Author Topic: سِستگیں استار . اَلی جُمّا زامرانی  (Read 1486 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7055
  • Karma: 356
    • Baask-Home of Baluchi Language, Literature & Culture
سِستگیں استار . اَلی جُمّا زامرانی
« on: December 03, 2015, 08:17:02 PM »

سِستگیں استار

میرو جوان ءُ ورنا اَت ءُ آئی ھمسرواں درستاں لوگ جاگہ کُتگ اَت  ءُ میروءِ ماتءَ دیر اَت کہ بیران بوتگ اَت ءُ آ چو سستگیں استار ءَ جھلاد کپتگ اَت آئی پتءَ دگہ سانگے کُتگ اَت  ءُ میرو وتی مات ءِ برات بزاں ناکوءِ گورءَ اَت ءُ ناکوءَ  شاباش اَت کہ آئی وتی گسءَ جاہ داتگ اَت کہ آئی گوھار زاتک اَت  ناکو وت گریبے اَت ءُ آئی ءَ میروءِ آروسیءِ باروءَ پگر ءُ سسا نہ کنگءَ اَت   ءُ  میرو انگت لُنڈ اَت ءُ آئی مات ءِ بیرانی رند آئی پتءَدلگوش داری نہ کُت ءُ آئی پت  ءَ دیر اَت کہ مشکت ءَ پوجءَ اَت بلے آئی ءَ میرو جست نہ کُت ءُ میرو ھنچوکہ بٹیل ءُ مزن بوان بوت ءُ نوکی دھ دوازدھ سالءَ رستگ اَت  ناکو ءَمیتگ ءِ مستریءِ ھمراہ کُت کہ ھاک ءُ گلءِ کارےءِ کُت  ءُ مستری ءَ ھاک ءُ گِلءِ لوگ بست ءُ مستریءَ وتءَ ریک لائین اِِیں موٹلے ھست اَت کہ ھاک ءُ ریک ءِ کش اِت ءُ آورت ءُ مستریءَ وتی ریک لاینیں وٹل وت ھلائینت ءُ برے برے میرو ریک ءُ ھاکءِ کشگءِ واستءَ ریک لائین ءِ ھمراھیءَ بُرُت گوں ءُ  کار سک گران اَت بلے میرو لاچار اَت آئی اوپار کُت کار کُت ءُ مستریءَ زر آئی ءِ ناکوءَ دات اَنت میروءَ پرے آئیدے پرءَ آئیدے ناکوءَ جوڑھے نوکیں گُد گپت دات ءُ کسانیں آئیداں برے برے آئیءَ  ناکو ءَ گُد نہ گپت نہ دات  ءُ آ گوں کوھنیں گُداں مسیتءَ نمازءَ شُت ءُ جپتے  باٹائیں چمپل میروءَ پادءَ اَت کہ سستگ اَت اَنت  ءُ آئی پہ ربڑ ءُ پُچک بستگ اَت  اَنت ءُ وھدیکہ راہءَ  شُت چمپلاں  کَٹپ کَٹپ توار اِش کُت ءُ وھدیکہ شپءَ میرو دلپلءِ ھوٹل ءَ پتائی ءُ لیبءِ چارگءَ آتک اَت  گُڑا,مردماں میروءِ چمپلانی توار پجاہ آورت اَنت کہ میرو اِنت پیداگیں ءُ  آ آتک ءُ ھوٹلءِ ڈیکیءِ سرءَ نشتءُ مردماں پتائی کُت ءُ چاہ اِش وارت ءُ میروءَ سیل چاراِت بلے میروءَ کدی چاہ نہ وارت ءُ ادگہ مردماں ھم سوابءِ کار نہ کت ءُ میروءِ چاہ  نہ وارینت ءُ دلپل ھم آئی آیگءَ وش نہ اَت کہ مپتءَ ڈیکیءِ سرءَ نشتگ ءُ گراکےءِ  جاہ ےءِ گپتگ میروءَ زیادھیں دوست ءُ سنگت نیست اَت.بس مستری بزاں ریک لاینءِ ڈلیورءَ میرو ءِ دوست ءُ گموار  اَت کہ آئیءَ ھرچ کار ےءَ گوشت ےءِ .