Author Topic: تژن ءُ بچکندی نبشتانک..تارک پیشکانی ۔(ڈاکٹر ڈِسک ،ڈاکٹر ابو ھسن ءُ ڈاکٹر داد مھم  (Read 4861 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture

تژن ءُ بچکندی نبشتانک..تارک پیشکانی
(ڈاکٹر ڈِسک ،ڈاکٹر ابو ھسن ءُ ڈاکٹر داد مھمد )
شمارا وت مالوم اِنت-کہ وھداں نادراھی کم بوتگ اَنت ءُ پدا ایشانی الاج ھم بوتگ اَت- بلے مرچاں نادراھی سک باز اَنت ءُ پدا لا الاجیں نادراھی اَنت-،،
من ءَ یک سنگتے ءَ گوانکو کت ءُ گشت کہ ,, تارک ھما مردم مشکت ءَ سر بوتگ کہ ترا آئی ءِ دچار کپگ ءِ ودار بوتگ اَت-،،
گڑا من باز گَل بوت آں پرچا کہ من ءَ کساس سالے بیتگ ات کہ من واجہ ءِ وداریگ اِتاں-،،
گڑا من وتی ھمے سنگت ھمراہ کت ءُ ما شت ایں واجہ ءِ گند ءُ نند ءَ- واجہ ءَ مارا باز اِزت دات- چونائی منی سنگت باز بر ءَ واجہ ءَ گوں دچار کپتگ اَت-بلے منی اولی رند اَت- بلے واجہ ءَ من ءَ ھم باز شرپ بکش ات-گڑا من گپ گپ ءَ واجہ جست کت کہ واجہ تئی پلان سنگت زاناں تئی چارگ ءَ نیاتکگ ؟،،
واجہ ءَ درّائینت,, آ مرد انّوں مشکت ءَ موجود نہ اِنت آئی ءَ وتی ھمرائی ءَ یک نادراھے ِ کہ آئی ڈِسک ءِ مسئلہ بوتگ اَت گڑا ھمائی تائی لینڈ ءَ برتگ ئِے-،،
من وھدے کہ ڈِسک نام اِش کت گڑا من ٹھک دات ءُ زور زور ءَ کندگ ءَ لگّ اِت آں -پد ءَ من واجہ ءَ را جست کت کہ شمارا چون مالوم بوتگ کہ آ مردے ڈسک ھراب اِنت ؟،، واجہ ءَ من ءَ گشت کہ مشکت ءَ یک نامی گرامی بلوچیں ڈاکٹرے ھست اِنت-گڑا ھمائی ءَ ھمے نادراہ کہ چار اتگ ات-ھمائی گشتگ ات کہ تو زوت برو وتی سرین ءِ الاج ءَ بکن کہ تئی سرین ءِ ڈِسک ھراب اِنت-،،
من پدا ٹھک دات- منی سنگت ءَ من ءَ چیروکانی سُٹک دات کہ تو وتا کنٹرول بکن تو واجہ ءِ دیم ءَ کندگ ءَ ئے-گڑا من ھاھوش بیت آں-،
واجہ ءَ من ءَ وت جست کت کہ " ھاں ترا چی بوت تو اے ڈاکٹر ءُ ڈِسک ءِ نام اشکت ءُ کندگ ءَ لگ ات ئے؟،،
من گشت واجہ گپ اے وڑ اِنت کہ منی وتی جند ءَ ھم یک ءُ دو نادراہ ھمے ڈاکٹر ءِ کرّ ءَ برتگ اَت ھمے ڈاکٹر ءَ آھاں ھم ھمے شون داتگ ات کہ شمے ڈسک ھراب انت شما برو ات درملکے ءَ وتی الاج ءَ بکن ات- آ بزّگاں چہ یکے سر ایران ءَ ءُ دومی ءِ سر کراچی ءَ کپتگ ات-بلے آ ڈاکٹراں کہ اے نادراہ چار اتگ انت-گڑا اشاں چہ یکے گیس ءُ دومی ءِ سرین ءِ دگہ مسئلہ بوتگ اَت-،،واجہ کہ منی گپ اش کت گڑا آ ھم کندگ ءَ لگ ات پد ءَ آئی ءَ وتی یک کسّو بندت کت ءُ گشت کہ تارک ھمے میتگ ءَ ھم یک ڈاکٹر ءِ بوتگ کہ آئی ءِ نام ابو ھسن اَت-آئی ءَ ھم ھمے ڈاکٹر ڈسک ءِ وڑا دراھیں نادراھانی یکّیں APC گولی ءِ گوم ءَ الاج کتگ ات-کدی کدی کمپونڈر ءَ چہ پیسرا مالوم بیتگ ات کہ ڈاکٹر ابو ھسن اشاں ھمے یکّیں APC گولیاں لِکّ ات ءُ دنت گڑا آئی پیسرا چہ وتی دوئیں دست APC گولیاں پُر کتگ ات انت -،، من ءُ منی سنگت ءَ پد ءَ ٹھک دات- پد ءَ من واجہ ءِ کرّ ءَ اجازت گپت ءُ گشت کہ واجہ اگاں تئی اجازت بہ بیت گڑا من یک پیشکانی ڈاکٹری یے کسّو ءَ بیاراں؟،، واجہ من ءَ اجازت دات گڑا من وتی کسّو بنا کت "پیشکان ءَ ھم یک ڈاکٹرے چوں ڈاکٹر ابو ھسن ءِ وڑ ءَ ھست ات کہ آئی ءِ نام ڈاکٹر داد مھمد ات-,, ڈاکٹر داد مھمد ءَ دراھیں نادراھاں ھمے یکّیں شیر چامپ گولی داتگ ءُ باز بر ءَ ماتاں کہ وتی چُک اسپتال ءَ ٹُکّہ ءِ جنگ ءَ ھم آؤرتگ انت گڑا ڈاکٹر داد مھمد زھر گپتگ ات ءُ آئی ءَ گشتگ ات کہ شما چونیں بے رحمیں مات ات شمارا وتی کسانیں زھگانی سر ءَ بزگ نہ کنت ، شما اشاں سوچِن جن ات شما اشاں ھم شیر چامپ گولی بدے ات شیر چامپ گولی ءَ چوپ ات پدا وتی ماتی شیراں گوں ھور کن ات ءُ چکاں بدے ات اے شیر چامپ گولی درستیں نادراھانی الاج انت-،، پد ءَ من ، منی سنگت ءُ واجہ ءَ ٹھک دات ءُ کندگ ، کندگ ءَ وتی دیوان ھلاس کت
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line