Author Topic: بـلـوچـسـتـان ءِ پَـجّـار ءَ بـزان اِت  (Read 1077 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
بـلـوچـسـتـان ءِ پَـجّـار ءَ بـزان اِت
رجـانـک چـه اِنـگـریـزی زبـان گـوں اَربـی زبـان : Red Sea Baloch
هَـمـگـرِنـچ اِنـت گـوں بـلـوچ ءُ بـلـوچـسـتـان ءِ رَسـانـکـَـدَر
رجـانـک چـہ اَرَبـی زبـان گـوں بـلـوچـی زبـان : ادَبــی هَـکـیـم
---------------------------------------------------------
بـلـوچـسـتـان بـلـوچـانـی ڈیـهـ اِنـت ءُ آ مـروچـی زالِـم ءُ زوراکـانـی بَـنـدیـگ اِنـت بـلـوچـسـتـان پـارسـیـانـی مُـلـک خـراسـان ءُ پَـٹـانـانـی مُـلـک پَـشـتـونـسـتـان ءُ پَـنـجـاپ ءُ سِـنـد ءُ چـہ نَـمـبـیـگـانـی نِـیـمَـگ ءَ مَـکـران ءُ هِـنـدُسـتـانـی دَریـا ءِ دَرمـیـانءَ اِنـت بـلـوچـسـتـان ءِ گِـرَگ چـہ مُـلـک گـیـریـں اِنـگـریـزءَ بُـنـگـیـج بـوُت 1839 ءِ مـیـلادی سـال ءَ اِنگـریـزءِ لَـشـکـَـرءَ بـلـوچـانـی لَـشـکـَـر پـروش دات اَنـت آ وَهـد ءَ ایـران بـے واراَت ءُ پـوکـسـتـان نـیـسـت اَت 1871 ءِ مـیـلادی سـال ءَ انـگـریـزءِ لَـشـکـرءَ بـلـوچـسـتـان پـہ دو جـاه ءَ بَـهـر کـُـرت گـوریـچـانـی نـیـمَـگ ءِ یَـک بَـهـرے کـُـرت کـہ مـروچـی آ مـاں اوگـانـسـتـانءَ اِنـت ءُ رودَراتـکـی بَـهـر کـہ مـروچـی آ مـاں پـوکـسـتـانءَ اِنـت اِے گـولـڈ سـمـیـت ءِ نَـکـش اَت رَنـدا مـاں 1893 ءِ مـیـلادی سـال ءَ گـوریـچـانـی نـیـمَـگ ءِ بَـهـرے سِـنـدَگ بـوُت ءُ گـوں اوگـانـسـتـان ءِ مُـلـک ءَ هَـوار کـنَـگ بـوُت اِے دورانـد ءِ نَـکـش بـوُتَـگ رَنـد چـہ جـهـان ءِ دومـی جَـنـگ ءَ ءُ مـاں 11/8/1947 ءِ دَرگـَـت ءَ رودَراتـکـی بـلـوچـسـتـان ءِ وَتـواجَـهـی ءِ جـار جَـنَـگ بـوُت.
بـلـوچـسـتـان ءِ دراجـی ءُ پَـهـنـات ءِ کِـسـاس
روایـرنِـشـتـی بـلـوچـسـتـان ءَ کـہ زورگـیـریـں ایـران ءَ گِـپـتَـگ آ مـروچـیـگـیـں سـیـسـتـان ءُ بــلـوچـسـتـان اِنـت چـہ کِـرمـان ءِ نَـمـبـیـگـانـی نِـیـمَـگ ءَ بـہ گِـر داں هُـرمُـزگـان ءِ تَـیـاب دَپ ءَ ءُ بـازیـں هَـدّ ءُ دَمَـگـے کـہ گـوں خـراسـان هَـوار جَـنَـگ بـوُتَـگ سَـرجَـمـی " 247,000 کـیـلـومـتـر مـربـع " اِنـت کـہ ایـران ءَ گـوں اِنـگـریـزءِ لَـشـکـَـرانـی مَـدَت ءَ مـاں 1928 ءِ مـیـلادی سـال ءَ پـہ زوراکـی گـپـتَـگ.
بـلـئـے رودَراتـکـی بـلـوچـسـتـان کـہ چـیـزے گـوں پَـنـجـاپ ءَ ءُ چـیـزے گـوں سِـنـدءَ هَـوار جَـنَـگ بـوُتَـگ آ " 437,190 کـیـلـو مـتـر مـربَـع " اِنـت کـہ پـوکـسـتـانءَ پـہ زوراکـی مـاں 1948 ءِ مـیـلادی سـال ءَ گـوں وَت هَـوار جَـتَـگ .
