Author Topic: مـئـے مـارِشـت مُـرتَـگ اَنـت  (Read 14029 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
مـئـے مـارِشـت مُـرتَـگ اَنـت
« on: March 14, 2015, 05:40:38 PM »
مـئـے مـارِشـت مُـرتَـگ اَنـت
ادبـی هـکـیـم
----------------------------
شَـهـدوسـت : گـَـنـگـُـزار بـیـا هـال کـَـن مـهـلـوُک گـوَشَـگءَاَنـت کـہ مـاں شُـمـئـے دَمَـگءَ وَرنـائـے اِش کـُـشـتَـگ !!..
گـَـنـگـُـزار : چُـشـیـں هـال بـازاَنـت ، مـنءَ چـے کـاراِنـت!!..
شَـهـدوسـت : چـوں تـرا چـے کـاراِنـت!!.. اے وَرنـا اِش مـاں شـمـئـے مـیـتَـگءَ کـُشـتَـگ !!..
گـَنـگـزار : مـئے مـیـتَـگءَ مُـدام جَـنـگ ءُ چـوپ اِنـت ، مـنءَ گـوں آیـاں چے کـار اِنـت!!..
شَـهـدوسـت : گـَـنـگـُـزار اے وَرنـا اِش مـاں شـمـئے لـوگءِ تَـنـکءِ تـہءَ کـُشـتَـگ !!..
گـَـنـگـُـزار : مَـهـلـوُکءِ لاپ سـیـراِنـت ، مـنءَ چے کـاراِنـت !!..
شَـهـدوسـت : گـَـنـگـُـزار اے وَرنـا اِش مـاں تـئـی لـوگءَ کـُـشـتَـگ!!..
گـَـنـگـُـزار : هـاں ، اوه پَـہ مـن بـات ، مـنـی شَـهـبـانـز جـان اِش کـُـشـت!!..
[/b]

Offline Zahida Raees Raji

  • Administrator
  • *****
  • Posts: 7058
  • Karma: 356
    • Baask-Home of Baluchi Language, Literature & Culture
Re: مـئـے مـارِشـت مُـرتَـگ اَنـت
« Reply #1 on: March 14, 2015, 06:23:23 PM »

راست گوشئے برات۔ جوانیں آزمانککے تو نبشتہ کُتگ بلے سرھال ءَ کمے بدل بہ کن
چُش کہ ‘مـنءَ چے کـار‘ آزمانکاری ءِ تہ ءَ وشتریں چیز اش انت کہ وانوک چہ بندات ءَ آسر ءَ مہ زانت ءُ تئ سرھال چہ بندات ءَ گوشگ ءَ انت کہ کسہ یے آسر چے بوت کنت۔


Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #2 on: March 15, 2015, 10:25:18 AM »
پُـلّـیـں سَـلام ءُ دروُت
تـئـی چَـمـشـانـک ءُ رَهـشـونـیءِ مـنـتـواراں گـُـهـار ، دریـگـَـتے  اے نـبـشـتـانـک آزمـانـکے بـہ بـوُتـیـں اے نـبـشـتـانـک مـئے سَـسّـاهءِ مـارِشـتءِ مـروچـیـگـیـں هـال اِنـت مـئے مـهـلـوکءِ گِـهـار( ضـمـیـر) هَـنـچـو  مُـرتَـگ کـہ پـہ دگِـرءِ دَردءَ آئـیءِ دل پَـہ دَرد نـہ بـیـت بـلـئے وَهـدے کـہ آس مـاں آئـیءِ وَتـی جـنـدءِ لـوگءَ کـپ ایـت رَنـدا آ چـہ وَتـی جـاهءَ سِـرّایـت ءُ کـَـپ ایـت.
