Author Topic: بـے بُـنـدَرءُ بـے پَـجّـارءَ مـن ءَ بـے بُـنـدَرءُ بـے پَـجّـار کـُـرت ءُ شُـت  (Read 776 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
بـے بُـنـدَرءُ بـے پَـجّـارءَ مـن ءَ بـے بُـنـدَرءُ بـے پَـجّـار کـُـرت ءُ شُـت !!!...
ادَبـی هَـکـیـم
----------------------------------------------------------------------
یَـک روچـے مـن پـہ یَـک کـارے مـاں سَـرکـاری دَپـتَـرے نِـشُـتَـگ اِت آں ، مَـزَنـهُـور ءِ تـهـ ءَ لَـهـتـے مَـردُم هَـسـت اَنـت آ بُـدوُن گـوَشَـگ بَـنـت بُـدوُن بـزان بـے بُـنـدَر- بـے پَـجّـار ، مـنـی دیـم پـہ دیـم کـُـرسـی ءِ سَـرءَ کـَـمـاشـے نِـشـتَـگ اَت ، شـمـا وَ زان اِت وَهـدے کـہ کـَـمـاش کـَـمـاش ءَ بـہ گِـنـدایـت بـزاں گـُـوک ءَ آپ دیـسـت ، آئـی ءَ مـن ءَ یَـک وَشّـتَـبـیـں دروُت ءُ درَهـبـاتـے ءِ کـنَـگ ءَ رَنـد جُـسـت کـُـرت ، تـو چـہ کـُـجـام مُـلـکءَئـے ؟!!!.. مـن پـہ یَـکّ مَـزَنـیـں پَـهـرے پَـسّـو دات مـن بَـلـوچـے آں !!!.. مَـردَک ءَ وَتـی پـیـشـانـیـگ لَـتـارت ءُ پَـدا جُـسـت کـُـرت ، بـلـوچ کـُـجـام مُـلـک ءِ جَـهـمـنِـنـداَنـت ؟!!!.. مـن پـہ یَـک مَـزَنـیـں پَـهـرے پَـسّـو دات واجَـہ بـلـوچ بَـلـوچـسـتـان ءِ مَـردُم اَنـت بـلـوچـسـتـان یَـک مَـزَنـیـں مُـلـکـےءُ آئـی ءَ یَـک مَـزَنـیـں راجـے هَـسـت !!!... مَـردَک ءَ اِے بَـرءَ وَتـی گـَـوک – گـَـردِن ءِ پُـشـت هـاریـنـت ءُ جُـسـت کـُـرت ، بَـلـوچـسـتـان کـُـجـام جـاگـاه اِنـت؟!!!... مَـن پَـسّـو دات بـلـوچـسـتـان ایـران ءُ پُـوکـسـتـان ءُ اوگـانـسـتـان ءِ دَرمـیـانءَاِنـت ءُ آئـی ءِ تَـیـاب دَپ مَـزَنـهُـور ءِ تـیـاب دَپ ءِ دِیـم پـہ دِیـمءَاِنـت ، مَـردَک ءَ اِے بَـرءَ وَتـی سَـرَگ هـاریـنـت ءُ پَـدا چـہ مـن جُـسـت کـُـرت ، تـئـی " شـنـاسـی کـاٹ " ءِ سَـرءَ تـئـی مُـلـک ءِ نـام نُـبـشـتَـگ؟!!!... مـن گـوَشـت اِنّـاں مـنـی مُـلـک ءِ نـام نـہ نـبـشـتَـگ چـونـاهـی مـنـی مُـلـک هَـپـتـاد سـالءَ پـیـسـر زورگـیـراں پـہ زور گِـپـتَـگ ءُ گـوں وَتـی مُـلـکـاں هَـوار جَـتَـگ !!!... مَـردَک ءَ بـچـکـَـنـداِت ءُ چـہ مـن جُـسـت کـُـرت ، گـڑا تـو مـاں کـُـجـام زورگـیـرءِ پَـهـنـات ءَ کـَـپـتَـگ ئـے ؟!!!.. آ وَهـد ءَ مـن ءَ سـیَـہ تَـپـے گِـپـت ، مـن ءَ چـو مـارِشـت بـوُت کـہ مـن ءَ یَـک سـیَـہ مـارے ءَ ڈنـگ جَـتَـگ ، مـنـی زُبـان ءَ مُـولـو جَـت ءُ هُـشـک کـُـرت ، رَنـدا مَـردَک ءَ وَتـی " شـنـاسـی کـاٹ " کـَـشّ اِت ءُ مـن ءَ پـیـش داشـت ، آئـی ءِ نـام " سـویـلِـم سـویـلِـح الـمـطـرود " اَت ءُ آئـی ءِ مُـلـک ءِ نـام بـے بُـنـدَر نـبـشـتَـگ اَت ، رَنـدا مَـردَک ءَ گـوَشـت بـچـار مـنـی مُـلـک ءِ نـام  بـے بُـنـدَر نـبـشـتَـگ ءُ مَـردُم هَـم مـن ءَ گـوں هَـمـے پَـجّـار ءَ زان اَنـت ، بـلـئـے تـئـی " شـنـاسـی کـاٹ  " ءِ سَـرءَ تـئـی وَتـی مُـلـک ءِ نـام نـہ نـبـشـتَـگ ءُ مَـردُم تـرا چـہ تـئـی وَتـی مُـلـک ءِ پَـجّـار ءَ نـہ زان اَنـت ، مَـردُم  تـرا چـہ هَـمـا مُـلـک ءِ پَـجّـارءَ زان اَنـت کـہ تـئـی " شـنـاسـی کـاٹ " ءِ سـرءَ آ مُـلـک ءِ نـام نـبـشـتَـگ ، مـن رَد گـوَشـگءَآں یـاں درُسـت گـوَشـگءَآں ؟!!!.. مَـن چـو بُـتـے نـشـتَـگ ءُ مَـرد ءَ روک روک چـارَگءَاِت آں ، پـہ مَـن سـاهـے پَـشـت نـہ کـَـپـتَـگ اَت ، مَـنـی چَـمّ ءِ اَرس رِچَـگءَاِت اَنـت ، رَنـدا بـے بُـنـدَرءَ مـنءَ گـوں دَردیـں دِلـے رَمـبـیـنـت ءُ شُـت ، بـلـئـے مـن داں مَـروچـی وَت ءَ ڈوبـارَگءَآں کـہ آ بـے بُـنـدَرءَ تـو بـچـار کـہ آئـی ءَ مـن ءَ بـے هِـچّ کـُـرت ءُ شُـت ، مَـن گـَـنـجـهـاتـیـں بـلـوچـسـتـان ءِ واهُـنـد آں بـلـئـے اِدا بـے پَـجّـار بـوُت آں ، اِے یَـک مَـزَنـیـں سَـبَـکـے بـوُت ءُ پـہ مَـن پَـشـت کـَـپـت کـہ بـے وَتَـن ءِ پَـجّـار بـے بُـنـدَر اِنـت ، چـہ شُـمـا دَزبَـنـدی کـن آں کـہ شُـما هَـم چـہ اِے سَـبَـک ءَ سَـبَـک بـہ زوُراِت.
[/b]