Author Topic: دلءَ پہ واھندءَ بَدی مان نیست ۔ الی آکل رند کونشکلاتی گتر  (Read 1522 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7058
  • Karma: 356
    • Baask-Home of Baluchi Language, Literature & Culture

دلءَ پہ واھندءَ بَدی مان نیست
--------------------
جنگلءِ مستر ءُ کماش ءُ سروک شٍیر اَت. شٍیرءَ تولگ وتی  کار دارکُت ءُ  ملا روباہ شٍیرءَ وتی جارچین کُت. تولگ چہ شیر ءِ مھربانیاں پادئے چہ زمینءَ چست اَت اَنت ءُ تولگءَ یک روچءٍ ملاروباہءَ گوشت کہ تو برو دشتءٍ جنگلءٍجارے شنگ بہ کن مئے جنگلانی بادشاہ واجہ شیر شمئے چارگاں پیداگیں شما  درستیں جناور یک جاہ مُچ بہ بیت کہ مئے واجہ شٍیر شمئےجنگلءَ کیتءُگپءُ تراں کنت.
ملا روباہ ءَاِدگہ روچءَ وتی لِٹک ٹال کت ءُ َ شُت پہ دشتءٍ جنگلءَ جارءَ جناں بوت ءُکوکار کن آں بوت  پس ءُ گوک ءُ ھشتر ءُ ھر ءُ کرگشک مَم ءُ پولنگ ءُھپتار ءُ مار ءُ بگار ءُ پیل ءُ اِدگ  درستیں جناورءِ ھال دات  انت کہ باندا .واجہ شٍیر کیت شمئے  دیمءَ گپ ءُ تران کنت ءپدا ُ مراگشے بیت کہ ڈھل ءُ چاپ بیت ءُ واجھیں شیرءِ شانءَ شئر ءُ لچہ گوشگ بیت ءُ گپءُ تراں ءُ لچہ گوشیءَ رند  شمارا ھر کسیءَ جستءُ گپےٍ کنگی اِنت  واجہ ٍ  شٍیر شمئے گپانی پسواں دنت روباہ ءَ جار  جت ءُ واتر آتک ءُ تولگ ءِ ھال دات من وتی کار کُتگاں باندء َروگی اِنت بلے شُم واب نہ کپ ئے روبا ءِ گپءَ تولگ ءِ دلءَ وسوسے چست بوت ءُ سجئیں شپءَ نشت کہ بلکہ واب کپاں ءُ شیر منءَ چہ کارداریءَ کش اِیت روباہ وتی ھُونڈ  شُتءُ دلجمی وپت ءُ سھبءَ آتک تولگ ءِ گورءَ ءُ دوئیں ھمراہ بوت اَنت ءُ شیر ءِ جاہءَ آتک اَنت ءُ روباہءَ گوشت واجہ من سجئیں جنگلءَ تئی آیگءِ جار جتگ ءُ مرچی درستیں جنگلءِ جناور پہ تئی چارگ ءُ تئی گپانی گوشدارگءِ ھاترءَ مُچ بنت شیرءَ تولگ ءُ روباہ ھمراہ کُت اَنت دشتءِ جنگلءَ  نیمگءَ رھادگ بوت راہءَ بازیں جناورے شیرءُ روباہ ءُ تولگءِ انتیزار اَت اَنت ءُ آدرست ھمراہ بوان بوت تاں آتک ءُ جنگلءِ میدانءَ مُچ بوت اَنت جنگلءِ درستیں جناور شیرءِ آیگ پاد آتک اَنت ءُ ھر نیمگءَ چاپ ءُ ناچ بوت ءُ شیر آتک برزتریں چاھے اوشتات ءُ گشتانک دئیگ ءَ لگ اِت شیرءَ ھرچی گوشت جناوراں چاپ جت ءُ تولگاں  ھُلاست ءُ روباھاں لِٹک سُرینت اَنت کہ  شثیرءَ گوشت کہ شما بہ گوش اِت منی جون زنڈیں ؟
درستاں گوشت ھو  واجہ  منی چم سُھراَنت پدا درستاں گوشت ھو واجہ  ؟؟شیرء اینگر ءُ آنگُر چار اِت ءُ یک اناگہ گُنبدء کُت گپت ئے یک پزور ءُ مزنیں پسے ونگءُ پروشت ءُ دورئے دات ءُ وت وارت ئے ءُ اِدگرانی توار کُت کہ بیا ا ت بور اِت بزگیں پس شیرءِوڑالی بوت ءُ تولگ ءُ روباھاں شر پہ لاپءِ سیرءَ وارت ءُ شیر وتی جاہءَ آتک  .
 تولگءھیال کُت  کہ من شٍیرءٍ کارداراں ءُ من ءَ ھک ھست کہ من ھم شیر وڑیں دیوان ءُ مراگشے برجم بداراں بلے باریں روباہ چون کنت منی ھمراہ بیت یا نہ  ادگہ روچ ءَ تولگءَ وتی دلءِ واھگ گوں روباہءَ درشاں کُت   ملا روباہءَ گوشت اے وا چشیں ھبرے نہ اِنت من تئی واستءَ باندا  گردی جنگلءٍ جناوراں مُچ کن آں  ءُ تو شیرءِ کاردارءِ بزاں تو شیریئے  .تولگ چہ روباہءِ گپاں وش بوت ءُ سجئیں شپءَ نشت ءُ ھیالءِ کُت کہ باندءَ شیرءِ پیمءَ گپ جن آں روباہءَ ھما شپءَ گردی جنگلءَ جار جت کہ شیرءِ جاہءَ تولگ کیت ءُ گپ ءُ تران کنت اِدگہ روچءَ تولگ گوں وتی تولگانی  لشکرءَ ءَ روباہ جنگل آتک اَنت درستیں جناور مچ آت اَنت
تولگءٍ آھگءَ درست دیمءَ اتک انتءُ وش اتکءٍ وش اتکءٍ تولگ تاں مراگشءَ سر بوت  ملا روباہ اتک تولگءِ توسیپ کُت ٍءُ تولگءِ گوشت کہ بیا گپ بہ جن تولگءَ چو شیرءِ وڑءَ برزتریں جاھے شُت اوشتات ءُ گپءَ لگ اِت  چہ تولگ گپاں چاپاں توار کُت 
واجہ تولگ ءَ گپ جت ھرکسءَ گشت واہ واہ تولگ پوست پُر بوت تولگ گوشت منی جون زنڈیں درستان گوشت ھو واجہ منی چم سُھر اَنت ُ پدا درستاں گشت ھو واجہ تولگءِ چم چہ بے وابیءَ سُھر اَت اَنت تولگ ءِ پوست شر پُر بوت ءُ  بے چارگیں تولگءَ دور کت کہ من پسءَ گراں سیرینءِ  پروشاںءُ ما درست وریں بلے  تولگ گوں دور کنگءَ زمینءِ سرءَ جھلاد کپتءُ سیرینءِ پُرشت  ءُ وت چہ سیرینءَ جدا بوت.روباہ ءَ گوں ادگہ جناوراں  درستاں کندگ شرو کت بدار پاداں
آشٍیر بوتگ کہ پسءٍ سیرین پروشتگ
تو ھما تولگءٍ شیرے بوت نہ کن ئے 
اے کسہ پژدر اِش اِنت کہ ھرچ.کار پہ ھرچ مردم.. ٍ
٭٭٭٭٭٭٭٭٭٭٭٭٭٭٭٭٭٭٭٭٭٭٭

شمئے کستر
 الی آکل رند کونشکلاتی گتر
21-2-2015
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line