Author Topic: اِنـگـریـز ءِ دَور ءَ بـلـوچـسـتـان ءُ مَـکـُـران ءِ جـاوَر  (Read 193 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
اِنـگـریـز ءِ دَور ءَ بـلـوچـسـتـان ءُ مَـکـُـران ءِ جـاوَر
نـبـشـتـانـکـار : انـگـریـز ءُ هِـنـدُسـتـان ءِ شَـریـداریـں دَپـتَـرجـاه.
رجـانـک : ادَبــی هَـکـیـم
------------------------------------------------------------------
مـاں بـلـوچـسـتـان ءَ ءُ اِنـگـریـزءِ هُـگـم ءِ زَمـانَـگ ءَ یَـک چَـمـشـانـکـے بـلـوچـسـتـان ءُ مَـکـران ءِ بـارَوا مـاں هِـنـدُسـتـان ءِ دَپـتَـراں اِے داب ءَ نـبـیـسـگ بـوُتَـگ.
چـہ اِنـگـریـز ءُ هـنـدُسـتـان ءِ شَـریـداریـں هُـگـم ءِ دَپـتَـرجـاه ءِ نـبـشـتـانـکـاں دَرگِـپـت کـَـنَـگ ءُ زانَـگ بـوُتَـگ کـہ مـاں آسـیـا ءِ بَـهـرءَ بـلـوچـسـتـان یَـک کـُـوَهـنـیـں جـاگـاهـے کـہ آ گـوں مـروچـیـگـیـں پـوکـسـتـان ءُ ایـران ءُ اوگـانِـسـتـان ءَ هَـمـدَپ ءُ هَـمـکـَـپ اِنـت ءُ مَـکـُـران بـلـوچـسـتـان ءِ تَـیـاب دَپ اِنـت ءُ آ گـوں اَرَبـانـی دَریـا ءَ هَـمـسـاهِـگ اِنـت مَـکـران گـوں دَشـت ءُ کـوُچَـگـاں زیـبـداراِنـت مَـکـُـران ءِ مَـسـتـریـن شَـهـر ءُ بَـنـدَرگـاه گـوادَر اِنـت .
پَـهـنـاوَریـں مُـلـکـے ءُ آئـیءِ مَـردُم کـَـمّ اَنـت چـہ دُنـیـا ءِ بـاز زوراکـاں پـہ اِے مُـلـک ءِ دَسـت گِـرَگ ءَ اَڑ ءُ جَـنـجـال جـواں کـُـرتَـگ یَـکـّے چـہ آ زوراکـاں پُـرتَـکـال بـوُتَـگ کـہ آئـیءَ مـاں شـانـزَهُـمـی دَهـر ءَ مَـکـُـران ءِ سـرءَ اُرُش کـُـرتَـگ پُـرتَـکـال ءِ گـَـلّـیـنَـگ ءَ ءُ رَنـد مَـکـُـران مـاں 1784 داں 1958 دَرمـیـان ءَ " سَـلـطـنـت عـمـان " ءُ اِنـگـریـز ءِ دَسـت ءَ بـوُتَـگ .
بـلـوچـسـتـان ءِ بـاز هَـدّ ءُ دَمَـگ اِنـگـریـز ءِ دَسـت ءَ بـوُتَـگ اَنـت رَنـد چـہ اِنـگـریـز ءُ اوگـانـسـتـان ءِ اولـی جَـنـگ ءَ انـگـریـز ءَ سُـوب رَس اِتَـگ کـہ چـہ روُس ءِ تُـرس ءَ آ یَـک جُـگـراپـی بَـنـدے پـہ هـنـدُسـتـان ءِ اَمـن ءُ اَمـان ءِ هـاتِـرءَ مـاں بـلـوچـسـتـان بـہ بَـنـدایـت پـرچـے کـہ هـنـدُسـتـان مـاں آ وَهـداں اِنـگـریـز ءِ مـیـراس بـوُتَـگ ءُ اِنـگـریـز ءَ چـہ روُس سَـکّ تُـرس اِتَـگ کـہ روُس اوگـانـسـتـان ءُ بـلـوچـسـتـان ءَ گـوں وَتـی مُـلـک هَـوار مـہ کـَـنـت.
