Welcome,
Guest
. Please
login
or
register
.
1 Hour
1 Day
1 Week
1 Month
Forever
Login with username, password and session length
News:
Home
Forum
Help
Search
Calendar
Login
Register
Baask- Home of Balochi Language, Literature & Culture
»
Balochi Literature بلوچی ادب
»
بلوچی لبزانک، چمشانک ءُ ﺁزمانک
»
باسکانی دیوان ءِِِِِ بلوچی نبشتہ کار
Balochi writers of Diwwan
»
رودیــنــگ ءِ دَرمــانــجــاه
« previous
next »
Print
Pages: [
1
]
2
Go Down
Author
Topic: رودیــنــگ ءِ دَرمــانــجــاه (Read 16457 times)
0 Members and 1 Guest are viewing this topic.
Adabi Hakim ادبی ھکیم
Balochi Zaantkaar
Posts: 1183
Karma: 44
رودیــنــگ ءِ دَرمــانــجــاه
«
on:
July 04, 2015, 09:52:36 PM »
رودیـنَـگ ءِ دَرمـانـجـاه ( بَـهـر- 1 )
رجـانـک : ادبـی هـکـیـم
-----------------------------------
اگـاں تـو دیـسـت کـہ تـئـی چُـکّ گـریـوَگ اِنـت پـہ آئـیءِ سَـهـریـنَـگ وَتـی وَهـدءَ مـہ بـاهـیـں آئـیءَ بُـگـوَش آزمـانءِ نـیـمَـگءَ کـپـودَرے یـاں جَـمـبَـرے چـارایـت رَنـدا گـریـوَگءَ بَـسّ کـَـنـت پَـرچـا کـہ اِنـسـانءَ جَـهـلءِ چـارَگ گـیـشـتـر گـریـوائـیـن ایـت.
اَگـاں تـو بـہ لـوٹ ئَے کـہ زَهـگـاں وَتـی لَـیـب کـنَـگءَ آسَـر بـہ کـن اَنـت گـڑا تـو آیـانءَ مـہ گـوَش لَـیـبءِ کـنَـگءَ بَـسّ بـہ کـن اِت آیـاں بُـگـوَش پَـنـچ دَمـان پَـشـت کـَـپـتَـگ رَنـدا بُـگـوَش دو دَمـان پـشـت کـَـپـتَـگ پَـدا رَنـدا بُـگـوَش نـوں شـمـئے لَـیـبءِ کـنَـگ آسَـر بـوُت .
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #1 on:
July 04, 2015, 09:54:05 PM »
رودیـنَـگ ءِ دَرمـانـجـاه ( بَـهـر- 2 )
رجـانـک : ادبـی هـکـیـم
-----------------------------------
تـو وَتـی زَهـگـاں بُـگـوَش شـپءَ مـاهَـلّـہ بُـوَپـس اَنـت سُـهـبءِ نـُـمـازءَ پـاد آیَـگـی اِنـت اِے پَـیـم چـہ کـَـسـانـی آ وَتـی دیـنءِ پـابَـنـد بَـنـت ءُ رَنـدا دُنـیـا ءُ کـیـامَـتءِ پَـجّـارءَ زان اَنـت .
آیـانءَ نـُمـازءَ رَنـد مـاهَـلّـہ نـاشـتـہ بُـواریـں تـاں اَگـل ءُ جـان بـہ رودیـن اَنـت رَنـدا آیـانءَ بُـگـوَش کـہ وَتـی وانَـگءِ کِـتـابـانءَ بُـوان اَنـت ءُ یـات بـہ کـن اَنـت سُـهـبءَ کـتـابءِ وانَـگ پـہ زَهـگـاں بـاز شَـرّاِنـت.
گـوں وَتـی زَهـگـاں وَتءَ وَشّـهـال بـہ کـَـن آ تـئـی وَشّـهـالـیءَ گِـنـداَنـت مـاراَنـت کـہ تـو پـہ اے وَشّـهـالـیءَ جُـهـد کـنَـگءَئے روچ زوُت گـوَزاَنـت ءُ رَواَنـت زَهـگ زوُت مَـزَن بَـنـت بـلـئے تـئـی مـروچـیـگـیـں جُـهـد گـوں تـئـی زَهـگـاں یَـک وَشّـیـں یـاتے مـان ایـت تـو گـوں وَتـی زَهـگـاں وَتءَ یَـک کـسـانـیـں زَهـگے بـہ کـن ءُ گـوں آیـاں لَـیـب ءُ گـوازی بـہ کـَـن لَـیـبءُ گـوازیءِ وَهـد وَتـی زَهـگـانءَ زانـت ءُ زانِـش ءِ کـَـدر ءُ اَدَب ءِ دیَـگءَ هَـم بـلَـد بـہ کـن .
وَتـی سَـنـگـَـت ءُ بـراهُـنـدگـاں سَـرپَـد بـہ کـَـن کـہ تـو اِے وَهـدءَ گـوں وَتـی زَهـگـاں گـوازیـنـگءَ ئَے تـاں کـہ آ تـئـی زَهـگـانـی وَشّـهـالـی راهءِ شَـنـکّ مـہ بَـنـت ءُ تـرا چـہ آیـاں دوُر مـہ بَـراَنـت.
مُـدام چـہ پـاکـیـں هُـدا دُوا بـہ لـوٹ کـہ هُـدا تـرا ءُ تـئـی زَهـگـانءَ مـاں اے دُنـیـا ءُ مـاں آ دُنـیـا کـامـیـات بـہ کـَـنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #2 on:
July 05, 2015, 10:16:06 PM »
رودیـنَـگ ءِ دَرمـانـجـاه ( بَـهـر- 3 )
ادبـی هـکـیـم
-----------------------------------
اَگـاں زَهـگـان ءَ دروگ بَـسـت گـڑا تـو آیـانـی دروگ بَـنـدَگءِ سَـوبءَ در بـہ گِـیـج چـونـاهـی زَهـگـانـی دِل سَـپـا اَنـت آ چـہ وَتـی بـے وَسـی دروگ بَـنـداَنـت مـسـالـے اِش اِنـت کـہ تـو پـیـسَـرا جَـتـگ اَنـت بَـلـکـیـں آ چـہ تـو تُـرس اَنـت چـہ تـو ایـمَـنـی نـہ گِـنـداَنـت پَـمـش ءَ دروگ بَـنـداَنـت نـوں تـو آیـانءَ ایـمـنـی بـہ دَے آیـانءَ راسـت گـوَشـگءِ سَـر ءُ سـوج بـہ کـن تـو آیـانءَ سَـرپَـد بـہ کـن کـہ دروگـبَـنـد شَـیـتـانءِ دوسـت ءُ هُـدا ءِ دُژمِـن اَنـت آسَـرءَ دروگءِ بُـن ٹـنـگ بَـنـت ءُ وَتـی تـهـاریءَ پـیـش داراَنـت بـلـئے راسـتـی مُـدام راسـت اِنـت آئـیءِ دروشُـم یَـکـّےءُ مُـدام روژنـا اِنـت .
