Author Topic: ( تژن ءُ بچکند -- ھڑتال- احمد جان ھمراز )  (Read 1776 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7062
  • Karma: 356
    • Baask-Home of Baluchi Language, Literature & Culture
( تژن ءُ بچکند -- ھڑتال- احمد جان ھمراز )
ھمک سرکاری ءُ غیر سرکاری مردم بنُکی حقانی گرگ ءِ واستہ وڑ وڑیں ھنر ءُ ھیلہ کن انت-لھتیں سال ءَ پیسر ماسٹراں ھڑتال کتگ ات-داں ماہ ءَ ماسٹراں اسکول یلہ داتگ ات انت-بزاں سرکار ءَ ماسٹرانی سی اے بند کتگ ات- بلے ماسٹرانی سے ماہ ءِ کوکار ءُ جاک ءَ ھم سرکار ءِ گوشاں مورے ءَ ھم نہ وارت- سرکار ءَ داں سے ماہ ءَ ماسٹرانی پگار بند کت-گڈی ءَ ماسٹراں چارت کہ ما اگاں ھڑتال ءَ ھلاس مہ کناں ،گڑا مارا گژنے کشیت-ماسٹر لاچار بوت انت ءُ وتی ھڑتال ئِے ھلاس کت-
یک دو سال ءَ پیسر سوزوکی والاھاں ھڑتال کتگ ات ءُ آھانی لوٹ ھمیش ات کہ پٹرول گران انت- نوں مئے کرایہ ودینگ بہ بنت-ھمے ھڑتال ءَ گوں سوزکی والاھانی لوٹ ءُ تما پورا بوت انت- ھمے وڑا یک رندے ریک لین والھاں ھڑتال کتگ ات- یک بیگھے ءَ دراھیں ریک لین والا آپسر ءِ ھوٹلے ءِ دیما مُچّ ات انت ءُ ریک لین والاھانی سروک ءُ تران کنان ءَ گشت:,, مئے مرچگیں ھڑتال ءِ مول ءُ مراد ءِ مزن گردنانی ھلاپ ءَ انت ،چیاکہ ما گاڑی والا گرم ءِ جل ءَ کوہ ءَ روئیں لوڈے ریک یا لوڈے سنگ کاریں-گڑا ھمے مزن گردنانی دست ءُ دپی مئے راہ ءِ سرا چو اڈکہی کچِک ءِ وڑا اوشتاتگ انت کہ ھمک لوڈ ءِ سَئیک ءَ مارا بہ دئیت-اگاں اے مزن گردنانی اڈکہی کچکاں بیھار دیگ مہ بیت گڑا ما ھم وتی گاڑیاں اوشتاریناں-
انوں سالے بیت کہ مکران ءَ گیشتر دمگاں وڑ وڑیں ھڑتال بوھگا انت-بزاں پْرشت ءُ پروش ،گرگ ءُ ماندارگ ،پیہہ جام ،احتجاجی ریلی ،بزاں ھڑتالانی دراھیں تھر کارمرد بوھگا انت-
انوں اے دراھیں ھڑتال بلوچ قوم ءِ ،بلوچ ورناھانی آوار جنی ،کشت ءُ کوش ،بلوچ زالبولانی گرگ ءۃ بند کنگ ءُ آھاناں گلامی ءِ مارشت دئیگ ءِ ھلاپ ءخ بوھگا انت-بلے اینکس کوکار ءُ جاک ءَ ھم اے سرکار ءِ گوش ءَ مورے نہ وارت-
لھتیں روچ ءَ پیسر رکشہ والا ھڑتال ءَ ات انت-من وتی پجاروکی رکشہ والا یے ءَ جست کت کہ شما چیا ھڑتال ءَ ات-آئی ءَ پسو دات کہ فوجی مارا بے کاگد ءَ نیلنت-مئے رکشہ ءِ دیم ایران ءِ ءُ پُشت پاکستانی یے-نوں ما چہ کجا کاگدے بیاراں-تئی واجہ راست انت دیم ایرانی ءُ پُشت پاکستانی ایشی ءِ بائدیں کاگداں مہ لوٹیت-
ھمے وڑا یکروچے من لھتیں سامان بازار ءَ چہ زرتگ ات ءُ من ھرگاڑی والاھے ءَ گشت منی اے ساماناں منی لوگ ءَ بر سرکن ھرگاڑی والا ءَ گشت کہ مرچی مئے ھڑتال انت-من جست کت کہ شما چیا ھڑتال کنگا ات-شمے وَ مدگ گز ءَ انت- شمے مستریں جیڑہ اِسپُست انت-اے وَ اینچوکیں جیڑھے نہ انت-بیست کلدار ءِ بزور تئی ھر بار بیت-ھرگاڑی والاھانی سروک ءخ گشت مئے ھڑتال تربت حظ رکشہ والاھانی ھلاپ ءَ انت ،من پہ ھیرانی جست کت کہ رکشہ والاھانی ھلاپ ءَ شما چیا ھڑتال کنئے ؟ھمے ھرگاڑی والا کماش ءَ پسو دات کہ رکشہ والا مردم کشگ ءِ بدل ءَ ھمالی کن گا انت-آ ھم آرت ءُ شکر چست کن انت ءُ برنت-اگاں رکشہ والاھان ءَ ناں کنگ مہ بیت ،گڑا ما وتی ھرانی شُد ھڑتالے کناں ،اگاں مئے یک ھرے مُرت یا نادراہ بوت-گڑا مئے ھر ءِ دراھیں حق سرکار ءِ گردن ءَ اِنت-من درّائینت! بیچارگیں ھرگاڑی والا سرکار ءَ پہ ھر ءِ مرگ ءَ چے بیت؟اے ملک ءَ نازکیں انسان ءِ جان ءُ مال ءَ کیمت نیست ،گڑا تئی ھر ءِ باریں چے ھال بیت-..
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line