Author Topic: بـلـوچـسـتـان ءِ راجـدَپـتـر  (Read 191 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
بـلـوچـسـتـان ءِ راجـدَپـتـر
« on: February 10, 2017, 02:56:39 AM »
بـلـوچـسـتـان ءِ راجـدَپـتـر
نـبـشـتـانـک : ویـکـیـپـیـڈیـا
رجـانـک : ادبـی هَـکـیـم
---------------------------
بـلـوچـسـتـان ءِ راجـدَپـتـر چـہ هَـزاراں سـال ءَ پـیـش آیَـگءَاِنـت  ءُ بـلـوچـسـتـان مـروچـی یَـک مُـلـکـے کـہ آ پـہ سَـے جـاه ءَ ءُ مـاں سَـے مُـلـک ءَ بَـهـراِنـت 1-صـوبـہ بـلـوچـسـتـان – پـوکـسـتـان 2- اسـتـان سـیـسـتـان و بـلـوچـسـتـان – ایـران 3- ولایـت نـیـمـروز – اوگـانـسـتـان .
چـہ بُـنـدَر ءَ بـلـوچـسـتـان ءِ راجـدَپـتـر رَنـد چـہ نـوزدَهُـمـی دَهـر ءَ گـوریـچـانـی هَـنـد ءِ زوراکـانـی دَسـت ءَ کـپـتَگ اَنـت اِے بـابَـت ءَ بـاز کـَـمّ زانَـگ بَـیَـگءَاِنـت چـہ آ وَهـد ءِ گـپـاں بـاز کـَـمّ مـاں پـارسـی ءُ انـگـریـزی زبـانـاں نـبـیـسـگ بـوُتَـگ ءُ شـنـگ بـوُتَـگ اَنـت.
بـلـوچـسـتـان ءِ بَـهـر کـنَـگ ءِ سـوَب اِے بـوُت کـہ آ وَهـد ءَ مـاں اوروپـا ءِ تـهـ ءَ یَـک نـوکـیـں بَـدَلـی یـے آتـک رَنـدا اوروپـائـیـانـی چَـمّ گـوں آسـیـا ءِ مَـزنـیـں ءُ آبـاتـیـں مُـلـکـاں سَـکّ بـوُت اَنـت یَـکـے چـہ آ مُـلـکـاں کـہ اوروپـائـی مُـلـکـاں پـہ وَت نَـپـے دیـسـت آ هِـنـدُسـتـان ءِ مُـلـک اَت ءُ پـہ هِـنـدُسـتـان ءِ مُـهـر دارَگ ءِ هـاتِـرءَ هِـنـدُسـتـان ءِ کـَـش ءِ مُـلـکـانـی گِـرَگ ءُ مُـهـر دارَگ الّـمـی اَت یَـکـّـے چـہ اِے مُـلـکـاں بـلـوچـسـتـان اَت کـہ انـگـریـز ءَ گِـپـت داں اوروپـا ءِ آدگـے مُـلـکـانـی دَسـت مـاں هِـنـدُسـتـان ءَ مـہ رَس اَنـت گـوں هِـنـدُسـتـان ءِ سَـرهَـد ءُ سـیـمـسَـرانـی مُـهـر کـنَـگ ءِ نـیـمـون ءَ اِنـگــریـز ءِ سـیـاسَـت مـاں بـلـوچـسـتـان بُـنـگـیـج بـوُت .
ایـران ءِ کـاجـاری بـادشـاهـی ءِ جـواں کـنَـگ ءَ ءُ رَنـد  کـاجـاری بـادشـاهـان ءِ واهَـگ ءُ کـوشـسـت هَـم هَـمش اَت کـہ آ بـلـوچـسـتـان ءَ پـہ وَت بـہ بَـراَنـت بـلـئـے مـاں آ وَهـد ء َ انـگـریـز چـہ کـاجـاریـاں اگـلـمَـنـدتـر ءُ زوراکـتـر اَت آسـرءَ انـگـریـزءَ نَـکـش کـُـرت ءُ آئـی ءَ رودَراتـکـی بـلـوچـسـتـان ءِ نـیـمَـگ ءَ گـوں هِـنـدُسـتـان ءُ روایـرنِـشـتـی نـیـمَـگ ءِ بـلـوچـسـتـان ءَ گـوں ایـران بَـهـر کـُـرت اَنـت.
هِـنـدُسـتـان ءُ اوروپـا ءِ مُـلـکـانـی جَـمـاداری ءِ بـابَـت ءَ واسـکـو دوگـامـا مـاں 1497 مـیـلادی ءِ سـال ءَ چـہ پـرتَـکـال مـاں هـنـدُسـتـان ءَ آتـک ءُ آئـی ءَ یَـک نـوکـیـں راهـے پـہ آسـیـا ءِ مُـلـکـانـی زورگـیـری کـَـنَـگ ءَ پَـچ کـُـرت رَنـد چـہ هِـنـدُسـتـان ءِ گِـرَگ ءَ مـاں 1662 ءِ سـال ءَ پـرتـکـال ءَ بـمـبَـئـی ءِ زِروانـک " جـزیـره " اِنـگـریـزانـی دومـی بـادشـاه چـارلِـزءَ ٹـیـکـی دات ءُ نَـدر کـُـرت ءُ آ هَـم اےِ زروانـک ءَ رودَراتـکـی هِـنـدُسـتـان کـُـمـپـانـی ءِ نـام ءَ کـُـت رَنـد چـہ 1750 ءِ مـیـلادی سـال ءَ اِنـگـریـزءِ بـادشـاه ءَ پـہ زَرّ ءُ زور ءُ ٹـگـی ءُ ٹـوری هِـنـدُسـتـان ءَ چـہ هَـنـدی ءُ دَمَـگـی راجـا ءُ مُـهـاراجـایـانـی دَسـتـاں پَـچ گِـپـت هَـمـے پَـیـمـا آئـی ءَ پُـرتَـکـال ءَ هَـم چـہ هِـنـدُسـتـان کـَـشّ اِت ءُ دَر کـُـرت رَنـدا ایـوَک ءَ وَت هِـنـدُسـتـان ءِ واجَـہ بـوُت .
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #1 on: February 10, 2017, 02:57:37 AM »
مـاں 1600 ءِ مـیـلادی سـال ءِ آسَـرءَ اِنـگـریـزءِ رودَراتـکـی هِـنـدُسـتـان ءِ کـُـمـپـانـی مـاں هِـنـدُسـتـان ءَ بُـنـجـاه بـوُت اِے کـُـمـپـانـی ءَ کـَـمّ کـَـمّ ریـشّـگ جَـت ءُ آدگـے جَـمـادار یَـکّ ءُ یَـکّ دَرکـَـنـاں کـُـرت اَنـت وَهـدے کـہ اوروپـا ءِ تَـهـ ءَ ( صـنـعـتـی ) اُرُش چـسـت بـوُت گـڑا مـاں اوروپـا ءَ چـیـزّانـی جـواں کـنَـگ ءِ لـوٹ بـاز بـوُت ءُ اودا لَـهـتـ چـہ چــیـزّانـی جـواں کـنَـگ ءِ هُـمـیـرَگ دَر نـہ کـَـپـت ءُ اودا کـارگـَـرانـی مُـزّ هَـم بـازاَت اوروپـائـیـاں لـوٹ اِت گـوں یَـک ڈوکـے دو شـکـار بـہ کـن اَنـت آسـیـا ءِ زُمـیـنّـاں هَـم پـہ دَسـت بـہ گِـراَنـت ءُ اود ءِ مَـردُمـاں هَـم پـہ زور مُـپـت ءَ کـار بـہ بَـنـداَنـت یَـکـے چـہ اِے سَـرزُمـیـنـاں هِـنـدُسـتـان اَت درُهـا وَتـی چَـمّ هِـنـدُسـتـان ءِ سَـرءَ سَـکّ کـُـرتَـگ اِت اَنـت پَـمـشءَ کـہ آیـانـی آ وَهـدءِ لـوٹ مـاں هَـمـے سَـرزُمـیـنّ اَت .