اَگـاں تـئـی زَهـگ تـرُنـد آس اَنـت ءُ زوُت زَهـر گِـراَنـت ءُ زَهـر بَـنـت گـڑا تـو آیـانـی سَـراں زَهـر مـہ گِـر زَهـگ چـے گِـنـداَنـت هَـمـائـیءَ کـَن اَنـت اگـاں زَهـگـانءَ تـرا دیـسـتَـگ کـہ تـو آیـانـی مـاتءِ سَـرءَ زَهـر گـپـتَـگ ئے گـُـڑا آ تـئـی سَـرءَ زَهـر گِـراَنـت نـوں آ تـرا وَتـی ءُ وَتـی مـاتءِ دُژمِـن گِـنـدَگءَاَنـت نـوں تـو وَتءَ آیـانـی سَـراں مِـهـربـان بـہ کـَـن زَهـگـانـی دیــمءَ آیـانـی مـاتءَ دوسـت بـدار گـوں آیـانـی مـات وَشّـیـں گـپ بـہ جَـن زَهـگـانـی دیـمءَ آیـانـی مـات بـہ کـَـنـدایـت گـَـل ءُ شـاداں بـہ بـیـت رَنـدا زَهـگ وَتـی تـرُنـد آسـیءِ تَـبءَ کـَـمّ کـَـمّ بَـدَل کـن اَنـت .
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #3 on:
July 06, 2015, 02:52:11 PM »
زَهـگـانـی رودیـنَـگ ءِ دَرمـانـجـاه ( بَـهـر- 4 )
ادبـی هـکـیـم
--------------------------------------------
تـئـی زَهـگ اَگـاں مـاں وَتـی لـوگءَ نـہ نِـنـداَنـت آ مُـدام دَرا رَوَگءِ نـیـمـونءَ کـَـن اَنـت اِشـیءِ بـزانـت اِش اِنـت کـہ آیـانءَ مـاں وَتـی لـوگءِ تـهـا مـاتءُ پـتءِ مـهـرءُ دوسـتـی رَسَـگ نـہ اِنـت یَـک گـپـے اِے هَـم بـوُت کـَـنـت کـہ تـو مـاں لـوگ ءِ تـهـا آیـانـی مـاتءِ سَـرءَ پـہ هَـرچ گـپـے ءِ سَـرا زَهـر گِـرئَے اے پَـیـمءَ زَهـگ لـوٹ اَنـت وَتءَ چـہ شـمـئے جَـنـگ ءُ چـوپـاں دوُر بـہ داراَنـت آ لـوٹ اَنـت چـہ لـوگءَ ڈنّ وَتءَ گـوں بـازارءِ زَهـگـاں دِلـگـوش بـہ کـَـن اَنـت نـوں تـو زوُت اِے اَڈءَ پَـهـک بـہ کـن ، اَوَل وَتـی رَپـتـار ءُ کِـردار ءَ گـوں آیـانـی مـات شَـرّ بـہ کـَـن آیـانـی مـاتءَ هَـم سَـرپَـد بـہ کـَـن کـہ گـوں شـمـئے اِے رَپـتـار ءُ کِـردارءَ آیـانـی زَهـگ بَـد تـبءُ بَـد کِـردار بَـنـت آ چـہ لـوگءَ دَر بَـیَـگ ءُ رَوَگءَ هِـیـل کـن اَنـت رَنـدا کـَـمّ کـَـمّ ءَ مـیـتَـگءِ زَهـگـاں آیـانءَ دگـہ سِـلّـیـں رَپـتـار ءُ کِـردار بَـلَـد کـن اَنـت.
تـئـی زَهـگ اَگـاں کـَـمّ وَراک اَنـت چـہ پَـرزونـک ( سـفـره )ءِ سَـرا زوُت پـاد کـایَـنـت اِشـیءِ بـزانـت اِش اِنـت کـہ آیـانءَ اے وَراک وَشّ نـہ بَـنـت آیـانـی مـات هَـمُـک وَهـد وَراکـانءَ یَـک پَـیـم جـوان کـَـنـت نـوں اِے وَراک چـہ زَهـگـانـی مَـیـل شُـتَـگ اَنـت ءُ اِے هَـم بـوُت کـنـت کـہ شـمـا آیـانءَ پَـرزونـکءِ سَـرا وَرَگءِ وَهـد هَـکـَـلّ ءُ هـوکـَـلّ کـَـن اِت .
اَگـاں تـو دیـسـت کـہ تـئـی مَـسـتـریـں زَهـگ وَتـی کـَـسـتـریـں بـرات ءُ گـُـهـارءَ جَـنـت ءُ ٹـپ ایـت اِشـیءِ بـزانـت اِش اِنـت کـہ آ هَـمے مـارَگءَاِنـت کـہ شـمـارا آ گـیـشـتـر دوسـت بَـنـت نـوں شـمـئے پَـرزاِنـت کـہ شـمـا آئـیءَ هَـم مـهـر ءُ دوسـتـیءِ ایـمَـنـی بـہ دے اِت .
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #4 on:
July 11, 2015, 10:32:17 PM »
زَهـگـانـی رودیـنَـگ ءِ دَرمـانـجـاه ( بَـهـر- 5 )
ادبـی هـکـیـم
------------------------------------------------
---» اَگـاں تـو دیـسـت کـہ تـئـی مَـسـتـریـں زَهـگ وَتـی کـَـسـتـریـں بـرات ءُ گـُـهـارءَ جَـنـت ءُ ٹـپ ایـت اِشـیءِ بـزانـت اِش اِنـت کـہ آ هَـمے مـارَگءَاِنـت کـہ شـمـارا آ گـیـشـتـر دوسـت بَـنـت نـوں شـمـئے پَـرزاِنـت کـہ شـمـا آئـیءَ هَـم مـهـر ءُ دوسـتـیءِ ایـمَـنـی بـہ دے اِت .
---» اَگـاں تـئـی زَهـگـاں لَـیـب کـنَـگءَ هِـیـل کـُـرتَـگ نـوں آ دگـہ کـار کـنَـگ نـہ لـوٹ اَنـت سَـبَـک نـہ وان اَنـت پـت ءُ مـاتءِ گـپـاں گـوش نـہ داراَنـت اِشـیءِ بـزانـت اِش اِنـت کـہ شـمـا وَت هَـنـچُـش هِـیـل داتَـگ اَنـت وَهـدے کـہ زَهـگـاں شـمـارا سـیـہ دِل کـُـرتَـگ شـمـا آیـانءَ پـہ لَـیـبءِ کـنَـگ داوَت داتَـگ اَنـت نـوں شُـمـا یَـکـپـارُگـی آیـانءَ پـہ لَـیـبءِ کـنَـگ مَـنـاه کـُـرت نـہ کـن اِت گِـهـتـراِش اِنـت کـہ شـمـا کـَمّ کـَـمّ آیـانءَ گـوں دگـہ نـوکـیـں چـیـزے دِلـگـوش بـہ کـَـن اِت مِـسـالـے دیـنـی کِـتـابـے ادَبـی هَـکـیـمءِ گـوَشـکـَـنـدی کِـتـابـے یـاں کـوَهـنـیـں زَمـانَـگءِ کِسّـهـے یـاں آیـانءَ هَـنـچـیـں جـاگـَـهـے پـہ گِـنـد ءُ گِـدار بـہ بَـراِت کـہ اودا چُـشـیـں لَـیـبـجـاه نـیـسـت .
