Author Topic: *چمشانک* عمرشاھی *مات ھَورءِ سرءَ اَت*  (Read 70 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6907
  • Karma: 356
    • Baask-Home of Baluchi Language, Literature & Culture

*چمشانک*           عمرشاھی
              *مات ھَورءِ سرءَ اَت*

*اے یک سستگیں مردمے کِسّہ اِنت  کہ چہ چاگردءَ زانتکارنہ اِنت وھدے کہ لٹءِ سرءَ لَگ اِت نوں چمے پچ بنت ابوڈے بابی کہ من دُورگارکُتگ کِسّہ تہ ءَ ندارگ کَشّی کِسّہ تہ ءَ کارست ءُ درنگازی لاجواب اَنت کِسّہ یکیں لوگءَ بندات بیت کِسّہ ءِ تہ ءَ مستریں کارست دادمھمدء کمال اِنت ءُ دومی کارست آئی ءِ منڈ توکی اِنت-توکی دادمھمدءِ کمال ءَ وتی چُکاں چہ دُوسترءُ نزیک تراِنت توکل کہ یک کارستے کوہ ءَ اِنت دادمھمدءِ ھالکیں کنڈءِ پُرکُتگ مزنیں مات ءِ گُشگ اِنت کہ دادمھمددرملکءَ ھم بیتگ دادمھمدشَپکی ھم کتگ دادمھمدوانڈہ ھم بیتگ دادمھمد آوارجنگ ھم بیتگ-بلے دادمھمدنوں گنوک اِنت ھِچ شرءُ گندگ نہ زانت ھچ ھرام ءُ ھلالءَ دست نہ جنت ھچ دین ءُ پیگمبردیم نیاریت مرگءَ پیسرکہ دادمھمدتھنالوگءِ کنڈءَ نندیت ءُ بے مانائیں لکیرکَش اِت-دادمھمد وھدے کہ دنیاءَ یلءَ کنت میتگ ءُ نزیکیں مردم درست وت ءَ بے دلگوش ءُ ناسھیگ کن اَنت کسے چپیں گوشءَ ھم مورے نہ تجیت کہ دادمھمدنامیں مردمے بیران بوتگ-اگن ناکوبائینان مہ بوتیں دادمھمدءِ ڈونڈلوگءِ توکءَ گھہ اِت ءُ سڑ اِت-توکی سیاھیں منڈے وتی چُکانی دژمن وت ایں مدام چُک ءُ چلانگ کنت وتی تاسپ ءُ تلاھیں چُکاں روچے یکے گُٹ ءَ گپت ءُ کُشیت داں ھپتمی روچءَ ھونڈءَ ھالیک کنت گدارتہ ءَ ندارگ کشّی لبزانی رد ءُ بندھیالانی گِرءُ دارمارشتانی پیشدارگ من ھمے گُشاں کہ نِبشتہ کارءَ کمال کتگ-دادمھمدآوارجنگ بیت ھمے دماںءَ رسترکائینت لوگءِ درءَ ڈک ڈکءَ جن اَنت افففف اے ندارگ وانگءَ وانوک وتی ارساں داشت نہ کنت-چیزے سالءَ پَد دادمھمدبے گواہ کنگ بیت ءُ وھدے کہ دادمھمد دومی واری ءَ زندءَ پادءَ ایرکنت اے یک گنوکیں ءُ بے تواریں زندے بیت داں کبرءَ روت-گڈسرءَ سِیاہ مارے کیت لوگءَ آوارجنت -ڈکالے کیت مردم دادمھمدءِ کبرءَ پیرءُ زیارتے جوڑ کن اَنت ھورءُ دگہ بازیں واھشتے لوٹ اَنت بلے چوکہ اے ھمادادمھمدیں مرگءَ ساری کسءَ ھِچ دیم نیارتگ ءُ دادمھمدھم مُلاءُ پیرءُ مُرشددیم نیاورتگاں-مزنیں ھَورے کیت دادمھمدءِ کبرءَ گوں سیاھیں منڈ توکی ءَ روپیت ءُ بارت میتگ ءِ مردم نوں ھوش ءَ کپ اَنت کہ دادمھمدبلاھیں بزرگے بوتگ بلے ماکبرءُ کسارتءَ جان کاھلی کُتگ-گدارءِ بندات گوں لوگءِ پترگءَ بیت ءُ گدارءِ ھلاسی گوں لوگءِ کڈی کنگءَ بیت سیاہ مارے کیت لوگءَ آوارجنت کمالءِ گپیں یکیں ساھتءَ یک شِیرکن ءُ تامداریں زندے گدارءِ رنگءَ درشان کتگ-چوشیں وشتامیں زندکہ ماں ھیالاں مردم دیست نہ کن-منی ھیالءَ گدارے سرجمیں واھشت ءُ لوٹ پورااَنت من ءَ انچوش گمان بیت کہ اے گدار یہ راستی یک زندے جست ءُ پدءَ رندمن سرپد بوتاں کہ گیشترکارست ءُ نام راستیں نام اَنت دادمھمد درمھمد پاتمہ مریم ناکوبائینان بشیرءُ اباس مزارگیشترنبشتہ کارے جندے میتگ ءِ مردم ءُ سیاداَنت-منی نزءَ بلوچی ءِ گدارچگردپُل انت سوتکال ءُ مات ھَورءِ سرءَ اَت جوانتریں گدارھمیش اَنت چگردپُل چوکہ یک رٹائرمشکتی ئے زندءِ کسہ اِنت کہ مشکتءَ یلءَ کنت ءُ کیت جنگ ءَ بھرزوریت مُبارکی-ڈاکٹرھنیف شریفءِ گداراِنت-سوتکال:یک شوانگے کسہ اِنت کہ وتی کلاتءُ وتی میتگ سوتکال ءَ گوں بندوک اِنت اسلم دوستیں ءِ گداراِنت-مات ھَورءِ سرءَ اَت:کہ کسہ گوں یک لوگے ءَ بگرداں میتگ ءَ وتی کنت-نزردوستءِ گداراِنت-the end*
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line