چَہ میان اوستمانی اسپانوی لبزانک ءَ هومر ءِ نه کٹوکیں ( رزمیه) داستان

[Zahida Raees Raji]

چَہ میان اوستمانی اسپانوی لبزانک ءَ  هومر ءِ نه کٹوکیں ( رزمیه) داستان
ردیانی نشونداری الم انت ....................... ل.ش
کمی گیشی بوت کنت -

هومر کئے بوتگ ؟ کدی پیداگ بوتگ ؟ کدی مُرتگ ؟ کُج ءِ نندوکے بوتگ آئی ءَ زندگی چے وڑاگوازینتگ . هومر ءِ ساچشتی میراس چے کد اِنت ؟
اے جُستانی پسه گوں راستیء- دیگ نه بنت یا بوت نکنت اے جُستانی گرد ء- کرنانی کرن پدی بوتگ انت وت یونانی اوں وتی ملک الشعر هومر ء_ بارو ء- بازیں سرپدی اِش نیست انگت تانکه اے گُشگ که هومر نامیں شاعر ء_ بوتگ که نبوتگ ؟
پرچه هومروس یونانی زبان ء- کور ء- گُشنت ،
چے ؟ هومر کورے بوتگ ؟ اے جُست ء_ پسه انگت پٹ ء، پول لوٹ ایت یونانی زبان ء- هومر ء_ ( هشت سوانح عمری دست کپنت اے هما وهدی نبشتگ بوتگنت که یونانی آں گوں کسهاں اِناں بلکیں گوں کسه گوشوکاں دل سارتی رستگ گیشتریں سونح عمریانی تها هومر یک لنگڈیں کوریں کسه ساچ ء_ گُشتگ اِش
که په وتی لاپ ء_ آتر ء- کدی ادا کدی اوداں درپه در بوتگ مرچی ء- تاں هومر ء_ زات ء_ باروء- که هر گپے دیم ء- اتکگ هر گپ ء- چے دومی گپ ء- دگری است
اولی سدی عیسوی ئے دپتر نویس ( هیروڈوٹس) نبشتگ کنت که هومر مسیح ( ع) پیداگ بوهگ ء- پیسر 850 هشت سد ء، پنجاه سال ساری ء_ مردمے ،
وهدے که دگه" گوستانک "دپتر نویس یازدُمی سدی پیشتر مسح ع زمانگ ء- عهد ء_ هومر گُشنت هومرء_ پیداگ بوهگ ء_ جاگه ء_ سرا برے گپے کننت بلے یک یونانی شاعرے ء- په جوک نبشتگ کتگ که هپت مرتگیں شهر هومر ء_ پیداگ کنگ ء_ دعوی ء- کننت که هما شهراں هومر ء- گشتگ ء، پنڈ اِتگ ،
هومرء_ سونح عمریاں هومرء- را دریا ء_ میلس ء_ چک اِش گشتگ دریا ء_ میلس سمرنا ء_ زربار ء- بوتگ
هومر ء_ مات ء- را یک دریائی پری ئے (NYMPH) اِش گُشتگ
