Author Topic: طارق پشوکانی ءِ وشکند  (Read 2554 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
طارق پشوکانی ءِ وشکند
« on: October 08, 2015, 08:43:50 AM »

است ات-یک سیریں مردے کہ آ نادراہ بیت-نوں آ مِرگی ات- گڑا همے مردے وتی دوئیں چُکّ یک ڈاکٹرے یک همساهگے پانگ انت-گڑا مرد ءَ وتی دو لنکُک چست کت انت- گپ کنگ ء چہ َساری مرد ءَ ساه دات ءُ مُرت-چُکّ هیران بوت انت-کہ پت مارا چیزے گشگ ء َات- بلے بیران بوت ما سرپد نہ بوتیں کہ پت مارا چے گشگ لوٹگ ء َات- گڑا ڈاکٹر ءَ گشت من شمے پت ءَ 10سکینڈے واستہ زندگ کت کناں چیا کہ منی گور ءَ یک سوچن ءِ است انت- اگاں اے سوچِن ء َمرتگیں مردم ءَ 24گنٹہ ء ِتوک ءَ بہ جن انت- گڑا آ 10 سکینڈے واستہ زندگ بیت کت انت-بلے اے سوچن ء ِقیمت 10لک کلدار انت- گڑا مردے چکاں 10لک کلدار دات- ڈاکٹر ءَ سوچِن جت- ءُ مرد زندگ بوت وتی چکاں گشت ئے کہ فلاں پٹرول ء ِتاجر ءَ منی 2کروڈ کلدار وام گوں انت-شما منی واماں پچ بگر ات-ءُ بزور ات- گڑا پت پدا مُرت اشاں وتی پت قبر کت پرس ء ُفاتحه کت وتی پت ءِ وام گپت اَنت- بہر کت اَنت-وش ء ُوشدلی نِشت انت-
دیر نہ گوست همے همساهگ کہ همے مُرتگیں مرد ءِ پانگ ات- گڑا همے همساهگے پت اوں مِرگّی ات- ایشی ء َاوں دو لنکُک چست کت-ء ُمُرت آئی ءِ چک ءَ.وتی گوں برات ءُ گہاراں گشت- کہ مئے پت مارا المّ ءَ یک رازی گپے گشگی بوتگ- بلے آ مرگ ء َموه نہ داتگ- بیا ما ءُ شما ڈاکٹرءَ کارئیں بلّے ڈاکٹر پت ءَ زندگ کنتیں ءُ ما جست ئِے کن ئے- باریں پت مارا چے گشگ ئے لوٹ اتگ ات-گڑا اے براتاں وتی گوک ء ُپس گہارانی سُہر ڈگار درست لیلام کت انت- 10لک کلدار درگیتک تچان ءَ ڈاکٹر آؤرت ءُ ڈاکٹر ءَ زرّ زُرت انت- مردگ ءَ سوچن ءِ جت ئے-مردگ زندگ بوت گوں وتی چکاں گشت ئے-منی چکاں من ء َ2لک کلدار فلاں سیٹ ءِ وام پِر انت-شما منی واماں بدیت-گوں کہ اگاں ناں گڑا منی پاد قبر تچک نہ باں.....
 E:D3 (F) (F) (F) (F) (F) (F)


]دبی ءَ پنچ شش مردم باگے ءَ کار ءَ ات یکے ءِ نام شمبو اَت " یکروچے بدو اتک باگ ءِ سر ءَ شت جان شودگ ءَ چہ پسیل ءَ توار ئِے جت کہ " وین شامبو ؟ ( شامبو کج اِنت)
اشاں درائینت کہ " ارباب شامبو مریض الیوم ( شامبو مرچی نادراہ اَنت)
بدو جاندر ءَ چہ پسل ءَ در اتک ءُ جست ئِے کت کہ شامبو چون نادراہ بیت؟
اسل ءَ بدو ءَ شامپوے پسیل ءَ ایر کتگ ات کہ برے برے ھمد ءَ جان ئِے ششتگ ـ باگ ءِ بچک رند ءَ سرپد بیت انت ارباں انگریزانی shampooءُ زرتگ ءُ شامبو کتگ
پد ءَ درستاں پریشت کت کندگ بلے بدو انگت جاندر ات


