Author Topic: مـاں بـیـسـت ءُ یَـکـُـمـی کـَـرن ءَ مـا کـُـجـا شَـتَـگ ءُ سَـر بـوُتَـگ ایـں؟  (Read 180 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1048
  • Karma: 44
مـاں بـیـسـت ءُ یَـکـُـمـی کـَـرن ءَ مـا کـُـجـا شَـتَـگ ءُ سَـر بـوُتَـگ ایـں؟!!!..
یَـک روچـے مَـنـی دِل ءَ لـوٹ اِت هَـمـے بـارَوا پَـٹ پـول بـہ کـَـن آں گـڑا مـن یَـک هَـنـچـیـں جـاهـے شُـت ءُ نِـشـت آں کـہ چَـہ آ جـاه ءَ هَـمُـک دابـیـں مَـردُم گـُـوَزَگ ءُ رَوگءَاَت اَنـت ، مـن شُـت ءُ یَـک چـار راهـے ءِ سـرءَ نِـشـت آں چـار راه ءِ سَـرءَ یَـک شَـربَـت والاهـے هَـسـت اَت ءُ آ مـنـی پَـجّـاه آروکـے اَت آئـی ءَ مـن ءَ یَـک پُـرتَـکـالـے ءِ شـربَـتے جـواں کـُـرت ءُ دات رَنـدا آ گـوں وَتـی گِـراکـاں دِلـگـوش بـوُت ءُ مـن گـوں راه ءِ رَهـگـُـوزاں وَتـی چَـمّ سَـکّ کـُـرت اَنـت ، یَـک وَرنـایـے ءَ پَـسـے مُـهـاراَت ءُ آ مـاں چـار راه ءَ گـُـوَزَگءَاَت ، وَرنـا مـاں چـار راه ءِ دَرمـیـان ءَ کـہ رَس اِت یَـک گِـراکـے ءَ تـَوار جَـت ، بَـچَـک پَـس ءَ بُـهـا کـن ئـے ؟ وَرنـا ءَ گـُـوَشـت هَـو پَـس مـن ءَ پـہ بُـهـا کـَـنَـگ ءَ گـون اِنـت ، گِـراک ءَ گـوَشـت هَـمـودا بـدار مـن پـیـداک آں ، گِـراک ءَ وَت ءَ چـہ مـوٹـل ءُ پَـرپَـٹـاں گـیـشّـیـنـاں کـُـت ءُ وَرنـاءِ گـُـوَرا شُـت پَـس ءَ چـارَگءَ لَـگّ اِت ءُ نـهـاد ءِ بـارَوا جُـسـت کـنَـگءَ لَـگّ اِت ، دِیـرے نـہ گـُـوَسـت کـہ چـہ شَـربَـت والا ءِ گِـراکـاں دو کـَـس پَـس ءِ چـارَگ ءَ شُـت اَنـت ءُ چـہ دُکـانـداراں دو سَـے کـَـس دَرآتـک ءُ پَـس ءِ چـارَگ ءَ شُـت اَنـت رَنـدا مـاں چـار راه ءِ تـهـ ءَ دِگـے مَـهـلـوُک آتـک ءُ مُـچّ بـوُت اَنـت نـوں چـار راه ءِ رَوَگ ءُ آیَـگ ءِ راه جـام بـوُت کـَـس ءَ چـہ وَتـی جـاه ءَ سُـراِت نـہ کـُـت ، پُـلـیـس آتـک ءُ پـہ زور اِے مَـهـلـوُک گـَـلّـیـنـت ءُ یَـکّ یَـک کـُـرت اَنـت بَـلـے کـَـس سَـرپَـد نـہ بـوُت کـہ آیـان ءَ مَـهـلـوُک ءِ رَوَگ ءُ آیَـگ ءِ راه بَـنـد کـُـرتَـگ درُهـا پُـلـیـس ءِ سَـرا زَهـر گِـپـت اَنـت کـہ تَـو مـارا پَـس ءِ زوُرَگ ءَ نـہ اِشـت ، رَنـدا راه پَـچ بـوُت مـهـلـوک پَـدا رَوَگ ءُ آیَـگ ءَ لَـگّ اِت اَنـت مـن وَتـی شَـربَـت وارتَـگ اَت نـوں مَـن لـوٹ اِت کـہ پـادآیـاں هَـمـے وَهـد ءَ یَـک وَرنـایـے آئـی ءَ هـیـرویـن بـاز کـَـشّ اِتَـگ اَت آ آتـک ءُ مـنـی دِیـمـا مـاں جـوُ ءِ آپ ءِ تـهـ ءَ کـَـپـت یَـکـّے ءَ جـار جَـت بـہ گِـراِت کـہ اِے شـوُمّ مُـرت ، دو کـَـس ءَ وَرنـا ءِ دَسـت گِـپـت اَنـت ءُ چـہ آپ ءَ کـَـشّ اِت وَرنـا تُـسـتَـگ ءُ بـے هُـوش اَت ، پَـدا چـار راه ءِ ٹـراپـیـکّ جـامّ بـوُت مَـهـلـوُک ءَ وَتـی مـوٹـل ءُ پَـرپَـٹ داشـت اَنـت ءُ وَرنـا ءَ چـارَگءَ لَـگّ اِت اَنـت رَنـدا یَـک اِسـپـیـت گـُـد ءُ اِسـپـیـت ریـشّـیـں کـَـمـاشـے آتـک آئـی ءَ وَتـی دوئـیـں پَـنـچ هَـمـے تُـسـتَـگـیـں وَرنـا ءِ سَـرءَ جَـت اَنـت آئـی ءَ گـُـوَشـت کـَـلام هُـدا تَـرا بـہ جَـنـات مـن تـرا زَرّ دات کـہ تـو مـاں لـوگ ءَ هـیـروئـیـن بـہ کـَـشّ ئـے ءُ هَـمـودا بـہ مِـرئـے  بـلـے تـو ڈنّ ءَ دَرآتـک ئـے !!!... کـَـمـاش ءَ وَتـی زَهـگ چِـسـت کـُـرت ءُ شُـت پَـدا پُـلـیـس آتـک ءُ آئـی ءَ مَـردُم یَـکّ ءُ یَـکّ کـُـرت اَنـت ، چـار راه ءِ راه پَـدا پَـچ بـوُت مـن مـاں وَتـی دِل ءَ هَـیـال کـُـرت ءُ گـُـوَشـت ادَبـی هَـکـیـم تـو هَـم گـَـنـوکـے ءِ کـہ اِے مَـهـلـوُک ءَ دیـمـرَوی ءُ آجـوئـی ءِ بـارَوا سَـبَـک دیَـگءَئـے اِے وَ تَـنـیـگـا اَلِـپ بـا ءِ وانَـگ ءَ نـہ زان اَنـت.
ادَبـی هَـکـیـم
[/b]