Author Topic: دل ءِ پَـهــریـزَگ  (Read 1595 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
دل ءِ پَـهــریـزَگ
« on: July 12, 2015, 05:36:40 PM »
دِل ءِ پَـهـریـزَگ
رجـانـک : ادبـی هَـکـیـم
-----------------------
داکـتـرگـوَش اَنـت ، سَـلامَـتـیـں اَگـل مـاں سَـلامَـتـیـں جـان اِنـت ءُ سَـلامَـتـیـں جـانءِ سـاه مـاں سَـلامَـتـیـں دِل اِنـت بـوُت کـَنـت کـہ تـو وَتـی دلءَ پَـهـریـز بـہ کـَـن ئـے بـلـئـے هَـنـچُـش کـہ تـو هَـنـچـیـں وَراک بُـوَرئَـے کـہ تـئـی دلءِ اوتـاگـانءَ نُـکـس مـہ دے اَنـت اوتـاگ اَنـت کـہ دلءَ هـونءِ وَراک رَسـیـن اَنـت دلءَ هـونءِ وَراک اَلـکـاپ بـہ رَس ایـت گـُـڑا آ مُـدام کـارءَ لَـگّ ایـت ءُ رَنـدا آ جـانءِ درُهـیـں بَـهـرانءَ هـونءِ وَراک دَنـت .
جُـسـت: چُـشـیـں رَهـبَـنـد هَـسـت کـہ اِنـسـان وَتـی دلءَ پَـهـریـز بـہ کـنـت ؟ 
جُـواب : هَـو رَهـبَـنـد هَـسـت اگـاں اِنـسـان وَتـی وَراک ءُ وَتـی زنـدءِ چـاگِـردءَ شَـرّ بـہ کـَـنـت ، مِـسـالـے وَراکـانـی روگِـنءَ بَـدَل بـہ کـَـنـت چـہ زَیـتـون ءُ زُرَت ءُ آ دِگـہ سَـبـزیـانـی روگِـنـاں کـارمَـرز بـہ کـَـنـت ، مـاهـیـگءِ روگـن هَـم شَـرّ اِنـت وَراکـانـی اَگـاں روگِـنءِ تـهـا کـَـمّـے سـیـرک مـاں بـہ کـنـت بـاز شَـرّاِنـت .
دِلءِ نـادراهـیءِ سَـوَب اِش اَنـت
وَهـدے کـہ روگِـنءِ چَـرپـی مـاں دلءِ اوتـاگـانـی تـهـا مُـچّ بَـنـت گـُـڑا آ دلءِ اوتـاگـانءَ چـہ تـهـا بَـنـد کـَـن اَنـت اے پَـیـم هـونءِ رَوَگءِ راه ءَ بَـنـد کـن اَنـت مـاں اے روگِـنـانـی تـهـا یَـک اَمـیـنـو اَسـیـدے هَـسـت کـہ آئـیءِ نـام   هـومـوسـیـسـٹـیـن اِنـت آ گـوں چَـرپـی هَـوار بـیـت ءُ مـاں دلءِ اوتـاگـانـی تـهـا بَـدایـت ءُ دلءِ اوتـاگـانءَ چـہ تـهـا بَـنـد کـَـنـت پَـٹ ءُ پـول کـنـوکـاں دَرگـیـتـکـگ کـہ جَـنـیـنـانـی دلءِ اوتـاگـانـی تـهـا هـومـوسـیـسـٹـیـن ءِ مَـواد چـہ مَـردیـنـاں گـیـشـتِـراَنـت .
دِل تـرَکّ ءِ نـاجـوڈی
دِل تـرَکّ هَـمـا وَهـدءَ کـَـیـت کـہ یَـکّ اوتـاگـے چـہ دلءِ اوتـاگـاں بَـنـد بـہ بـیـت ءُ آ دلءَ هـون دات مـہ کـَـنـت ، دگـہ یَـک نـاجـوڈی یـے هَـسـت کـہ اِنـسـان ءِ سـیـنَـگ بَـنـد بـیـت آ سـاه کـَـشّ اِت نـہ کـَـنـت اے نـاجـوڈی هَـمـے وَهـد اِنـسـانءِ سَـرا کـَـیـت کـہ آ بُـرزَگـے سَـرکـَـپَـگءَ اِنـت یـاں کـہ گِـرانـیـں بـارے بَـرَگءَاِنـت یـاں چـہ دگِـرے بَـدیـں هـالـے بـہ اِشـکـُـنـت اِشـیءِ سَـوَب هَـم هَـمـش اَنـت پَـرچـا کـہ اے وَهـد دلءِ سِـٹـگ گِـیـشـتِـر بَـنـت آ تـرُنـد تـرُنـدءُ زوُت زوُتءَ سِـٹـگ جَـنـت اے وَهـد آئـیءَ گـیـشـتِـر هـون ءُ هَـوا پَـکـاراِنـت بـلـئـے اوتـاگ کـہ تَـنـک ءُ بَـنـد بـہ بَـنـت ایـنـچـو هـون ءُ هَـوا دِلءَ دات نـہ کـَـن اَنـت کـہ مـاں آ وَهـد دِلءَ اَزکـار اِنـت.
دِلءِ نِـزوری
دلءِ نِــزوری هَـمِـش اِنـت کـہ آئـیءِ رَگ ءُ اوتـاگ چـہ بـازیـں چـلّ ءُ چَـرپـی ءِ گِـرَگ چَـہ تـهـا تَـنـک بَـنـت آئـیءَ ایـنـچـو هَـوا ءُ هـون نـہ رس ایـت  کـہ آئـیءَ اَزکـاراَنـت نـوں آ روچ پـہ روچ نِـزور بَـیـان بـیـت ءُ وَتـی کـارءَ پـہ اَلـکـاپ اَنـجـام دات نـہ کـَـنـت.