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: زَهـگـانـی رودیـنـگءِ دَرمـانـجـاه
«
Reply #5 on:
July 13, 2015, 10:19:08 PM »
زَهـگـانـی رودیـنَـگ ءِ دَرمـانـجـاه ( بَـهـر- 6 )
ادبـی هـکـیـم
------------------------------------------------
---» اَگـاں تـئـی زَهـگ یَـک دگِـرءَ زاه دَے اَنـت.
تـئـی زَهـگـاں زاهءِ دیَـگ هِـیـل کـُـرتَـگ اے یَـک مَـزَنـیـں مُـشـکِـلـے !!.. زَهـگ چـو " ٹـیـپ ریـکـارڈ " هَـمُـکّ دَپ ءِ گـپءَ " ٹـیـپ " کـن اَنـت ءُ آ گـَـپءِ نَـکـَـل ءَ کـن اَنـت اوَل تـرا پَـٹ ءُ پـول کـَـنَـگ لـوٹ ایـت کـہ تـئـی زَهـگـانءَ کـَے زاه بَـلَـد کـُـرتـگ اَنـت اَگـاں تـو ءُ آیـانـی مـات بـوُتـگ اِت گـڑا شـمـا وَتـی زبـانـاں سَـلّـہ بـہ کـَـن اِت ءُ زَهـگـانـی دیـمـا کـَـسءَ زاه مـہ دَے اِت اگـاں دگـہ کـَـسـے بـوُتـَـگ آ کـَـسءَ مـاں وَتـی لـوگءِ آیَـگ مَـنـاه بـہ کـَـن اِت رَنـدا کـَـمّ کـَـمّ زَهـگـانءَ بُـگـوَش اِت کـہ مـاں بـلـوچـی دود ءُ ربـیـدَگ ءِ تـهـا زاه یَـک مَـزَنـیـں آرے زاهءِ سَـرا مَـردُم کـُـشـت ءُ کـوش بَـنـت اِسـلامءِ تـهـا زاهءِ دَیَـگ گـُـنـاه ءُ هَـرام اِنـت .
---» اَگـاں تـئـی زَهـگ نـُـمـاز نـہ وان اَنـت
اگـاں تـئـی زَهـگ نـُـمـاز نـہ وان اَنـت چـونـاهـی هَـمُـک مـاتءُ پـتءِ پَـرزاِنـت کـہ مَـردیـن زَهـگءَ مـاں هَـپـت سـالَـگـی ءُ جَـنـیـن زَهـگءَ مـاں نـُـہ سـالَـگـی نـُـمـاز ءِ وانَـگ بَـلَـد بـہ کـَـن اَنـت اَگـاں مـات ءُ پـت زَهـگـانـی دیـم نـُـمـاز بُـوان اَنـت آ وَهـدءَ زَهـگ زان اَنـت کـہ نـُـمـازءِ وانَـگ هَـرچ مُـسُـلـمـانےءِ سَـرا پَـرزاِنـت پـت جُـهـد بـہ کـَـنـت کـہ مَـردیـں زَهـگـانءَ مـاں کـَـسـانـی گـوں وَت مَـسـیـتءَ بـہ بـارت تـاں اودا بـہ گِـنـداَنـت کـہ آدگـہ مَـردُم هَـم نـُـمـاز وان اَنـت ءُ مـات وَتـی جَـنـیـن زَهـگـانءَ مـاں لـوگءِ تـهـا نـُـمـازءِ وانَـگ بَـلَـد بـہ کـنـت آیـانءَ بُـگـوَش اِت کـہ مـا ءُ شـمـا نـُـمـاز کـَـن ایـں اِالله ءِ داتَـگـیـں روزیـگـانـی شُـگـرءَ گِـرایـں الله چـہ مـا وَشـهـال بـیـت آ رَنـدا مـارا گـیـشـتِـر روزیـگ دَنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #6 on:
July 15, 2015, 02:36:35 AM »
زَهـگـانـی رودیـنَـگ ءِ دَرمـانـجـاه ( بَـهـر- 7 )
ادبـی هـکـیـم
------------------------------------------------
---» اَگـاں تـئـی زَهـگ وَتـی لَـنـکـُـکـاں چـوسّ اَنـت
تـئـی زَهـگـانءَ وَتـی لَـنـکـُـکـانـی چـوُسّـگ هـیـل کـُـرتَـگ یـاں وَتـی نـاکـُـنـانءِ جـایَـگ اِش هـیـل کـُـرتـگ اِدا تـو بـزاں کـہ تـئـی زَهـگـاں چـہ یَـکـّے یـاں چـہ یَـک چـیـزے تُـرسَـگ اَنـت پَـمـشـا آ وَتـی لَـنـکـُـکـاں چـوُسّ اَنـت یـاں وَتـی نـاکـُـنـان ءَ جـایَـنـت نـوں تـو یَـک نـیـمـونـے جـواں بـہ کـَـن زَهـگءَ بُـگـوَش کـہ تـئـی لَـنـکـُـک چـہ جـایَـگـاں چـہ تـهـا ریـش اِنـت آئـیءِ لَـنـکـُـکءِ سَـرا کـریـمـے چَـرپ بـہ کـن آئـیءِ لَـنـکـُـکءِ سَـرا گـوں پُـچّـے مُـهـر بـہ بَـنـد ءُ مُـهـر چَـپّـس بـہ جَـن دو روچءَ رَنـد آ پُـچّ ءَ پَـچ بـہ کـن ءُ پَـدا دگـہ یـک پُـچـّے بـہ بَـنـد پَـدا دو سَـے روچءَ رَنـد آ پُـچّ ءَ پَـچ بـہ کـنءُ آئـیءَ بُـگـوَش نـوں تـئـی لَـنکـُـک وَشّ بـوُتـگ بـلـئـے اَگـاں آئـیءَ تـو دپءَ بـہ کـن ئے پَـدا ریـش بـیـت اے پَـیـمـا زَهـگ لَـنـکـُـکءِ چـوسّـگ ءُ نـاکـُـنءِ جـایَـگءَ اَنـگـار کـن اَنـت.