گـوریـچـانـی بـلـوچـسـتـان کـہ نـیـمـروز اِنـت ءُ چـیـزے چـہ آ گـوں هـلـمَـنـد ءِ هَـدّ ءَ شُـتَـگ ءُ چـیـزے گـوں فـرح ءِ هَـدّ ءَ شُـتَـگ آ 80,000 کـیـلـومـتـر مـربـع اِنـت مـاں 1893 ءِ مـیـلادی سـال ءَ گـوں اوگـانـسـتـان پـہ زوراکـی هَـوار جَـنَـگ بـوُتَـگ اِے هَـم دورانـد ءِ نَـکـش اِنـت .
بـلـوچـسـتـان ءِ تَـیـاب دَپ ءِ دراجـی 1600 کـیـلـومـتـر اِنـت چـہ جُـمـبـوداں (بـنـدر عـبـاس) بـہ گِـر داں کـُـلانـچـی ( کـراچـی) دَریـائـی کـانـوُد ءِ هـسـاب ءَ بـلـوچـسـتـانءِ دریـا 34,400 کـیـلـومـتـر مـربـع اِنـت (1600کـم ×22 کـم) .
بـلـوچـسـتـانءِ سَـرجَـمـی دراج ءُ پَـهـنـات 247,700+437,190+80,000 +34,400 = 799,290 کـیـلـومـتـر مـربـع اِنـت .
جَـهـمـنِـنـدیـں مَـردُم :
سَـرجـمـیـں بـلـوچ مَـروچـی 40,000,000 مَـردُم اَنـت کـہ آ مـاں بـلـوچـسـتـان ءُ پـارس ءُ تـرکـمـانـسـتـان ءُ هـنـدُسـتـان ءُ کـیـنـیـا ءُ تـنـزانـیـا ءُ مَـزَنـهـور ءُ اَربـی مُـلـکـاں ءُ گـوریـچـانـی مُـلـکـاں جَـهـمـنِـنـداَنـت .
بـلـوچـسـتـان ءِ سـیـاسـی جـاوَر :
ایـران ءُ پـوکـسـتـان ءُ اوگـانـسـتـان ءِ زوراکـی مـاں بـلـوچـسـتـان راج کـنَـگ ءَاِنـت بـلـوچ ءَ گـوں سـئـیـں زوراکـاں هِـچّ گـپـے جَـنَـگ ءِ هَـکّ نـیـسـت بـلـوچءِ دَسـت ءُ پـاد بَـسـتَـگ ءُ دَور داتـگ اَنـت ءُ آئـی ءِ مُـلـک ءِ گـَـنـجـاں روپَـگ ءُ بَـرَگءَاَنـت تـهـران ءُ شَـیـتـان آبـاد ءُ کـابُـل ءِ راجـکـَـمـاشـانـی واهَـگ ایـوَک ءَ بـلـوچ راج ءِ پُـل ءُ پـانـچ کـنَـگ اِنـت دَهـرانـی دَهـراِنـت کـہ بـلـوچ ءَ مـاں وَتـی مُـلـک کـارءِ کـنَـگ ءَ نَـیـلَـگءَاَنـت بـلـوچ چـہ بـے وَسـی تَـچَـگ ءُ پـہ لاپ ءِ شـوهـازءَ مـاں دوُریـں مُـلـکـاں دَرانـڈیـهـ بَـیَـگءَاَنـت بـلـوچـسـتـانءِ 80% مَـردُم بـیـکـاراَنـت.
داں مَـروچـیـگـیـں روچ ءَ بـلـوچ وَتـی مُـلـک ءِ سَـر ءِ زوراکـی ءَ نـہ مَـنّـگءَاَنـت ءُ هَـمُـک روچ ءُ هَـمُـک جـاه گـوں زوراکـاں پـہ وَتـی مُـلـک ءُ راج ءِ آجـوئـی ءُ وَتـی هَـکّ ءِ پَـچ گِـرَگ ءَ مـڈگ ءَ اَنـت.
مَـزَنـیـں شَـهـر :
دُزّاپ (زاهـدان ) شـال (کـوٹـہ) ، تـربـت ، خـضـدار ، پَـهـرَه ( ایـرانـشـهـر) ، دِزّک (سـراوان) ، واش ( خـاش) ، زابـل ، چَـهـبـار( چـابـهـار) ، گـوادَر ، هَـبّ ، دِزّک ، بَـم .
زوراکـانـی جُـهـد شَـهـرانـی نـامـاں بَـدَل کـنَـگ اِنـت.
مَـزَنـیـن بَـنـدَر :
جُـمـبـوداں ( بـنـدر عـبـاس) مـیـنـاب کـُـنَـرَک چَـهـبـار پـسـنـی جـیـونـی گـوادَر اورمـاڈه گـڈانـی کـُـلانـچـی.

