Author Topic: شَـرّیـں سَـبَـکـے اَگـاں کـَـسـے اِبـرَت بـہ زوُرایـت  (Read 1110 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
شَـرّیـں سَـبَـکـے اَگـاں کـَـسـے اِبـرَت بـہ زوُرایـت !!!..
ادَبـی هَـکـیـم
------------------------------------------------------
چـاکـَـرئِـے مـات دِلـگـوش کـَـن ، بـانـدات آدیـنَـگءِ روچ اِنـت مـن وَتـی بـرات ءُ گـُـهـار دیـراِنـت نـہ دیـسـتَـگ اَنـت ، مـن آ گـوانـک جَـتَـگ اَنـت بـانـداتءَ سُـبـارَگءَ مـئـی لـوگءَ کـایَـنـت ، تـو بـانـدات شـرّیـں وَراک جـواں بـہ کـَـن تـاں آ وَشّ بُـوَراَنـت ءُ وَشـهـال بـہ بَـنـت .
چـاکـَـرئِـے مـات : هـاں !!!... اووووه !!!... هَـو !!!!..
آدیـنَـگءِ سُـهـبءَ چـاکـَـرئِـے پـت کـارءَ رَوَگءَ پـیـش پَـدا چـاکـَـرئِـے مـاتءَ یـات دات ءُ گـوَشـت مَـن درُهـیـں چـیـزّ گِـپـتَـگ ءُ آورتَـگ اَنـت اَگـاں تـرا دگِـے چـیـزے اَزکـار بـوَت مـنءَ گـوانـک بـہ کـَن  ءُ سُـبـارِگءَ مـاهَـلّـہ تَـیـار بـہ کـن گـوَنـڈیـں زَهـگ اِش گـون اَنـت آ زوُت شُـدیـگ بَـنـت.
چـاکـَـرئِـے مـات : چـے ؟!!!.. هَـو !!!..
چـاکـَـرئِـے پـت کـارءَ شُـت بـلـئـے چـہ کـارءَ مـاهَـلّـہ آتـک ، آ جُـسـت کـُـرت چـاکـَـرئِـے مـات سـبـارِگ تـَـیـار بَـیَـگءَاِنـت نـوں آیـانـی آیَـگءِ وَهـد نَـزَیـک بَـیَـگءَاِنـت؟.
چـاکـَـرئِـے مـات : هـاں !!!... چـے !!!.. مَـن سـبـارِگ جـواں نـہ کـُـرتَـگ !!!...
چـاکـَـرئِـے پـت : پَـرچـا تـو سُـبـارِگ جـواں نـہ کـُـرتَـگ ؟!!!...
چـاکـَـرئِـے مـات : مَـنءَ واک نـہ بـوُتَـگ !!!...
چـاکـَـرئِـے پـت : گـُـڑا تـو هَـمـا وَهـد مـنءَ بـہ گـوَشـت ایـں مـن آ گـوانـک جَـتَـگءُ گـوَشـتَـگ اِت اَنـت کـہ مَـروچـی مَـیـا اَنـت دگـے یَـک روچـے بـیـااَنـت !!!...
چـاکـَـرئِـے مـات : پَـرواه نـیـسـت تـئـی مَـهـلـوُک دَرامَـد نـہ اَنـت مـئـے لـوگءِ مَـهـلـوُک اَنـت آ هَـر چـیـزّے وَراَنـت.
چـاکـَـرئِـے پـت زَهـر گِـپـت آ چـہ لـوگءَ دَر آتـک ءُ شُـت دیـرے ءَ رَنـد دَروازَگءِ ٹـکّ ءُ ٹـاک بُـنـاه بـوُت چـاکـَـرئِـے مـاتءَ شُـت ءُ دَروازَگ پَـچ کـرت هَـبَـکـّـہ بـوُت چـاکـَـرئِـے پـتءَ وَتـی بـرات ءُ گـُـهـار داوَت نـہ داتَـگ اِت اَنـت آئـیءَ چـاکـَـرئِـے مـاتءِ پـت ءُ مـات ءُ بـرات ءُ گـُـهـار داوَت داتَـگ اِت اَنـت !!!...
چـاکـَـرئِـے پـتءِ وَسِـرک ءَ جُـسـت کـُرت اَچـا مـنـی زامـات لـوگءَ نـہ اِنـت کُـجـا شُـتَـگ ؟!!!...
چـاکـَـرئِـے مـات : هَـو آ لـوگءَ نـہ اِنـت کـارے ءَ شُـتَـگ.
چـاکـَـرئِـے پـتءِ وَسِـرک : اِے چـوں !!.. آئـیءَ مـارا داوَت داتَـگ ءُ وَت کـارے ءَ شُـتَـگ ؟!!!.
چـاکـَـرئِـے مـاتءَ زوُتَـکـے چـاکـَـرئِـے  پـتءَ گـوانـک جَـت ءُ گـوَشـت تـو پَـرچـا مـنءَ نـہ گـوَشـتَـگ کـہ مـروچـیـگـیـں مِـهـمـان مـنـی مـهـلـوُک اَنـت ؟ !!!.. نـوں تـو بُـرو چـہ یَـک مَـزَنـیـں هـوٹـلے پـہ آیـاں شـرّیـں وَراک بـیـار.
چـاکـَـر ئِـے پـت : چـاکـَـرئِـے مـات مَـن چـہ لـوگءَ بـاز دوُر آں آتـک نـہ کـن آں ، تـئـی مَـهـلـوُک مـئـے لـوگءِ مَـهـلـوُک اَنـت آ هَـر چـیـزے وَراَنـت.
چـاکـَـرئِـے پـتءِ اِے گـپ یَـک سـوچـاکـیـں پـلـپـلـے بـوُت آئـیءِ تـام مـاں چـاکـَـرئـے مـاتءِ دلءِ تـهـا پُـتِـرت بـلـئـے مـنءَ نـہ لَـگّ ایـت کـہ چـاکـَـرئِـے مـاتءَ چـہ اِے سَـبَـک پـہ وَت یَـک اِبـرَتے زُرتَـگ.
[/b]