---» اَگـاں تـئـی زَهـگءَ لَـجّ کـَـنـت
تـئـی زَهـگءَ لَـجّ کـَـنـت گـپءِ جَـنَـگءِ وَهـد وَتـی سَـرءَ جَـهـل کـَـنـت گـوں دگِـراں گـپ کـَـنَـگءَ تُـرس ایـت اِشـیءِ بـزانـت اِش اِنـت کـہ تـئـی زَهـگءِ " شـخـصـیـت " نِـزور اِنـت اے یَـک مَـزَنـیـں مُـشـکـلـے اے مُـشـکِـل بـائـداِنـت کـہ زوُت گـار کـنَـگ بـہ بـیـت شُـمـا گـوں اے زَهـگ بـاز گـپ نـہ جَـتَـگ اِشـیءَ کـَـس نـہ کـَـنـدیـنـتَـگ زَهـگ وَهـدے کـہ کـَـنـدایـت وَتـی سَـرءَ بُـرز کـنـت ءُ کـَـنـدایـت اَگـاں دگِـرانـی دیـمـا هَـم بـہ کـَـنـدایـت گـڑا وَتـی سَـرءَ بُـرز کـنـت ءُ کـَـنـدایـت آ چُـکّ کـہ دگِـرانـی دیـمءَ سَـرءَ بُـرز کـنـت ءُ کـَـنـدایـت آئـیءَ چـہ هِـچـکـَـس لَـجّ نـہ کـَـنـت.
هَـنـچـیـں پـت هَـسـت کـہ مـاں دَرانـڈیـهـی وَتـی زنـدءَ گـوازیـنَـگءَاَنـت آیـانـی مَـردیـں زَهـگ وَتـی " شـخـصـیـت " ءَ چـہ وَتـی مـاتءِ " شـخـصـیـت " جـوان کـَـن اَنـت رَنـدا آ زَهـگ کـَـمّ کـَـمّ چـہ مَـردیـنـاں وَتءَ دوُر داراَنـت پَـمـشـا کـہ آ چـہ مَـردیـنـانـی دیـوان دوُر بـوُتَـگ اَنـت .
نـوں تـو آئـیءَ بـیـسـہ کـنَـگ بـلـد بـہ کـن آئـیءَ یَـک کـارےءِ زمّـہ واری دَسـتءَ بـہ دَے کـہ ایـوَک آ کـارءَ بـہ کـنـت ءُ وَتءَ دَر بـہ بـارت آئـیءَ چـہ وَتـی نـیـمَـگ ایـمَـنـی بـہ دَے کـہ تـو آئـیءِ سَـرءَ نـہ کـَـنـدئَے ءُ زَهـر نـہ گِـرئَے تـو آئـیءَ اِیـر مـہ جَـنءُ مـہ گـوَش کـہ تـئـی " شـخـصـیـت " نـزوراِنـت تـو آئـیءِ تـاریـپءَ بـہ کـَـن کـہ تـئـی لـوگءَ نـہ بَـیَـگ ءِ وَهـد آ وَتـی لـوگءِ مَـسـتـر بـوُتـگ کـارانـی شَـرّ کـنـوک بـوُتـگ اے پَـیـم مـاں زَهـگءِ دِلءِ تـهـا یَـک مَـزَنـی یـے رُدایـت رَنـدا آ پـہ یَـک پَـهـرے وَتـی سَـرءَ بُـرز کـنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #7 on:
July 15, 2015, 10:52:44 PM »
زَهـگـانـی رودیـنَـگ ءِ دَرمـانـجـاه ( بَـهـر- 8 )
ادبـی هـکـیـم
------------------------------------------------
----» اَگـاں تـئـی زَهـگ وانَـگ نـہ لـوٹ ایـت
تـئـی زَهـگ وانَـگ نـہ لـوٹ ایـت آئـیءَ چـہ وانَـگـجـاهءِ رَوَگ بَـد کـَـیـت مـاں مـئے مُـلـکءِ تـهـا چُـشـیـں چُـکّ سَـکّ بـازاَنـت کـہ وانَـگءَ رَوَگ نـہ لـوٹ اَنـت اِشـیءِ مُـشـکِـل مـئے مُـلـکءِ زوراک اِنـت زَهـگـانـی پـتـاں لـیـسـانـس ءُ ڈگِـری گـپـتَـگ بـلـئے آ مـاں لـوگـاں نِـشـتَـگءُ بـیـکـاراَنـت آ مُـدام زَهـگـانـی دیـمءَ هَـمے گـپءَ جَـن اَنـت کـہ مـا مـہ وَنـتـیـں شَـرتِـراَت زَهـگ هَـمے گـپـاں اِشـکـُـن اَنـت ءُ زانـت ءُ زانِـشءِ وانَـگ چـہ آیـانـی دِلءِ پَـسُـنـدءَ رَوت شُـمـا زانـت ءُ زانِـشءَ پـہ نَـگـَـنءِ دَرگِـپـت کـَنَـگ وَنـتَـگ بـلـئے شـمـئے زَهـگ بَـلـکـیـں دیـمـرا شُـت اَنـت کـَے زانـت کـہ بـانـدات چـے بـیـت زَهـگ زانـتءُ زانـشءَ وان اَنـت رَنـدا وَتـی مُـلـکءِ بـارَوا چـیـزے بَـلَـد بَـنـت وَتـی گـُـلامـیءِ بـارَوا چـیـزے زان اَنـت گـُـلامـی ءِ سـانـکـَـلانـی پـروشَـگءِ بـارَوا چـیـزے زان اَنـت وَتـی مُـلـک ءُ راجءِ راجـدَپـتـرءَ پـٹ ءُ پـول کـن اَنـت.
---» اَگـاں تـئـی زَهـک ایـوَکـیءِ نـنـدَگءَ پَـسُـنـد کـنـت
تـئـی زَهـگ ءَ مـاں لـوگءِ کـُـچُـکءِ نـنـدَگ ءُ هِـچّ نـہ گـوَشـگ هِـیـل کـُـرتَـگ !!.. اے یَـک مَـزَنـیـں مُـشـکِـلـے !!.. اِدا تـو بـہ زاں کـہ تـئـی زَهـگ چـہ یَـک چـیـزّے یـاں چـہ یَـک مَـردُمـے تُـرسَـگءَ اِنـت بـوُت کـَـنـت کـہ آئـیءَ یَـک سِـلّـیـں وابـے دیـسـتَـگ نـوں آ واب مُـدام مـاں آئـیءِ هَـیـالءَ کـَـیـت یـاں یَـکّ مَـردُمـے آئـیءَ سَـکّ تـُـرسـیـنـتَـگ یـاں زَهـگءَ یَـک کـارے هَـراب کـُـرتَـگ نـوں آئـیءَ تُـرس ایـت کـہ آ کـارءِ راز پـاشـک بـیـت نـوں اِدا تـو جُـهـد بـہ کـن کـہ اے تُـرسَـگءِ رازءَ بـہ زان ئـے رَنـدا وَتـی زَهـگءَ ایـمَـنـی بـہ دَے کـہ هِـچّ کـَـس ءُ هـیـچّ چـیـزّے آئـیءَ هِـچّ کـُـرت نـہ کـن اَنـت آئـیءَ بـہ کـَـنـدیـں آئـیءَ گـوں وَت دَرا بـہ بَـر تـاں تـئـی زَهـگ دُنـیـا ءِ شَـرّیـں نِـدارَگءَ بـہ گِـنـدایـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #8 on:
July 17, 2015, 08:52:14 PM »
زَهـگـانـی رودیـنَـگ ءِ دَرمـانـجـاه ( بَـهـر- 9 )
ادبـی هـکـیـم
------------------------------------------------
----» اَگـاں تـئـی زَهـگءِ زبـان چَـچّ اِنـت
اَگـاں تـئـی زَهـگءِ زبـان چَـچّ اِنـت ، آئـیءِ زُبـان گِـر ءُ اِلّ اِنـت ، گِـهـتـراِنـت آئـیءَ شَـرّیـں داکـتَـرےءِ گـوَرا بـہ بَـراِت ، تـاں داکـتـر آئـیءِ اِلاجءَ بـہ کـنـت ، تـو ءُ آئـیءِ مـات مُـدام گـوں آ تَـچـکـیـں گـپ بـہ جَـن اِت ، آئـیءِ گـَـپـانـی سَـرا مـہ کـَـنـداِت کـہ رَنـدا آ پـہ شـمـئے کـَـنـدیـنَـگءِ هـاتِـرا وَتءَ چَـچّ مَـہ کـنـت.
