Author Topic: کـَـمـاشـی کـنَـگ مَـردءَ گِـراں کـَـپـت  (Read 1370 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
کـَـمـاشـی کـنَـگ مَـردءَ گِـراں کـَـپـت
ادبـی هـکـیـم
----------------------------------------
بـادشـاهءَ مـیـتَـگءِ تـہءَ پـیـلّے آورتءُ یَـلـہ دات ، اے پـیـلّءَ مـیـتَـگءِ مـهـلـوُک بـیـزار کـُـرت اَنـت ، یَـکـّےءِ چُـکّ ۓ لَـپـاشـت ، یَـکـّےءِ هَـرۓ جَـتءُ کـُـشـت ، یـکـّےءِ ڈگـارۓ سَـرءُ چـیـر کـُـرت ، مـیـتَـگءِ مـهـلـوُک وَتـی کـَـمـاشءِ گـورا شُـت اَنـت ، کـَـمـاشءَ گـوَشـت اَنـت بـیـا اِت مُـچّـیءَ بـادشـاهءِ گـوَرا رَوایـں آئـیءَ پـیـلّءِ بـاروا گـپ کـَـن ایـں ، آسَـرءَ کـَـمـاشءَ مـیـتَـگءِ مـهـلـوُک مُـچّ کـُـرت اَنـت ءُ درُهـا بـادشـاهءِ لـوگءَ پـیـلّءِ شـکـاهَـت کـنَـگءَ شُـت اَنـت ، اودا کـہ رَس اِتـنـت کـَـمـاشءَ جـار جَـت او بـادشـاه چـہ لـوگءَ دَرا بـیـا ادا مـارا گـوں تـو کـارے هَـسـت ، بـادشـاهءَ وَتـی لـوگءِ تـاگ پَـچّ کـُـرت ءُ گـوَشـت بَـچَـک تـو چے گـوَشـت ؟ کـَـمـاشءَ وَتـی پُـشـتءِ نـیـمَـگ چـاراِت کـَـس نـیـسـت اَت درُهـیـں مـهـلـوُک تـتـکـَـگءُ شُـتَـگ اِتـنـت ، نـوں کـَـمـاشءَ چـاراِت کـہ کـار هَـراب بـوُت آ ایـوَک اِنـت ، گـُـڑا کـَـمـاشءَ گـوَشـت واجَـہ اے پـیـلّ بَـزّگ اِنـت!!.. بـادشـاهءَ گـوَشـت پـیـلّءَ چـون اِنـت کـہ بـزّگ اِنـت؟ کـَـمـاشءَ گـوَشـت واجَـہ آ ایـوَک اِنـت تـو چـو بـہ کـن پـہ آئـیءَ یَـک مـادَگـیـں پـیـلّے بـیـار ، بـادشـاهءَ کـَهـکـَـهے جَـت ءُ گـوَشـت شَـرّاِنـت بـلے تـو آیـانءَ آپءُ کـاه بـہ کـن .
مـئے راج هَـنـچُـش اِنـت هَـر کـَـسءَ کـہ آئـیءِ کـَـمـاشـی کـُـرتَـگ آسَـرءَ شـومـاں بـوتَـگ .
 
[/b]