داکـتـر دیـریـک کـاتـانـگـا ءَ مـاں وَتـی " دِل تـرَکّ ءِ اوشـتـاریــنـگ "ءِ کِـتـابءِ تـهـا گـوَش ایـت دِل تـرَکّ ءِ اوشـتـاریــنـگ ءِ یَـک راهـے هَـمـش اِنـت کـہ اِنـسـان روچـے پَـنـچ دانَـگ نـیـبَـگ (مـیـوَه) یـاں سَـبـزی بُـوارت پَـرچـا کـہ نـیـبَـگـاں پـوتـاسـیـومءِ مَـواد مـان اَنـت پـوتـاسـیـوم دلءِ سـٹـگـانءَ رِد بَـنـد " تـنـظـیـم " کـَـنـت ءُ هـونءِ رَوَگءُ آیَـگءِ راهـاں پَـچ کـَـنـت چَـرپـیءَ هَـم نَـیـل ایـت کـہ دلءِ رَگءُ اوتـاگـانـی تـهـا بـہ چَـپـس ایـت.

 پـرُپـیـسَـر سـتـیـپـن پـالـمـر گـوَش ایـت کـَـمّـے گـَـهـوَه ، چـاه ءُ چـاکـلـیـٹءِ وَرَگ شَـرّاِنـت آیـانـی تـهـا کـاوییـن ءِ مَـواد هَـسـت كـہ گـوں پـلاوُنـویـدس ءَ سـیـادی کـنـت ءُ اے مَـواد چـلّ ءُ چَـرپـیءَ گـار کـَـنـت.
 
مـاهـیـگ

 سـاردیـن ءِ پـیـمـیـن مـاهـیـگ بـاز روگِـنـدار اَنـت اَگـاں اے پَـیـمـیـں مـاهـیـگ وَرَگ بـہ بَـنـت بـاز شَـرّ اِنـت اِشـانـی تـهـا روگـنءِ چَـرپـی بـازاِنـت بـلـئـے مـاهـیـگءِ چَـرپـی پـہ دِل بـاز جـوان اِنـت مـاهـیـگءِ چَـرپـیءَ اومـیـگـا 3 ءِ مَـواد مـان اِنـت اے مَـواد هـونءِ گِـیـشـیـں چَـرپـی کـہ دلءَ نُـکـس دَنـت آپ کـَـنـت آئـیءِ نـام پـاٹ سـولـویـنـٹ اِنـت بـلـئـے آ مَـردُم کـہ بـاز گـوشـت نـہ وَراَنـت ءُ گـیـشـتـر سَـبـزی وَراَنـت گـڑا آ  هَـمـا روگِـنـاں بُـوَراَنـت کـہ چـہ سـبـزی جـوان بَـنـت.
مـاکـاروُنـی ، گـَـلّـہ ، نَـگـَـن ، بـرِنـج ءُ بَـٹـاٹـا ‏ ءِ وَراک كـہ روگِـن اِش بـاز کـَـمّ اَنـت پـہ وَرَگ شَـرّ اَنـت.