اوروپـائـیـاں زانـت کـہ اِنـگـریـزءِ بـادشـاهـی چـہ هِـنـدُسـتـان ءِ بَـرکـَـت ءَ زِنـدَگ اِنـت اَگـاں لَـنـدَن ءِ بـادشـاهـی اَگـل اِنـت گـڑا هِـنـدُسـتـان پـہ لَـنـدَن ءِ بـادشـاهـیءَ یَـک هَـنـچــیـں دِلـے کـہ آ سِـیـری ءُ آبـاتـی ءِ هـون ءَ مـاں لَـنـدَن ءِ بـادشـاهـی ءِ شَـهـرَگ ءَ رُمـبـیـن ایـت .
مـاں چُـشـیـں وَهـد ءُ جـاوَر ءَ اِنـگـریـز ءَ دگـے هَـم مَـٹ هَـسـت اَت یَـکـے چـہ آیـاں پَـرَنـگـیـانـی راجـکـَـمـاش نـاپـلـئـوُن اَت آئـی ءَ هَـم واهَـگ هَـسـت اَت کـہ هِـنـدُسـتـان ءِ زورگـیـری ءَ بـہ کـَـنـت نـاپـلـئـوُن هَـم آتـک ءُ اِنـگـریـز ءِ دیـمـا اوشـتـات.
وَهـدے کـہ نـاپـلـئـوُن مـاں اوروپـا ءَ پـاداتـک ءُ اوشـتـات دُنـیـا ءِ درُهـیـں سـیـاسَـت گـَـڑ ءُ بَـڑ بـوُت اَنـت نـاپـلـئـوُن ءَ اِنـگـریـز وَتـی دُژمِـن زانـت پَـمـش ءَ کـہ مـاں آ وَهـد نـاپـلـئـون ءِ سَـرءَ نـاتـپـاکـی ءِ جـواں کـنـوک اِنـگـریـزاَت ءُ اوروپـا ءِ مُـلـکـانـی پَـنـدَل ءُ پـلانـگـری اِنـگـریـز ءِ دَسـتءَاَت ءُ نـاپـلـئـوُن ءَ هَـم زانـت کـہ اِنـگـریـزءِ زنـدَگـی ءِ شـهـرَگ هِـنـدُسـتـان اِنـت آ یَـک راهـے شـوهـاز کـنَـگءَ اَت کـہ مـاں هِـنـدُسـتـان ءَ پُـتِـرت بـہ کـنـت بـلـئـے آ وَهـد ءَ اِنـگـریـز درُهـیـں دَریـایـانـی جَـمـاداراَت نـاپـلـئـوُن ءَ هُـشـکـی ءِ راه ءَ اَبـیـد پـہ هُـنـدُسـتـان ءِ پُـتـرَگ ءَ دگـے راه نـیـسـت اَت ءُ آ راه بـلـوچـسـتـان ءِ راه اَت کـہ مـاں بـلـوچـسـتـان بـہ پُـتـرایـت ءُ چـہ بـلـوچـسـتـان ءِ راه ءَ مـاں هِـنـدُسـتـان بـہ پُـتـرایـت ءُ اِنـگـریـزءِ سَـرءَ اُرُش بـہ کـَـنـت.
مـاں راجـدَپـتـر ءِ تـهـ ءَ نـبـشـتَـگ کـہ اَگـاں بـلـوچـسـتـان ءُ سـنـد ءُ پَـنـجـاپ ءُ اوگـانـسـتـان ءِ راه پَـچ بـہ بَـنـت بـے اَڑ ءُ جَـنـجـالـے پَـرَنـگـیـاں مـاں هِـنـدُسـتـان ءَ پُـتـراَنـت ءُ آئـی ءَ پـہ زور گِـراَنـت.
اِنـگـریـز ءُ پَـرنـگـیـانـی چَـمّ گِـیـشـتـر بـلـوچـسـتـان ءِ سـرءَ سَـکّ اِت اَنـت پَـمـش ءَ کـہ بـلـوچـسـتـان دَریـا ءِ تـیـاب دَپ اَت بـلـئـے آ وَهـد اِیـوَک ءَ اِنـگـریـزءِ دَسـت ءَ تـیـوَگـیـں بـلـوچـسـتـان ءِ گِـرَگ ءُ دارَگ آسـانـیـں کـارے نـہ اَت رَنـد ءَ اِنـگـریـز ءِ کـوشِـسـت هَـمـے بـوُت کـہ بـلـوچـسـتـان ءَ گـوں ایـران ءُ هـنـدُسـتـان ءَ اوگـانِـسـتـان بَـهـر بـہ کـَـنـت ءُ گـوں آیـانـی مَـدَت ءَ هِـنـد ءِ چـاگِـرد ءَ  یَـک اَمـنـیـتـی کـمَـربَـنـدے جـواں بـہ کـَـنـت .
ایـران ءِ شـاهـی دَپـتَـر ءِ مَـردُمـاں گـوں نـاپـلـئـوُن ءُ آئـیءِ جَـهـگـیـراں وَتـی گِـنـد ءُ گِـدار بُـنـگـیـج کـُـرت  پـہ اِے کـار مـیـرزا رَضـاخـان قـزویـنـی ایـران ءِ جَـهـگـیـرانـی مَـسـتِـر بـوُت مـاں اِے گِـنـد ءُ نِـنـد کـہ آئـیءِ نـام " فـیـن کـنـشـتـایـن ءِ اَهـد " نـام بَـنـدَگ بـوُت ایـران ءُ پَـرَنـگـیـانـی دَرمـیـان ءَ مـاں 4/5/1807 ءِ مـیـلادی سـال ءَ یَـک اَهـدے نـامَـهـے نـبـیـسّـگ بـوُت ءُ دَزّهَـتّ کـنَـگ بـوُت کـہ مـروچـی ءَ آدِیـم ایـران ءُ اِنـگـریـز ءِ گِـنـد ءُ نـنـد ءُ رَوَگ ءُ آیـگ ءِ دَروازَگ بَـنـد بـہ بَـنـت ایـران ءَ کـَـول دات کـہ هَـرچ وَهـدے کـہ پَـرَنـگـی بـہ لـوٹ اَنـت هِـنـدُسـتـان ءِ سَـرءَ اُرُش بـہ کـن اَنـت ایـران وَتـی هُـشـکـی ءِ راهـاں پـہ آ پَـچ کـنـت ءُ پَـرَنـگـیـان ءَ پـہ هَـرچ پَـیـم ءَ مَـدَت کـنـت .
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #2 on: February 10, 2017, 02:58:44 AM »
وَهـدے کـہ پَـرَنـگـیـانـی لَـشـکـَـر ءِ جَـمـادار "جَـنـرال گـاردِن " چـہ نـاپـلـئـوُن ءِ نـیـمَـگ ءَ مـاں ایـران ءَ آتـک گـڑا لَـنـدَن ءِ اِنـگـریـز سَـکّ پـریـشـان بـوُت ءُ اِنـگـریـزءَ وَتـی جَـهـگـیـراں کـہ آیـانـی مَـسـتـر ءِ نـام " سـر جـان مـالـکـام " اَت مـاں ایـران دِیـم دات اَنـت ءُ ایـران ءَ پـہ پَـرَنـگـیـانـی دوسـتـی ءِ هـاتِـرءَ اِنـگـریـزءِ جَـهـگـیـر پَـسُـنـد نـہ کـُـرت اَنـت ءُ پـہ گِـنـد ءُ نِـنـد کـَـنَـگ ءَ دَسـت نـہ گِـپـت اَنـت.
