Author Topic: هَـمـا وَهـد ءَ کـہ بـلـوچـسـتـان " عُـمـان " ءِ یَـک بَـهـرے بـوُتَـگ  (Read 121 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
هَـمـا وَهـد ءَ کـہ بـلـوچـسـتـان " عُـمـان " ءِ یَـک بَـهـرے بـوُتَـگ
نـبـشـتـانـک : " عُـمـان " ءِ دود ءُ ربـیـدَگـی وزارَت – مـجـلّـه 16
رجـانـک : ادَبـی هَـکـیـم
---------------------------------------------------------------------
اِے گـَـپ ءَ هَـرچ کـَـسـے زانـت کـہ " سـلـطـنـت عُـمـان " ءِ بـادشـاهـی " الـیـعـاربـه " ءِ وَهـد ءَ بـاز زوراکـی بـوُتَـگ ءُ " آل سـعـیـد " ءَ وَتـی مُـلـک ءِ سـیـمـسَـر مـاں آسـیـا ءُ اَپـریـکـا ءِ نـیـمَـگ ءَ دیـمـا بُـرتَـگ وَهـدے کـہ مـا " عـمـان " ءِ آسـیـا ءِ بَـهـر ءِ بـارَوا گـپ کـن ایـں گـڑا مـا بـلـوچـسـتـان ءِ بـارَوا گـپ کـن ایـں بـلـوچـسـتـان پـوکـسـتـان ءُ ایـران ءُ اوگـانـسـتـان ءِ دَرمـیـانءَاِنـت آئـیءِ تـهـ ءَ 8 یـاں 10 مـلـیـون مَـردُم زنـدگـی کـنَـگءَاَنـت.
بـلـوچـسـتـان ءِ تـیـاب دَپ ءِ نـام مَـکـُـران اِنـت چـہ دریـا " بـلاد الـرافـديـن " ءِ رَهـگـوَزی راه اِنـت ءُ چـہ هُـشـکـی ءِ راه ءَ دَرمـیـانـی دَریـا ءَ گـوں هـنـدُسـتـان ءُ اَپـریـکـا ءِ نَـمـبـیـگـانـی مُـلـکـاں هَـوار کـَـنـت ءُ یَـک دگـے نـیـمَـگـےءِ راه گـوں چـیـن ءُ اوزبـکـسـتـان ءُ تـاجـیـکـسـتـان ءُ تـرکـمـنـسـتـان ءِ راهـاں هَـوار بَـنـت " عُـمـان " ءَ پـیـسَـرا وَتـی مُـلـک ءِ مـال ءُ سـامـان چـہ مَـکـُـران ءِ راهـاں آسـیـا ءِ نـیـمَـگ ءَ بُـرتَـگ اَنـت.
پـیـسَـر چـہ مـیـلادی سـال ءِ چـارُمـی هـزار سـال ءِ آسَـرءَ " عُـمـان " گـوں بـاپـاری ءُ سَـوداگِـری کـاربـارءِ تَـنـد گـوں مَـزَنـهـور ءُ ایـران ءُ مَـکـران ءُ بـلاد الـرافـدیـن کـہ مـروچـیـگـیـں عـراق ءُ سـوریـا ءُ کـوَیـت ءُ سـعـودی اَنـت هَـوار بـوُتَـگ عُـمـان ءُ بـلـوچـسـتـان ءِ دوسـتـی ءِ نِـشـانـی مـاں بـلـوچـسـتـان ءَ دَرکـَـپـتَـگ اَنـت مـاں 1981 سـال ءَ چـہ بـلـوچـســتـان ءَ لَـهـتـے کـوُنـزَگ ءُ مَـٹ ءُ دیـگ دَراتـکـگ کـہ آیـانـی سَـرءَ مَـشـکـت ءِ نِـشـانـی زَهـم ءُ کـاٹـار مـاں الـهـارابـابـیـه ءِ آبـاتـی وَهـداں نَـکـش کـنَـگ بـوُتَـگ اَنـت کـہ آ مـاں سِـنـد جَـهـمـنِـنـد بـوُتَـگ اَنـت ءُ اِے نـشـانـی پـیـسَـر چـہ مـیـلادی سـالءِ بُـنـگـیـج بَـیَـگءَ جـواں بـوُتَـگ اَنـت .