----» اَگـاں تـئـی زَهـگءَ تـئـی ءُ وَتـی مـاتءِ سَـر نـہ چُـکّ اِت
تـئـی زَهـگءَ تـئـی ءُ وَتـی مـاتءِ سَـر نـہ چُـکّ اِت ، گـُڑا تـو وتـی زَهـگ ءَ سَـرپَـد بـه کـَـن کـہ مـئے اِسـلام ءُ مـئـے بـلـوچـی دود ءُ ربـیـدَگءَ مـارا بَـلَـد کـُـرتَـگ کـہ چـہ لـوگءَ دَر بَـیَـگءِ وَهـد ءُ مـاں لـوگءَ پُـتـرَگءِ وَهـد وَتـی پـت ءُ مـاتءِ دَسـتـاں بـہ چُـکّ ایـں تـاں آ چـہ مـا رَزا بـہ بَـنـت اَگـاں شـمـا اے کـارءَ وَتـی زَهـگـانـی دیـم گـوں وَتـی پـتءُ مـات ءُ آدگـہ مَـسـتـریـنـاں بـہ کـن اِت شـمـئے زَهـگـاں هَـم گـوں شُـمـا هَـنـچُـش کـَـن اَنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #9 on:
July 19, 2015, 12:48:49 PM »
زَهـگـانـی رودیـنَـگ ءِ دَرمـانـجـاه ( بَـهـر- 10 )
ادبـی هـکـیـم
------------------------------------------------
---» اَگـاں تـئـی زَهـگ دُزّی کـَـنـت
اَگـان تـو دیـسـت کـہ تـئـی زَهـگءَ دُزّی کـُـرت ، تـو اے گـپءَ بـزاں کـہ اے یَـک مَـزَنـیـں مُـشـکـلـے !!.. نـوں تـو وَتـی زَهـگ ءِ سَـرا جـاک مـہ کـَـن ، آئـیءَ مـہ گـوَش تـو دُزّے ئَـے ، تـو آئـیءَ ایـوَکءَ یَـک کِـرّے بـہ بَـر ءُ شَـرّ شَـرّ آئـیءَ بُـگـوَش ، هَـرچـا کـہ تـو زُرتَـگ هَـمـا جـاهءَ بـہ بَـر ءُ اِیـراِش بـہ کـَن ، رَنـدا گـوں آ پَـٹ ءُ پـول بـہ کـَـن کـہ آئـی ءَ دُزّی کـنَـگ ءِ چـونـیـں سَـوَبےءَ بے وَس (مـجـبـوُر) کـُرتـگ ، رَنـدا آئـیءِ اے مُـشـکِـلءَ گـار بـہ کـَـن ، بَـلـکـیـں آئـیءَ یَـک هَـنـچـیـں چـیـزے پـہ کـاراِنـت کـہ شـمـا آئـیءَ نـہ دَے اِت ، رَنـدا آئـیءَ سَـرءُ سـوج بـہ کـن کـہ دُزّ هُـدا ءِ دُژمِـنءُ شَـیـتـانءِ دوسـت اِنـت.
---» اَگـاں تـئـی زَهـگ بـالِـگ بَـیَـگ اِنـت
تـئـی زَهـگ بـالِـگ بَـیَـگ اِنـت نـوں آئـیءِ تـوار بَـدَل بـوُتَـگ آ گِـیـشـتِـر آدیـنـکءِ دیـمـا وَتءَ سَـمـبَـهـیـنَـگءَاِنـت اِشـیءِ بـزانـت اِش اِنـت کـہ آ وَتءَ شَـرتِـرءُ لاهِـکـتِـر پـیـش دارَگءِ جُـهـدءَ کـَـنَـگءَ اِنـت اِے آرے نـہ اِنـت الله ءَ وَشّـرَنـگ ءُ سَـپـا ءُ سَـلّـہ دوسـت بَـنـت بـلـئـے نـوں تـئـی پَـرزاِنـت کـہ آئـیءَ سَـر ءُ سـوج بـہ کـن ئے کـہ وَتءَ چـہ شَـیـتـانءِ وَسـواس بـہ رَکـّـیـن ایـت آ کـارءَ مـہ کـَـنـت کـہ وَتـی هُـدا ءَ نـارَزا بـہ کـَـنـت ءُ پـتءُ مـاتءِ سَـرا یَـک اَڑے جـوان مَـہ کـَـنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #10 on:
July 19, 2015, 10:04:41 PM »
زَهـگـانـی رودیـنَـگ ءِ دَرمـانـجـاه ( بَـهـر- 11 )
ادبـی هـکـیـم
------------------------------------------------
----------» اَگـاں تـئـی زَهـگءَ کِـتـابءِ وانَـگ یـات نـہ بَـنـت
تـئـی زَهـگءَ کِـتـابءِ وانَـگ یـات نـہ بَـنـت آ هَـرچـا وان ایـت رَنـدا آئـیءَ شَـمُـش اَنـت ادا گِـهـتِـراِنـت تـو وَتـی زَهـگءَ داکـتَـرےءِ گـوَرا بـہ بَـر آئـیءَ چـارایـت ءُ آئـیءِ اِلاجءَ کـَـنـت.