رَنـدا کـہ ایـران ءَ گـوں پَـرَنـگـیـاں اَهـد کـُـرت ءُ ایـران ءَ گـوں اِنـگـریـز ءِ جَـهـگـیـراں گِـنـد ءُ نِـنـد نـہ کـُـرت گـڑا اِنـگـریـز مَـجـبـوُر بـوُت کـہ چـہ هِـنـدُسـتـان ءِ نـیـمَـگ ءَ بـلـوچـسـتـان ءِ سَـرءَ اُرُش بـہ کـَـنـت پَـرچـا کـہ  مـاں هَـژدَهُـمـی دَهـر چـہ آدگـے نـیـمَـگ ءَ روُس پـہ گـَـرمـیـں دَریـایـانـی زورگـیـری کـَنَـگ ءَ ءُ گـیـشـتـر چـہ آیـاں آ پـہ تـرکـسـتـان ءِ گِـرَگ ءَ دِلـمـانَـگ اَت اَگـاں آ وَهـد روُس ءَ هِـنـدُسـتـان یـاں اوگـانـسـتـان ءُ بـلـوچـسـتـان زورگـیـری بـہ کـُـرتـیـن گـڑا اِنـگـریـز ءَ اِشـانـی بَـدَل ءَ تـرکـسـتـان پـہ روُس بَـکـشـاتَـگ اَت پَـرچـا کـہ هِـنـدُسـتـان مـاں آ وَهـد ءَ پـہ اِنـگـریـزاں دوسـتـنـاکـتـراَت چـہ پَـرَنـگـسـتـان ءُ روُس ءِ تُـرس ءَ اِنـگـریـز مـجـبـوُر بـوُت کـہ وَتـی دیـم ءَ گـوں هـنـدُسـتـان ءِ روایـرنِـشـتـی نـیـمَـگ ءَ بـہ کـَـنـت ءُ آ بـلـوچـسـتـان اَت .
مـاں 1808 ءِ مـیـلادی سـال ءَ پَـدا اِنـگـریـزءِ جَـهـگـیـر " سـر جـان مـالـکـوم " مـاں ایـران  پـہ هِـنـدُسـتـان ءِ کـَـش ءُ گـُـوَر ءِ مُـلـکـانـی پَـجّـار کـنَـگ ءَ شَـت گـوں جـان مـالـکـام ءَ دگـے بـاز اَپـسَـر هَـم گـون اِت اَنـت آ اَپـسـرانـی مَـسـتـر " سَـروان گـرانـٹ " اَت ءُ آئـی ءِ کـار پـٹ پـول کـنَـگ ءُ رَپـوٹ ءِ نـبـیـسَـگ اَت.
سَـروان گِـرانـت ءَ هُـگـم دَیَـگ بـوُت کـہ آ رواِیـرنِـشـتـی بـلـوچـسـتـان ءَ پـٹ پـول بـہ کـنـت ءُ پـولـکـاری ءِ رَپـوٹ ءَ دِیـم بـہ دَنـت اِے پـٹ پـول ءِ واهَـگ اِش اَت کـہ اِنـگـریـز بـزان اَنـت بـاریـں آدگـے اوروپـائـی مُـلـکـاں چـہ رواِیـرنـشـتـی بـلـوچـسـتـان ءِ تَـیـاب دَپـی شَـهـراں هِـنـدُسـتـان ءِ سَـرءَ اُرُش کـُـرت کـن اَنـت یـاں نـہ گـرانـٹ اولـی انـگـریـز اَت کـہ مـاں بـلـوچـسـتـان آتـکـگ اَت ءُ آئـی ءَ گـُـوَتـر ءُ جـاسـک ءِ تـیـاب دَپ پـٹ پـول کـُـرت اَنـت ءُ رَنـدا آئـی ءَ بـلـوچـسـتـان ءِ درُهـیـں راه پـہ اِنـگـریـزاں روژنـا کـُـرت اَنـت .
اِنـگـریـز چـہ هِـنـدُسـتـان ءِ مَـردُم بَـلـد کـنَـگ بـوُت اَنـت کـہ چـوں مـاں رواِیـرنِـشـتـی بـلـوچـسـتـان ءِ شَـهـراں بـہ پُـتـراَنـت ءُ اود ءِ راهـان ءَ مـاں وَتـی دَپـتـراں نَـکـش بـہ کـن اَنـت آ مـاں مُـلّا ءُ دَربـیـش ءُ پـنـڈوک ءُ مـاروان ءُ سَـوداگِـر ءُ سَـیـل جَـنـوک ءِ دَریـسـاں مـاں بـلـوچـسـتـان  پُـتـرت اَنـت.
چـہ دگـے نـیـمَـگـے اِنـگـریـز ءَ لَـهـتـے مَـردُم چـہ وَتـی لَـشـکـَـر هُـگـم دات آ گـوں سـروان چـارلـز کـریـسـتـی ءُ  سـتـوان پـاتـیـنـجـر ءِ جَـمـاداری ءَ مـاں بـلـوچـسـتـان بـہ پُـتـراَنـت ءُ بـلـوچـسـتـان ءِ زُمـیـنـی راهـاں پـٹ پـول بـہ کـن اَنـت بـلـوچـسـتـان ءِ بـاپـاری بـازار ءُ بـلـوچـسـتـان ءِ کـُـدرَتـی هَـسـتـی ءَ پـٹ پـول بـہ کـن اَنـت مـاں اِے سَـپَـر ءَ چـارلـز ءُ پـاتـیـنـجـر گـوں وَتـی هَـمـراهـاں بـازیـں پـٹ پـولـے چـہ بـلـوچـسـتـان ءِ سَـریـں مَـردُمـان ءُ آیـانـی سـرمـچـاریـں لَـشـکـَـراں دَسـت ءَ کـُـرت اَنـت ءُ اِے پـٹ پـول ءَ اِنـگـریـز ءَ پـہ بـلـوچـسـتـان ءِ بَـهـر کـنَـگ ‏‏ءَ بـاز مَـدَت کـُـرت .
پـہ هـنـدُسـتـان ءِ اَمـنـیَـتـی کـَـمَـربَـنـد ءِ جـواں کـنَـگ ءِ شـوهـاز ءَ اِنـگـریـز ءِ لَـهـتـے سـیـاسَـتـمَـنـدانـی هَـیـال اِش اَت کـہ بـے هِـنـدُسـتـان اِنـگـریـز زنـدَگ بـوُت نـہ کـنـت لـُـرد کـَـرزَن اِے بـارَوا نـبـشـتَـگ وَهـدے کـہ هِـنـدُسـتـان زانَـگ بـوُت دُنـیـا ءِ نـیـم مَـردُمـانـی چَـمّ آئـیءِ سَـرءَ سَـکّ بـوُت اَنـت.