کـوَهـنـیـں شَـهـراں :
سـوچـکـالـیـں شَـهـر، بُـمـپـوُر ، اِسـپَـنـدَک ، دِزّک ، تُـمـپ ، کـَـلات ، شـال ، سِـبّـی ، گـَـنـداوَه ، وَڈ سـربـاز کـَـلات ، کـَـنـت ، گـوادَر ، مـیـنـاب ، مَـسـتُـنـگ ، چـامـپ ، بـنـت ، گِـہ ، جُـمـبـوداں ، کـیـشّـکـَـور ، ایـرِنـدَگـان ، ڈمّـن ، ایـرُکـشـان ، آشـار ، جـالـک ، لـسـبـیـلا ، نـوشُـکـی ، كـُـلانـچـی.
مـادَن :
سُـهـر ، نُـگـرَه ، مِـس ، آسِـن ، یـورانـیـوم ، گـَـچّ ، آهَـک ، سـرُپ ، مِـگـنـاتـیـس ، گـوکـُـرت ، بـلـور ، الـومـیـنـیـوم ، سـنـگ مَـرمَـر ، سـمـٹ ، هـامَـگـیـں آسِـن ، هَـکـیـک ، سُـهـریـں هَـکـیـک ، شـیـشّـگ ، رَنـگـارَنـگـیـں هَـکـیـک ، زردیـں هَـکـیـک ، شـونـزیـں هَـکـیـک ، مُـهـرَگ ، کـاشـی ، بِـجـگ ، تـیـتـانـیـوم ، بـرنـجُـک ، اسـپـیـتـیـں سـنـگ مَـرمَـر ، دولـمـایـت ، رود ، پـیـتَـل ، اَلـمـاس ، پـولات .
تـواکـَـتـداریـں گـَـنـج :
روچ ءِ پـیـتـاپ ، گـوات ءِ شَـرتَـک، دَریـاءِ چَـول ، آپ ءِ مُـچّـی ، نَـپـت ءِ بـازی ، گـاز ءِ پـاهـار ، سـیـاهـوُکّ .
کِـشـت ءُ کِـشـار:
زرت ، گـلّـہ ، بـرنـج ، کـَـڈول ، بـانـکـَـلـیـنـک ، بـٹـاٹـہ ـ ٹـمـاٹـہ ، کـوسـیـچ ، وَلّ ، پـوُرچـیـنـک ، کـَـرپـاس ، شـکـر کـنـڈیـل ، مَـکـهـی زرت ، پـیـمّـاز ، سـیـرک ، زنـجـبـیـل ، ارزُن ، جَـو ، لـوُبـیـا.
مِـیـوَگ :
70 نـمـوُنَـہ نـاه ، اَمـب ، مـوز ، سـوپ ، هَـنـگـوُر ، پـرتَـکـال ، لـیـمـبـو ، کِـنّـو ، مُـڈکـّے ، بَـکـّـڈگ ، شـیـرکـنـیـں لـیـمـبـو ، نـارِنـج ، هَـنـار ، تـوُد ، هِـنـجـر، هـالـگ ، کـیـٹـگ ، دارتـیـجَـگ ، جَـم ، زیـتـوُن ، جـام ،
روگـنـداریـں دانَـگ :
روچـگـَـردان ، زرت ، لـوبـیـا ، بـانـکـَـلـیـنـک ، مَـکـّهـی ، زرت ، کـُـنـچِـت.
مـالـداری :
سَـیـد ، سـیَـہ پَـس ، اِسـپـیـت پَـس ، گـوک ، هُـشـتـر ، گـامِـیـش ، مُـرگ کـَـرگـُـشـک.
دَریـائـی مـال :
مـاهـیـگ ، جـیـنـگـا ، دَریـائـی ، مَـدَگ ، کـَـرکـیـنـک ، تَـگـَـس ، واد .
دَسـت گـواپـی ءُ دَسـت دوچـی ءُ دَسـت کـاری :
جُـلّ ءِ گـوَپَـگ ، چـیـرگـیـج ءِ گـوَپَـگ ، تَـگِـرد ءِ گـوَپَـگ ، پـات ءِ گـوَپَـگ ءُ دوچَـگ ، گـُـد ءِ گـوَپَـگ پـوشـاک ‏دوچَـگ ، مُـرگـی دام ءِ گـوَپَـگ ، مـاهـیـگـی دام ءِ گـوَپَـگ ، یَـکـدار ءُ بـوجـیـگ ءِ جـواں کـنَـگ ، مَـٹ ءُ کـوُنـزَگ ءُ چـلـیـم ءُ هُـمـب ءِ کـُـمـبـاری ، سَـهـت ءُ زیـنَـت ءِ جَـنَـگ ، تـاگ ءُ دَروازَگ ءِ اُسـتـاکـاری ، هِـشـت ءُ بـلـوُک ءِ جَـنَـگ ، ڈوک ءِ تـراشَـگ ، کـمَـربَـنـد ءُ کـَـتـار بَـنـد ءُ کـارچ ءِ جُـپـت ءِ دوچـکـاری.
[/b]