Author Topic: من، منی جنین ءُ لبزانک ". کاروان بلوچ ءِ نبشتانک  (Read 1402 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7060
  • Karma: 356
    • Baask-Home of Baluchi Language, Literature & Culture
من، منی جنین ءُ لبزانک "
نبشتہ کار : کاروان بلوچ

 لبزانک ءَ مدام لنگیں ءُ پُرشتگیں چیزّ ءَ را جوڑینگ ءُ یک جاہ کنگ ءِ جہد کتگ. آ وہد ءَ چو کہ کسانی اَت، من وتی لاشعوری بزاں کہ یات گرگ ءِ دؤر ءُ باریگان اِتاں. پیرک ءِ ہمے گپ ءِ اشکنگ ءَ گوں لبزانک منی دل ءَ یک انچیں اسپیت ریشّ ءُ نیکیں مردمے اَت کہ مردمانی درد اِش وارت، آہانی کُمک اِش کت.... منا انگت دیم ءَ گپ کنگی اَت. بلے منی جنین ءَ بچکند اِت گوْشت. منی بَلّک ءَ لبزانک ءِ بابت ءَ چوش گوْشتگ کہ لبزانک ءَ مدام چیزّ ءَ را پُرشت ءُ پُروش ءَ چہ رکّینگ ءِ جہد کتگ. چو کہ کسانی ءِ موسم منی سرا ہم ساہیل بوتگ. پدا ہمے زمانگ ءَ مئے لوگ ءَ یک روچے ہندو ایں جنینے گوں وتی جنیکّیں چُک ءَ کہ منا چہ یک دو سال مستر اَت سودائی ءَ اتکگ اَت. دُرّ ءُ منگلیک ہمے وڑیں دگہ بازیں چیزے گون اَتے. منی مات ءَ اِنچو زَر گون نیست اَت کہ منی تماے سرجم کتیں ءُ پہ من شش دانگ منگلیکے بہ زرتیں. من گریوگ ءَ اِتاں ءُ مات ءَ جَنَگ ءَ اِتاں. ہمے ہندو ایں جنین ءَ منا اے گوْشت ءُ منگلیک دات کہ مات ءَ مجن پرچا کہ مات ءَ مدام چیزّ ءَ را پُرشت ءُ پُروش ءَ چہ رکّینگ ءِ جہد کتگ. بَلّک ءِ ہمے گپ کہ " لبزانک ءَ مدام چیزّ ءَ را پُرشت ءُ پُروش ءَ چہ رکّینگ ءِ جہد کتگ " ءِ اِشکنگ ءَ پد دل ءُ ہیال ءَ لبزانک یک انچیں مہر چَکاریں ماتے ءِ درور ءَ اَت کہ مدام وتی لوگ ءُ چُکّانی ہیالے گوْرا اَت.. بہ بکش چوناہا منا تئی گپ ءِ نیام ءَ گپ کنگی نہ اَت، نی وا بوت، پدا تو ہم وتی ہمے کسّہ ءَ دگہ وہدے ہم سرجم کت کن ءِ. بلے اَنّی اے بابت ءَ تئی ہیال چی اِنت؟ من حیران اِتاں کہ چی بہ گوش آں....! پمیشکا من ہمے جست ہمائی ءِ جِند ءِ نیمگ ءَ لیٹینت ءُ جست کت کہ تئی ہیال اے بابت ءَ چی اِنت؟ آئی ءَ گوْشت لبزانک وابے، کشکے، دریاے، دگہ باریں چی پہ ترا بوت کنت، پہ من بس یک موسمے، یک انچیں موسمے کہ منا " من " کنت. اے نیمگ ءَ، بزاں کہ منی تہ ءَ ایوک ءَ اے جست پاد اَتکگ اَت کہ آئی ءَ کسانی ءَ لبزانک پرچا جنینے ءُ من پرچا مردینے ءِ درور ءَ جیڑ اِتگ اَت؟ من لوٹ اِت کہ ہمے جست ءَ وتی جنین ءَ بہ پُرس آں بلے آئی ءَ منی جست کنگ ءَ چہ پیسر گوْشت، راستیں ہمے ہندو ایں جنین ءِ چُک نی مزن اِنت سورے ہم کتگ ءُ دو جنکّیں چُکّے ہم ہست.. ہمے گپّانی کنگ ءَ چہ پد آئی ءَ وتی عینک کشت ءُ گوں وتی گشان ءَ ساپ کت.. منی نیمگ ءَ نہ چار اِت ءُ گوْشت، تو وتی کسّہ ءَ دگہ وہدے سرجم کن انّی منا کتاب وانگی انت...
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line