-------» اَگـاںِ تـئـی مَـردیـن زَهـگءَ جَـنـیـن زَهـگـانی هِـیـل گـون اَنـت
اَگـاں تـئـی مَـردیـن زَهـگءَ جَـنـیـن زَهـگـانـی هِـیـل گـون اَنـت آئـیءِ دِل لـوٹ ایـت جَـنـیـنـی گـُـد گـوَرءَ بـہ کـَـنـت یـاں جَـنـیـن زَهـگـانـی دابءَ گـپ جَـنـت اِشـیءِ بـزانـت اِش اِنـت کـہ آ گـوں جَـنـیـنـاں رُسـتَـگ آئـیءَ مَـردیـں بـاز کـَـمّ دیـسـتَـگ تـو چـو بـہ کـن آئـیءَ مُـدام گـوں وَت هَـمـراه بـہ کـن هَـمُـکّ دیـوانءُ مَـڑاگـاهـاں آئـیءَ گـوں وَت بـہ بَـر آئـیءَ مَـردیـنـی سِـنـچّ بَـلَـد بـہ کـن آئـیءَ مـاں جَـنـیـانـی دیـوانـاں نِـنـدَگءَ مَـیـل هَـمے پَـیـم لَـهـتـے جَـنـیـں زَهـگ هَـسـت اَنـت کـہ آ مَـردیـنـانـی سِـنـچّ ءَ زوُراَنـت پَـمـشـا کـہ آ گـیـشـتـر گـوں وَتـی پـتءُ بـرات نِـنـد ءُ پـادا کـن اَنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #11 on:
July 20, 2015, 10:10:05 PM »
زَهـگـانـی رودیـنَـگ ءِ دَرمـانـجـاه ( بَـهـر- 12 )
ادبـی هـکـیـم
------------------------------------------------
----»( اَگـاں تـئـی زَهـگ چـہ وابءَ پـاد کـَـیـت گِـریـت )«----
هَـنـچُـش کـہ تـئـی زَهـگ مُـدام چـہ وابءَ پـاد کـَـیـت ءُ گـریـوَگءَ لَـگ ایـت گـڑا بـزاں کـہ تـئـی زَهـگ مـاں وابءِ تـهـا بَـدیـں واب گِـنـدایـت تـو بـسـم الله بُـگـوَش ءُ نَـرم نَـرمءَ وَتـی راسـتـی دَستءَ آئـیءِ سَـرءَ بـہ مُـش ءُ آیـات کـُـرسـیءَ سَـے بَـر بُـوان ءُ آئـیءَ دَم بـہ کـن اِنـشـاءالله آئـیءِ اے هـیـل گـار بـیـت.
----»( اَگـاں تـئـی زَهـگ ءَ وَتـی نـام پَـسُـنـد نـہ بـیـت )«----
اَگـاں تـئـی زَهـگءَ وَتـی نـام پَـسُـنـد نـہ بـوُت گـُـڑا بـزاں کـہ یَـکـّے آئـیءِ نـامءَ پـہ کـَـلاگ زُرتَـگ نـوں آ وَتـی نـامءَ پَـسُـنـد نـہ کـَـنـت تـو آئـی ءِ نـامءِ سَـرا یَـک کِـسّـهـے بـیـار کـہ هَـمے نـامءِ مـردُمءَ چـونـیـں شـرّیـں کـار کـُـرتَـگ آئـیءِ بُـهـادُرّیءِ گـپـانءَ بـہ جَـن ءُ آئـیءِ تـاریـپءَ بـہ کـن نـوں تـو وَتـی زَهـگءَ سَـرپَـد بـہ کـن کـہ مـن تـرا پَـمـشـا اِے نـام پـربَـسـتَـگ کـہ تـویـک هَـنـچـیـں مَـردے بـہ بـئـے .
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #12 on:
July 28, 2015, 12:42:51 AM »
اَگـاں تـئـی زَهـگ ءَ وَتـی نـام پَـسُـنـد نـہ بـیـت«------------
اَگـاں تـئـی زَهـگءَ وَتـی نـام پَـسُـنـد نـہ بـوُت گـُـڑا بـزاں کـہ یَـکـّے آئـیءِ نـامءَ پـہ کـَـلاگ زُرتَـگ نـوں آ وَتـی نـامءَ پَـسُـنـد نـہ کـَـنـت تـو آئـی ءِ نـامءِ سَـرا یَـک کِـسّـهـے بـیـار کـہ هَـمے نـامءِ مـردُمءَ چـونـیـں شـرّیـں کـار کـُـرتَـگ آئـیءِ بُـهـادُرّیءِ گـپـانءَ بـہ جَـن ءُ آئـیءِ تـاریـپءَ بـہ کـن نـوں تـو وَتـی زَهـگءَ سَـرپَـد بـہ کـن کـہ مـن تـرا پَـمـشـا اِے نـام پـربَـسـتَـگ کـہ تـویـک هَـنـچـیـں مَـردے بـہ بـئـے .
اَگـاں تـئـی زَهـگ ٹـلـویـزیـوُن بـاز چـاراَنـتن«-----------
اَگـاں تـئـی زَهـگ ٹـلـویـزیـوُن بـاز چـاراَنـت اِشـیءِ بـزانـت اِش اِنـت کـہ آ زانـت ءُ زانِـشءِ نـیـمَـگءَ دِلـگـوش نـہ کـَـن اَنـت تـو نـیـمـون بـہ کـَـن کـہ ٹـلـویـزیـوُن هَـراب اِنـت آ پـروگـرامے کـہ آیـانءَ بـاز پَـسُـنـد بـیـت آ پـروُگـرامءَ کـُـبـل بـہ کـَـن رَنـدا کـہ تـو دیـسـت زَهـگ پـریـشـاں بـوُت اَنـت آیـانءَ لَـهـتـے کـسّـہ ءُ گـوَشـکـَـنـدءِ کـتـاب دَسـتءَ بـہ دَے کـہ وان اَنـت اِش رَنـدا کـَـمّ کـَـمّ ءَ کـتـابءِ مـهـر مـاں آیـانـی دِلاں جـاگـاه کـَـنـت.
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #13 on:
August 04, 2015, 08:54:22 PM »
زهـگ ءَ چُـش بـہ رودیـں
ادبـی هَـکـیـم
----------------------------
1) وَهـدے کـہ زَهـگ گـپ کـَـنـت تـو آئـیءِ گـپءَ شَـرّ گـوش بـدار.
2) وَهـدے کـہ مـاں تـئـی لـوگءَ مـهـمـان کـایَـنـت تـو زَهـگءَ مـہ گـوَش مـهـمـانـانـی گـوَرا مـہ نِـنـد.
3) زَهـگ هَـمُـک جـاه کـہ لـوٹ ایـت لَـیـب بـہ کـنـت آئـیءَ هَـمـا جـاهءَ لـیـب کـنـگءَ بـلّ .
4) زَهـگءَ وَتءَ وَتـی مَـدَت کـنَـگ هـیـل بـہ دَے ، اَزکـاریءِ وَهـد تـو آئـیءَ مـدَت بـہ کـن.
5) زَهـگءَ اَگـاں شـرّیـں کـارے نـہ کـُـرت تـو آئـیءَ تَـنـزّ مـہ کـن.
6) زَهـگءِ چـیـزّانـی چـسـت کـنـگ ءُ آیـانءَ دگـہ جـاهـے ایـر کـنَـگ چـہ آ شَـور ءُ سَـلاه جُسـت بـہ کـَـن.
7) زَهـگءَ اَگـاں تـئـی گـَـپ نـہ زُرت آئـیءِ سَـرا زَهـر مـہ گِـر.
زَهـگءَ مَـردُمـانـی دیـمءَ مـہ جَـن ءُ شِـزا مـہ دَے .
9) زَهـگ ءَ مـہ گـوَش " مـہ کـن " آئـیءَ بُـگـوَش چـو بـہ کـن .
10) زَهـگءِ رَدیـانـی کـسّـہءَ گـوں دگـہ کـَـس مـہ گـوَش.
11) زَهـگءِ رَدیـانـی بَـدَل کـنـگءَ تـو وَتـی هِـمّـتءَ یـلـہ مـہ کـن.
