Author Topic: افلاطون کئے بوتگ۔ رجانکار : زاھدہ رئیس راجی  (Read 73 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6910
  • Karma: 356
    • Baask-Home of Baluchi Language, Literature & Culture
 
افلاطون
رجانکار : زاھدہ رئیس راجی
افلاطون ایتھنز ءِ یک شرپداریں لوگے ءَ پیش چَہ مسیح ءَ ۴۲۷ ءَ ودی بیتگ۔ ورنائی ءَ آئ ءِ ملاقات گوں ھُب زانش ( فلسفی ) سقراط ءَ بیتگ کہ رندءَ آئ ءِ دوستیگیں سنگت ءُ رھشون بیتگ ۔
پ ۔ م ۲۹۹ ءَ ھپتاد سال ءِ اُمر ءَ سقراط ءِ سرءَ بے دینی ءُ ورناھانی ردیں رھشونی کنگ ءِ الزام ءَ مرگ ءِ سزا رس ایت ۔ چَہ سقراط ءِ مرگ ءَ افلاطون ءِ دل ءَ جمہوری حکومت ءِ ھلاپ ءَ مزنیں نپرتے چست بیت۔ سقراط ءِ مرگ ءِ چیزے وھد ءَ رند افلاطون ایھتنرز ءَ یلا دنت ءُ تاں دہ دوازدہ سالاں مسلسل سپر ءَ گوازین ایت ءُ سال ۳۹۷ پیش مسیح ءَ آ دوبر ایتھنز ءَ واتر کنت۔ ادءَ آ یک مدرسہ یے بنگیج کنت کہ آئ ءِ نام اکادمی ایر انت۔ اے اکادمی تاں نو سد سالاں برجم بیت۔
افلاطون وتی زند ءِ پش کپتگیں چِل سالاں ایتھنز ءَ گوازین ایت ۔ آ فلسفہ یا ھُب زانش ءِ باروا وانین ایت ءُ نبشتہ کاری کنت ۔ آئ ءِ نامداریں شاگرد ارسطو بیتگ کہ ھبدہ سال ءِ اُمر ءَ اکادمی ءَ وانگ ءَ کئیت ۔ اے وھد ءَ افلاطون ءِ اُمر شست سال بیت انت۔
افلاطون ۸۰ سال ءِ اُمر ءَ سال ۲۴۷ پیش مسیح ءَ بیران بوتگ۔
افلاطون ءَ نز سی ءُ شش کتاب نبشتہ کُتگ کہ چَہ ایشاں گیشتریں سیاسی ءُ اخلاقی جیڑھانی سرءَ باوست اَنت۔
آئ ءَ مابعدالطبیعات ءُ الہیات ءِ سرءَ ھم نبشتہ کُتگ۔
افلاطون ءِ نامداریں کتاب جمہوریہ ءِ تہ ءَ آ اھمیں سیاسی لیکہاں درشان کنگ ءِ جُہد ءَ کنت۔
افلاطون ءِ ھیال ءَ شرتریں ھاکم شریفانی ھاکمیت انت بزاں دانا ءُ شرتریں مردم کہ فلسفی انت ھما ریاست ءَ ھکومت کُت کن انت کہ ایشانی گیچین لس مہلوک کُت نہ کنت بلکیں وت ماں وتی شور ءُ سلا ءَ گوں کنگ بیت۔
افلاطون دنیا ءِ اولی ھب زانش ات کہ آئ ءِ مردین ءُ جنین ءِ بروبری ءِ گپ جتگ۔
افلاطون ءَ ریاست ءِ زمہ داتگ کہ چُکانی چار ءُ سنبال ءَ بہ کنت۔
آئ ءَ شائری ، ساز ءُ زیمر ءِ سرءَ یکسر پابندی جتگ۔
سرپرست طبقہ مال دار بوت نہ کنت ءُ نئیکہ آھاں بازیں مِلک پہ وت ءَ زورگ ءِ اجازت بیت ۔ جتائیں خاندان جوڑ کنگ ءِ ھم اجازت نیست ۔ اے ھُب زانش ءِ بادشاھانی مُز مادی دولت نہ بیت انت باید آھاں چَہ ھمے گپ ءَ تاھیر بہ رس ایت کہ لس مہلوک ءِ ھزمت کنگ ءَ انت۔
افلاطون ءِ کتاب جمہوریہ تاں مزنیں مدت ءَ گوں ھُب ءُ واھگ ءَ وانگ بوتگ۔
   
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line