آ وَهـد ءَ گـُـوادَر پـہ بـاپـاری ءُ سَـوداگِـری ءُ دَریـا ءِ مـاهـیـگِـری کـار ءُ بـار ءَ یَـک پَـچـیـں دَروازَگـے بـوُتَـگ ءُ آ دَریـائـی راه ءِ یَـک مَـزَنـیـں آپـسَـرے بـوُتَـگ دُنـیـا ءُ هـنـدُسـتـان ءُ مَـزَنـهـور ءِ راه گـوں گـوادَر ءِ بَـنـدَرگـاه هَـوار بـوُتَـگ اَنـت.
مـاں نـوزدَهُـمـی دَهـر ءِ شـسـتُـمـی سـال ءَ اِنـگـریـز ءَ مَـکـُـران ءِ " اِسـتـراتـیـجـیـک " گِـیـشـتِـر اَزکـار بـوُتَـگ آ وَهـد ءَ اِنـگـریـز ءَ تـلـگـراپ ءِ یَـک لَـیـنـے گـُـوادَر ءُ هِـنـدُسـتـان ءُ لَـنـدَن ءِ دَرمـیـان ءَ پَـچ کـُـرتَـگ .
مـاں 1863 ءِ سـال ءَ اِنـگـریـز ءَ یَـک اروپـائـی سـیـاسـی وَکـیـلـے هَـم آورتَـگ ءُ مـاں گـوادَر ءَ نِـنـداریـنـتَـگ .
آ وَهـد بـلـوچـانـی روزیـگ چـہ مـاهـیـگ ءِ شِـکـار ءُ کِـشـت ءُ کِـشـار ءُ کـَـمّـے چـہ بـاپـاری ءُ سَـوداگِـری کـار ءُ بـار بـوُتَـگ بـلـئـے گـوں دومـی جـهـانـی جَـنـگ ءَ دَریـا ءَ جَـنـگـی بـوجـیـگـانـی رَوَگ ءُ آیَـگ بـاز بـوُتَـگ رَنـدا اِنـگـریـز ءَ بـلـوچـسـتـان ءِ آدگـے بَـهـرانـی سَـر ءَ اُرُش کـُـرتَـگ ءُ چـہ آ نـیـمَـگ ءَ ایـران گـوں اِنـگـریـز ءِ مَـدَت ءَ رواِیـرنِـشـتـی بـلـوچـسـتـان ءِ سَـرءَ اُرُش کـُـرتَـگ رَنـدا پـوکـسـتـان چـہ یَـک کـَـهـبَـگـیـں مـاتـے پـیـداگ بـوُتَـگ رَنـدا بـلـوچـسـتـان ءِ " خـان کـَـلات " ءَ گـَـدّاری ءِ سـیَـہ مـارے وارتَـگ ءُ کـُـشَـگ بـوُتَـگ رَنـدا پـوکـسـتـان ءَ بـلـوچـسـتـان ءِ سَـرءَ اُرُش کـُـرتَـگ رَنـدا مـاں بـلـوچـسـتـان ءَ زُمـیـن چَـنـڈ بـوُتَـگ ءُ سـال ڈگـال بـوُتَـگ اَنـت بـزاں بـلـوچ ءِ روزیـگ چـہ هَـمُـک نـیـمَـگ ءَ بَـنـد بـوُتَـگ اَنـت گـیـشـتِـر بـلـوچ چـہ شُـد ءَ دَرانـڈیـہ بـوُتَـگ ءُ مـاں اَرَبـی مُـلـکـاں ءُ مـاں هِـنـدُسـتـان ءَ شَـتَـگ اَنـت .
رَنـدا کـہ هِـنـدُسـتـان ءَ وَتـی آجـوئـی چـہ اِنـگـریـز ‏ءِ دَسـت ءَ پَـچ گِـپـتَـگ گـُـڑا بـلـوچـسـتـان سَـے راج ءِ مـاتـانـی مَـهـر بـوُتَـگ ءُ پـہ زور سَـے جـاه ءَ بَـهـر کـَـنَـگ بـوُتَـگ ءُ گـوادَر مَـشـکـَـتـیـانـی بَـهـر کـَـپـتَـگ رَنـدا مَـشـکـَـت ءَ گـُـوادَر مـاں 1957 ءِ سـال ءَ گـوں پـوکـسـتـان بُـهـا کـُـرت ءُ وارتَـگ .
دِلـگـوش : لَـهـتـے زَپـتـیـں گـال مـن چـہ وَتـی نـیـمَـگ ءَ گِـیـش کـُـرتَـگ.
[/b]