12) زَهـگءِ رودیـنَـگ پـہ چَـمّـچـاری مـہ بـیـت کـہ کـُـجـام زَهـگ شـرتـراِنـت آ تـرا دوسـتـر بـہ بـیـت.
13) زَهـگءِ دروگ ءِ بَـنـدَگ ، دُزّیءِ کـنَـگ ، دگِـرءِ سَـرا بـیـسـہ نـہ کـنـگ ، وَهـد ءُ بـے وَهـدءِ گـریـوَگءِ سَـوَب چـہ آئـیءِ وَتـی زَهـر ءُ هَـسَـدّ اِنـت.
14) مـات ءُ پـت وَتـی درُهـیـں زَهـگـاں پـہ یَـک چَـمّے بـہ چـاراَنـت.
15) زَهـگءِ زَهـر ءُ هَـسـدّ ءِ گـار کـنـگءِ اِلاج اِش اِنـت کـہ مـات ءُ پـت آئـیءَ چـہ وَتـی مـهـرءُ دوسـتی سِـیـر بـہ کـن اَنـت.
16) زَهـگءَ پـہ وَشـتـبـی گـپ جَـنـگءُ سـبَـک دَیَـگ یَـک شـرّیـں رَهـبَـنـدے ، مـسـالـے : تـو آئـیءَ بُـگـوَش چـوں شَـرّاَت کـہ تـو وَتـی پُـچّ سِـلّ مـہ کـُـرتـیـن اَنـت ، بَـدَلـے کـہ تـو آئـیءِ سـرا زَهـر بـہ گِـرئَے ءُ آئـیءَ بُـگـوَش ئَے ، پَـرچـا تـو وَتـی پُـچّ سِـلّ کـُـرتـگ اَنـت؟
17) مـاں زَهـگءِ دل مـردُمـانـی مـهـرءُ دوسـتـیءِ تـومءَ بـہ کِـش ءُ سَـبـز بـہ کـن آئـیءِ دیـمءَ مـردُمـانـی تـاریـپءَ بـہ کـن.
18) زَهـگءَ مـہ تُـرسـیـں آئـیءَ مـہ گـوَش تـو چـہ لـوگءَ کـہ دَرکـائَے دُزّ تـرا بَـراَنـت یـاں کـہ چـہ لـوگءَ درکـائَے دُزّ تـئـی زَرّاں دُزّاَنـت.
19) گـوں زَهـگءَ چُـشـیـں کِـسّـہ مَـیـار کـہ آ کـسّـہءِ تـهـا نـاتـپـاکـی ءُ بـیـڑگـیـری ءُ وَت مـاں وَتـی جَـنـگ ءُ چـوپ مـان بـہ بـیـت گـوں آ هَـنـچـیـں کـسّـہ بـیـار کـہ آئـیءِ تـهـا دودءُ ربـیـدَگءِ تـپـاکـیءُ وَت مـاں وَتـی هَـشـر ءُ مَـدَت ءُ مـهـرءُ دوسـتـی مـاں بـہ بـیـت.
20) پـہ زور وَتـی زَهـگءَ مَـڑاداری بـلـد مـہ کـن آئـیءَ وَتـی مـڑاداریءَ پـیـش بـدار تـاں کـہ زهـگ مـڑاداریءَ چـہ تـو بـلـد بـہ بـیـت.
21) هَـمـا زَهـگ بـے اَدَب بَـنـت کـہ : آ مـاں وَتـی لـوگءِ تـهـا اِزّت دَیَـگ مـہ بَـنـت ، آ هَـرچ گـَـپ ءُ هـرچ رَدی یـے سـرا شـزا دیَـگ بـہ بَـنـت ، آ مـاں وَتـی لـوگءِ تـهـا آجـو مـہ بَـنـت.
22) اگـاں زَهـگ تـئـی گـپءَ نـہ مَـنّ ایـت گـڑا تـو وَتءَ جُـسـت بـہ کـَـن کـہ تـو پـہ آ چـونـیـں بَـدی یـے کـُـرتـگ .
23) زَهـگءَ بَـنـدَگ ءُ جَـنَـگ ءُ آئـیءَ مـاں تـهـاریـں لـوگـےءِ تـهـا بَـنـد کـنَـگ یَـکّ سَـکـّـیـں مَـزَنـیـں رَدی یـے .
24) زَهـگ نـہ زانـت کـہ آ رَدی کـنـگءَاِنـت تـو آئـیءِ رَدیءَ بـہ گِـر ءُ آئـیءِ رَدیءَ چـو یَـک مـوُدے چـہ شـیـراں بـہ کـَشّ ءَ دَرا چـگـَـل کـَـن.
25) اگـاں زَهـگءَ بـاز رَدی کـُـرت گـُـڑا تـو بَـرے بَـرے وَتـی دیـمءَ گـوں زَهـگءَ تـهـار بـہ کـَـن تـاں کـہ آ چـو بـہ زانـت کـہ آئـیءِ رَدی تـرا وَشّ نـہ بَـنـت ءُ تـرا نـارَزا کـَـن اَنـت.
26) اگـاں زَهـگءَ وَتـی لَـیـبـی پـروشت ءُ گـریـوَگءَ لَـگّ اِت گـڑا تـو بـزاں کـہ آ چـہ وَتـی رَدیءَ شـومـان اِنـت نـوں تـو آئـیءِ سـرا زَهـر مـہ گِـر تـو آئـیءَ سِـکـیـن بـہ دَے کـہ وَتـی گـریـوَگءَ بَـنـد بـہ کـَـنـت.
27) زَهـگءِ رَدی کـنَـگءَ رَنـد اَگـاں تـو آئـیءَ بـہ تُـرسـیـن ئَے کـہ تـو رَدی کـُـرتـگ تـئـی پـت چـہ کـارءَ کـَـیـت ءُ تـرا جَـنـت یـاں پُـلـیـسّ کـایَـنـت تـرا بَـراَنـت اے پَـیـمـیـں تُـرسـیـنَـگ زَهـگءِ " شـخـصـیـت " ءَ نِـزور کـَـن اَنـت.
28) کـار کـنَـگءِ وَهـد زَهـگءَ بـلّ کـہ تـئـی کـارءَ چـارایـت تـاں کـہ آ چـو بـہ زانـت کـہ کـار کـنـگ اِنـسـانءِ پَـرزاِنـت اگـاں آ لـوٹ اِت گـوں تـئـی کـار وَتءَ دلـگـوش بـہ کـَـنـت تـرا مَـدَت بـہ کـَـنـت بـاز شـرّاِنـت چـہ تـئـی کـار آ وَتءَ چـیـزے بـلـد کـنـت .
29) کـسـانـیـں زَهـگءَ پـہ زور کـار مـہ بَـنـد اوَل آئـیءَ کـار کـنـگءِ سِـنـچّ ءُ شَـوکءَ بَـلـد بـہ کـَـن .
30) کـسـانـیـں زَهـگءِ سَـرا زَهـر گِـرَگ ءُ آئـیءِ سـرا وَتـی چَـمّـاں دَرارَگ ءُ وَتـی پـیـشـانـیـگءِ کـرِچّـک کـنَـگ شـرّیـں کـارے نـہ اِنـت.