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #3 on: February 10, 2017, 02:59:50 AM »
اِنـگـریـز ءَ زانـت کـہ ایـران ءِ سَـرءَ بـیـسـہ کـنَـگ دِلـجَـمـیـں کـارے نـہ اِنـت پَـرچـا کـہ رُوس هَـم چـہ  خـراسـان – اوگـانـسـتـان ءِ راه ءَ آتـک کـَـنـت ءُ اِے مُـلـکـانـی بـے اَگـلـیـں هـاکـُـمـان ءَ مـاں وَتـی دَسـت ءِ مُـچّـاں بَـنـد کـُـرت کـَـنـت .
گـُـڑا لـنـدَن ءُ هِـنـدُسـتـان ءِ کـُـمـپـانـی هُـکـوُمَـت هَـوار بـوُت اَنـت ءُ پـہ هِـنـدُسـتـان ءِ اَمـنـیَـت ءِ دِیـمـپـان ءَ یَـک اَمـنـیَـتـی دیـوالـے ءِ بَـنـدَگ ءَ بُـنـگـیـج بـہ کـن اَنـت رَنـد چـہ آ گـَـپ مـاں 1830 ءِ مـیـلادی سـال ءَ مـاں لَـنـدَن ءَ یَـک مُـچّـی یـے جـُواں بـوُت مـاں اِے مُـچّـی ءَ گـُـوَشـگ بـوُت کـہ روُس ءَ لـوٹ اِتَـگ کـہ ایـران ءُ هِـنـدُسـتـان  کِـہ آ وَهـد ءَ " آسـیـا مَـرکـَـزی " گـُـوَشـگ بـوُتَـگ اَنـت اِشـان ءَ گـوں وَتـی مُـلـکـاں هَـوار بـہ کـَـنـت گـوں اِنـگـریـز ءِ پـلانـگـری ءِ پَـنـدَل ءُ رودَراتـکـی نـیـمَـگ ءِ جَـنـجـال یـاں آئـی ءِ مَـزَنـیـں لَـیـب چـہ هَـمـدا بُـنـگـیـج بـوُت اَنـت.
مـاں اِے پـلانـگِـری پـہ روُس ءِ دیـم ءِ دارَگ ءُ آئـی ءَ دیـمـا نَـیـلَـگ ءَ بـلـوچـسـتـان یَـک اَلـکـاپـیـں " اسـتـراتِـیـژیـکـی " مُـلـکـے گِـچـیـن کـنَـگ بـوُت اِنـگـریـز ءِ واهَـگ هَـمِـش اَت کـہ گـوں اِے اَمـنـیـتـی دیـوال ءِ بَـنـدَگءَ آ مـاں هِـنـدُسـتـان ءَ وَشّ وَشّ ءَ بـے تُـرس ءُ بـے لَـرز نِـشـت کـُـرت کـَـنـت نـوں انـگـریـز ءَ وَتـی واهَـگ مـاں بـلـوچـسـتـان  دَر گِـپـت آ وَهـد اِیـران ءَ بـلـوچـسـتـان ءِ سَـرءَ مَـزَنـیـں واجَـهـی یـے نِـیـسـت اَت ءُ اِے پـہ اِنـگـریـزاں یَـک مَـزَنـیـں نَـپـے اَت .
چـہ آ نـیـمَـگ ‏ءَ روُس ءُ ایـران ءِ جَـنـگ آسَـر بـوُت اَنـت ایـران ءَ لـوٹ اِت نـوں آ بـلـوچـسـتـان ءِ واهُـنـد بـہ بـیـت بـلـئـے اِنـگـریـزانـی هَـیـال اِش اَت کـہ ایـران هَـرچ گـامـے کـہ هِـنـدُسـتـان ءِ نـیـمَـگ ءَ چـسـت بـہ کـَـنـت روُس ءِ تُـرسـیـنَـگ ءِ هـسـاب ءَاِنـت اِنـگـریـزءَ ایـران ءِ پـگـر ءُ واهَـگ زانـتَـگ اِت اَنـت کـہ چـہ کـاجـار ءِ بـادشـاهـی ءِ بُـنـگـیـجـی ءَ ایـران ءِ چَـمّ بـلـوچـسـتـان ءِ سَـر ءَ سَـکّ بـوُتَـگ اَنـت  .
بـلـوچـسـتـان ءِ بـارَوا عـبـاس مـیـرزا ءَ گـوں اِنـگـریـزاں گـَـپ جَـتَـگ اَت ءُ مَـحـمَـد شـاه ءِ اِرادَه هَـم هَـمِـش اَت .
آسَـرءَ اِنـگـریـز ءُ ایـران یَـک گـَـپـے ءِ سـرءَ تـپـاک بـوُت اَنـت آ گـَـپ اِش اَت کـہ هَـرات ءِ اَڑ ءُ جَـنـجـال ءِ گـیـشّـیـنَـگ ءَ ءُ رَنـد بَـلـوچـسـتـان ءِ بَـهـر کـنَـگ ءُ هِـنـدُسـتـان ءِ اَمـنـیَـتـی دیـوال ءِ مُـهـر کـنَـگ ءِ بـارَوا پَـدا گِـنـد ءُ نِـنـد بـہ کـن اَنـت .
نـاصـرالـدیـن شـاه ءِ زَمـانَـگ ءَ لَـهـتـے چـہ بـلـوچـسـتـان ءِ هـاکـُـمـاں گـوں نـاصـرالـدیـن شـاه ءِ پـگـر ءُ واهَـگ هَـوار بـوُتَـگ اِت اَنـت آ وَتـی هـوربَـنـدی ءِ جـار ءَ  گـوں نـاصـرالـدیـن شـاه ءِ  دَولَـت  جَـتَـگ اَت پَـمـش ءَ آ وَهـد ایـران ءِ سَـروَزیـر امـیـر کـَـبـیـر ءَ وَتـی سـیـنَـگ ڈکّ دات ءُ گـُـوَشـت نـوں بـلـوچـسـتـان مَـیـگ اِنـت آ دِلـجَـم اَت کـہ بـلـوچ اِنـگـریـز ءِ دوسـتـی ءَ پَـسُـنـد نـہ کـن اَنـت .
 اِے گـپ ءَ شَـرَپـداریـں بَـلـوچـاں نـہ مَـنّ اِت ءُ آیـاں پـہ بـلـوچـسـتـان ءِ آجـوئـی ءَ ایـران ءِ سَـرءَ اُرُش کـُـرت بـلـئـے گـوں اَمـیـر کـَـبـیـر ءِ سـیـاسَـت ءَ آ شَـرپـداریـں بـلـوچ مـاں اِے جَـنَـگ ءَ کـُـشَـگ بـوُت اَنـت ءُ لَـهـتـے ءَ گـوں ایـران ءِ هَـوار بَـیَـگ ءَ وَتـی گـَـردِن جَـهـل کـُـرت اَنـت ءُ سُـهـل اِش کـُـرت ایـران ءَ بـلـوچـسـتـان ءِ یَـک بَـهـرے گِـپـت بـلـئـے آ دیـمـا رَواں بـوُت نـوں اِنـگـریـز چـہ ایـران ءِ گِـیـشـیـں دیـمـا رَوَگ ءَ پـریـشـان بـوُت کـہ ایـران هِـنـدُسـتـان ءِ نـیـمَـگ ءَ رَوَگءَاَت مـاں 1853 ءِ مـیـلادی سـال ءَ اِنـگـریـزءَ لَـهـتـے چـہ وَتـی جـاسـوسـاں مـاں بـلـوچـسـتـان دِیـم دات اَنـت کـہ بـلـوچـان ءَ ایـران ءِ سَـرءَ اُرُش کـنَـگ بـہ پَـرمـائـیـن اَنـت اِنـگـریـز ءَ مـاں اِے سـالانـی تـهـ ءَ بـاز جُـهـد کـُـرت کـہ بـلـوچـان ءَ چـہ وَپـتَـگـیـں واب ءَ پـاد بـہ کـَـنـت ءُ آگـاه بــہ کـَـنـت بـلـئـے بـلـوچـاں اِنـگـریـز ءِ گـَـپ نـہ زُرت اَنـت رَنـدا اِنـگـریـز مـاں دگـے اَڑ ءُ جَـنـجـالاں کـَـپـت اَنـت .