میرو ءَ کار کُت بلے میروءِ کارانی مُز ءُ  زر میروءِ ناکوءِ کیسگءَ شُت  اَنتءُ  آئی پت چہ مشکتءَ آتک آئیءَ  یک جوڑھے گُد نہ دات ءُ ھرچ مردمے کہ مشکتءَ اَت آیاں وتی چُک آروس داتگ اَت  اَنت بلے میرو ھشکءَ نشتگ اَت آئی اے ندارگ دیست اَنت آئیءَ چہ دلءَ❤️ ماراِت  زندگی چےءَ گوش اَنت آ ریک لائینیں موٹلءِ سیٹءَ نشتگ ءُ ڈلیور ءَ یک سوتے پر کتگ اَت کہ اولی رندءَ میروءَ وتی ھالءِ سرءَ گریوگ اَتک ءُ آئی اَرس چہ دوریں جاھےءَ چہ درآتک ءُ ھنارکاں جھلاد بوت اَنت ءُ مستریءَ اچانگی دیست کہ میروءِ ارس چہ ھنارکاں جھلاد اَنت ءُ ٹُپ ٹپءَ آئیءِ جیگءُ کُٹءَ کپگءَ اِت اَنتمستریءِ دلءَ دردے چست بوت ءُ آئیءَ میروءِ سرءَ بزگ بوت ءُ آئی پہ مھربانیں گالوارےءَ میرو جست کُت ءُ میروءَ وتی دلءِ درد ءُ اندوہ ءُ چوروی ءُ واری ءُ بزگیءِ ھال دات اَنت ءُ گوشت کہ بچار منی ھمسرواں درستاں آروس کُتگ بلے منی نسیب ءِ دروازگ بند اِنت منی پت مشکتءَ اِنت منی مال ھاک ءُ گِلءِ کشگ اِنت ءُ منی زراں منی ناکو برات کہ منءَ  آئی ُ ءَ وتی لوگءَ جاہ داتگ ءُ رودینگ منی کمائی ھمیش اِنت کہ شما وت ناکوءِ دست ےءِ دی اِت میروءَ وتی گپ جت اَنت مستریءَ  وت ھم مالوم اَت کہ  آ وتبمیروءِ ناکو ءِ سنگت اَت مستریءَ ءَ  دلءِ تہءَ ارادہ کُت کہ میروءَ کمکءَ کناں  ءُ میروءِ تہءَ بود کمال سک باز اِنت بلے میروءِ بود ءُ کمال آئی گریبی ءُ چورویءَ چیرداتگ اَنت. آئیءَ گوشت,بچار میرو من تئی کمکءَ کناں بلے چوش مہ بیت کہ باندات مردم منءَ شیگاں بہ جن اَنت کہ تو میرو کمک کُت بلے میرو ءَ گوں تو وپا نہ کُت. میروءَ گوشت اُستاد منی نیمگءَ دلجم بو من ترا کدی شیگانی نہ کناں . مستریءَ  گوشت کہ من ترا وتی زامات کناں تو,بس وتی ناکو ءَ بگوش تانکہ تئی گواجارءَ کاراِیت. میرو ھیران ءُ ھبکہ بوت کہ من واب گندگایاں یا منی اُستاد منءَ آگاھیءَ گپ کنگءَ اِنت آئیءَ  باور نہ بوت ءُ آئیءَ وتءَ دست پر کُت ءُ آئیءَ سما بوت کہ آ آگاہ. اِنت ءُ ریک لاینءَ سوار اِنت ءُ ھاکءِ رندءَ روگءَ اَنت آئی دیم ترینت ءُ اُستادءَ چارگءَ لگ اِت ءُ آئی اُستادءِ چھرہءُ دروشمءَچہ گمان بوت کہ آ اِے گپاں چہ دلءَ جنگءَ اِنت آئیءَ گوشت جوان من وتی ناکو ءَ گوشاں. مستری جنک سکیں وش رنگیں جنکے اَت ءُ میروءَ دیستگ اَت ءُ آئی کدی گت ءُ گمانءَ نہ بوتگ کہ مستریءِ اے ماہ لکائیں جنک آئی بھتءَ بیت ءُ میرو دلءِ تہءَ سک گلا بال اَت ءُ بیگاہءِ وھدءَ میروءَ وتی ناکو ءَ گوشت کہ منءَ مستریءِ بزاں اُستادءِ زامات بہ کن. ناکو ءَ اے گپءِ اِش کُنگءَ ھنچیں سٹے کُت کہ گوش ئے سیاہ مارےءَ ڈنگے جت آئی یک برے میرو چاراِت ءُ پدءَ دلءَ ھیالءِ کُت کہ  گاں اِیشیءَ َ زامات بہ کناں اِیشیءِ کُٹ ءُ کمائی روت ءُ اے
منی لاپ اِنت اگاں ایشیءَ بہ گوشاں کہ ترا من زامات نہ کنائیناں بلکہ اے مردماں ھال.دنت کہ ناکو منی گواجارءَ مستریءِ جنکءَ  نہ بارت اِنت پد آئی دلءَ گوشت کہ اے نابودءَ چون. آ زوراِیت. آئی.