مُـدام سـلامَـت بـات اِت
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #3 on: March 19, 2015, 11:11:19 PM »
دیـنءَ گـوں سـیـاسَـت هَـوار کـنَـگ یـک زوراکـی یـے
-----------------------------------------------------
دیـنـی راجـدپـتَـرءِ تـهـا سَـرپَـدیـں زانـتـکـارانـی شَـورءُ سَـلاه بـازاَنـت لَـهـتـے گـوَش اَنـت کـہ سـیـاسـَتءِ زوراکـی چـہ دیـنـی زوراکـیءَ پـیـداگ بـوَتَـگ ءُ لَـهـتـے گـوَش اَنـت کـہ اے دوئـیـں بـرات اَنـت پـت اِش کـانـوُدءِ زوراِنـت ءُ مـات اِش روبـاهءِ سـیـاسَـت اِنـت دوئـیـنـانـی دَرمـیـانءَ تـپـاکـی هَـسـت ءُ اے هَـر دوئـیـں پـہ انـسـانءِ بَـزّگ کـنـگءِ هـاتـرءَ جـواں بـوُتـگ اَنـت دوئـیـں زوراکـیـں هـاکـُـم اَنـت یـکـّـے مـاں اِنـسـانءِ سَـرءِ مَـجَـگءِ تـهـا جـاگـاه کـَـنـت ءُ یَـکـّـے مـاں اِنـسـانءِ دلءِ تـهـا جـاگـاه کـنـت یَـکـّے تُـرسـیـن ایـت ءُ دومـی مَـیـارجَـلّـی کـنـت ، اوَل انـسـانـانءَ مـاں دیـنـی وانـگـجـاهـاں وانـیـن اَنـت آیـانءَ تُـرسـیـن اَنـت کـہ چـہ هـاوَنـدءِ زوراکـی وَتءَ دوُر بـہ داراِت پَـرچـا کـہ شـمـا نـہ زان اِت کـہ هـاوَنـدءِ زور چـیـنـچُـک انـت آ شـمـارا تـبـاهءُ بَـربـاد کـنـت رَنـدا پَـدا گـوَش اَنـت کـہ واجَـہ مُـلاّ پـلانـی گـوں هُـاوَنـدءَ سَـکّ نـزّیـک اِنـت اَگـاں شـمـا واجَـہ مُـلاّ پـلانـیءِ مـولءُ مُـرادءَ بـہ مَـنّ اِت ءُ اَنـجـام بـہ دَے اِت گـڑا واجَـہ مُـلاّ پـلانـی شـمـارا چـہ هـاوَنـدءِ زوراکـی رَکـّـیـن ایـت پـیـسَـرا یـهـودی ءُ بـوُدیءُ هـنـدو مَـهـزَبءِ مـهـلـوک هَـمـے رَهـبَـنـدءَ بُـنـگـیـج کـُـرتَـگ رَنـدا ایـسّـائـی ءُ پـارسـی مَـجـوسـی ءُ لَـهـتـے مُـسُـلـمـان هَـم هَـمـے رَهـبَـنـد زُرتَـگ ءُ دَنـیـگـا رَوَگءَاَنـت انُـسـانـانـی دیـمءَ هـاوَنـدءِ نـیـمَـگءِ دروازَگءَ بَـنـد کـن اَنـت پَـدا چـہ وَتـی نـیـمَـگءَ هـاونـدءِ پَـهِـلّ ءُ دَرگـوَز کـنَـگءِ دگـہ یَـک دروازگـے پَـچ کـن اَنـت انـسـانءَ چـیـزے زَرّ گِـراَنـت ءُ رَنـدا آئـیءَ گـوَش اَنـت تـو بُـرو مـا چـہ هـاوَنـد دُوا لـوٹ ایـں آ تـئـی گـُـنـاهـاں تـرا پـهِـلّ ءُ دَرگـوَز بـہ کـنـت جـار جَـن اَنـت کـہ چـہ هـاوَنـدءِ شِـزاءَ رَکـّگءِ رَهـبَـنـد هَـمـش اِنـت بـلـئے چُـشـیـں رَهـبَـنـد انـسـانءَ اَبـدال ءُ بـے هـوسـت کـن اَنـت پَـمـشـا کـہ چُـشـیـں رَهـبَـنـد اِنـسـانءُ هـاوَنـدءِ دَرمـیـانءَ یَـک دَروازَگـے جـوان کـنـت کـہ آئـیءِ کـلـیـت مُـلاّ ءِ دَسـت بـہ بـیـت ءُ مُـلاّ زوراکءِ سـیـاسَـتءِ گـُـلام بـہ بـیـت.