که نام کریتهائیس بوتگ یونانی دپتر نویس هیروڈوٹسس نبشتگ کنت که یونانی شهر " کیومی" ء_ لهتیں مردم کدیم زمانگ ء- لڈاِتگنت ء، اشیائے کوچک ء_ روبرکتی بندن ء- شُتگ ء، نشتگنت آهانی تها یک گریب ایں مردمے میناپولوس گون بوتگ آئی ء- را یک جنکے بوتگ که نامے کریتهائیسس بوتگ امے جنک انگت کسان بوتگ میناپولوس مُرتگ بلے مرگ ء_ وهد ء- آئی ء- وتی جنیلُک کلیناکس نامی مردے ء_ میار کتگ بلئے کلیناکس ایماندار ء_ نبوتگ ء، هما جنکے زنا کتگ وتی بدنامی ء_ تُرس ء- کریتهائیس ء-را یک کاروانئے ء- گوں سمرنا ء- روان دنتے گون که هما وهد ء- آ لاپُر بیت
سمرنا ء- کریتهائیس ء- یک بچکے بوتگ ء، آ بے پتے زانگ بوتگ دریائے میلس ء_ دامن فیمیوس نامی یک شاعر ء_ او گُشنده ئے ء_ مدرسه بوتگ فیموس ء- هومر ء_ مات ء_ سرا بزگ بیت هومر ء_ مات ء- وتی لوگ ء- داشته کنت آئی ء_ شریں هیل ء، عادت ء_ دوست بنت ء، آئی ء- را سانگ کنت اے وڈ ء- کسانُکیں هومرء_ " فطری شاعرانه " لائیکی ء- را معلم ئے رهشونی رسیت ،
فیموس مرگ ء_ وهد ء- هومر ء- وتی پشتپد کنت ء، هومر بازیں وهدے ء- فیموس ء_ مدرسه ء- شری ء- داریت ء، وانینیت ء، امے دوران هومرے نام دور دوراں پرُشیت امے وهداں یک سیریں سیّاح مینس ء_ هما شهر ء- سرکپ ایت مینس گوں هومر ء_ اولی ملاقات ء- گوں آئی سرا سک اثر مند بیت ء، مینس هومر ء- را په سفر ء_ دراهگ سک زور دنت گوں هومرء- سفر ء_ پائدگاں بیان کنت آئی شاعری په سفر ء-اژدری لیکیت اے وڈا هومر هما سیریں سیّاح ء_ " سیل ء، سودی" ء_ همراهی ء- درکیت ء، بازیں جاهے گردیت ء، بازیں جاهے گندیت ،
هومر ء_ چم پیسر تهار بنت اے سفر ء- هومر ء_ چم گیشتر تهار بنت ء، اتهیکا ( یونان) نامی شهریےء- تا کئیت گُڈا هومر چٹّ ء- کور بیت آئی پولیسس ء_ کسه اولی رند ء- امے شهر ء- اِشکتگ آت که پدا هومر ء- وتی ( رزمیه) داستان ، اوڈیسی ، ء_ بُنیاد کت هومر
اتهیکا چه سمرنا ء- اتک روچ ء، شپ مهنتء_ کت " رموز شعر " ء_ دربُرت
آ کور آت ء، آئی ء-په هچ دگه توجیل کمائی آسرتی هچ نیستگ ات وتی تنگدستی ء، گریبی ء_ سبب ء- آکر پدا اتک ء، وتی بُنکی شهر " کیومی " ء- یک زر ه سازے ء- وتی لوگ ء- په نندگ ء- جاگه دات نوں آئی گشت ء، پیریں کماشانی دیواناں وتی شعر( لچه) وتنت ء، داد ء، " تحفه " گیپت
 ________ روان انت

