ءَ بھتریں داب مات ءُ پِت ءِ ھبر کنگ گوں چُکّ ءَ اِنت.روانشناس گوش اَنت کہ زبان ءِ یات گرگ ءِ وھد ءَ چُکّ بازیں چیزے دگہ یات گر ایت.
انچش:
گالانی یات گِرگ
نشانانی یات
نشان ( علامت و نماد ) کہ یات گرگ بہ بنت چُکّ ریازی ءُ ھساب ھم زوت یات گر اِیت.

وشتریں راہ پہ زبان ءِ دیمروئی ءَ ماں چُکّانی بارہ ءَ رَسانک ( رسانہ ) ءُ لَچہ ءُکِسّہ اِنت.
بلے بَژن اِش اِنت کہ مئے گور ءَ بید ( بجز,) پارسی رسانک ءَ دگہ رسانک نیست اِنت.
مئے مات ءُ پتاں ھم وتی وھدی کِسّہ شموشتگ اَنت کہ پہ وتی چُکّاں کِسہ نہ گوش اَنت.

روانشناس گوش اَنت کِسّہ چُکّانی زِھن ءُ سَسّا ( دانش,) ءَ باز کنت. ۔بلے کامپیوتری گوازی پہ چُکّاں مَزنیں بیماری یے کہ ما اشی ءَ نہ زان ایں.

گھتریں لئیب ءُ گوازی پہ چُکّاں ھما مُلکی ءُ وھدی ( بازی محلی ) لئیب اَنت. اے لئیب چُکانی ماھیچہ ءُ جان ءِ رگ ءُ بنداں پُر زور کنت. ءُ آیانی زانت ءَ گیش کنت. ۔آیاں تُپاکی پیش دار اِیت.
پمشکا لئیب یک مُچّی گوازی یے ( بازی جمعی ) کہ مُچّ ءُ گروہ ءِ تہ ءَ ھمکاری ءُ ھمگرنچی زلورت اِنت.

پمشکا پہ زبان ءِ دیمروئی چُکّانی چاگرد ءَ بائد اِنت لَچّہ پہ چُکاں گوشگ لوٹ ایت داں آ وھدے کہ گوازی کن اَنت گوں بلوچی لچھاں گوازی کن اَنت.
مئے ندکار ءُ لچه کاراں بلکین هزارانی هزار، لچه پربستگ ءُ کسه، آزمانک، رم ءُ دگه ادبی تهراں نبشتگ کتگ اِش بلے زهگانی باره ءَ سَکّ کم کار بوتگ.

کومے که وتی زهگانی چاگرد ءَ نچار ایت بزان آ کوم ءِ آیوکیں پدریچ پشت ءَ کپ اَنت. دنیا ءِ ته ءَ اَنی زهگانی باره ءَ باز جهد بیگ اِنت. روانشناساں سدانی سد کتاب ای باره ءَ نبشتگ. شهدربرجاهانی ته ءَ چکانی باره ءَ جتادین رشته جوژ بیتگ. بلے ما انگت اے پڑ ءَ گام ایر نه کتگ اگاں هم کتگ بزان ناچیز بوتگ.

گندگ بیت چُک گوش اَنت:
عمو زنجیر باف
زنجیر منو بافتی
پشت کوہ انداختی..

اے لچہ شَرّ اَنت بلے وھدی کہ مارا بلوچاں وت ءَ لچہ ھست اِنت گڑا گھتر اش اِنت ما بلوچی لچھاں یات بہ دئے ایں گھتر اِنت.
انچش:

ھورو ھورو اِیر دئے
بَلّوکی چُکّ ءَ چیر دئے

اُمیت اِنت مئے لچہ کار اے پڑ ءَ گشتر دلگوش به کن اَنت.

نبیسّوک: رھماندوست

Offline Zahida Raees Raji

  • Administrator
  • *****
  • Posts: 7080
  • Karma: 356
    • Baask-Home of Baluchi Language, Literature & Culture
Re: زهگانی لچہ ءِ ھَژدَری
« Reply #1 on: February 09, 2015, 10:58:38 AM »

سلام ءُ دروت واجہ رھماندوست
چہ درستیں گپاں پیش من شمارا باسک لبزانکی دیوان ءَ وش آتک کناں  گوں اے امیت ءَ کہ نوں اے دیوان ءِ راہ ءَ شما بیھال نہ کنئے۔
شمئے گپ سد در سد راستیں کہ مئے بلوچ چاگرد ءَ دری زبانانی ھب واھگ گیش انت ھمے سوب انت کہ مئے گونڈواں وتی زبان ءِ جاہ ءَ دری زبانانی مہر دیگ بیگ َءَ انت۔
منی وتی لہتے سیاد انچین انت کہ عربستان ءَ نشتگ گوں چکاں اردو گپ جن انت ۔ بژنیگی گپ ایش انت کہ وھدے عربستان ءَ عربی ءُ انگلیسی انت ءُ مات ءُ پت ءِ زبان بلوچی انت گُڑآ اے اردو ءِ لٹک پرچیا لک کنگ بئیگ ءَ انت۔
من گوں شمئے گپہ تپاک کناں کہ لچہ کارانی باید انت  پہ گونڈواں ھم  لچّہ نبشتہ بہ کن انت چیزے وھد پیسر پہ گونڈواں یک دو سوت دیما یارگ بوت انت ۔ شما باور کنئے کہ من چُشیں لوگے نہ دیت کہ اُودا گونڈواں دم پہ ساھت اے سوت گوش دارگ ءِ نہ گوشتگ۔
اگاں چُشیں چیز گیشتر دیما بئیت چکانی ھُب پہ ماتی زبان ءَ گیشتر بوت کنت۔


۔ کسہ ساچ پدا ھم چہ دری لبزانک ءَ زھگانی کسہاں ترینگ یارگ ءَ انت بلے شاعری ءِ پڑا کار سک کم بئیگ ءَ انت۔ ءُ گیشتر دلگوش کرزایت
منہ وار
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line