پہ مکاری گوشت جوان اِنت من تئی ھبرءَ کناں میرو دلءَ چہ وش بوت ءُ شپءَ سالونکیءِ ھیالانی ھمراہ بوت ءُ مستریءِ ماھیں جنکءِ ماہ گونگیِ گوناپ آئی دیمءَ چو چاردھی ماہ ءَ ترپگءَ لگ اِت ءُ آئی زردءِ  تہءَ گوش ئے بدلی آتک ءُ آ پہ زندگیءِ باروءَ سسا کنگءَ لگ اِت تانک واب کپت ءُ سھب ء َ لِچ کاری کارءَ شُت ادگہ روچء آئیءِ ناکو َ ناکامیں دلےءَ وتی  سنگت مستری  گوشت کہ منی گوھار زاتک لوٹ اِیت تئی زامات بہ بیت بلے میروءِ چوروی ءِ ھالءَ شما وت سھی ئے ءُ آئی نابودی ھالءَ ھم سرپد اِت کہ شمئے گورءَ کار اِنت منی گورءَ ھم ھچ نیست کہ آئیءَ بدیاں ءُ آئی کمکءَ بہ کناں پتءِ ھال ےءِ ھم تو زان ئے کہ جست ےءِ نہ کنت   آ کمو ھاموش بوت ءُ مستریءِ ءِ نیمگءَ چارگءَ لگ اِت ءُ مستریءَ گوشت کہ منءَ میرو سک دوست بیت ءُ من میروءَ پہ گریبی ءُ چوروی ایب نہ کناں ءُ آئی  زامات کناں چہ ترا ھچ نہ لوٹاں منءَ  بس میرو زورگی اِنت. میروءِ ناکو ھیران بوت ءُ پدءَ پشومان بوت کہ اے من شر نہ کُت من میرو زامات کُت ءُ میرو ءِ کمائی منی َ دستءَ چہ شُت آئی پدءَ وتی سنگت مستری  گوشت کہ میروءَ زامات مہ کن نابودے تئی جنکءَ ھچ دات نہ کنت رندءَ منءَ میاری مہ کن کہ من تئی سرءَ دات بلے مستری  گوشت کہ من چہ ترا ھچ نہ لوٹاں ءُ  ترا من میاری نہ کناں پدءَآئی  گوشت کہ منءَ ھچ نیست پہ میروءَ دیگءَمستری ءَ بچکنداِت ءُ گوشت کہ منءَ  ھچ نہ لوٹ اِیت من میروءَ گوں درتگیں پُچ ءُ درتگیں چمپلاں زوراں تو ھچ دلتپرکہ مہ بو. میروءِ ناکو پہ ھیرانیءُ پشومانی  پادآتک ءُ لوگءَ اتک ھپتگے رند میروءِ آروس بوت ءُ میرو گلابال اَت ءُ میروءِ جنءِ پت بزاں مسترہءَ میروءِ پاسپورٹ کش اِت ءُ ھلیجءَ وتی مردےءِ  سرء میروءِ پاسپورٹءِ َ پوٹو کاپی راہ  دات اَنت ءُ آئیءَ میروءِ ویزہ کش اِت.ھلیجءَ  آورت َ ادءِ آیگ ءَ میرو,بھتءَ  جاہ جت ءُ اربابءَ سک دوست بوت  ءُ آئی میروءِ  ڈلیوری لائسنس درکُت ء میروےءِ وتیِ گسءِ ڈلیور کُت  ءُ بانکءُ اربابءَ ھنچو دوست.بوت  کہ آئیءَ  سک باز زر اِش دات ءُ میروءَملکءَ  وتی ناکو ءُ وتی جنءِ پت.بزان  آئی اُستادءُ مستری ِ واستءَ زر راہ دات ءُ میروءِ پت چہ مشکتءَ پنشن بوتگ اَت  ملکءَ اَت  ءُ آئی آرتگیں زر ادگہ جنءِ چکاں پیکپ اِیں گاڑی کرت اَنت ءُ چک رندءَ نشھی بوت اَنت  ءُ.آئی پتءِ .مشکت ءِ زر براتواں چرءَ ءُ گورءَ کُت اَنت ءُ آئی پت  سک وار بوت ءُ وھدیکہ میرو ملکءَ شُت وتی پتءِ ھال ےءِ دیست آئی وتی پت کمک کُت ءُ اِے نہ گوشت ئے کہ تو منی کمک نہ کُتگ ءُ تو منءَ ھچ نہ داتگ آئیءَ وتی درستیں مردمانی ھیال داشت ءُ پت سک پشومان اَت کہ من پہ میرو,ھچ,نہ کُتگ بلے مرچی میرو اِنت منی پیریءِ آسا اِنت ءُ میرو مرچی درستانی میرو جان. اَت ءُ دلپل ھم وش اَت کہ میرو منی  ھوٹلءِ ڈیکی سر بئیت بہ ننداِیت  ھو میرو میروجاں اَت رندءَ  درستاں میرو میر میرو جان کُت ءُ مردماں ھما سستگیں اِستار پدءَ وتی ھمراہ کُت  ,,,,,,,,,,,
اَلی جُمّا زامرانی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line