Author Topic: استاد عابدآسکانیءِشرپءَ شاهی دیوان. عبدالوهاب بلوچ(ایران نژاد  (Read 2240 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7078
  • Karma: 356
    • Baask-Home of Baluchi Language, Literature & Culture
استاد عابدآسکانیءِشرپءَ شاهی دیوان

سدبرءَ ریپینتگ دلی دوستان/عابدءِڈولین دل سَپا نیست اِنت.

چه یک ماهے پیش استاد عابدآسکانیءِ شرپءَ دیوانے چنءُ لانچءَ بنگیجون کت.اِے دیوان زیگ آسر بیت.استاد عابد گیشترءِ لایق اَت،بلے واے بے وسی. دیوانءَ بلوچی زبانءُ ادبءِ دوزواهان یک جوانین رنگے بهرزرتگ اَت.چه سرباز،پهره،پیشّن،بریس،کنرک،واش،گِه،پسابندرءُ چهبارءِ مردمان بلوچی زبانءِ مزن نامین شائر،کوّاسءُتنزنبیسءِ کوهین هاترءَ دیوان شرپدار کتگ اَت.اَلبت بلوچی زبانءِ لهتے دپی دوستان که اِے مزنین دیوانءِ بهرزیرگ نصیب اِش نه بیتگ اَت،پَشل پَشلءَ گوشتگ اِش ما سهیگ نه بیتگین.دیوان بے آیان کلنڈءُ هورک نه بیت.هرکس زانت که ما چه ماهے پیش دیوانءِجار جتگ اَت.فیس بوک،واتساپ،اس.ام.اسءَ اَبید ما چه ده روچءَ پیش شهرءِ ده جاگاهءَ مزنین بینر جتگ اَت.دیوان بیگاهءِ سَیءَ بنگیج ءُشپءِ هشتءُنیمءَ آسر بیت.آتکگین بلوچ براتءُ گهاران هنچو په مهرءُ واهگ آتکگ اتنت که دان گُڈی دمانءَ چه دیوانءَ چست نه بیت اَنت.شامءَ رند دگه یک شعری دیوانے تیسءِ تیابءَ "براسان هوٹل"ءَ برجم بیت که بازینے بهر زرتگ اَت که شپءِ ساهت دوازدهءَ آسر بیت.بیگاهءِ دیوانءَ استاد عابدءِ شاعریءُ ادبی برزین بالادءَبابتءَ، واجهان:دکترجهاندیده،دکترمحمودزهی،غلام حیدرکزوری،علی بکش دشتیاری،غوث بهار،عابد بارکزهی،حمیدالله سردارزهی،میرین آسکانیءُ عبدالحمید ایران نژادءَ نبشتانک ونت.مهندس دادکریم بلوچ چهبارءِ شهردار،دوست محمدبلوچ شهر شوراءِ باسکءُمحمدفاروق هوت بلوچی لبزانکی گلءِ پاگواجهءَ گوشتانک دات.وحیدبلوچ ورناین گوشنده استادعابدءِ یک دستونکے گون وتی وشین توارءُبلوچی سازان دیوانءَ پیش کت.اسحق مزارءَ شاعرءِ شعرے گون بلوچیءِ کلاسیک سازءُ طرزان جتءُ چه دیوانءَ دادگپت.همےدیوانءَ زبانءُ ادب دوستان جارجت که استاد عابدءِ شش چاپ نه بیتگین کتابابانی هرجءُ درجءَ دینت.استاد عابدءَ هر نبشتانکے رند دیوانءِ دلگوش گون وتی تنزین شعرءُ بے درورین دستونکان ترّینتءُ دیوان جاه گون چاپانی توارءَ جکسینت.زیگین روچءَ گوش ےمنی کوپتے سبکءُ آسیدگءُمنی دیریگین واهگءُ اَرمانے پوره بیت.قول استاد عابد چو مه بیتین که:"مُرتگان عابد جَه جتگ بهتءَ/کوپگان جامی زرتگ کوّاسان/ اِے شاهی دیوانءَ بازین دوستءُ دزبرادر ے ماراکمکءُ مدتءُجیءُ جان کت که ماآیانی مهرانی بندیگءُ منّت وارین،که لهتے گچینی نام ایش اَنت:
چهبارءِشهرداریءُشورا،بلوچی لبزانکی گل،موسسه آهنگ بلوچ،ساحلءِ مکرانءِ سازءُ زیملی انجمن،واجه حمیدالله سردارزهی،عبدالسلام پاکزاد،دکتراوزیربلوچ،مولابکش رییسی،جُنیدبلوچ،مهندس مبارکی،عظیم بلوچ،عیسی صادق زاده،غلام بهار،محمددین دشتی،ناکوولی محمددشتی،شے خالد،امام آزاد،احمدبهرمند،ماسٹررشید،حمیدموج،اسلم رییسی،ظارق حسین هوت،بهادرنادری،مهندس آصفی،عبدالستارباشنده،نصیربارکزهیءُعلی شیدارییسی.

بلوچی زبانءِ هزمتکار
عبدالوهاب بلوچ(ایران نژاد)
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line