تـلـگـراپ ءِ لَـیـن ءِ کـَـشّـگ ءُ پـاریـس ءِ کـَـول ءُ کـَـرارءُ  بَـلـوچـسـتـان ءِ بَـهـر کـنَـگ ءِ نَـکـش ءُ اوگـانـسـتـان ءِ آجـوئـی ءَ اِنـگـریـز ءِ دَسـت داشـت اَنـت کـہ آ بـلـوچـسـتـان ءِ مَـردُمـاں گـیـشـتـر آگـاه بـہ کـَـنـت بـلـئـے مـاں 1857 ءِ سـال ءَ هـنـدُسـتـانـیـانـی اڑ ءُ جَـنـجـال ءُ اُرش انـگـریـزءَ مـجـبـوُر کـُـرت کـہ پـہ بـلـوچـسـتـان ءِ بَـهـر کـنَـگ ءَ رَزا بـہ بـیـت چـہ هِـنـدُسـتـانـیـانـی اُرُش کـنَـگ اِنـگـریـزءَ وَتـی بـادشـاهـی ءِ پـرُشـگ ءِ تُـرس هَـسـت اَت  .
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #4 on: February 10, 2017, 03:00:52 AM »
نـوں اِنـگـریـزءِ کـار تـلـگـراپ ءِ لَـیـن ءِ کـَـشـگ مـاں هِـنـدُسـتـان بـوُت آ لـوٹ اِت تـلـگـراپ ءِ لَـیـن مـاں هِـنـدُسـتـان ءُ اوروپـا ءُ بـلـوچـسـتـان جـواں کـنَـگ بـہ بـیـت بـلـئـے ایـران ءَ نـہ مَـنّ اِت ایـران نـہ لـوٹ اِت کـہ اِنـگـریـز گـوں بـلـوچـسـتـان ءِ سَـریـں مَـردُمـاں گـپ بـہ جَـنـت ایـران ءَ اِنـگـریـز ءِ پـاد داشـت اَنـت کـہ آ مـاں روایـرنِـشـتـی  بـلـوچـسـتـان ءَ پـاد اِیـر مـہ کـن اَنـت اِنـگـریـز ءَ سَـرهَـنـگ – کـَـرنَـیـل اپـسـتـویـک پـہ تـلـگـراپ ءِ لَـیـن ءِ اَڑ ءُ جَـنـجـال ءِ سـاپ کـنَـگ ءَ مـاں وَتـی مُـلـک ءِ سـفـارَت مـاں تـهـران ءَ دیـم دات 1862 ءِ مـیـلادی سـال ءَ مـاں تـهـران اِنـگـریـزانـی گِـنـد ءُ نِـنـد بـوُت رَنـدا آ پـہ تـلـگـراپ ءِ لَـیـن ءِ جـواں کـنَـگ ءَ گـوں ایـران تـپـاک بـوُت اَنـت مـاں آ وَهـد ایـران ءِ مَـسـتـری امـیـن الـدولـه ءِ دَسـت ءَ اَت ءُ امـیـن الـدولـه اِنـگـریـزانـی دوسـت اَت .
انـگـریـز مـاں 1859ءِ سـال ءَ چـہ اوروپـا ءُ هـنـدُسـتـانـی تـلـگـراپ ءِ تـاراں یَـک تـارے گـوں اسـکـنـدریـہ – مـصـر ءُ مَـزَنـهُـور ءِ شَـهـراں بَـسـت مـاں 1964 ءِ سـال ءَ انـگـریـز ءِ اپـسَـر سـر فـردریـک گـُـلـڈ اسـمـیـت پـہ تـلـگـراپ ءِ لَـیـن ءِ کـَـشّـگ ءَ مـاں مَـکـران دِیـم دیَـگ بـوُت ءُ مـاں 1964 ءِ آسَـرءَ تـلـگـراپ ءِ لَـیـن چـہ کـَـراچـی بـہ گِـر داں بَـنـدر جـاسـک مَـکـران جـواں کـنَـگ بـوُت .
انـگـریـز ءِ اَپـسَـراں پـگـر کـُـرت کـہ مـاں مـکـران ‏ءَ تـلـگـراپ ءِ تـار اَگـاں زمـیـن ءِ چـیـرا کـَـشـگ بـہ بَـنـت گـڑا اِے مُـلـک ءِ گِـرَگ یَـک روچـے پـہ مـا آسـانـیـں کـارے بـیـت انـگـریـزءَ اِے کـار سـر فـردریـک گـلـڈ اِسـمـیـت ءِ دَسـت ءَ دات گـلـڈ اسـمـیـت گـوں دگـے لـهـتـے اَپـسَـر مـاں بـلـوچـسـتـان آتـک اَنـت بـلـئـے بـلـوچـاں آیـانـی گِـنـد ءُ گِـدار ءَ نـہ مَـنّ اِت ءُ گـوں آ سَـکّ مـڈاِت اَنـت رَنـدا اِنـگـریـزءَ زانـت کـہ اَبـیـد چـہ سَـردار ءُ هـاکـمـان ءَ مـاں وَتـی دَسـت ءَ آرَگ ءَ مـارا دگـے راه نـیـسـت گـوں اِشـانـی سَـنـگـَـتـی ءُ دوسـتـی کـَـنَـگ ءَ مـا بـلـوچـسـتـان ‏ءِ تـهـ ءَ نِـشـت کـَـن ایـں.
پـہ هَـمـے نـیـمـون اِنـگـریـزءَ بـلـوچـسـتـان ءِ سـردار ءُ هـاکـم  سِـلاه آورت ءُ دات اَنـت ءُ مـاں هَـمُـک دَمَـگ ءَ یَـک تـلـگـراپـجـاهـے اِش جـواں کـُـرت ءُ آ تـلـگـراپـجـاه ءِ سَـرءَ  اِنـگـریـز ءِ بَـیـرَگ اِش لـونـجـاں کـُـرت اَنـت سَـردار ءُ هـاکـم اِش لالِـچ دات اَنـت ءُ گـوں آیـاں کـَـول ءُ کـَـرار اِش کـُـرت کـہ تـلـگـراپ ءِ تـارانـی بُـمـپـانـی ءَ بـہ کـن اَنـت کـَـس ءَ پـہ اِے تـارانـی سِـنـدَگ ءُ دَور دیَـگ ءَ مَـیـل اَنـت.