مـاں مـیـلادی سـالانـی وَهـد ءُ زَمـانَـگ ءَ اِے مَـنـانِـک ءِ لَـهـتـے کـوَهـنـیـں کـاگـَـد پـٹ پـول کـَـنـوکـانـی دَسـت ءَ کـپـتَـگ اَنـت کـہ اِسـلام ءِ آیَـگ ءَ رَنـد بـاز بـلـوچ مـاں عُـمـان ءَ شُـتَـگ ءُ جـهـمـنـنـد بـوُتَـگ اَنـت ءُ لَـهـتـے چـہ اوروپـا ءِ رَهـگـوَزاں کـہ آ وَهـد مـاں عُـمـان ءَ شـتـگ اَنـت گـوَشـتَـگ مـا وَت دیـسـتَـگ کـہ بـاز بـلـوچ چـہ مَـکـُـران ءَ مَـشـکـت ءَ آیَـگ بـوُتَـگ اَنـت ءُ مـاں مَـشـکـَـت ءَ جَـهـمـنِـنـد بـوُتَـگ اَنـت ءُ لَـهـتـے چـہ مَـشـکـَـت ءِ بـلـوچـاں گـوَشـتَـگ آیـانـی پـیـریـنـاں چُـنـت دَهـرءَ پـیـش چـہ بـلـوچـسـتـان لَـڈ ءُ بـار بـوُتَـگ ءُ مـاں مَـشـکـت آتـکـگ ءُ جَـهـمـنِـنـد بـوُتَـگ اَنـت.
چـار هَـزار سـال ءَ پـیـش چـہ مـیـلادی سـال ءِ بُـنـگـیـج ءَ عُـمـان ءَ بـلـوچـانـی جَـهـمِـنـنـدی ءُ دوسـتـی گـوں عُـمـان ءِ مُـلـکـی سـیـاسَـت هَـمـگـرِنـچ نـہ بـوُتَـگ اِے دوسـتـی ءُ هَـمـگـرنـچـی ایـوَک ءَ مـاں الـیـعـاربـه ءُ الـبـوُسـعـیـد ءِ هُـگـم ءِ زَمـانَـگ ءَ بـوُتـگ اَنـت .
بـلـوچـسـتـان ءِ جـاوَر مـاں الـیـعـاربـه ءِ زَمـانَـگ 1624-1744م:
وَهـدے کـہ الـیـعـاربـه ءَ وَتـی دَریـائـی لَـشـکـَـر تَـیـار کـُـرت اَنـت راجـدَپـتـر گـَـواه اَت کـہ آئـیءَ پُـرتَـکـال ءِ لَـشـکـر جَـت ءُ چـہ عُـمـان ءُ هِـنـدُسـتـان ءُ اَپـریـکـا ءِ دَریـا گـَـلّـیـنـت رَنـدا آ وَت دَریـا ءِ واهُـنـد بـوُت اَنـت آ وَهـد ءَ عُـمـان ءِ مَـردُمـاں یَـک مَـزنـیـں بـاپـاری ءُ سَـوداگِـری مُـلـکـے مـاں هِـنـدُسـتـان ءَ رَمـبـیـنـت آ بَـنـدَرگـاه مَـزَنـهـور ءُ اَپـریـکـا ءُ ایـران ءُ هـنـدُسـتـان ءِ بـاپـاری ءُ سَـوداگِـری کـاربـارءَ هـنـدُسـتـان ءِ گـَـنـگـا ءِ کـَـور کـَـش ءِ شَـهـران ءَ آبـات کـُـرتَـگ اَت رَنـدا عُـمـانـی مـاں مَـکـُـران ءَ آتـک اَنـت ءُ بـلـوچـسـتـان ءِ گـُـوادَر ءِ بَـنـدرگـاه اِش آبـات کـُـرت ءُ سـیـف بـن سـلـطـان ءَ وَتـی مُـلـک ءِ " دارالـحـکـومـت " ءِ یَـک کـَـلاتـے مـاں گـوادَر ءَ جـواں کـُـرت کـہ تَـنـیـگـا آ هَـسـت اِنـت.
