Author Topic: هَـجّـام ءُ هـاکـُـم  (Read 81 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1019
  • Karma: 44
هَـجّـام ءُ هـاکـُـم
« on: April 21, 2017, 11:31:08 AM »
هَـجّـام ءُ هـاکـُـم
رجـانـک : ادَبــی هَـکـیـم
-----------------------
اِے گـَـپ ءَ شـمـا زان اِت کـہ هَـجّـام بـاز گـَـپ جَـن اَنـت ءُ چـہ دِگِـر ءَ بـاز جُـسـت کـَـن اَنـت ءُ دگِـرانـی راز ءَ پـاشـک کـَـن اَنـت آ پـہ اِے کـارءَ سَـکّ نـامـداراَنـت ، یَـک روچـے مُـلـک ءِ هـاکـُـم پـہ وَتـی سـرَگ ءِ مـوُدانـی لـُـکّ کـنَـگ هَـجّـام ءِ گـُـورا آتـک ، هَـجّـام ءَ هـاکـُـم ءِ سـرَگ چـاراِت هـاکـُـم ءِ سـرَگ ءَ سـیَـهـمـارے مـان اَت ، هـاکـُـم ءَ گـُـوَشـت بـچـار هَـجّـام اَگـاں تـو اِے راز ءَ پـاشـک کـُـرت گـڑا مـن تـئـی سـرَگ ءَ گـُـڈ آں ، هَـجّـام ءَ چـہ تُـرس گـوں کـَـس ءَ گـپ نـہ جَـت بـلـے چـہ راز ءِ دارَگ ءَ آئـی ءِ لاپ گـَـژّاِت ءُ گـُـوات گِـپـت ، هَـجّـام ءِ جَـنـیـن ءَ جُـسـت کـُـرت تـئـی لاپ ءَ چـون اِنـت کـہ چـو گـُـوات گِـپـتَـگ ؟!!!... هَـجّـام ءَ گـُـوَشـت مَـنـی لاپ ءَ یَـک راز مـان اِنـت ءُ مـن آ راز ءَ گـُـوَشـت هَـم نـہ کـن آں بـلـے گِـنـدَگ ءَ اِے راز مـنـی لاپ ءَ تـراکّـیـن ایـت ءُ مـن ءَ کـُـشّ ایـت ، جَـنـیـن ءَ گـُـوَشـت تـو بُـرو اِے راز ءَ گـوں چـات ءِ آپ ءَ بُـگـوَش ءُ اِے راز ءَ مـاں هَـمـا چـات ءَ چَـگـَـل بـہ دَے ، هَـجّـام ءَ شَـپ ءَ اِے راز گـوں چـات ءِ آپ ءَ گـوَشـت ، سـهـب ءَ مـیـتَـگ ءِ مـردُم چـہ چـات ءَ آپ کـَـشّ اِت ءُ وَتـی مـیـتَـگ ءِ درَچـک ءُ دار مـیـنـت اَنـت رَنـدا مـیـتَـگ ءِ درَچـک ءُ دار نـاچ ءَ ءُ شـئـر جَـنَـگ ءَ لَـگّ اِت اَنـت ، هَـجّـام ءَ گـوَشـتـگ هـاکـُـم ءِ سَـرَگ ءَ سـیَـهـمـارے مـان اِنـت ، هَـجّـام ءَ گـوَشـتَـگ هـاکـُـم ءِ سَـرَگ ءَ سـیَـهـمـارے مـان اِنـت ، هـاکـُـم ءَ هـال رَس اِت آئـی ءَ لَـشـکـَـرے سـپـاهـیـگ پـہ هَـجّـام ءِ گِـرَگ ءُ آرَگ ءَ دِیـم دات اَنـت ، هَـجّـام مـن تـرا گـُـوَشـت کـہ راز ءَ پـاشـک مـہ کـَـن بـلـے تـو مـنـی گـپّ نـہ مَـنّ اِت ؟!!!... هَـجّـام ءَ سَـوگـَـنـد وارت ءُ گـُـوَشـت کـہ آئـی ءَ اِے راز گـوں مـردُمـاں نـہ گـُـوَشـتَـگ ، پَـدا آئـی ءَ گـوَشـت واجَـہ مـئـے مُـلـک ءِ درَچـک ءُ دار وَت تـرا دوُسـت دارَگءَاَنـت ءُ پـہ تـو شـئـر جَـن اَنـت !!!... هـاکـُـم چـہ هَـجّـام ءِ اِے مَـکـّـاریـں گـپ رَد کـَـپـت ءُ آئـی ءَ هَـجّـام ءِ شِـزا پَـهِـلّ ءُ دَرگـُـوَز کـُـرت.
اِے کِـسّـہ ءِ مُـول ءُ مُـراد اِش اِنـت کـہ وَتـی زبـان ءِ لَـگـام ءَ مُـهـر بـدار کـہ آ تـرا یَـک روچـے مـاں چـڈگ ءُ چـبّـگـے ءِ تَـهـ ءَ دَور مـہ دَنـت.
[/b]