آ بـلـوچـانـے کـہ آیـان ءَ چـہ اِے کـَـول ءُ کـَـرار نَـپـے نـہ رَس اِتَـگ اَت آ پـاداتـک اَنـت تـلـگـراپ ءِ تـار اِش بُـراِت اَنـت اِنـگـریـز اِش جَـت ءُ کـُـشـت ءُ گـَـلّـیـنـت اَنـت ءُ لَـهـتـے ءِ دَسـت ءُ پـاد اِش بَـسـت ءُ گـوں وَت بُـرت اَنـت رَنـدا اِنـگـریـزءَ چـہ ایـران لـوٹ اِت کـہ هِـنـدُسـتـان ءُ اِیـران ءِ سـیـمـسَـرءَ مـاں بـلـوچـسـتـان ءِ تـهـ ءَ بـہ گـیـشّـیـن ایـت بـلـئـے آ وَهـد ایـران ءَ نـہ مَـنّ اِت گـڑا اِنـگـریـزءَ پَـدا بـلـوچ چـہ وَپـتَـگـیـن واب ءَ پـاد کـُـرت اَنـت داں جَـنـگ بـہ کـَـن اَنـت ءُ ایـران ءَ چـہ وَتـی مُـلـک بـہ گـَـلّـیـن اَنـت نـاصـرالـدیـن شـاه ءَ تُـرس اِت کـہ اَگـاں آ انـگـریـز ءِ گـپ ءَ مـہ مَـنّ ایـت گـڑا بـوُت کـَـنـت کـہ بـلـوچـسـتـان چـہ آئـی ءِ دَسـت ءَ بـہ رَوت .
مـاں 1882 ءِ سـال ءَ انـگـریـزءَ چـہ هِـنـدُسـتـان ءِ لَـشـکـَـر لَـهـتـے مَـردُم مـاں پَـنـجـگـوُر آورت ءُ مُـچّ کـُـرت اَنـت آئـی ءِ هَـیـال اَت کـہ تـیـبَـگـیـں بـلـوچـسـتـان ءَ بـہ گِـرایـت اِے بـابَـت ءَ ایـران کـہ سَـهـیـگ بـوُت آئـیءَ گـوں اِنـگـریـز گِـنـد ءُ نِـنـد کـُـرت اِنـگـریـزءَ گـوَشـت اَگـاں تـو لـوٹ ئـے گـوں مـا دوسـت بـہ بَـے گـڑا بـلـوچـسـتـان ءِ نـیـم ءَ بـہ گِـر ءُ وَتـیـگ ءُ هِـنـدُسـتـان ءِ بَـهـرءِ سـیـمـسَـرءَ نِـشـان بـہ کـَـن نـاصـرالـدیـن شـاه ءَ اِے گـپ مَـنّ اِت .
پـہ اِے کـار چـہ ایـران ءِ نـیـمَـگ ءَ آ وَهـد ءِ خـارجـی وزیـر مـیـرزا سـعـیـد خـان ءُ کِـرمـان ءِ هـاکـُـم آصـف الـدولـه ءُ چـہ انـگـریـز ءِ نـیـمَـگءَ گـُـلـڈ اسـمـیـت ءُ دو دگـے مُـهَـنـدِس گِـنـد ءُ نِـنـد کـرت بـلـئـے اِشـانـی گـپ ءَ آسَـرے نـہ بـوُت مـاں اِے گِـنـد ءُ نِـنـد ءَ گـوَشـگ بـُـوت کـہ اِنـگـریـز بـائـداِنـت سـالـے سَـے هَـزار تـومُـن پـہ تـلـگـراپ ءِ دار ءُ تـارانـی پَـهـریـزَگ ایـران ءَ بـہ دَنـت سـیـمـسَـرءِ کـار پـہ دگـے بَـرے پَـشـت کـَـپـت گـوں تـارانـی داران ءِ کـَـل کـنَـگ ءَ اِنـگـریـزءَ بـلـوچ وَت مـاں وَت ءَ نـاتـپـاک کـَـنَـگ ءِ کـارءَ بُـنـگـیـج کـُـرت کـَـمّ کـَـمّ ءَ آ پـہ وَتـی کـامـیـاتـی ءَ  نَـزّیـکـتِـر بـوُت.
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #5 on: February 10, 2017, 03:02:06 AM »
مـاں 1862 ءِ مـیـلادی سـال ءِ گِـنـد ءُ نِـنـدے کـہ ایـران ءُ انـگـریـز ءَ بـلـوچـسـتـان ءِ سـیـمـسَـرءِ بـارَوا کـُـرتَـگ اَت رودَراتـکـی بـلـوچـسـتـان ءِ بـارَوا گـوں دگـے کـَسـے گـپ ءُ تـران نـہ بـوُتـگ اَت آ وَهـد رودَراتـکـی بـلـوچـسـتـان بـلـوچـانـی وَتـی دَسـتءَاَت ءُ خـان کـَـلات آئـیءِ هـاکـُـم اَت  اِنـگـریـز ءِ واهَـگ اِش اَت کـہ بـلـوچـسـتـان ءَ یَـک مُـلـکـے بـہ کـَـنـت.
پـہ روایـرنـشـتـی بـلـوچـسـتـان ءِ گـوریـچـانـی نـیـمَـگ ءِ سـیـمـسَـراں خـان کـَـلات ءِ حـکـومَـت ءُ ایـران ءِ حـکـوُمَـت گـَـپ ءُ تـران ءَ نِـشـت اَنـت مـاں اِے گـپ ءُ تـران ‏ءَ اِنـگـریـز ایـوَک ءَ سَـیـل چـاروک اَت بـلـئـے چـونـاهـی اِے یَـک لَـیـبـے اَت ءُ خـان کـَـلات ءَ مـاں اِے مُـچّـی هَـوار کـَـنَگ اِنـگـریـز ءِ یَـک نـیـمُـونـے اَت اِنـگـریـز ءِ واهَـگ اَت کـہ بـلـوچـسـتـان ءَ یَـک مُـلـکـے بـہ کـَـنـت ءُ آئـی ءَ خـان کـَـلات ءِ دَسـتءَ بـہ دَنـت.
پـہ بـلـوچـسـتـان ءِ آجـو کـنَـگ ءُ آئـی ءَ یَـک مُـلـکـے کـنَـگ ءَ وَهـدے کـہ آقـاخـان مـحـلاتـی ءِ جَـمـاداری پـروش وارت گـڑا اِنـگـریـزءَ لـوٹ اِت اِے کـارءَ یَـکـے چـہ بـلـوچـسـتـان ءِ هـاکـُـمـاں بـہ کـَـنـت مـاں آ وَهـد ءَ کـَـواسـتـریـں ءُ زانـتـکـارتـریـں هـاکـُـم خـان کـَـلات اَت گـُـڑا اِنـگـریـزءَ خـان کـَـلات ءِ مُـلـک گـوں هِـنـدُسـتـان ءِ هـکـوُمَـت هَـوار جَـت کـہ ایـران ءِ دَسـت آ نـیـمَـگ ءَ دراج مـہ بـیـت انـگـریـز ءُ خـان کـَـلات ءِ دَرمـیـان ءَ شَـور ءُ سَـلاه ءُ کـَـول ءُ کـَـرار بـوُت کـہ اِنـگـریـز بـلـوچـانـی دَرمـیـان ءَ نـاتـپـاکـی جـواں مـہ کـَـنـت ءُ آ خـان کـَـلات ءِ هُـگـم ءَ بـہ مَـنّ اَنـت ایـران کـہ بـیـسـت سـال ءَ پـیـش مـاں رودَراتـکـی بـلـوچـسـتـان ءِ سـیـمـسَـراں دَسـت دراجـی کـنَـگءَاَت آئـی ءِ دَسـت دارَگ بـہ بَـنـت ایـران ءُ رودَراتـکـی بـلـوچـسـتـان ءِ سـیـمـسَـر گـیـشّـیـنَـگ ءُ نـام ءُ نِـشـان کـَـنَـگ بـہ بَـنـت .