[Zahida Raees Raji]

چه میاں اوستمانی افسانوی لبزانک ء-
هومر ء_ نکٹُوکیں ( رزمیه ) داستان
بهر _______
2 ................................ ل.ش

کیومی شهر ء_ کونسل ء- هومر ء_" آمدنی " ء_ بارو ء- سوال کنگ بوت کونسل ء_ گیشتریں باسکانی امے گُشگ ات که هومر ء- په " وظیفه" مقرر کنگ بیبیت تاکه آ کیومی ء- بیندیت ء، وتی شاعری ء_ سبب ء- کیومی ء- سرجمیں دنیا ء- مشهور بکنت بلئے یک زبان دشمنے ء- کوکار کت که صاهب اگاں کونسل کورانی اے وڈ ء- زمه ء- بُزوریت گُڈا آ روچ دور نه اِنت که ادا نابودیں مردماناں په نندگ ء- جاگه نه بیت هروڈ که کونسل ء- هومر ء_" معزوری" ء_ ٱزر دیم ء- آرت بلے ؟
گڈا هومر دلپروش بیت ء، کونسل ء- درکئیت اڈان ء، پروشان " پوکیبا " نامی شهرے ء- پُجیت .
تهسٹورائڈٹس نام کشگ ء_ گژنگے اَت هومر ء- روز دنت که تو هرچی ساچشت ساچ ء_ وتی ساچشتاں من ء_ تهسٹورائڈٹس ء_ نام ء- بکن هومر په لاچاری اے شرت ء- مننیت یک وهدے ء- پد تهٹورائڈٹس هومر ء_ شعرانی مزنیں بهر ء_ جم کنت ء، هومر ء- وتی گس ء- گلینیت ء، هومر اے شهر ء- یل کنت ء، روت " ارتهری " نامی جاگهے ء- گوں یک شپانکے ء- گون کپیت ء، شپانک هومر ء- وتی واجه ء_ گور ء- بارت آ چه هومر ء_ زانشت ء- " متاثر" بیت ء، وتی چُکانی وانینگ ء_ زمه واری ء- ‌هومر ء- دنت یک رندے پدا هومر به " معلمی" ء- مشهور بیت
انچو گُشنت که اریتهری ء- هومر آروس کنت ء، هومر ء- دو جنک اوں بیت
نوں هومر ء_ دومی منزل اینتهنز " اَت آ یک مزنیں شهر ے اَت ء، هومر ء- وتی وتی توار دنیا ء_ کُنڈ کُنڈ ء- رسینگی اَت
ایتهنز ء- شُت ساموس ء_ " جزیره " ء- آئی ء- را باز عزت ء، شرف رست مزنیں بکشش ء_ دیگ بوت
موسم ء_ بهار " یعنی زمسان ء- آ اینتهز ء_ رسگ ء- پیش جزیره ء_ یوس ء- سک بیمار بوت ء، همود ء- مُرت
اینتهز جزیره ء_ یوس ء، ارکیڈیا ء_ شپانک انگت هومر ء_ قبرء_ منجار انت
نامه وریں یونانی فلاسفر ارسطو ء_ کتابے ء- نبشتگ انت که من ارسطو ارکیڈیا ء_ بندن ء- مئیدانی میتگے ء- شوتگ ء، جُست کتگ
" او ارکیڈیا ء_ مئیداں ! چے شُمے گور ء- چیزے است ؟
منی جُست ء_ پسو ء- آهاں یک " پهیلی " ء_ گُشتگ :
هرچی ما گیپتگ آ ما پُشت ء- یل داتگ ء، هرچی ما نه گیپتگ هما مئے گورء- اِنت "
گُشنت که هومر ء- اے پهیلی ء- را گیشینت نه کتگ ء، امے غم ء- آ مُرتگ
شبلی نعمانی ء- وتی سفرنامه " روم ، مصر ء، شام " ء_ تها نبشتگ که " هومر ء_ قبر سمرنا ء- انت
166
بازیں لچهے هومرء_ نام ء- انت بلے راستی ء- گوں اے گُشگ نبیت که اے سرجمیں لچه هومریگنت اگاں نا ----
اے وڈ اوں گُشنت که هومر ء_ بازیں لچه ئے گار بوتگ آ هاں چه یک " طنز ء، مزاهیه " داستانئے ء_ نام ارسطو ء- اوں گیپتگ
بلئے اے راستے که هومر ء_ مشهور بیگ ء_ تمامیں راز دو دراجیں لچه ( رزمیه آں ) داستان ، اوڈیسی ، ء، ایلیڈ ء_ سبب ء- بوتگ

روان انت

[Zahida Raees Raji]

