Author Topic: جَـنـیـن ۓ وَپـاداریءِ چَـکّـاس  (Read 1337 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
جَـنـیـن ۓ وَپـاداریءِ چَـکّـاس
ادبـی هـکـیـم
--------------------------------
بـادشـاهےءَ وَتـی جَـنـیـن سَـکّ دوسـت اَت بـلـئے بـادشـاهءَ تُـرس اِت اگـاں بـہ مـرایـت آئـیءِ جـنـیـن رَنـدا دگِــرےءَ سـانـگ کـنـت ، هَـنـچُـش کـہ بـادشـاه وَتـی مِـرَگءِ هَـیـالءَ کـپـت آئـیءَ وَتـی جَـنـیـن جُـسـت کـُـرت تـو مـنـی مـرگءَ رَنــد دگے سـانـگے کـن ئَے ؟ جَـنـیـنءَ مُـدام سـوگـنــد وارت ءُ گـوَشـت تـو مـنءَ سَـکّ دوسـت ئَے اگـاں تـو چـہ مـنءَ پـیـسَـر مُـرت ئَے مـن دگے کـسءَ سـانـگ نـہ کـنـاں ، یَـکّ شـپـے بـادشـاه چـہ وَتـی مُـلـکءِ گـورجـاه( قـبـرسـتـان )ءَ گـوَزگءَاَت آئـیءَ دیـسـت جـنـیـنےءَ گـواتـوُیے دسـتءَ اِنـت ءُ آ گـورّےءِ سَـرءِ تَـرّیـں هـاکـاں گـیـچَـگءُ هُـشـک کـنَـگءَاِنـت !!.. بـادشـاه جُـسـت کـرت جَـنـیـن تـو ادا چے کـنَـگءَئَے ؟!!.. جَـنـیـنءَ گـوَشـت اے مـنـی لـوگ واجَـہءِ گـورّاِنـت آ مَـروچـی بـیـراں بـوُتَـگ ، مَـنءَ دگے یَـک سـانـگے کـنَـگـی اِنـت سـالـونـک لـوگءَ مـنـی وَدارءَ نِـشـتَـگ بَـلـئے مـئے دودءُ رُبـیـدَگ ايـش اِنـت تــاں مُـرتَـگـیـں مَـردءِ گـورّءِ هـاک هُـشـک مـہ بَـنـت آئـیءِ جَـنـیـن دگے سـانـگ کـرت نـہ کـنـت نـوں مَـن آئـیءِ گـورّءِ هـاکـانءَ گـواتـو کـنـگءَاوں تـاں زوُت هُـشـک بـہ بَـنـت ، واجَـہ تـو بـیـا هـاکـانءَ گـوں اے گـواتـو بـہ گـیـچ تـاں هُـشـک بـہ بَـنـت مـنءَ سَـکّ اِشـتـاپ اِنـت اودا سـالـونـک مَـنـی وَداراِنـت ، جـنـیـنءَ گـواتـو بـادشـاهءِ دسـتءَ دات وَت تـچـاں بـوُت ءُ شُـت ، بـادشـاه وَتـی جَـنـیـنءِ هَـیـالءَ کـپـت چـو مـہ بـیـت یـکّ روچے مـنـی جَـنـیـن هَـم هَـنـچـو بـہ کـنـت ، رنـدا بـادشـاه گـوں مـزنـیـں گـمے وَتـی لـوگءَ شُـت آئـیءَ گـواتـو وَتـی جـنـیـنءِ دَسـتءَ دات ءُ آ جـنـیـنءِ کـسّـہءِ گـوں وَتـی جـنـیـنءَ آورت جَـنـیـنءَ گـواتـو پـروشـت ءُ آ جَـنـیـنءِ بـازیـں بَــدءُ رَدے دات آئـیءَ گـوَشـت اے جَـنـیـں بے وَپـائے بـوُتـگ بـلـئے مـن پـہ تـو وَپـاداراں ، دَنـیـگـا تـو تُـرسَـگءَئَے کـہ مـن تـئـی مـرَگءَ رَنــد دگے سـانـگے کـنـاں ؟!!.. بـادشـاهءَ گـوَشـت هَـو شـمـا جَـنـیـنـانءَ اِهــتُـبـار نـیـسـت ، پَــدا جَـنـیـنءَ سـوگـنــد وارت کـہ مـن چُـشـیـں بے وَپـائـیـں جـنـیـنے نَـیـاں .