 (F) (F) (F) (F) (F) (F)
یک چُکّے وتی لوگ ءَ کہ دیر ءَ واتر بیت گڑا آئی ءِ پت ءَ چُکّ جست جت کہ تو کج ءَ بیتگ ئے ؟،،
چُکّ ءَ درّائینت ابّا من وتی سنگت ءِ لوگ ءَ وانگ ءَ بیتگ آں-،،
پت وتی چُک ءِ دیم ءَ آئی ءِ دہ سنگت یک پہ یک گوانکو جت ءُ جست کت اَنت- بیا ات اے سنگتانی دروگاں گوشداریں- ،،
ایشانی تہ ءَ چار سنگت ءَ گشت,, ھو! ناکو تئی چُکّ مئے لوگ ءَ بیتگ-،،
دگہ دو ءَ گشت,, ھو! ناکو تئی چُکّ ساعت ءِ بیت کہ مئے لوگ ءَ چہ درآتکگ-،،
دگہ سے سنگت ءَ گشت,, ھو! ناکو تئی چُک مئے لوگ ءَ اِنت وانگ ءَ انت- توارئِے جنان تو گپّے کن ئے ؟،،
دگہ یک سنگتے ءَ وَ قول ء کراچی والاھانی ھما آخری دروگ بست-کہ,, ھیلو ابّا بگش من تئی چُک ھبر ءَ آں.
 (F) (F) (F) (F) (F) (F)

یک پیر مردے ءُ پیرل زالے- شُت اَنت- یک ھوٹلے ءَ شامے ورگ ءَ- گڑا آھاں ویٹر توار جت ءُ وتی وتی پسندے ورگ آرڈر کت اَنت- ویٹر ءَ ورگ آورت اَنت- پدا پیر زال ءَ ورگ ءِ ورگ بندات کت ءُ پیر مرد شرو بیت آئی دَمینگ ءَ ھمے وڑا پیر زال ءَ ورگ ءِ ورگ کہ ھلاس کت گڑا پیر مرد شرو بیت ورگ ءِ ورگ ءَ گڑا پیر زال ءَ آئی ءَ را دمینت-،،
ویٹر اے دوئیں پپیریناں چارگ ءَ ات-گڑا آئی ءَ زاھر آتک ءُ آئی ءَ گشت,, اڑے او لیلی مجنوں ءِ پت ءُ ماتاں شما پرچا ھورے ءَ ورگ ورگ ءَ نہ ات ؟،،
پیر مرد گشت,, منی چُکّ ھبر اے وڑ نہ انت کہ تئی بلُک ءَ وتی دنتانانی سیٹ لوگ ءَ بیھال کتگ مئے گورا بس ھمے یکّیں سیٹ اِنت آ دنتاناں دپ ءَ کنت ءُ وار ءُ ھلاس کنت گڑا پدا من اِش دپ ءَ کنان ئے-...

 E:D3
 (F) (F) (F) (F) (F) (F) (F) (F) (F)
یکرندے واجہ ڈاکٹر مالک گوں وتی ڈرائیور ءَ جاگہ ءِ رھادگ اتاں-گڑا اناگت ءَ یک کُچِکی چُکّ ءِ گاڑی ءِ چیر ءَ اتک ءُ لگت بیت ءُ مُرت-گڑا واجہ ڈاکٹر مالک سک باز پریشان ءُ اپسوزی بیت-پدا آئی ءَ وتی ڈرائیور گشت تو برو ھمے کُچِک ءِ مالک شوھاز بکن-،،
وھدے کہ ڈرائیور واجہ ڈاکٹر مالک ءِ کرّ ءَ پدا واتر بیت-گڑا آئی ءَ بازیں ھارے گور ءَ ات ءُ دوئیں دستاں حلواہ اتاں-واجہ ڈاکٹر مالک ھیران ءُ اجکّہ بیت آئی ءَ وتی ڈرائیور جست کت کہ اے چونیں کسّہ ئے؟،،
ڈرائیور ءَ گشت کہ من وت ھیراناں من ھمے کُچِک ءِ چُک ءِ مالک شوھاز ات ءُ آئی ءَ گشت کہ کُچِکے چُکّ گاڑی چیر ءَ اتگ ءُ مُرتگ-،،گڑا آئی ءَ من ءَ زانتگ ات-کہ واجہ من تئی ڈرائیوراں گڑا آ گوں ھمے گپ ءَ منا گلائیش بیت ءُ منا اے درستیں سوگات پہ انام ءَ دات انت ئے-..
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: طارق پشوکانی ءِ وشکند
« Reply #1 on: October 08, 2015, 08:46:03 AM »

