کــرگــوشـک و پــــیـــــل
*****************
رجانکار: کریم بلوچ ۔ تھل
لاگریں کرگوشکے گوں پزّوریں پیلے سنگت بوت . یک روچے کرگوشک چه پیل ءَ سوج کت :
ـ واجه پیل توپگاه ءَ چے کن ئے ؟
پیل ءَ پسو دات :
ـ من جـَـرّ و کاهاں سِنداں وراں !
تو چاشت ءَ چے کن ئے ؟
ـ جـَـرّ و کاهاں سِنداں وراں !
تو بیگاه و دیگر ءَ چے کن ئے ؟
ـ من جـَـرّ و کاهاں سِنداں وراں !
تو شام ءَ چے کن ئے ؟
ـ جـَـرّ و کاهاں سِنداں وراں !
ـ تو گڑاں کدیں ورگ ءَ بس کن ئے ؟
ـ وهدے که سیر به بیاں !
تو کدیں سیر بئے ؟
ـ هچ وهد من سیر نه بیاں !