"عُـمـانـی دارالـحـکـوَمـت "ءِ اِے کـَـلات ءَ بـلـوچـانـی دُمـبُـل گـوں عُـمـان ءَ بَـسـت اَنـت رَنـدا آئـیءَ بـلـوچ گـوں وَتـی جَـنـگـی لَـشـکـَـراں هَـوار کـُـرت اَنـت هَـنـچُـش کـہ بـلـوچـان ءَ عُـمـان پـہ پـرتَـکـالـیـانـی گـَـلّـیـنَـگ ءَ مـاں عُـمـان مَـدَت کـُـرتَـگ اَت هَـمـے داب ءَ بـلـوچـاں عُـمـان ءَ اَپـریـکـا ءِ سَـرءَ وَتـی هُـگـم ءِ دارَگ ءَ مَـدَت کـُـرت بـلـوچ لَـشـکـَـرانـی کـار اِش اَت کـہ آیـان ءَ عُـمـان ءِ بَـنـدرگـاه ءُ مَـزَنـیـں شَـهـرانـی تَـهـ ءَ بُـنـپـانـی کـُـرت ءُ چـہ هَـرچ دُژمـنـے پَـهـریـزاِت سـیـف بـن سـلـطـان ءَ پـہ مَـمـبـاسـا ءِ گِـرَگ ءَ عُـمـان ءِ بـلـوچـانـی لَـشـکـَـرءِ جَـمـادار شـهـداد بـلـوچ ءَ گـوں وَتـی لَـشـکـر دیـم دات مَـمـبـاسـا ءِ گِـرَگ ءَ رَنـد عُـمـان ءَ جـمـادار شَـهـداد ءَ مَـمـبـاسـا ءِ والـی کـُـرت ءُ کـامـیـاتـی ءِ دادبَـکـشـی دات.
وَهـدے کـہ " الامـام سـلـطـان بـن سـیـف بـن سـلـطـان الـیـعـربـی " ءِ چُـکـّـاں وَت مـاں وَت جَـنـگ بـوُت اَنـت چـہ آیـاں بـاز کـُـشَـگ بـوُت ءُ بـاز مـاں عُـمـان ءَ پَـشـت کـَـپـت اَنـت مـاں آ دَورءَ بـلـوچـانءَ بـاز مَـدَت کـُـرت اِے هَـمـا بـلـوچ اِت اَنـت کـہ الامـام سـلـطـان ءَ چـہ بـلـوچـسـتـان پـہ بـلـعـرب بـن حـمـیـر ءِ جَـنـگ ءَ آورتَـگ اِت اَنـت.
بـلـوچـسـتـان ءِ جـاوَر مـاں آل بـوسـعـیـد ءِ دَور ءُ زَمـانَـگ.
آل سـعـیـد ءِ هُـگـم ءِ بُـنـگـیـجـی مـاں 1744-1775 م ءَ أحـمـد بـن سـعـیـد مـاں مـحـمـد بـن سـلـیـمـان الـیـعـربـی ءِ جَـنـجـالاں کـَـپـت رَنـد ءَ أحـمـد بـن سـعـیـد ءَ پـہ بـلـوچـسـتـان ءُ سِـنـد ءِ سَـرداراں کـُـلـہ دیـم دات ءُ مَـدَت لـوٹ اِت آ وَهـد ءِ سَـرداران ءَ وَتـی لَـشـکـر پـہ أحـمـد بـن سـعـیـد ءِ مَـدَت کـنَـگءَ دیـم دات اَنـت بـلـوچـاں مـحـمـد بـن سـلـیـمـان الـیـعـربـی ءِ سَـرءَ اُرُش کـُـرت " حـصـن نـخـل " ءِ کـلات اِش گِـپـت ءُ " حـصـن الـقـرطـی " ءِ کـَـلات اِش پـروشـت بـلـئـے مـاں " سـیـح الـطـیـب " ءِ جَـنـگ ءَ أحـمـد بـن سـعـیـد ءِ وَتـی لَـشـکـر پـروش وارت گـڑا زَدجـال ءُ بَـلـوچ ءُ آل هـیـبـه ءِ لَـشـکـَـراں جَـنـگ ءِ دِیـم پـہ مَـردی داشـت هَـنـچُـش کـہ عُـمـانـی راجـدَپـتـرءِ پـٹ پـول کـنـوک واجَـہ ابـن رزیـق ءَ گـوَشـتَـگ آ لَـشـکـَـر درُهـا کـُـشـگ بـوُت اَنـت ءُ گـیـشـتـر مَـردُم چـہ شُـد ءُ تُـنّ ءَ مُـرتـگ اَنـت.
مـاں 1783 ءِ مـیـلادی سـالءَ سـلـطـان بـن أحـمـد گـوں بـلـوچـسـتـانءِ آ وَهـد ءِ هـاکـُـم مـیـر نـصـیـر خـان ءَ مِـلّ اِت رَنـدا آ وَت مـاں وَت دوسـت بـوُت اَنـت گـڑا واجَـہ مـیـر نـصـیـر خـان ءَ گـوادر أحـمـد بـن سـلـطـان ءَ دات ءُ بَـکـش اِت رَنـدا گـوادَر مـاں 1792 ءِ مـیـلادی سـالءَ عُـمـان ءِ یَـک بَـهـرے بـوُت رَنـدا أحـمـد بـن سـلـطـان ءَ سـیـف بـن عـلـی گـوادَر ءِ والـی کـُـرت کـہ آ گـوادَر ءُ چَـهـبـار ءِ هـاکـُـمـیءَ بـہ کـنـت گـوں سـیـف بـن عـلـی ءِ آیَـگ ءَ گـوادَر آبـات بـوُت گـوادر ءَ چـہ واریـں بـلـوچـسـتـانءِ پَـسـنـی ءُ جـیـونـی ءِ پَـیـمـیـں بَـنـدَرگـاهـاں بـاج بُـرت.