چه میاں اوستمانی لبزانک ء-
هومر ء_ نکٹوکیں ( رزمیه) داستان
سیمی بهر ______________________ ل.ش
رزمیه یا داستان " ایلیڈ " ء- ٹرائے جنگ ء_ کسه انت که یونان ء، ٹرائے شهریانی میان ء- اے جنگ بوت اے ده سالی جنگ ء- دویں دیم ء_ دلاوریں سرمچار کُشگ بوتنت اےجنگ ء_ اسل سبب چے بوتگ ،پرچه بوتگ ، چتور هلاس بوتگ اے پسه ء_ زانگ ء_ واسته مارا " ایلیڈ" ء، آدگه کتاباں چه کمک زورگ کپیت هما مردمانی دیم ء- هومرء- اے کسهانی شعر جتگ انت هما اے جنگ ء_ راستی ء- سرپدانت یا کم گیش 550 پیش مسیح ع ایتهنز ء_ مردم اے واقعات ء- شری ء- سرپدانت " ایلیڈ" ء- ٹرائے هما جنگ هومر ء- وتی " موضوع" کتگ هما بارو ء- " آثار ء_ قدیمه ء_ زانوگرانی هیال اِنت که آ 1200 پیش مسیح ع کسه انت اے جنگ برهال بوتگ
بوت کنت که هومر ء- اے راستی دیم ء- آؤرتگ چو مه بیت بلئے هومر ء_ رهشونی ء- جرمنی ء_ یک آثار ء_ قدیمه ء_ زانوگرے ء- 1868 ء ٹرائے شهر پٹ ء، پول کتگ ء، درگیتکگ
دومی لچه ( رزمیه) ، اوڈیسی، ‌ء_ کسه هما وهد ء- شروع بیت که شهرء_ ٹرائے ء- را برباد بوهگ ء- بیست سال گوستگ ات اے وڈ ء- ، اوڈیسی ، ء_ سیادی گوں تاریک ء- نه انت بلکه اوڈیسی هومر ء_ ساچشت انت اے پولیسس نامی اولعزم بادشاه ء_ شریں وڈے ء- نام گرگ بیت که آ ٹرائے جنگ ء- گون بوتگ اے لچه ء- گُشگ بوتگ که جنگء- واتر بوهگ ء، آهگ ء- آهانی آپی گُراب چے وڈ توپان ء- دگه جاهے ء- چه دگه جاهے ء- بُرتگ
آ چے وڈ سرگرداں بوتگ انت ء، پدا وتی وتن ء- پُجتگنت
پریامے ء_ کستریں بچ پارس ء- سپارٹا ( یونان) ء_ سردار میلاؤس ء_ شرنگیں جن( هیلن) ء- گوں مال ء، سیم ء، تلاهاں دُزّ اِت ء، بُرت گڈا مینلاؤس ء- یونان ء_ تمامیں سردار مچ کتنت ء، وتی بے عزتی ء_ آوز گرگ ء- اچ آهاں کمک لوٹ اِت امے سبب ء- یونان ء_ مزن مزنیں سرداراں وتی وتی لشکر جم کتنت ء، دریائی گُراباں گوں ٹرائے سرا لشکر کشی کت اے " مُهم " ء- اٹیکا ( یونان ) ء_ بلاهیں سردار جنگجو سرمچار نامه وریں اوڈسیسوس ( پولیسس ) هوں هور بوتنت ء، ٹرائے " جنگی نامه وریں هیرو ایجکس ء، اکلیسء_ هوری ء- مزنیں جنگے کت اِش
جنگ هلاس بوت ء، یونان ء_ پشتکپتگیں سردار پدا هرکس وتی وتی مُلکاں شُتنت بلئے اوڈسیوس دیوتاهانی نارازی ء_ سبب ء- بازیں وهدے ء- سرگرداں بوت
، اوڈیسی، ء_ تها آئی ء_ امے دراجیں مسافری ء_ اهوال بیان اِنت
" ایلیڈ" اوڈیسی " په یونانیاں بائبل ء_ وڈ ء- انت
قدیم ایتهنز ء- هر چار سال ء- پد یک ٹوهیں میڈهے دارگ بیت ء، آئی ء_ بادشاه ء_ وقت اے دوئیں ( رزمیه) داستاناں " اسٹیج " ء- وانینیت ء، گُشتانک اِش دنت
ایلیڈ ء، اوڈیسی ء_ زبان ء، بیان ء- مزنیں پرکے است پمیشکه اے گپ ء_ سرء- هروهد ء- گپ چست بیت که چے ؟ اے دوئیں لچه ( رزمیه) هومر ء_ ساچشتاں اگاں نا ؟
قدیم زمانگ ء- یک نظریه ء_ اے بوتگ که اوڈیسی یک جنینے ء_ نویستگیں کتاب اِنت مرچی ء- تاں اے نزریه ء_ مستریں منّوک نامه وریں انگریزی شاعر ء، پٹ ء، پولکار گریوز اِنت
رابرٹ گریوز ء- وتی دوکتابانی تها " دی گریک متهسن / ء، هومرادوٹرا / ء- لهتیں دلیل اوں دیم ء- آؤرتگ انت بلئے آئی ء_ هیالاناں آکری پهمگ اوں ردی ء_ بیت اے واسته امے دلیلانی نام ء- انوں تاں مزنیں نبشتانکے نبیسگ کنگ بوتگ
2
روان اِنت

[Zahida Raees Raji]

چه میاں اوستمانی لبزانک ء-
هومر ء_ نکُٹوکیں ( رزمیه) داستان
بهر چارمی__________________ ل.ش


