Author Topic: ماں پہرہ ءَ بلوچی زبان ءِ تنز ءُ گوشکندی مراگش  (Read 1592 times)

0 Members and 1 Guest are viewing this topic.

Offline omidbalochistani

  • بلوچ وب
  • Junior Baask
  • **
  • Posts: 10
  • Karma: 0
  • بلوچ وب
    • بلوچ وب

 [durdanagen-braat] [durdanagen-gohaar] سلام علیکم

بلوچی زبان ءِ شھسسّا ، تنز ءِ پڑا عبید زاکانی ءُ پروین اعتصامی ءِ ھمدرور ، استاد عابد آسکانی ءِ شان ءِ مزن دارگ ءَ پہرہ ءِ ورنایانی دلی واھگ ءِ پدا مستریں راجدپتری مراگش چہ ادب ءُ دود ءُ ربیدگ ءِ پھازوک دوستاکیں ادارہ ارشاد اسلامی ، فرمانداری ، شورای شھر ءُ شھرداری ءُ آھنگ بلوچ ءِوشتبیں زھمت کشّیں ورنایانی جُھد بے کچّیں واھگانی پدا بے دروریں مراگشے رمس پّشمبے ، 17 اردیبشت 1394 ، ھمدپ گوں 7 مئی 2015 ،صباح ءُ بیگاہ ءَ پہ شان ءُ شوکتے برجم دارگ بیت کہ چہ زرگوریں چھبار ءَ واجھان علی بخش دشتیاری ، مولابحش رئیسی ، نظر محمد نظر ، ابراھیم عابد امیری ، ماسٹر رشید ،.محبوب فائز ءُ سنگتان ، چہ باگیں سرباز ءَ ، عارف سربازی ، محمد سلیم پسند ، برکت برجان، عبدالباسط بیدخ ، ایوب ایران نژاد ءُ عبدالقادر دینارزھی گوں سنگتاں ؛ چہ پلّیں سراوان ءَ مھندس محراب امراء، محمد سعید دھواری ، یاسیں پسکوھی ، ادریس دُراّزھی ، خسرو سیاھانی ، واجہ دھواری ، ءُ عبدالسلام بلوچ زادہ گوں سنگتاں. چہ پہرہ ءَ دکتر موسی محمودزھی ، استاد عبدالحمید ایران نژاد ، گُل محمد دامنی ، ادھم شمسائی ، نادر کاوسی ، حاجی غلام حیدر کزوری ،فرماندار واجہ نبی بخش داودی ، شہردار واجہ انوش امینی فرد ، رئیس شورای شہر علیرضا فرخنیا ، استاد رسول بخش کشاورز ، ابراھیم ساویز ، عبدالناصر امیریان ، محمد دین دشتی ، ءُ چہ زاھدان ءَ واجہ بھادر نادری ، عبدالسلام بزرگزادہ ، رئیس صدا و سیما ، واجہ کردستانی ، عبدالرحمان حواشی ، . چہ زابل ءَ جھان تیغ ، بانک سنچولی ، خلیلی ءُ چہ میرجاوہ ءَ بلال ریگی ءَ بھر زرت.
شاھران تنزی شئر ونت ءُ کماشان گشتانک دات کہ ھر یکے گوشے چنادگر ءَوشترات بلے استاد عابد آسکانی ءِ تنزی شئرانی تام دگری ات کہ دیوان ءِ ژندی درآتک.
آھر ءَ چہ درستاں درچتگیں تنزی شئران چار شاھر ءَ داد دیگ بیت. اولی رتبہ واجہ برکت برجان. دومی لمبر محبوب فائز ، سیمی لمبر بلال ریگی ءُ سعید دھواری ءَ دیگ بیت انت.
استاد رسول بخش کشاورزی بیست سال ءِ زھمتانی برورد ، شش ھزار ءُدوسد ءُ چلّ ءُ سئے بتلانی وانگی کہ 428 تاکدیم انت ءِ دیم درائی بیت. کہ اے وانگی سد ستائے لائک انت.
اے بلاھیں دیوان ءَ سدانی حساب ءَ بھر زوروکان پہ سبارگ ءَ مھمان جلّیں  فرمانداری ءُ پہ شام ءَ شھرداری ءِ مھمان ات انت. مھمان جَلّ ءُ ما درستاں چہ دلی جُھلانکیاں درستیں بھر زوروکیں گرانمھزبیں مھمانان ءُ بھر زوروکانی منّتواریں.
مراگش ءِ دگہ وشتریں گپّ پہرہ ءِ ادب دوستاں ، چھباری ادب دوستیں براتانی مھر ءُ واھگ سرجم کت کہ استاد عابد آسکانی ءِ بچّتگیں وانگیانی چاپ ءُ شنگ ءِ گرانیں بار پہ نزوریں کوپگاں زُرت.
دکتر موسی محمودزھی ، مھندس انوش امینی فرد ، (شھردار) ،دکتر محمد امین امینی فرد ، دکتر عبداللہ نخعی ، ءُ واجہ عبدالرشید دُرھانی ءَ یک یک وانگی ءِ چاپ ءُ شنگ کنگ ءِ ڈُبّہ زُرت.
فرماندار ایرانشھر واجہ داودی ءُ فرماندار سرباز واجہ یوسفی ءَ استاد عابدی پشتکپتگیں درستیں وانگیانی چاپ ءُ شنگ کنگ ءِ ڈُبہ زُرت کہ نبیسگ پہ عابد ءُ چاپ پہ ما.
ما سرجمیں بلوچ راج پہ وتی ادب دوست ءُ مزن واکدارانی دورگندیں پگر ءُ راجی مھر ءُ واھگاں مزن دارین ءُ دعا کنیں کہ آیانی سارتیں ساھگ ھر وھد بلوچ راج ءِ سرءَ ساھیل بات ءُ دین ءُ دنیای ءَ پہ مراد بات انت.  ھنچو بات.



 baloch-raaj-e-tepaaki-loutouk
وبتاکء شنگ کنگء جاه
بلوچ فرے ویب پیج شنگ کنگ جاہ
www.balochweb.com