یکرندے میتگ ءِ بانگو ءَ پجر ءِ بانگ دات بلے " صلاة خیر من النوم "( نماز چہ واب ءَ شر تر انت ) ءِ گشگ ءَ شموشت میک ءِ بند کنگ ءَ بے ھیال بوت ءُ نرنڈگ ءَ لگ ات " کلام ءَ شر جت من مرچی " صلاة خیر من النوم " نہ گوشت گوں بلے پرواہ نیست کس ءَ اُش نہ کتگ اے وھد مردم واب انت

 E:D3 (F) (F) (F) (F) (F)
یک بیچارگیں مُشکے شراب ءِ گلاس ءِ تہ ءَ کپتگ ات-گڑا آئی ءَ پِشّی یے دیست مشک ءَ پِشی توار جت ءُ گشت کہ منا اے گلاس ءِ تہ ءَ چہ بکَش رندا توری منا بور پرواہ نیست.... گڑا پِشی ءَ جت لگتے گلاس ءَ را گلاس کپت ءُ مُشک درآتگ ءُ تتک ءُ شُت وتی ھونڈ ءِ دپ ءَ اوشتات-،، پشی ءَ گشت تو منا شر رند دات گندئے؟،، مشک ءَ درّائینت ھو! آ وھدی من نشتہ اتاں....

 E:D3 (F) (F) (F) (F)

( مرد گوں جن ءَ )
مرد: ,,سبارگ تیار انت؟
جن: ,,انّاں, تیار نیاں سبر کن..
مرد: ,,گڑا من رواں ھوٹل ءَ کہ من سک شُدیگ آں..
جن: وے پنچ ملٹ سبر بہ کن..
مرد: ,,گڑا پنچ ملٹ ءَ سبارگ تیار بنت ؟
جن: ,,اناں سبارگ تیار نہ بنت من تیار باں پدا ھورے ءَ روئیں ھوٹل ءَ
 E:D3 (F) (F) (F) (F)


یک مردک ءَ ئے گرم ءُ جَل ءَ روچے سرا اوشتاتگ ات-گڑا یک پٹانے ءَ مردک ءَ توار جت ءُ گشت واجہ بیا منی پنکا ئے چیرا بہ نِند تئیُ ھید ھم ھشک بنت ءُ ترا ثواب ھم رسیت-،،
مرد ءَ ھیرانی یے سرا جست کت خان صاحب اے وَ رست اِنت من اگاں پنکا ئے چیرا بہ ننداں گڑا منی ھید ھشک بنت بلے ثواب منا چوں رسیت ؟،،
پٹان ءَ درّائینت ثواب ترا اے واستہ رسیت کہ من اے پنکا چہ یک میستے ءَ دزّ اتگ...بزاں اے مسیت ءِ پنکا انت...
 E:D3 (F) (F) (F) (F) (F)



( ماسٹر گوں وتی مکتبی آں )
ماسٹر: ,,گِندئے ھر کس منی جستے پسّو دات گڑا من آئی ءَ چٹی دیاں- ،،
یک چُکّے ءَ وتی بستہ اسکول ءِ کوٹی ءِ دریگ ءَ چہ ڈنّ چگل دات-,, ماسٹر ءَ جست کت کے ءَ وتی بستہ چگل دات ؟،، مکتبی ءَ پسّو دات "ماسٹر من-، نی منا چٹی بدے من تئی جست ءِ پسّو دات
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line