سـالےءَ رَنــد بـادشـاه سَـکّ نـادراه بـوُت مِـرَگـی بـوُت آئـیءَ پَـدا چـہ وَتـی زال جُـسـت کـرت ، دَنـیـگـا تـو وَتـی کـَـول داشـتَـگ مـنـی مـرَگءَ رَنــد دگے سـانـگ نـہ کـن ئَے ؟ جـنـیـنءَ سـوگـنــد وارت کـہ مـن تـئـی وَپـاداراں تـو وَتءَ دلـجَـم بـہ کـن کـہ مـن تــرا ءُ رَنــد دگے سـانـگ نـہ کـنـاں ، هَـمـا بـیـگـاهءَ روایــرنـشـتءِ وَهــد بـادشـاه بـیـراں بـوُت جـنـیـنءَ هُـگــم دات کـہ بـانــدات سُـهـب بـادشـاهءَ کــلّءُ گـورّ بـہ کـن اَنـت تـاں کـہ پـہ آئـیءِ گـورّ کـنَـگءَ درُهـیـں مِـهـلوُک بـیـا اَنـت جـنـیـن گـریـوَگءَ لَـگ اِت دیـرےءَ رَنــد جِـنـيـنءِ مـولِــد آتـک ءُ گـوَشـت بـانُـک چـہ بـادشـاهءِ سَـنـگـتـاں یَـک وَرنـايے بـادشـاهءِ چـارَگءَ آتـکـگ اَت آئـیءَ هَـنـچُـش کـہ هـال رَس اِت بـادشـاه مُـرتَـگ آ کـپـتءُ بـیـهـوش بـوُت جَـنـیـنءَ هُـگـم دات وَرنـاءَ مـاں مـهـمـانـانـی بـانءَ بـہ بَــراِت بـہ واپـیـن اِت آئـیءِ هَـیـالءَ بـہ داراِت تـاں کـہ پـہ سـار بـئـیـت پَــدا دیــرےءَ رَنــد مـولــد آتـک ءُ گـوَشـت بـانـُک مـنـی هَـیـالءَ بـادشـاهءِ سَـنـگـت مِـرَگـی اِنـت مـن نـہ زانـاں کـہ چـوں بـہ کـنـاں!!.. جَـنـیـن پـہ وَرنـاءِ چـارَگءَ شُـت وَهــدے کـہ آئـیءَ ورنـا دیـسـت پـہ وَرنـاءِ وَشّـرَنـگـی آشِـک بـوُت جَـنـیـنءَ گـوَشـت بـادشـاه مـنـی لـوگ واجَـہ بـوُتـگ ءُ تـئـی سـنـگـَـت نـوں تـو مـنءَ مـدَت بـہ کـن مـن تـئـی مـدَتءَ کـنـاں وَرنـاءَ گـوَشـت مـن پـہ اے هـالءَاوں مِـرَگـی اوں مـن چـوں تـئـی مـدتءَ کـرت کـنـاں مـن وَت نـادراهـاں جـنـیـنءَ گـوَشـت مـن تـئـی الاجءَ کـنـاں مـن وَتـی دلءُ جَـگـراں تــرا واریـنـاں بـلـئے تـرا وَشّ کـنـاں وَرنـاءَ گـوَشـت اِنـاں بـانُـک تـو مـنـی الاجءَ کـرت نـہ کـن ئَے اے نـادراهـیءَ دیـراِنـت کـہ مـنءَ گـون اِنـت مـنـی تـبـیـبـانـی مُـچّـیءَ مـنءَ شَـور داتَـگ کـہ اگـاں تـو نـوکـیـں مُـردَگےءِ مـازَگـاں بُـوَرئَے گــڑا تـو وَشّ بـئے نـوں مـن چَـہ کـجـا نـوکـیـں مُـردَگےءِ مـازَگ بـیـاراں کـَے مـنءَ وَتـی مُـردگءِ مـازَگـاں دَنـت جَـنـیـنءَ گـوَشـت تـو سـبـر کـن مـن هَـنّـیـگ پـہ تـو نـوکـیـں مُـردَگےءِ مـازَگـانءَ کـاراں تـو وَشّ بـئے جـنـیـنءَ تَـپَـرے زُرت بـادشـاهءِ لاشءِ گـورا شُـت جَـنـیـنءَ تَـپَـر چـسـت کـرت کـہ بـادشـاهءِ سَـرءَ كـَـپّ بـہ کـنـت ءُ آئـیءِ مـازَگـانءَ بـہ کـشّ ایـت بـادشـاه پـاداتـک ءُ تـپَـرءَ چـہ جـنـیـنءِ دَسـت گِـپـت بـادشـاه نـہ مُـرتَـگ ات آ وَتـی جَـنـیـنءَ چِـکّــاسَـگءَ اَت وَرنـا ءُ مـولِــد جَـنـیـنءِ سَـرا کـنـدَگءَ لَـگ اِتـنـت بـادشـاهءَ گـوَشـت چـہ تـو وَ هَـمـا جَـنـیـن شـرَپـدار تِـراَت کـہ آ وَتـی لـوگ واجَـہءِ گـورّءِ هـاکـانءَ گـواتـو کـنَـگءُ هُـشـکّ کـنَـگءَاَت.
[/b]