سـعـیـد بـن سـلـطـان ءِ زَمـانَـگ ءَ عُـمـانـیـاں گـوادَر ءُ چَـهـبـار ءُ بَـنـدر جـاسـک ءِ سـرءَ هـاکـُـمـی کـُـرتَـگ اِنـگـریـز ءِ یَـک اَپـسَـرے کـہ آئـیءِ نـام ( گـرانـت ) بـوُتَـگ ءُ آ مـاں اِے مُـلـکـاں آتـکـگ آئـیءَ گـوَشـتَـگ گـوادَر ءُ چَـهـبـار ءِ زَرّ گـوں عُـمـان ءِ والـی ءُ بـلـوچـسـتـان ءِ سـرداراں بَـهـر بـوُتـگ اَنـت بـلـئـے جـاسـکءِ هـاکـُـم مـیـر هـاجـیءَ چـہ وَتـی مَـهـلـوک زرّ پَـچ گِـپـتَـگ ءُ پـہ عُـمـانءِ والـی مـالـیـات دیـم داتـگ .
مـاں آ زَمـانَـگ ءَ اوروپـائـی مُـسـاپـر کـہ مـشـکـَـت ءَ شـتَـگ ءُ آتـکـگ اَنـت آیـانءَ گـوَشـتَـگ مـاں أحـمـد سـعـیـد ءِ زَمـانَـگ ءَ مَـشـکـَـت ءِ تـهـ ءَ بـلـوچـانـی جَـنـگـی لَـشـکـر 2000 کـَـس بـوُتَـگ اَنـت مـاں 1825ءِ مـیـلادی سـال ءَ ایـوَک ءَ چـہ بـلـوچـسـتـان ءِ لَـشـکـَـر 300 کـَـس أحـمـد بـن سـلـطـان ءِ جـنـد ءِ چـاگِـرد ءِ 300 بُـنـپـانـی ءَ کـُـرتَـگ .
أحـمـد بـن سـلـطـانءَ بـلـوچـانـی لـشـکـَـر ءِ سـرءَ بـیـسـہ بـوُتـگ آ پـہ وَتـی زوراکـی کـنَـگ ءَ بـلـوچ کـارمَـرز کـُـرتـگ اَنـت آئـیءَ درّا بـن جُـمّـا بـلـوچ ءَ مـشـکـَـت ءِ والـی – اسـتـانـدار کـُـرتَـگ ءُ اسـمـاعـیـل بـلـوچ ءِ " حـصـن سـمـائـل کـَـلات ءِ مَـسـتِـر کـُـرتَـگ .
مـاں 1858 ءِ مـیـلادی سـال ءَ ءُ سـعـیـد بـن سـلـطـان ءِ مِـرَگءَ ءُ رَنـد عُـمـان ءُ بـلـوچـسـتـان ءِ دوسـتـی ءِ سـرءَ اُرُش کـنَـگ بـوُتـگ ءُ هَـمـگـرنـچـی سـاد سـسـتَـگ اَنـت رَنـدا مَـکـران ءِ تـیـاب دَپ ءَ عُـمـان ءِ مـیـراس ءَ نُـکـس رَس اِتَـگ.
بُـنـدَرءَکـہ مـاں 1868 – 1871ءِ سـال ءَ عُـمـان ءِ دارالـحـکـومَـت الامـام عـزان بـن قـیـس ءِ دَسـت ءَ کـپـت گـوادَر ءِ مـردُم گـوں گـوادَر ءِ والـی وَشّ وَشّ نـہ بـوُتـگ اَنـت گـڑا واجَـہ نـاصـر بـن ثـویـنـی الـبـوسـعـیـدی کـہ آئـیءِ مـات چـہ مـکـرانـی بـلـوچـان اَت آتـک ءُ گـوادَر ءِ والـی بـوُت.