کـولـیـسـٹـرول
کـولـیـسٹـرول مـاں دِلءِ رَگءُ اوتـاگـانـی تـهـا رَوت ءُ گـوں وَت پـروٹـیـں چَـرپـی بـارت کـہ آئـیءِ نـام " لـو ڈیـنـسـیـٹـی لـیـپـروٹـیـن " اِنـت
اے مَـواد نُـکـس دَنـت پَـرچـا کـہ آ رَنـدا مـاں رَگءُ اوتـاگـانـی تـهـا کـیـمـیـکـَـل اَسـیـد جـوان کـنـت ءُ مـاں آیـانـی تـهـا بَـدایـت ءُ آیـانءَ بَـنـد کـَـنـت بـلـئـے "هـای ڈیـنـسـیـٹـی لـیـپـروٹـیـن " بـاز شَـرّ اِنـت اے مَـواد کـولـیـسـٹـرولءَ چـہ هـون گـیـشّـیـن ایـت ءُ دلءَ مَـدَت کـنـت کـہ آ نـاجـوڈ مـہ بـیـت.
چَـرپـیـں روگِـن اِش اَنـت
مُـلـکـی روگِـن کـہ چـہ پَـسءُ گـوکءِ شـیـر دَر کـَـیـت ،  شـیـر ءُ شـیـلانـچ  ، پَـنـیـر Cheese  ، کـوپَـڈا ءِ روگِـن ، اِشـانءَ بـاز چَـرپـی مـان اِنـت بـلـئـے زُرَتءِ روگِـن ، روچ گـَـردیـنءِ روگِـن ، بـانـکـَـلـیـکءُ لـوبـیـاءِ روگِـن " سـویـا "  بـاز شَـرّاَنـت.
پـرُپـیـسَـر پـالـمـر گـوَش ایـت آ پَـٹ ءُ پـولـے کـہ مـا کـُـرتَـگ دَرگـپـت کـنَـگ بـوُتَـگ کـہ آ مَـردُمـانـے کـہ بـاز وَراَنـت ءُ هَـرچ پَـیـمـیـں وَراک وَراَنـت ءُ زوُت پـہ زوُت وَراَنـت ءُ بـاز نِـنـداَنـت ءُ گـپّ جَـن اَنـت چـہ آ مَـردُمـاں 40 % دل تـرَکّ ءِ نـاجـوڈیءِ شِـکـار بَـنـت ءُ آ مَـردُمـاں کـہ پـوتّـاری کـَـمّ کـن اَنـت ءُ کـار ءُ جُـهـد کـن اَنـت وَراک بـاز نـہ وَراَنـت ءُ چـہ چـرپـی وَراکـاں پَـهـریـز کـن اَنـت آ گـیـشـتـر سَـلامَـت اَنـت.
داکـتـر دیـن اورنـیـشـوهـو گـوَش ایـت مَـردُم هَـمُـک روچ اگـاں وَردِش بـہ کـَـنـت ءُ مـاں وَتـی دلءَ هِـچ پَـیـمـیـں گـَـم ءُ رَنـج مَـیـل ایـت دلءِ تـهـا هِـچّ سَـکـّـیـں گـپـے مـہ دارایـت آ هِـجـبَـر دلءِ نـاجـوڈ نـہ بـیـت.
داکـتـر دیـن اورنـیـشـوهـو ءَ مـاں وَتـی کِـتـاب Love and stayءِ تـهـا نـبـشـتَـگ تـو گـوں دگِـراں وَتءَ هـور ءُ هَـوار بـہ کـن دگِـرانـی هـور ءُ هَـواری تـئـی دلءِ بـارءَ سُـبُـکّ کـَـنـت وَتءَ دِلـگـوش کـنَـگءُ پَـهـریـزَگ تـئـی دِلءُ اَگـلءَ آرام دَنـت.

سِـلّـیـں هِـیـل
چـہ سِـلّـیـں هِـیـل گِـرَگ وَتءَ بہ رَکـّـیـں مِـسـالـے سـگـریـٹءِ کـَـشـگ ءُ شَـرابءِ وَرگ پَـرچـا کـہ اِشـانـی کـَـشـوک ءُ وَروک ایـوَکءَ مـاں بـریـٹـانـیـا ءِ تـهـا 45 هَـزار مَـردُم کـُـشـتَـگ .
وَردِش
گـام جَـنَـگ ءُ تَـچَـگ ءُ کـار کـنَـگ ءُ دَریـا ءُ گـوَرمءِ تـهـا اوژنـاگ جَـنَـگ چَـرپـیءَ سـوچ اَنـت ءُ چـہ هـون کـَـش اَنـت.
[/b]