وَهـدے کـہ کِـرمـان ءِ نـوکـیـں هـاکـُـم ابـراهـیـم خـان ءَ رودَراتـکـی بَـلـوچـسـتـان ءِ سَـر ءَ اُرُش کـُـرت آئـی ءِ اےِ کـار اِنـگـریـزءَ پـریـشـان کـُـرت اِنـگـریـز ءَ پـگـر کـُـرت نـوں ابـراهـیـم خـان لـوٹ اِیـت خـان کـَـلات ءِ هـکـوُمَـت ءِ مُـلـکـاں زورگـیـری بـہ کـنـت اِنـگـریـزءِ پـریـشـانـی ءِ یَـک مَـسـتـریـں سَـوَبـے اِش اَت کـہ آئـی ءَ تُـرس اِت کـہ ایـران لـوٹـگءَ اِنـت کـہ وَت ءَ گـوں هِـنـدُسـتـان ءِ سـیـمـسَـراں نَـزّیـک بـہ کـَـنـت نـوں اِنـگـریـزءَ چـار اِت کـہ ابـراهـیـم خـان ءِ دَسـت هَـمـا وَهـد ءَ دارَگ بَـنـت کـہ بـلـوچـسـتـان ءِ زُمـیـن بَـهـر کـَنَـگ بـہ بـیـت.
اِنـگـریـزءَ بـاز بَـرءَ ابـراهـیـم خـان ءِ شِـکـاهَـت گـوں ایـران ءَ کـُـرت اَنـت رَنـدا ایـران گـوں مـیـرزا حـسـیـن سـپـهـسـالار ءِ سَـرکـَـمـاشـی ءُ اِنـگـریـز گـوں گـولـڈ اسـمـیـت ءِ سَـرکـَـمـاشـی  مـاں 1871 ءِ مـیـلادی سـال ءَ تَـیـار بـوُت اَنـت کـہ ایـران ءُ خـان کـَـلات ءِ هـاکـُـمـی مُـلـک ءِ سـیـمـسَـران ءَ بـہ گـیـشّـیـن اَنـت ایـران مـیـرزا مـعـصـوم خـان ءَ وَتـی سـیـمـسَـر ءِ مَـسـتِـر ءُ اِے مُـچّـی ءِ مَـسـتـر گِـچـیـن کـُـرت سَـرکـَـمـاشـان ءَ گـوَشـگ بـوُت کـہ سـیـمـسَـر ءِ یَـک نَـکـشـے بـہ کـَـش اَنـت ءُ گـوں وَت مـاں تـهـران ءَ بـیـاراَنـت ایـران ءِ سـیـمـسَـرءِ مَـسـتـرءَ یَـک کـاگـَـدے نـبـشـت ءُ تِـهـران دِیـم دات آئـیءَ کـاگـَـد ءِ تـهـ ءَ نـبـشـت اِنـگـریـز گـُـوَشـگءَاِنـت کـہ کِـیـچ ءُ تُـمـپ ءُ بـلـیـدَه ءُ مَـنـد ءُ کـوهَـک ءُ اسـپـنـدار ءُ سَـربـاز ءُ بـاهـوُ کـَـلات ءُ دَشـیـاری خـان کـَـلات ءِ مُـلـک اَنـت چـہ اِے کـاگـَـد زانَـگ بـوُت کـہ اِنـگـریـز ءِ واهَـگ بـوُتَـگ کـہ اِے دَمَـگـان ءَ گـون خـان کـَـلات ءِ بَـهـر هَـوار بـہ کـَـنـت مـیـرزا مـعـصـوم ءِ جُـهـد اِش اَت کـہ کِـیـچ ءُ مَـنـد ءَ گـوں ایـران هَـوار بـہ کـَـنـت بـلـئـے آ کـامـیـات نـہ بـوُت رَنـدا مـیـرزا مـعـصـوم خـان گـوں گـلـڈ اسـمـیـت پـہ کـوهَـک ءُ اسـپـنـدار ءِ سَـرءَ اَڑ اِت اَنـت ایـران ءِ جَـهـگـیـرانـی جُـهـداَت کـہ ایـران ءِ بَـهـرءَ گِـیـشـتِـر بـہ کـَـن اَنـت بـلـئـے چـو نـہ بـوُت مـاں 1871 ءِ مـیـلادی سـال ایـران ءَ گـلـڈ اسـمـیـت ءِ سـیـمـسَـرءِ کـَشّ اِتَـگـیـں نَـکـش مَـنّ اِت بـلـئـے ایـران ءِ شـاه سَـکّ نـاراز اَت پَـمـش ءَ کـہ لَـهـتـے زمـیـن چـہ ایـران ءِ نـیـمَـگ ءَ پَـچ گِـرَگ ءُ خـان کـَـلات ءَ دیَـگ بـوُت اَنـت پَـمـش ءَ کـہ اود ءِ هـاکـُـم ایـران ءِ داشـتَـگـیـں هـاکـُـم اِت اَنـت اود ءِ هـاکـُـم هَـم پـہ اِے بَـهـر کـنَـگ ءَ رَزا نـہ بـوُت اَنـت آیـاں لـوٹ اِت کـہ پَـدا سـیـمـسَـرءِ بـارَوا یَـک دگـے مُـچّـی  یـے بـہ گِـراَنـت ایـران ءَ چـہ گـُـوَتـر ءِ تَـیـاب دَپ بـہ گِـر داں جـالـک ءِ تَـیـاب دَپ ءِ نَـکـشّ مَـنّ اِت بـلـئـے کـوهَـک ءُ مـاشـکـیـد ءِ شِـیـپ ءِ گـَـپ پَـشـت کـَـپـت اَنـت روایـرنـشـتـی بـلـوچـسـتـان ءِ هـاکـُـم چـہ اِے مُـچّـی ءِ گِـرَگ ءُ سـیـمـسَـرءِ بَـهـر کـنَـگ دِلـپَـدَرد بـوُت ءُ زَهـر گِـپـت اَنـت رَنـدا آ وَتـسَـرءَ کـُـوَهَـک ءِ سَـرءَ اُرُش کـُـرت ءُ کـوهَـک اِش گِـپـت نـوں اِنـگـریـز ءَ گـَـیـز کـُـرت ءُ گـُـوَشـت ایـران وَتـی دل ءَ چـہ کـوهَـک بـہ شُـودایـت ءُ چـہ کـوهَـک ءَ دَسـت بـہ کـَـشّ ایـت .
انـگـریـز ءِ داشـتَـگـیـں وَزیـر ءَ پـہ ایـران ءِ ڈنّـی مُـلـکـانـی وزیـرءَ کـاگـَـدے نـبـشـت ءُ لـوٹ اِت کـہ ایـران گـولـڈ اسـمـیـت ءِ سـیـمـسَـری نَـکـش ءَ بـہ مَـنّ ایـت ءُ کـوهَـک ءِ اڑ ءُ جَـنـجـال ءَ سـاپ بـہ کـَـنـت چـونـاهـی اِنـگـریـز ءِ لَـشـکـَـر ءِ واهَـگ هَـمـش اَت کـہ کـوهَـک ءَ چـہ ایـران ءِ دسـت ءَ پَـچ بـہ گِـرایـت .