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #4 on: March 20, 2015, 07:53:47 PM »
بـاز دیـرءَ رَنـد یـک روچـے مـنءُ مـنـی سَـنـگـتےءِ سَـر مـاں " مَـنـد - سـوروُ " ءِ بـازارءَ کـپـت اودا مـن چـاراِت کـہ سَـلّـهـیـں راه ءُ رَهـبَـنـد نـیـسـت اَت اودا سـیـریـں مـردُم بـاز هَـسـت اَت بـلـئے اودءِ مـردُمـانءَ دیـمـرَویءِ پَـسُـنـد نـیـسـت اَت پَـسءُ گـوک شَـهـرءِ تـهـا یـلَـہ اِتـنـت اگـاں مـا کـَـمّے نـاهَـیـال بـہ بـوُتـیـن ایـں اودءِ پـس ءُ گـوک مـئے پـشـکـانـی دُمـبُـلءَ چـہ پُـشـتءِ نـیـمَـگءَ وارتَـگ اِتـنـت گـوات کـہ کـَـشّ اِت تَـنـکـانـی سِـلّـیـں هـاک ءُ لَـنـش مـاں هـوٹـل ءُ دُکـانـاں گـوَزَگءَاِتـنـت بـازار مَـزَن اَت بـلـئے چَـمّ پـہ ڈولـدار ءُ زیـبـداریـں جـاهـے نـہ کـَـپـت مـنـی سـنـگـَـتءَ چـہ مـن جُـسـت کـُـرت اگـاں مـئے مُـلـک روچے آجـو بـہ بـیـت گـڑا مـئے اے راج وَتـی مُـلـکءَ چـوں داشـت کـَـنـت؟.
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #5 on: March 21, 2015, 01:50:29 PM »
مـیـتَـگءَ اَنـاگـَـہ جـاکءُ سَـلـواتے بُـنـاه بـوُت مـهـلـوُک چـہ لـوگـاں دَرآتـک ءُ جـاکءِ پَـد ءُ سَـر کـنَـگءَ شُـت اَنـت اودءَ آیـانءَ دیـسـت جَـنـوزامـیـں زالے وَتـی وَرنـائـیـں زَهـگءَ جَـنَـگءُ چـوپَـگءَاَت مـهـلـوُکءَ جُـسـت کـُـرت تـو اِشـیءَ پَـرچـا چـو جَـنَـگءَ ئَے؟ زالءَ گـوَشـت اے کـَـمـبَـهـتءَ وَتـی کـَـلـمـانـٹـیـں گـُـهـارءِ پَـشـک بُـرتَـگءُ بُـهـا کـُـرتَـگ مـنءَ تُـرس ایـت یَـک روچے اے گـنـوک وَتـی گـُـهـارءَ بُـهـا مـہ کـنـت اِشـیءَ هـیـروُئـیـن گـنـوک کـُـرتَـگ شـمـا بـیـااِت اِشـیءَ سَـرپَـد بـہ کـَـن اِت بـلـئے مَـهـلـوُکءَ درُهـا وَتـی چَـمّ جَـهـل کـُـرت اَنـت ءُ پَـدا مـاں وَتـی لـوگـاں پُـتـرت اَنـت .
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #6 on: March 23, 2015, 10:08:48 PM »
یَـکـدگِـرءِ دل کـہ دوُر بـہ بَـنـت
ادبـی هـکـیـم
---------------------------------
هَـکـیـمـے راهـے رَوگءَ اَت آئـیءَ دیـسـت دو کـَـس وَت مـاں وَت جـاک جَـنَـگءَاَنـت ، هَـر یَـکـّـے آدگـرءِ سَـرا زَهـر گـپـتَـگ ءُ جـاک جَـنـگءَ اِنـت ، هَـکـیـمءَ آ دوئـیـں کـَـس جُـسـت کـُـرت اَنـت ، شـمـا دوئـیـں کـَـس یـکـدگـرءِ کـشءَ اوشـتـاتَـگ اِت گـڑا پَـرچـا یـکـدگـرءِ سَـرا جـاک جَـنَـگءَ اِت ؟ مَـن چـہ دوُر شُـمـئـے گـپ اِشـکُـتَـگ اَنـت !!.. شُـمـا چـوں چـہ نَـزّیـک یَـکـدگـرءِ گـپـاں نَـشـکـُـنَـگءَ اِت ؟ زانءَ شُـمـا دوئـیـں چـہ گـوشـاں کـَـرّاِت؟ آ دوئِـیـنـاں گـوَشـت اِنّـاں واجَـہ مـا چـہ گـوشـاں کـَـرّ نَـئـیـں ، هَـر یَـکـےءَ گـوَشـت مـن هَـرچـا کـہ جـاک بـہ جَـنـاں آدگـہ مَـرد مـنـی گـپـاں سَـرپَـد نـہ بـیـت !!..هَـکـیـمءَ گـوَشـت پـمـشـا کـہ شُـمـئـے دل چـہ یـکـدگِـرءَ سَـکّ دوُراَنـت ، اگـاں شـمـئـے دل گـوں یـکـدگِـرءَ نَـزّیـک بـہ بـوُتـیـن اَنـت شـمـا یـکـدگـرءِ نَـرمـیـں گـپـاں سَـرپَـد بـوُتَـگ اَت اِت ، شـمـا اول وَتـی دلاں گـوں یَـکـدگِـر نـزّیـک بـہ کـن اِت ، رَنـدا شُـمـئـے گـوش شـمـئـے نَـرمـیـں گـپـاں شَـرّیءَ اِشـکـُـن اَنـت گــڑا شـمـارا هـجـبَـر جـاکءِ جَـنَـگ اَزکـار نـہ بـیـت.
