مُـشـکـُـک ءُ آئـی ءِ هَـمـسـاهِـگ
رجـانـک : ادبـی هَـکـیـم
گـوَش اَنـت یَـک مَـزَنـیـں بـاگـے هَـسـت اَت آ بـاگ ءِ تـهـا دِهـکـانے ءِ لـوگ اَت دِهـکـان ءَ یَـک کـُـروسـے ءُ یَـک مـیـشـے ءُ یَـک مـادَگـے هَـسـت اَت ، مـاں دِهـکـان ءِ هَـمـبـارءَ یَـک مُـشـکـُـکـے هَـسـت اَت مُـشـکـُـک ءَ دِهـکـان ءِ جَـنـیـن سـیَـہ دِل کـُـرتـگ اَت ، یَـک شَـپـے دِهـکـان ءُ آئـی ءِ جَـنـیـن تَـلـکـے ءِ سـرءَ چُـنـڈے پَـتـکـَـگـیـں مـاهـیـگ بَـسـت ءُ پـہ مُـشـکـُـک ءِ گِـرَگ ءَ اِیـر کـُـرت رنـدا کـہ دِهـکـان ءُ آئـی ءِ جَـنـیـن واب کـَـپـت اَنـت ءُ لـوگ تـهـار بـوُت مُـشـکـُـک تَـلـک ءِ گـوَرا شُـت مُـشـکـُـک ءَ پَـجّـاه آورت کـہ اِے یَـک تَـلـک پـہ مـنـی گِـرَگ ءَ اِیـر کــنَـگ بـوُتَـگ ، مُـشـکـُـک سَـکّ شُـدیـگ اَت پَـتـکـَـگـیـں مـاهـیـگ ءِ وَشّـبـو آئـی ءَ گـیـشـتـر شُـدیـگ کـنَـگ ءَاَت ، مُـشـکـُـک کـروس ءِ گـوَرا شُـت ءُ مـاهـیـگ ءَ چـہ تَـلـک ءَ پَـچ کـنَـگ ءِ مَـدَت لـوٹ اِت بـلـے کـروس ءَ وَتـی پـونـز بُـرز کـُـرت ءُ پـہ مُـشـکـُـک ءِ مَـدت ءَ تَـیـار نـہ بـوُت كـروس ءَ گـوَشـت اَگـاں مـن تـرا مَـدَت بـہ کـن آں بـانـدات دِهـکـان ءُ آئـی ءِ جَـنـیـن مـن ءَ پـہ وَرَگ دان نـہ دے اَنـت ، مُـشـکـُـک مِـیـش ءِ گـوَرا شُـت ءُ مـدَت لـوٹ اِت مـیـش ءَ هَـم وَتـی سَـرَگ جَـهـل کـُـرت ءُ مُـشـکـُـک ءِ مَـدت کـنَـگ ءَ تـیـار نـہ بـوُت آ گـوَشـت اَگـاں مـن تـرا مَـدَت بـہ کـن آں بـانـدات دِهـکـان ءُ آئـیءِ جَـنـیـن مـن ءَ کـاه نـہ دے اَنـت ، آسـرءَ مُـشـکـُـک مـادَگ ءِ گـورا شُـت ءُ مـدَت لـوٹ اِت مـادَگ هَـم مُـشـکـُـک ءِ مَـدَت ءَ تـیـار نـہ بـوُت آ گـوَشـت اَگـاں مـن تـرا مَـدَت بـہ کـن آں بـانـدات دِهـکـان ءُ آئـیءِ جَـنـیـن مـن ءَ کـاه ءُ آپ نـہ کـن اَنـت ، مُـشـکـُـک سَـکّ دِلـپَـدرد ءُ نـا اُمـیـت بـوُت ، شـپ ءِ یَـک وَهـدے تَـلـک سـرَپ اِت دِهـکـان ءِ جَـنـیـن چـہ واب ءَ پـاداتـک ءُ مـاں هَـمـبـار ءَ پُـتِـرت هَـمـبـار تـهـاراَت جَـنـیـن ءِ گـُـمـان ءَ تَـلـک ءَ مُـشـکـُـک گِـپـتَـگ جَـنـیـن هَـنـچـو کـہ تـلـک ءِ نَـزّیـک ءَ شُـت مـارے ءَ جـنـیـن ڈنـگ جَـت جَـنـیـن ءَ چـیـتـکـے جَـت دِهـکـان گـوں لُـٹ ءَ رَس اِت دِهـکـان ءَ چـاراِت مـار چـه تَـلـک ءِ سـرءَ گـوَسـتَـگ ءُ تَـلـک ءَ آئـیءِ دُمـب کـپـتَـگ ءُ داشـتـگ ، رَنـدا مـار ءَ جَـنـیـن ڈنـگ جَـتَـگ دهـکـان ءَ مـار جَـت ءُ کـُـشـت ءُ وَتـی جـنـیـن ءَ داکـتـر ءِ گـوَرا بُـرت داکـتـرءَ جَـنـیـن دَرمـان دارَگ کـُـرت رَنـدا دِهـکـان ءَ جـنـیـن لـوگ ءَ آورت بـلـے جَـنـیـن وَشّ وَشّ نـہ اَت مَـردُم جـنـیـن ءِ گِـنـدَگ ءَ آتـک اَنـت ، دِهـکـان ءَ کـروش کـُـشـت ءُ مَـردُم وَراک واریـنـت اَنـت دومـی روچ ءَ جَـنـیـن گـیـشـتِـر نـادراه بـوُت گـیـشـتـر مـردُم آئـی ءِ چـارَگ ءَ آتـک اَنـت دِهـکـان ءَ مِـیـش کـَـشـت ءُ مـردم وراک واریـنـت اَنـت سـیـمـی روچ دِهـکـان ءِ جَـنـیـن مُـرت نـوں پُـرس ءِ دارَگ ءَ گـیـشـتـر مَـردُم آتـکـک اَنـت دِهـکـان ءَ مـادَگ کـُـشـت ءُ مـردُم وراک واریـنـت اَنـت .
مَـروچـاں مـئـے هَـمـسـاهِـگ هَـم پـہ یَـک نـااُمـیـتـیـں هَـمـسـاهِـگـےءِ مَـدَت کـنَـگ ءَ چـہ وَتـی لـوگـاں دَر نـہ بَـنـت آ هَـم یَـک ءُ یَـک اے کـوڈویـں دُنـیـا ءَ یـلـہ کـنَـگ ءُ رَوَگ ءَ اَنـت بـلـے کـسـے چـہ اِے گـپـاں پـہ وَت اِبـرَت زوُرَگ ءَ نـہ اَنـت.
[/b]