دوازده سد سال پیش مسیح ع یونان ء_ ء، ٹرائے جاهمندانی میان ء- بوهوکیں هونی جنگ ء_ ندارگانی عکاسی اوڈیسی اِنت
اے جنگ ء_ اهوال هومر ء- وتی مشهوریں ( رزمیه) " ایلیڈ ء-" بیان کتگ انت
ایشی ء- چه امے زانگ بیت که ٹرائے " ایشائے کوچک ء_ مزنیں سلطنتے بوتگ که آئی ء_ بادشاه پریام " یک باز مرد " بوتگ
هومر هما یونانی ربیدگانی مزنیں یات گارے که آ 1230 پیش مسیح ع مُرتگ
" ایلیڈ" اوڈیسی ، یونانی شاعری ء_ کُهن تریں رنگ ء- چه رنگے که آئی ء_ زمانگ ء_ نبشتگ کنگ باز مُشکل اِنت
اے دویں ( رزمیه) داستاناں قدیم پٹ ء، پولکاراں یک هزار پیش مسیح ع چه پیشتری ساچشت گُشتگنت
بلے نوکیں پٹ ء، پولکاراں اے هردو رزمیه داستان 800 پیش مسیح ع چه گُشتگ انت نوکیں زانوگرے لسانیاتاں هومر ء_ زبان ء، زندگی بارو ء- پٹ ء، پول کتگ ء، هومرء_ راستیں عهد ء_ نشان دیگش لوٹ اِتگ گڈا زانگ بوتگ که هومر ء- وتی زمانگ ء_ زبان ء- نبشتگ کتگ
وڈ وڈیں علاقهانی نام اش گیپتگ وڈ وڈیں یونانی زبان دیم ء اتکگ انت
اے وڈ هومر ء_ راستیں زمانگ ء_ نشان دیگ مُشکل اِنت
همک روچی ایں چیزانی کارمرز رسم ء، رواج ، اسلهانی بیان ء_ سیادی ء- چه اوں پٹ ء، پولکاراں مزنیں کمکے نه رستگ
پمیشکه هومر ء- چارسد سال پیشتری عهدء_ واقعات ء، کردارانی کسه پر وت گچین کتگ انت
ٹرائے جنگ 1200 پیش مسیح ع کسه اِنت که " ایلیڈ " تها نبشته انت که ، اوڈیسی، ء- بیست سال پیشتری زمانگ دیم ء- آرگ بوتگ
مستند " گوستانک " تاریخ ء_ کتاباں نبشته انت 550 چه پیش مسیح ع یونان بازیں ریاستے ء- بهر ء، ٹُکُر بوتگ آئی سرا وڈ وڈیں بادشاهاں هاکمی کتگ
ایتهنز ء_ هاکم پئستراکوس بوتگ آئ ء- پان آتهینس ، نامی یک کومی روچے دیم ء- آؤرتگ
اے کومی روچ ء- لس مهلوک ء_ مزنیں بهرے ایتهنی دیوی مندر ء- پیادگ شُتگنت هومر ء_ نبشتگ ایں ( رزمیه) داستان وش گُٹی ء- الهان اِش کتگ انت بلئے وشگُٹی جنوکاں هومر ء_ کسهانی " ربط" ء_ هیال نداشتگ
شاه پئستراتوسس ء_ فرمان ء- سرکارء- 550 پیش مسیح ع هومر ء_ لچهانی یک کتابے نبشتگ کنگ بوتگ اے وڈ ء- هومر ء_ شاعری گار بیگ ء- رکّتگ انت
150 پیش مسیح ع هومر ء_ دو دراج ایں لچهانی یعنی " ایلیڈ" اوڈیسی کتابجاه اسکندریه ء_ کارمستر ء، نامه وریں گوستانگ تاریخ نویس ء، پٹ ء، پولکارانی چه کمک ء- جم کنگ بوتنت
" ایلیڈ" اوڈیسی ء_ رجانک دنیائے بازیں زباناں کنگ بوتگنت
اردو ء- ایلیڈ ء، اوڈیسی ء_ اولی رجانک پنجاب ریجلیشن " بُک سوسائٹی " انارکلی لاهور ء- 1922 ء- کنگ بوتگ انت


روان انت