Author Topic: مـاں کـاجـاری زَمـانَـگ ءَ روایـرنِـشـتـی بـلـوچـسـتـان ءِ تـہ ءَ چـے بـوُتـگ؟  (Read 552 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1147
  • Karma: 44
مـاں کـاجـاری زَمـانَـگ ءَ روایـرنِـشـتـی بـلـوچـسـتـان ءِ تـہ ءَ چـے بـوُتـگ؟
رجـانـک : ادبـی هَـکـیـم
مـاں کـاجـاری زَمـانَـگ ءَ کـاجـاری دولَـت ءَ مـاں روایـرنِـشـتـی بـلـوچـسـتـان ءِ تـہ ءَ چُـشـیـں بـازیـں مَـسـتـری یـے نـہ بـوُتـگ کـاجـاری دولـت ایـوَک ءَ مَـکـران ءِ کِـرّ ءُ کـَـشـےءَ پـہ گـُـوَزَگ ءَ سَـروُکّ ءُ پـاسّـوُک کـُـرتَـگ تَـرّ ءُ تـاب کـَـنـوک اِے بـارَوا گـُـوَش اَنـت آ وَهـد سَـرهَـد ءِ هـاکـُـم مَـدَت خـان ءُ سـعـیـد خـان بـوُتـگ اَنـت مـدَت خـان سـعـیـد خـان ءِ پـت بـوُتـگ مـیـرزا مِـهـدی خـان ءَ مـاں وَتـی تَـرّ ءُ تـاب ئِـے کِـتـابـچُـک ءِ تـہ ءَ نـبـشـتَـگ کـہ آئـی ءَ گـوں سـعـیـد خـان گِـنـد ءُ نِـنـد کـُـرتَـگ آئـیءَ نـبـشـتَـگ سَـعـیـد خـان ءَ وَتـی 90 سـالـیـگـیـں پـت گِـپـتَـگ ءُ مـاں بَـنـدیـگـجـاه ءَ بَـنـد کـُـرتَـگ ءُ رَنـدا آ وَت سَـرهَـد ءِ هـاکـُـم بـوُتـگ .
اِے مَـرد ءَ شَـرّ یـات اِنـت کـہ مـاں آ زَمـانَـگ ءَ یَـزد ءِ هـاکـُـم آقـا خـان مـحـلاتـی ءُ کِـرمـان ءِ هـاکـُـم کـہ آ چـہ کـاجـاری شـهـزادَگـاں بـوُتـگ وَت مـاں وَت جَـنـگ بـوُتـگ اَنـت گـُـوَش ایـت آقـان خـان شـیـهـایـے نـہ بـوُتـگ ءُ آئـی ءَ لـوٹ اِتَـگ کـہ یَـزد ءَ چـہ کـاجـاری دَولَـت جـتـا بـہ کـنـت ءُ آجـو بـہ کـَـنـت بـلـے آقـا خـان ءَ مـاں آ جَـنـگ پـروش وارتَـگ آ چـہ اودا تَـتـکـگ ءُ سَـرهَـد ئِـے هـاکـُـم ءِ گـُـوَرا آتـکـگ ءُ مَـیـار بـوُتـگ سَـرهَـد ءِ هـاکـُـم سـعـیـد خـان ‏ءَ آقـاخـان وَتـی گـُـوَرا پَـنـاه داتَـگ ءُ آئـی ءِ مَـدَت کـُـرتَـگ کـہ آ وَتـی هـاکـُـمـی ءَ پَـدا پَـچ بـہ گِـرایـت مـاں آ زَمـانَـگ ءَ سـیـسـتـان ءِ هـاکـُـم چـہ سَـنـجَـرانـی کـُـٹـم بـوُتـگ اَنـت ءُ سـعـیـد خـان ءَ گـوں رودَراتـکـی کـَـلات ءِ هـاکـُـم ءُ سـیـسـتـان ءِ هـاکـُـم دوسـتـی بـوُتـگ رَنـدا سـعـیـد خـان ءَ چـہ آیـاں مَـدَت لـوٹ اِتـگ ءُ آئـی ءَ یَـک مَـزَنـیـں لَـشـکـَـرے تَـیـار کـُـرتَـگ کـہ گـوں ٹـوپ ءُ تـپَـنـگ سـلَـهـدار بـوُتـگ اَنـت رَنـدا آیـان ءَ کِـرمـان ءِ سـرءَ اُرُش کـُـرتـگ ءُ کـرمـان اِش گِـپـتَـگ آقـا خـان مـحـلاتـی ءَ وَت ءَ تـاں مُـدَتـے کِـرمـان ءِ هـاکـُـم کـُـرتَـگ رَنـدا کـہ بـلـوچـانـی لَـشـکـَـر وَتـی مُـلـکـاں واتَـر بـوُتـگ اَنـت گـڑا کـاجـارءِ لَـشـکـَـرءَ پَـدا  کِـرمـان ءِ سَـرءَ اُرُش کـُـرتـگ ءُ کـرمـان اِش چـہ آقـا خـان ءِ دَسـت ءَ پَـچ گِـپـتَـگ هَـمـے داب ءَ مُـدام کـاجـار ءِ دَولَـت  گـوں بَـلـوچـاں اَڑ ءُ جَـنـجـال کـُـرتَـگ مـاں آ وَهـد بـلـوچـسـتـان وَت یَـک آجــوئـیـں مُـلـکـے بـوُتـگ بـلـے آئـی ءِ هـاکـُـم خـان ءُ مـان بـوُتـگ اَنـت آیـاں نـہ زانـتَـگ کـہ چـوں بـلـوچـسـتـان ءَ یَـک تـواکـَـتـمَـنـدیـں مُـلـکـے بـہ کـَـن اَنـت کـہ تَـمـاهـدارءُ مَـکـّـاریـں هَـمـسـاهِـگ چـہ بـلـوچـسـتـان ءِ گِـرَگ ءُ گـوں وَتـی مُـلـکـانـی هَـوار جَـنَـگ ءَ دَسـتـبَـردار بـہ بَـنـت.
آسَـرءَ رَنـد چـہ بـازیـں جَـنـگـانـی کـنَـگ ءَ ءُ رَنـد کـاجـارءِ دَولَــت لـوٹ اِتَـگ کـہ آ گـوں سَـرهَـد ءِ هـاکـُـمـاں سُـهـل ءُ تـراں بـہ کـَـنـت آئـی ءَ لـوٹ اِتَـگ مـاں پَـهـرَه ءَ بـہ نِـنـداَنـت ءُ سُـهـل بـہ کـن اَنـت  چـہ سَـرهَـد ءِ مَـزَنـیـں سَـرداراں 14 کـَـس مـاں آ سُـهـل ءُ تـران ءِ دیـوان ءَ کـایَـنـت بـلـے پَـهـرَه ءِ لَـهـتـے گـَـدّاریـں بـلـوچ گـوں کـاجـارءِ دَولَـت هَـوار بَـنـت ءُ آ 14 سَـرهَـدی سـرداران ءَ کـُـش اَنـت ءُ شَـهـیـد کـن اَنـت بـلـے پَـدا هَـم کـاجـاری دَولَـت ءَ چـہ سَـرهَـد ءِ مَـردُمـاں بـاجـے نـہ بـرتَـگ کـاجـاری دَولَـت ءَ تـاں رَزا خـان ءِ آیَـگ ءَ پـیـش سَـرهَـد ءِ مَـردُمـانـی سَـرءَ هـاکـُـمـی نـہ کـُـرتَـگ .         
[/b]