Author Topic: ‌کسٌه گیشوکیں بٹءِ ( اولی بهر ) مولابخش رئیسی  (Read 234 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6836
  • Karma: 356
    • Baask-Home of Baluchi Language, Literature & Culture
‌کسٌه گیشوکیں بٹءِ ( اولی بهر ) مولابخش رئیسی
_______________________________

بازیں وهدے گوستگ ات ، دادشاه ءِ گدار ءّ شنگ بیگ ءِ جازت واجه اکبر رئیسی ءّ رس اتگ ات ، بلے گوں بازیں ٹگلاں ، تاں اداں که دادشاه نام هم نبیسگ نه بیتگ ، پدا هم کوریں چٌماں ترمپے ارس ءِ بتل انت .
آ روچ من ءّ شٌری ءّ یادانت ، اکبر رئیسی ءّ من ءّ هال دات نیٌلگ شنگ کنگ بیتگ ، اے په من ءّ شٌریں هالے ات ، اکبر ءّ من ءّ اے هم گوشت منی کتاب ءِ دیمدرائی ءّ نیکشهر ءِ سنگت برجم دارگ ءّ انت ، چه من ءّ لهتے نام ے ْ لوٹ ات که ماں اے دیمدرائی ءِ دیوان ءّ بهر بزیرانت . من وتی لهتے لبزانکی سنگتانی نام دات ، من دل ءّ کمٌے نه وشٌ اتاں که نیکشهر ءِ اے سنگت ( دور همی ) دراه سیاسی مردم انت ءُ سیاسی مردماں چه کار گو ں لبزانکی کاراں . پدا هم من وتی دل کڈٌن کت هچ شکٌ مه کن بلکیں دیوان شرٌ به بیت پرچه الٌام کارے ْ .
واجه اکبر رئیسی ءّ بازینے لوٹ اتگ ات ، روچ گوزان بیت انت تاں واجهیں جمال ناصر ءّ گوں من ڈیک دات ، دیوان ءِ باندات ءّ جست کت : من چارات باز وش نه انت دیوان اے مردمانی دست ءّ انت . من دل ءّ گوشت بلکیں جمال ناصر گوں اشاں زبر نه انت ، من وت باید به رواں دیوان ءّ چه نزیک ءّ به گنداں ، انچوش بیت واجه اکبر ءّ من ءّ گوانک کت که باندا دیوان انت تو باریں چون کن ےْ ؟ ، من گوشت من ءّ ازمایل امانی ءّ گوشتگ اگاں بندر عباس ءّ نه شتاں گڑا رویں ، ازمایل بندر عباس ءّ نه شت من دل ءّ ڈڈ بیتاں اچه گوں ازمایل ءّ رواں ، وهدے من گوشت ازمایل چون کنیں تو کاےْ ، ازمایل ءّ گوشت: من نیایاں ءُ وتی واسته ماشینے درگیج ات .
چه ازمایل ءّ ایکیم بیتاں ، تاں واجه صمد هوتی ءّ گوانک کت که : من اشکتگ باندا دیوان ءّ استاندار کیت باریں دیوان سیاسی ے ، باریں چونیں دیوانے ، من درائینت : من سهیگ نیاں ، اگاں دیوان سیاسی ے هم به بیت پروگے نیست ، اکبر ءِ جند وّ سیاسی نه انت ، اگاں نیکشهری سیاسی انت ، من نزاناں . صمد هوتی ءّ گوشت : گڑا من تو رویں ، من گوشت شٌریں هوریگ ءّ رویں .
اے روچ بیت بزاں دیوان ءِ روچ ات ، من امام آزات ءّ گوشت : من ، تو شئی هالد ءُ قیوم هوریگ ءّ رویں اگاں جنید هم اتک گڑا وّ شرترانت ، امام ءّ گوشت : شٌر من قیوم ءّ گوشاں ، بیگاه ءِ ادار سئے بیت چه صمد هوتی ءّ هبرے نیست ات ، یک وهدے شئی هالد اتک گوشت ےْ : بیا بریں ، من گوشت : ماشین نیست انت کمٌے داریں بلکیں ماشینے بئیت . من صمد هوتی ءِنیمگ ءّ دلمانگتاں ، من ءّ شئی هالد ء ّ گوشت : تو درا ڈن ءّ بچار ، من دراتکاں گنداں هؤ غلام بهارءِ ماشین انت ءُ جنید ءُ امام آزات هم همراه انت ےْ ، ما دیم په نیکشهر ءِ گلیں بازار ءّ رهادگ بیتیں . ماوهدے نیکشهر ءّ سر بیتیں ، ما نزانت کجا به روئیں ، پمشکه جنید بلوچ ءّ جمال ناصر گوانک کت ، جمال ناصر ءّ گوشت : من چهبارءّ یاں ، جنید ءّ دیوان ءِ جاه جست کت ، جمال ناصر ءّ درائینت : دیوان امام حسیں ءِ وانگجاه ءّ انت . بازیں جست پرس رند ما اے وانگجاه در گیتک ، بلے اود ءّ ابیتکی ات . ما اکبر رئیسی ءِ جند گونک کت : گوشت ےْ : بیا ات فرمانداری ءّ ، فرنانداری ءّ شُت ایں گندیں هؤ ، مهلوک دراه همدان انت ، مئی سنگت فرنانداری ءِ ته ءِ روگ ءّ نه منٌگ ات انت ، پرچه که فرمانداریاں مردنانی گُنداں هم پٹ انت ، گڑا انچوش بیت .
ما ته ءّ شت ایں ، چو کیامت ءِ روچ ئیگ ءّ درستانی چٌم سرءِ بان ءّ ات انت ، کس کس ئیگ نه ات ، رندا جاراش پِرینٌت ، بیا ات رویں دیوان جاه ءّ ، ما دگه وّ کس نه زانت ، ما اکبر رئیسی ءِ ماشین ءِ رندا کپتیں ، نیکشهر ءِ لئیب ءُ گوازی ءِ ( تربیت بدنی ) جاه ءّ رس اتیں ، پلیس کس ءّ گوزگ ءّ نئیلگ ات اتت ، ما ڈن ءّ اوشتاتیں ، یک وهدے " حمیدالله سردارزهی گوں معین الدین سعیدی ءّ سر بیت ، جوڑی ڈڈٌی ءّ پد آ ته ءّ شُت انت ، پلیساں آیانی دیم نه داشت ، گڑا ما هم ته ءّ شُت ایں . مزنیں جاهے ات ، سر جاه اش ایرکتگ ات په مردمانی نندگ ءّ ، سرجاه وّ بلوچی ات انت ، بلے سرجاهانی دیم ءّ " یلدا " ءِ شپ ءِ کیٹٌگ ایرات انت که ما ں بلوچ ءِ دود ءُ ربیدگانی ته ءّ یلدا ءِ شپ ءِ برجم دارگ ءِ دود نیست انت .

( رندگیری بیت )