سـیـمـسَـر ءِ بـارَوا دومـی بَـهـر ءِ گِـنـد ءُ نِـنـد ءُ سـیـمـسَـر ءِ نَـکـش ءِ سَـرءَ چَـمـشـانـک دیَـگ بـوُت بـلـوچـسـتـان ءِ تَـهـ ءَ ایـران ءُ خـان کـَـلات ےءِ مُـلـک ءِ سـیـمـسَـرءِ گـیـشـیـنَـگ ءُ نِـشـان ایـرکـَـنـگ ءَ انـگـریـز ءِ وَزیـر تـامـسـون ءَ یَـک کـاگـَـدے پـہ ایـران نـبـشـت ءُ  گـُـوَشـت تـو وَتـی سـیـمـسَـرءَ چـہ جـالـک بـہ گِـر داں سـیـاه کـُـوه نِـشـان بـہ کـَـن ( سـیـاه کـُـوه یَـک پـولاتـیـں کـُـوهـے کـہ مـاں مـروچـیـگـیـں خـراسـان ءِ شـهـر خـوسـف ءِ نَـزّیـکءَاِنـت کـہ چـہ آ پـولات ءُ مِـس ءُ کـریـزوکـول ءُ آزوریـت ءُ کـوارتـز جـوڈ کـن اَنـت ).
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 993
  • Karma: 44
Re: بـلـوچـسـتـان ءِ راجـدَپـتـر
« Reply #6 on: February 10, 2017, 03:03:02 AM »
اِے گِـنـد ءُ نِـنـدے کـہ اِنـگـریـز ءَ لـوٹ اِت آ دو سـال رَنـد چـہ اولـی گِـنـد ءُ نِـنـد ءِ مُـچـی ءَ بـوُتَـگ اَت اِنـگـریـز ءِ تُـرس چـہ سـیـمـسَـر ءِ هَـمـا هَـدّات اَت  کـہ آ اوَل ءَ نـشـان کـنَـگ ءُ گـیـشـیـنَـگ نـہ بـوُتـگ اِت اَنـت ابـراهـیـم خـان ءَ کـہ کـوهَـک گِـپـت اِنـگـریـز ءِ تُـرس اِش اَت کـہ کـوهَـگ ءِ گِـرَگ ءَ رَنـد ایـران بـلـوچـسـتـان ءِ آ دگـے نـیـمَـگـاں دَسـت مـہ جَـنـت نـوں اِنـگـریـزءَ لـوٹ اِت کـہ آدگـے بَـهـراں خـان کـَـلات ءَ بـہ دَنـت .
اِنـگـریـز ءِ جَـهـگـیـر " سَـفـیـر " ءَ یَـک کـاگـَـدے پـہ ایـران ءِ دولَـت نـبـشـت ءُ گـُـوَشـت مـا گـُـلـڈ اسـمـیـت ءِ سـیـمـسَـری نَـکـش ءَ مَـنّ اتَـگ مـاں اِے نَـکـش جـالـک ءُ کـَـلَـگـان اِیـران ءِ کِـشـک ءِ سَـرءَاَنـت بـلـئـے ایـران ءَ کـوهَـک ءُ مـاشـکـیـد وَتـیـگـی کـُـرت اَنـت ءُ اِنـگـریـز ءِ گـَـپ اِش نـہ مَـنّ اِت اِنـگـریـز ءِ جَـهـگـیـر ءَ پـہ لـُـوٹـگ ءُ ایـران ءِ دولَـت ءَ پـہ نـہ دَیَـگ بـاز گـپ ءُ تـران کـُـرت بـلـئـے اِے گـپـانءَ هِـچّ آسَـرے نـہ بـوُت گـڑا اِنـگـریـزءَ چـہ هــنـدُسـتـان ءِ هـکـومَـت ءِ لَـشـکـَـر لَـهـتـے مَـردُم مـاں 1894 ءِ مـیـلادی سـال ءَ مـاں پَـنـچـگـوُر پـہ ایـران ءِ تُـرسـیــنَـگ ءَ آورت ءُ ایـر کـُـرت  داں ایـران چـہ تُـرس اِنـگـریـز ءِ گـپ ءَ بـہ مَـنّ ایـت بـلـئـے پـہ اسـتـراژیـکـی نـیـمـون ءَ ایـران ءِ شـاه ءَ نـہ مَـنّ اِت کـہ مـاشـکـیـد چـہ دَسـت ءَ بُـروت گـڑا سـیـمـسَـرءِ کـار پـہ دگـے بَـرے ءَ پَـشـت کـَـپـت اَنـت.
رَنـدا کـہ بـلـوچـسـتـان ءِ سَـردارانـی هـوش آتـک کـہ آیـانـی تـیـبَـگـیـں مُـلـک چـہ آیـانـی دَسـت ءَ رَوَگءَاِنـت اِے بـابَـت ءَ آ زَهـر گـپـت اَنـت گـڑا ایـران مـجـبـوُر بـوُت کـہ سـیـمـسَـرءِ بَـهـر کـنَـگءَ زوُت آسَـر بـہ کـَـنـت  آئـیءَ یَـک گـَـلـے جـواں کـُـرت کـہ سـیـمـسَـر ءِ هَـدّ ءَ چـہ جـالـک بـہ گِـر داں سـیـاه کـُـوه نِـشـان بـہ جَـن اَنـت .
خـان کـَـلات ءُ ایـران ءِ سـیـمـسَـر ءِ بَـهـر کـَـنَـگ ءِ کـَـرارداد مـاں 1895 ءِ مـیـلادی سـال ءَ چـہ کـوهَـک بـہ گـر داں سـیـاه کـُـوه گـوں ایـران ءِ راجـکـَـمـاش امـیـن الــسـلـطـان ءُ انـگـریـز ءِ جَـهـگـیـر مـاں تـهـران ءَ دَزّهَـت کـنَـگ بـوُت اِے کـَـرارداد هَـم کـنَـگ بـوُت کـہ مـاں دیـمـی سـال 1896 ءِ دومـی مـاه ءَ مـاں کـوَهَـک بـیـا اَنـت ءُ هَـمـا سـیـاه کـُـوه ءِ کِـشـک ءَ چـہ سـیـاه کـُـوه ءِ زِه سَـراں بـہ گِـراَنـت داں گـُـوَتـر ءِ تـیـاب دَپ بـہ رَسـیـن اَنـت ءُ نِـشـانـیـاں ایـر بـہ کـن اَنـت.
سـیـمـسَـرءِ اوَلـی نـشـان ءِ مِـلّ مـاں کـُـوهَـگ جَـنَـگ بـوُت کـُـوهَـک مُـدامـی ایـران ءَ دیَـگ بـوُت بـلـئـے مـاشـکـیـد ءِ نَـمـبـیـگـانـی مَـچّـکـَـدَگ خـاران ءِ هـاکـُـم ءَ دیَـگ بـوُت اَنـت دگِـے یَـک جَـنـجـالـے یـاراحـمـدزئـی کـُـٹـم ءِ مَـچـکـَـدَگ اِت اَنـت کـہ آ مـاں خـان کـَـلات ءِ مُـلـک ءِ بَهـرءَ کـپـت اَنـت بـلـئـے پَـمـش ءَ کـہ یـاراحـمـدزئـی کـٹـم مـاں ایـرانءِ بَـهـرءِ بـلـوچـسـتـانءَ جَـهـمـنِـنـداِت اَنـت گـڑا آ مـچـکـدَگ هَـم مـاں ایـران ءِ زُمـیـن ءِ بَـهـراں کـَـپـت اَنـت ءُ ایـران ءَ دیَـگ بـوُت اَنـت .
مـاں 24/3/ 1896 ءِ مـیـلادی سـال ءَ بـلـوچـسـتـان ءِ بَـهـر کـنَـگ ءِ کـار آسَـر بـوُت اَنـت ءُ اِنـگـریـز ءَ هـنـدُسـتـان ءِ اَمـنـیَـتـی دیـوال بَـسـت ‏ءُ تَـیـار کـُـرت داں بـاز وَهـد مـاں هِـنـدُسـتـان واجَـهـی بـہ کـَـنـت.
[/b]