Author Topic: سعید ساحِل ءِ لہتے رجانک ندر پہ باسک ءِ وانوکاں  (Read 140 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6847
  • Karma: 356
    • Baask-Home of Baluchi Language, Literature & Culture
نبشتہ کار : پِـردوس یاسمین                                     
رجانکار:  سـئید ساهل ( 14 / مولمان / 2017 ، لاشار ناهی
زِند ءِ بے اَشکامیں ءُ بے اَجامیں سَهت ءُ دَمان گْوزان اَنت ، زِند ءِ ڈیوا مِرمِرانکیں چراگ ءِ وڑ ءَ  هَر کتره ءِ دُولّابانی دیمپان اِنت ، بَرے بَرے وَ اَنچوش مار آں گْوش ئے اِے دُولّاب منی زِند ءِ مِرمِراکیں ڈیوا ءَ کُش ایت ءُ من ءَ را چہ اُمر ءِ بندیگی ءَ آجو کن اَنت ... ایوکی ءِ دشت ءَ اِے شِنگیں ریکزار منی زِرد ءَ پُرسیگ کَـنَگ ءَ اِنت ... زِند ءِ زْرُمبیں تهاری منی مارِشتاں بے چاڑ کَـنَگ ءَ اَنت ... سانجارو ءِ ڈولداریں وهد ءَ  ایرنِندانیں  روچ ءِ ندارَگ ءِ گِندگ ءَ  پَـد من انچوش مار آں گُشئے کہ منی زِرد ایر روان اِنت ... شپ ءِ بے کِساسیں کِیلّیں تهاری منی زِرد ءِ بے کِساسیں تهاریاں گیشتِر وَدّیـنَگ ءَ اِنت ... سُهب ءَ رودراتک ءِ ندارگ ءِ گِندگ ءَ پَد منی چمّانی دیم ءَ ساهیلیں جمبرانی گْوارگ بِنا بیت ... مروچیگیں روچ پَد ءَ بِنا بُوت سَرجمیں روچ هَر روچ ءِ وڑ ءَ اُمر ءِ بندیگی ءَ گْوازینگ کَپ ایت


Offline Zahida Raees Raji

  • Administrator
  • *****
  • Posts: 6847
  • Karma: 356
    • Baask-Home of Baluchi Language, Literature & Culture
بِنا الله ءِ پاکیں نام ءَ

چول پُرشاں
اِستال سِداں
زْرُمبیں شَپانی تهاری ءَ
زِری گْورمانی تیاب دپی چول ،
تْرپ اَنت
کہ
آ
چہ دیر ءَ کاینت !
تْرانجیت ، تْران
زِری اَلهاناں
زباں تئ هَند
جهاناں ، بند
دل ءِ تب ءَ کہ
زِر ءِ دل ءَ چَہ ،
نیلگونگیں پَرّام
لچّہ کار :- عبدالوهاب دامنی
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
شروع الله کے نام سے