رَنـدا کـہ ( تـرکـی بـن سـعـیـد ) ءَ مـاں 1871 ءِ سـال ءَ عُـمـان ءِ دارالـحـکـومَـت چـہ الامـام عـزان بـن قـیـس ءِ دَسـت ءَ پَـچ گِـپـت ءُ الامـام عـزان بـن قـیـس ءِ چـہ مَـشـکـت کـَـشّ اِت آئـیءَ پَـدا گـُـوادَر ءَ وَتـی هُـگـم ءِ چـیـرءَ کـُـرت آئـی ءَ وَت گـوادَر ءِ درُهـیـں زمـہ واری وَتـی دَسـتءَ کـُـرت اَنـت آئـی ءَ چـہ گـوادَر ءُ مَـکـران ءِ لَـشـکـَـر ءُ آدگـے لَـشـکـر کـہ چـہ نَـجـد ءُ الاحـسـاء ءُ حـضـر مـوت ءُ اَپـریـکـا ءَ آورتَـگ اِت اَنـت کـارمَـرز کـُـرت ءُ آئـی ءَ چـہ عُـمـان ءِ مَـردُم هَـم مَـدَت لـوٹ اِتـگ اَت کـہ آئـیءَ مـاں 1874م و 1877م و 1883م ءِ وَت مـاں وَتـی جَـنـگـاں مَـدَت بـہ کـن اَنـت.
رَنـدا کـہ عُـمـان ءِ دارالـحـکـوُمـت سـلـطـان تـیـمـوُر بـن فـیـصـل ءِ دَسـت مـاں (1913- 1932) ءِ سـالاں کـَـپـت گـوں مُـلـک ءِ تَـهـ ءِ جَـنـگـاں آئـی ءِ سـیـاسَـت بَـدَل نـہ بـوُت آئـیءَ چـہ بـلـوچـسـتـان ءِ مَـردُمـاں 300 کـَـس ءِ یَـک لَـشـکـَـرے جـواں کـرت اِے لَـشـکـرءِ نـام مَـشـکـَـت ءِ لـشـکـر نـام بَـنـدَگ بـوُت کـہ مَـشـکـَـت ءَ ءُ مَـشـکـَـت ءِ راهـاں چـارَگ ءُ وارَگ بـہ کـن اَنـت .
گـوادَر چـہ عُـمـان جُـتـا بـوُت.
مـاں (1932 – 1970 م ) وَهـد ءَ کـہ عـمـان ءِ دار الـحـکـومَـت سـلـطـان سـعـیـد بـن تـیـمـوُر ءِ دَسـت ءَ کـَـپـت هَـمـے پَـیـم ءَ بـلـوچـسـتـان ءِ مَـکـران ءَ وَتـی وَرنـا عُـمـان ءِ وَپـادار کـُـرت ءُ دِیـم دات اَنـت رَنـدا پـوکـسـتـانءِ راجـکـَـمـاش ( لـیـاقـت عـلـی خـان) زَهـر گِـپـت ءُ گـوَشـت نـوں گـوادَر پـوکـسـتـان ءِ مـیـراس بـوُتَـگ رَنـدا انـگـریـزءَ گـوَشـت کـہ پـوکـسـتـان 40 لَـکّ پَـونـڈ مَـشـکـَـت ءَ بـہ دَنـت ءُ گـُـوادَر ءِ تـهـ ءَ مَـشـکـَـت ءِ سـامـانـاں پـہ بُـهـا بـہ زوُرایـت گـڑا پـوکـسـتـان ءَ مـاں 1957 ءِ سـال ءَ گـوں عُـمـان تـپـاکـی ءِ یَـک کـاگـَـدے نـبـشـت ءُ مَـشـکـَـت چـہ گـوادَرءَ مـوکـَـل بـوُت.
اِدا مـن هَـم چـار گـال گِـیـش کـن آں عُـمـان ءِ دارالـحـکـومَـت ءِ وَزارَت گـوَشَـگ ءَ اَنـت کـہ مَـشـکـَـت ءِ بـلـوچ مَـکـُـران بـلـوچـسـتـان ءِ مَـردُم اَنـت ءُ آ چـہ مَـکـران ءَ مـاں مَـشـکـَـت آتـکـگ اَنـت ءُ آرَگ بـوُتـگ اَنـت بـلـئـے پَـدا هَـم مـئـے لَـهـتـے بـلـوچ کـہ آ مـاں مَـزَنـهـورءِ شـاگـیـں گـوانـزَگـاں رُسـتـگ اَنـت ءُ بـسـکـوٹ اِش وارتَـگ ءُ مَـزَن بـوُتـگ اَنـت گـوَشـگءَاَنـت کـہ بـلـوچ اَرَب اَنـت راجـدَپـتـر ءِ کـتـاب نـبـیـسـگ ءُ شِـنـگ کـنَـگءَاَنـت.
[/b]