[/b]
Logged
Adabi Hakim ادبی ھکیم
Balochi Zaantkaar
Posts: 1183
Karma: 44
Re: رودیــنــگ ءِ دَرمــانــجــاه
«
Reply #14 on:
August 08, 2015, 10:57:16 PM »
زَهـگـانـی رودیـنـگءِ دَرمـانـجـاه - ادبـی هـکـیـم
---------------------------------------------------------
زهـگـانـی رودیـنـگ یـک مـزنـیـں کـارے ءُ اِشـانـی نـپ تـئـی زهـگـانءَ مـاں آیـوکـیـں روچ رَس اَنـت بـلـئـے هَـنـچُـش کـہ تـرا رودیـنـگءِ زانـت ءُ مـارِشـت بـہ بـیـت گـڑا آ سـوبـمَـنـد بَـنـت .
1- دو گـپ آنـت اے گـپـان ءَ گـوں زَهـگـاں مُـدام کـارمَـرز بـہ کـَن یَـکـّے اِش اِنـت تـو زَهـگءَ بُـگـوَش : مـن واهِـش کـن آں کـہ تـو اے کـارءَ بـہ کـن ئَے ، دومـی اِش اِنـت کـارءِ کـنَـگءَ رَنـد تـو زَهـگءَ بُـگـوَش : شـابـاش مـنـی زَهـگ ، مـن تـئـی مـنـتـواراں.
زَهـگ اے دوئـیـں گـپـانءَ مُـدام یـات کـَـنـت ءُ اے گـپـانءَ گـوں دگِـراں کـارمـرز کـنـت.
زَهـگ اَگـاں چـہ گـوَنـڈی پـہ الـکـاپ سـرپَـد کـنَـگ بـہ بَـنـت اِے الـکـاپـیـں سـرپَـدی مُـدام گـوں آیـانءَ مـان ایـت ءُ اِشـیءَ مُـدام کـارمـرز کـن اَنـت ، مـسـالـے : گـوں مَـزَنـیـں مَـردُمـاں چـوں گـپ بـہ جَـن اَنـت ، مـزنـیـں مـردُمـانءَ چـوں وَشّ آتـک بـہ کـن اَنـت ءُ اگـاں مـزنـیـں مـردُمے چـہ آیـاں جُـسـتـے کـُـرت آئـیءَ چـوں پَـسّـو بـہ دے اَنـت ، مـزنـیـں مَـردُمءَ چـوں تـوار بـہ جَـن اَنـت ، زَهـگـانءَ چُـشـیـں گـپـانـی بـلـد کـنـگ مـاتءُ پـتءِ پَـرز اِنـت .
2- پَـرزونـک – "سـفـره " ءِ سـرا نِـنـدَگ ءُ وَرا کءِ وَرَگ یَـک اِزمے زَهـگءَ اِے اِزم بـلـد کـنـگ بـہ بـیـت زَهـگ گـوں مـردُمـاں پـرزونـک (سفـره)ءِ سـرا چـوں بـہ نـنـدایـت ءُ گـوں مـهـمـاناں چـوں وَراک بُـوارت؟.
3- هَـرچـکـَـس وَتـی مـلـکـیَـت ( خـصـوصـیـات ) ءِ مـالِـک وَت اِنـت هَـرچـکـَـسءِ چـیـز وَتـیـگ اِنـت دگِـرے مـاں آدگِـرءِ مـلـکـیـتءِ تـهـا دَزمـانـجَـنـی مـہ کـنـت .
ا - زَهـگءِ سَـرا بـے یَـک سَـوَبےءِ گِـنـدَگ شـک مَـیـار .
ب – زَهـگ کـہ مـاں گـوانـکـو گـپ جَـنـت آئـیءِ گـپـاں گـوش مَـدار.
ت – دو زَهـگ وَت مـاں وَت گـپّ ءَاَنـت تـو آیـانـی درمـیـانءَ دَور مـہ کـن.
ٹ – چـہ دروازَگ ءُ تـاگـانـی شَـم زَهـگـانءَ مَـچـار کـہ آ چـے کـنـگءَاَنـت.
پ – زهـگءِ پـیـٹـیءَ مـہ پَـٹ .
ج – بـانءِ تـهـا گـوَزَگءَ پـیـش بـانءِ دروازَگءَ بـہ ٹـُکّ .
اے گـپءَ مُـدام یـات بـہ کـن کـہ هَـرچ کـارے تـو گـوں زَهـگ بـہ کـن ئَے آ هَـمـا کـارءَ گـوں تـو کـنـت پَـرچـا کـہ شرّی ءُ سـلّـیءَ آ چـہ تـو بـلـد بـیـت.
5- زَهـگءَ بـلـد بـہ کـن کـہ وَهـدے کـہ تـو گـوں مـردُمـاں گـپ جـنـگءَئَـے شـمـئـے دَرمـیـانءَ دَور مـہ کـنـت ءُ شـمـئـے گـپءَ بَـنـد مـہ کـَـنـت .
6- لـیـب کـنـگءِ وَهـد زهـگءَ بـلـد بـہ کـن کـہ هَـمـکـاری ءُ هـمـدَستـی هَـمـراهـی ءِ نـام اِنـت ، دگِـرانـی اِزّت دیَـگ وَتءَ اِزّت دیَـگ اِنـت ، وَتءَ دوسـت دارَگ ءُ دگِـرانءَ نـادوسـت دارَگ نـاتـپـاکـی جـوان کـَـنـت ، اگـاں اے گـپـانـی سـرا هـیـالـداری مـہ کـن ئَـے گـڑا کـَـس گـوں تـو لَـیـب نـہ کـَـنـت.
7- زَهـگءَ گـوں مَـزنـیـنـاں دَسـت ءُ دروُت بـلـد بـہ کـن آئـیءَ بـلـوچـی دروُت ءُ درَهـبـات ، وَشّ آتـک کـنـگ بَـلـد بـہ کـن آئـیءَ بـلـد بـہ کـن کـہ دسـتءُ دروُتءِ وَهـد آیـانـی چَـمّـاں بـہ چـارایـت تـاں کـہ رَنـدا تـئـی زَهـگ لَـجّـوُیـے مـہ بـیـت.
8- زَهـگ ءَ گـوانـکـوءِ گـپ جَـنَـگ بـلـد بـہ کـن آئـیءَ الّـم بـہ کـن کـہ مـاں گـوانـکـوءِ تـهـا هَـمُـک کـَـسءَ مَـزنـیـں مَـردُمـےءِ وَڑا اِزّت بـہ دَنـت .
[/b]
Logged
Print
Pages: [
1
]
2
Go Up
« previous
next »
Baask- Home of Balochi Language, Literature & Culture
»
Balochi Literature بلوچی ادب
»
بلوچی لبزانک، چمشانک ءُ ﺁزمانک
»
باسکانی دیوان ءِِِِِ بلوچی نبشتہ کار
Balochi writers of Diwwan
»
رودیــنــگ ءِ دَرمــانــجــاه