چـہ اے گـپ زانَـگ بـیـت کـہ مـا بـلـوچـانـی دِل چـہ یـکـدِگِـرءَ سَـک دوُراَنـت تـو هَـرکـَـسءَ شـرّیـں سـوجے بـہ دَے ئَے آ پـہ تـئـی جَـنَـگءَ لاکـارایـت.
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #7 on: March 27, 2015, 05:44:37 PM »
مَـروچـی هَـمـا روچ اِنـت کـہ چـہ مـئے نـاتـپـاکـی زوراک سـوبـمـنـد بـوُت اَنـت مـروچـی هَـمـا روچ اِنـت کـہ مـئے بـلـوچـانـی تُـپـاکـیءِ سَـپـاں پـرُشـت اَنـت مـروچـی هَـمـا روچ اِنـت کـہ دُژمـنءَ مـئے گـَـردِن گـوں اِسـلام ءِ زَهـم جَـتءُ سِـسـت مـروچـی هَـمـا روچ اِنـت کـہ مـئے مـات بـلـوچـسـتـانءِ شَـرَپ پـولِـنـگ بـوُت مَـروچـی هَـمـا روچ اِنـت کـہ مـئے نـاشَـریـں سَـردارانءَ مـئـے مـات بُـهـا کـُـرت مـروچـی هَـمـا روچ اِنـت کـہ مـئـے بـلـوچـی ازّت ءُ شـرَپ گـوں هـاکـاں هَـوار بـوُت مـروچـی 1948/03/27 ءِ روچ اِنـت اے سـیـاهـیـں روچءَ هِـجـبَـر مـہ شَـمـوش اِت.
ادبـی هـکـیـم

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #8 on: March 29, 2015, 07:25:52 PM »
کـَـهـوُر تـو بـچـار اے دوئـیـں گـوَنـڈوُ سُـهـبـیـگـیـنے ادا نـشـتَـگ ءُ گـوازی کـنَـگءَ اَنـت کـتـاب اِش اودا دَور داتـگ اَنـت وَتـی گـُد اِش گـوں هـاکـاں مـیـن کـُـرتـگ اَنـت تـو بـچـار آ گـونـڈتـریـں چُـکّءَ سـگـریـٹے بُـن داتـگ سـگـریـٹ کـشّـگءَ اَنـت ءُ مـئے مـیـتَـگءِ مـهـلـوُک چـہ هَـمے راهءَ رَوَگءَ آیَـگءَاَنـت بـلـئے کـَـسـے اِشـانءَ نـہ ڈوبـارایـت اے چُـکّ هَـمے مـیـتَـگءِ چُـکّ اَنـت بـلـوچـسـتـانءِ آیـوکـیـں نـسـل اَنـت بـچـار کـَـهـوُر هَـمے پـیـم مـئے چُـکّ سِـلّ بَـنـت مـروچـی مـن تـئـی چُـکّءِ رَدیءَ گِـنـداں ءُ هـچّ نـہ گـوَشـاں بـانـدات تـو مـنـی چُـکّءِ رَدیءَ گِـنـدئَے ءُ هـچّ نـہ گـوَش ئَے هَـمے پـیـم مـیـتَـگءِ درُهـیـں چُـکّ سِـلّ بَـنـت اے هَـمے چُـکّ اَنـت کـہ بـانـدات ءَ وَرنـا بَـنـت رَنـدا تـیـوَگـیـں مُـلـکءِ چـاگِـردءَ گـَـهـیـن اَنـت اگـاں مـنءَ تـئـی چُـکّءِ گـَـم پـر بـہ بـیـت ءُ تـرا مـنـی چُـکّءِ گـَـم پـر بـہ بـیـت درُهـیـں چُـکّ شَـرّ بَـنـت ءُ بـانـدات ءَ یَـک پَـلـگـاریـں چـاگِـردے جـوان کـن اَنـت رَنـدا مـئے مُـلـکءُ راج دیـمـروی کـن اَنـت بـلـئے اے گـونـڈوُ کـہ مـروچـی سـگـریـٹ کـَـشّـگءَاَنـت اِشـاں بـانـدات چَـرسّ کـَـش اَنـت ءُ پـونـشـی هـیـروئـیـنـی بَـنـت.
