Author Topic: سئے کماشانی کسّو رجانکار : قدیر کرار  (Read 236 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6848
  • Karma: 356
    • Baask-Home of Baluchi Language, Literature & Culture
سئے کماشانی کسّو
 رجانک : قدیر کرار
 یَک زالبولے کار ءُ چَلوپگّی ءَ لوگ ءَ چہ ڈَن دَراتک،دیت ئِے لوگ ءِ دَپ ءَ سئے دَرامَدیں کماشاں نِشتَگ ات اَنت،
 زالبول گوشگ ءَ لَگ اِت ''من شُمارا پَجاّہ وَ نیاراں بلے من ءَ اَنچو سَما بیت،کہ شُما گُژنیگ اِت، بیا اِت لوگ ءَ شُمارا وَرگ واریناں''
 کماشاں پُرسِت  :  ''تئ لوگ واجہ هَمدا اِنت؟''
 زالبول ءَ گوْشت : ''اِناں، آ لوگ ءَ نہ اِنت''
 اِشاں پَسّو دات : ''گُڑا ما لوگ ءَ نیائیں''
 شَپ ءَ وهدے لوگ واجہ اَتک، گُڑا زال ءَ اے کسّو سَرجم ءَ بیان کُت-
 مرد ءَ گوْشت'' بُرو اِشاں توار بکن ءُبیار''
 زالبول آیانی کِرّا شت گوْشت ئِے، ''بیا اِت توک ءَ لوگ واجہ اَتکگ''
 آیاں پَسو دات : '' ما سَئیں پَجیگ ءَ لوگ ءَ اَتک نہ کَنیں ''
 زالبول ءَ جُست کُت "پَرچہ''
 یکّے ءَ اِے پَیم گوْشت ءُ وتئ پَجار کنائینت کہ ، ''منی نام ''مال'' اِنت، (وتئ ءَ یک همرائی ءِ نیمگ ءَ لَنکُک ٹال کُت )
 کہ اِشی ءِ نام ''سوب مندی'' اِنت، (دومی همراه ءَ سمیگ ءِ نیمگ ءَ لَنکُک ٹال کُت ئے) منی نام ''مِهر'' اِنت''
 پدا گُشت اِش کہ''تو بُرو وتئ لوگ واجہ ءِ گوم ءَ شؤر ءُ سلاه بِکن کہ مارا چہ کئے توک ءَ بَئیت''
 زال شُت مردے گْور ءُ هَمئے گَپ ۓِ جَت اَنت،
 آ چہ گَل ءَ بال بیت ءُ گوشت ئِے ''اَگاں اِے وڑ اِنت، گُڑا ''مال ءَ '' توک ءَ کاریں بِلّے مئے لوگ مال ءُ دولت ءَ چہ پُرّ بِیت''
 زال هَمے گَپ ءَ گوں مرد ءَ هَڑ اِت کہ'' اِنّاں، ''سوب مندی'' ءَ کاریں''
 مَرد ءُ زال ءِ گپّاں نِشار لوگ ءِ یک کُنڈے ءَ نِشتگ اَت ءُ گوشدارگ ءَ اَت، آئی ءَ اُوں وتئ سلاه دات کہ ''اگاں ما ''مِهر ءَ '' توار بِجنیں چونیں؟ بِلّے مئے لوگ مِہر ءُ دوستی ءَ چہ آچکار بِیت''
 لوگ واجہ ءَ گوشت '' نِشار ئےِ سوج ءَ گِریں بُرو ''مِهر ءَ'' توار کن''
 زالبول ڈَن ءَ اَتک ءُ گوشت ئِے '' شُمئے تَہ ءَ مِهر کئے اِنت، آ مارا مهمانداری ءِ شَرپ ءَ بہ بَکشِّیت''
 هَمیشانی لُوٹیتگیں کماش (بزانکہ مهر) پاد اَتک، توک ءَ پُترگ ءَ لَگ اِت، آ دوئیں اوں همیشی ءِ پَجّیگ  ءَ پاد اَتکاں ءُ توک ءَ پُترَگ ءَ لَگ اِتاں،
 زالبول ءَ هَیرانی ءَ گوں 'مال' ءُ 'سوب مندی'ءَ چہ پُرسِت ''من اِیوک ءَ ''مِهر '' دعوت داتگ، شُما پرچہ پیداک اِت؟ شُما ساری ءَ نہ گُوشت کہ ما سَئیں پَجیگ ءَ لوگ ءَ اَتک نہ کَنیں؟''
 آیاں پسّو دات " اگاں تو ''مال'' یا ''سوب'مندی' ءِ تَہ ءَ یَک ئے اُوں دعوت بہ داتیں گُڑا دو ڈن ءَ بِیتگ اَت،چُوشکہ تو ''مِهر'' دعوت داتگ ،اے هَرچ کُجا بہ بیت ما اِشی ءِ هَمراهیں،
 هَر جاه ئے ''مِهر'' بیت  ''مال ءُ سوب'مندی ' بزانکہ ما دوئیں هَمودا بَئیں''
 دِلگوش : وتی دلانی تَہ ءَ ءُ وتی سیاد وارسانی ءُ دوست ءُ سنگتانی دلانی تَہ ءَ مِهر ءُ دوستی ودی بِکن اِت، گُڑا شُما کامیاتیں شخصیت ئے واهُند بَئیت،
 یات بکن اِت : اگاں شُماں گوں مِهر یک دومی ءَ دُچار کپ ئے گُڑاں شُما چُو هَما چِراگ ئے دَروَر ءَ  اِت کہ تَہاری ءَ مَردم هَمائی ءِ چَپ ءُ چاگرد ءَ نِند اَنت،.
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line