ادبـی هـکـیـم
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: مـئـے مـارِشـت مُـرتَـگ اَنـت
« Reply #9 on: April 01, 2015, 08:04:15 PM »
هِـچّ نَـگـوَشـوکـیـں مـردُم دومـی شَـیـتـان اَنـت
ادبـی هـکـیـم
----------------------------------------------
زَمـانـگ مـارا بـاز بَـلَـد کـُـرتـگ ءُ اے گـپءَ مـا زان ایـں کـہ مـاں دُنـیـا ءَ هِـچّ راجـے چـسـت نـہ بـوُتـگ تـاں کـہ یَـکـّے چـہ آ راج‏ءِ مـردُمـاں اولءَ چـسـت نـہ بـوُتـگ ءُ اے کـار مـاں بـاز مُـلـکءِ تـهـا بـوُتـگ رَنـدا آ مُـلـکـانـی راج سـوبـیـں بـوُتـگ اَنـت اگـاں مـا شـرّ بـہ چـارایـں مـئے راجءِ تـهـا هَـم بـاز شَـرّ کـنـوک آتـکـگءُ شُـتَـگ اَنـت گـوں وَهـد ءُ زَمـانـگءِ گـوَزَگءُ رَوَگءَ بـلـوچـسـتـانءَ بـاز نَـرشـیـر پـیـداگ کـُـرتـگ بـلـئے بـژن اِنـت کـہ آ مـاں گـُـربَـگءُ روبـاهـانـی درمـیـانءَ وَتـی زنـد گـوازیـنـتـگ اَنـت هَـرچ وَهـدے کـہ آیـانءَ سَـرجَـهـلـیءِ زنـد تَـوریـنـتَـگ گـڑا آیـانءَ شـیـری گـُـرّگـے جـتـگ ءُ پـاداتـکـگ اَنـت بـلـئے بـژن اِنـت کـہ آ نـرشـیـرانـی گـُـرّگءِ تـوار مـاں تـرسـوکـیـں پـشـُکـانـی مـیـو مـیـو ءُ چـالاکـیـں روبـاهـانـی هـوُلاّسَـگـاں گـار بـوُتـگ اَنـت مـئے هَـرچ نَـرشـیـرےءَ یَـک راجـی ءُ مُـلـکـی واهَـگے بـوُتـگ مـئے هَـرچ نـرشـیـرےءَ یَـک نـوکـیـں پـگـرے گـوں بـوُتـگ مـئے هـرچ  نـرشـیـرےءَ یـک نـوکـیـں بَـدَلـی یـے کـارَگـی بـوُتـگ بـلـئے مـئے مُـلـکءِ دومـی شـیـتـانـانـی سَـوَبءَ آئـیءِ شَـرّیـں پـگـر ءُ آئـیءِ شـرّیـں واهَـگ ءُ آئـیءِ شـرّیـں بـدَلـیءِ نَـکـش مـاں آئـیءِ وَتـی سـیـنَـگءِ تـهـا نَـکـش بـوُتـگ رَنـدا آ کـُـشَـگ بـوُتـگ ءُ مـاں گـورجـاهےءَ گـوں مُـرتـگـیـں پـشّـُـکءُ روبـاهـاں کـَـلّ کـنَـگ بـوُتـگ مـروچـی هَـم مـئے مُـلـکءِ تـهـا بـاز نـرشـیـر هـسـت اَنـت بـلـئے تُـرسَـگءَ اَنـت کـہ مُـهـیـم هـانءِ پَـیـمـیـں هَـمـبَـلے آئـیءَ چـہ پُـشـتءَ مَـہ جَـنـت یـاں زوراکءِ دگے ڈلـّـُکـے آئـیءِ وابـجـاهءِ نـشـانـیءَ زوراکءَ مـہ دَنـت – مـن شـمـارا کـَـمّ گـوَشـاں بـلـئے شـمـا بـاز بـہ پَـهـم اِت اے مـئے پـشّـُـکءُ روبـاهـی زنـدءَ بـاز دیـر گـوَسـتـَگ ، نـوں یـک اِنـسـانـی زنـدے پـہ وَت بـہ لـوٹ اِت.
[/b]