Author Topic: وتـن دوسـتـی ایـمـان ءِ یـک بَـهـرے  (Read 451 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1097
  • Karma: 44
وتـن دوسـتـی ایـمـان ءِ یـک بَـهـرے
رجـانـک : ادبـی هَـکـیـم
-----------------------------------
وَتـن دوسـتـی مـاں اِنـسـان ءِ رَگ ءُ ریـشّـگـاں جـاگـَـہ کـُـرتـگ ءُ اِے گـَـپ هَـبَـکـّـہ بـیَـگـی گـَـپـے نـہ اِنـت کـہ اِنـسـانـےءَ وَتـی وَتـن چـو وَتـی ایـمـان دوسـت بـہ بـیـت اِے گـَـپ چـہ اِنـسـان ءِ اِراده ءَ دَراِنـت پَـرچـے کـہ اِنـسـان مـاں آ جـاگـَـہ پـیـداگ بـوُتـگ ءُ رُسـتَـگ آ جـاگـَـہ اِنـسـان ءَ سَـکّ دوسـت اِنـت كـہ مـاں آ جـاگـَـہ اِنـسـان مَـزَن بـوُتـگ ءُ کـَـمـاش بـوُتـگ آئـیءَ آ جـاگـَـه سَـکّ دوسـت اِنـت کـه مـاں آ جـاگـہ ءِ تـہ ءَ آ وَت ءَ زِنـدَگ دارَگ ءِ جُـهـد ءُ کـُـوشِـسـت ءَ کـُـرتَـگ .
دیـن ءُ ایـمـان ءِ رَهـبَـنـد گـوں وَتـن دوسـتـی چُــش هَـواراِنـت کـہ دیـن اِنـسـان ءَ مـارِشـت دَنـت کـہ آ وَتـی وَتـن ءَ دوسـت بـدارایـت ، وَتَـن هَـمـا اِنـت کـہ اِنـسـان مـاں آ پـیـداگ بـوُتـگ ءُ رُسـتَـگ ، اِے گـَـپ ءِ مَـنـانِـک ءَ رَسـول الله عـلـیـه الـصـلاة و الـسـلام ءَ مـارا پـیـش داشـتَـگ وَهـدے کـہ کـاپـر ءُ مُـشـرک واجَـہ ءَ تـنـگ آورتـگ اَت ءُ آ لـوٹ اِت چـہ وَتـی وتـن (مـکـه) ءَ دَر بـہ بـیـت گـڑا واجَـہ ءَ گـوں وَتـی جـنـد وَتـی وَتـن ءِ بـارَوا گـَـپ جَـت ءُ گـوَشـت ، مـن ءَ چـہ تـو شـرتـریـں وتَـن نـیـسـت اَگـاں تـئـی مَـردُمـاں مـن ءَ پـہ زور دَر مـہ کـُـرتـیـں مـن چـہ تـو دَر نـیـاتـکـگ اِت آں ءُ دگـے جـاگـَـهـے نـہ شُـتَـگ اِت آں ، واجَـہ ءِ اِے گـَـپ گـَـواه اِنـت کـہ واجَـہ ءَ وَتـی وَتـن سَـکّ دوسـت بـوُتـگ.
وَتـن ءِ دوسـتـی اَگـاں بـہ بـیـت آ یَـکـّـے چـہ مـئـے اَلَـمـیـں کـاران اِنـت پَـرچـے کـہ وَتـن ءِ آجـو ءُ آبـات کـنَـگ مـئـے زنـدگـی ءَ اَمـن ءُ آبـات کـَـنـت ، وَتـن ءِ دوسـتـی اِنـت کـہ آ مُـدام مـارا وَتـن ءِ آجـو کـنَـگ ءُ آبـات کـنَـگ ءِ مـارِشـت ءَ دَنـت ، وَتـن ءِ دوسـتـی اِنـت کـہ آ مـارا پَـرمـائـیـن ایـت کـہ مـا وَتـی وَتـن ءَ چـہ دگـے راجـانـی وَتـنـاں آجـوتِـر ءُ آبـادتِـر بـہ کـن ایـں ءُ اِسـلام ءِ دود ءُ ربـیـدَگ ءَ مـاں وَتـی وَتـن شِـنـگ ءُ تـالاں بـہ کـَـن ایـں ، مـاں وَتـی وَتـن اِسـلام ءِ بـیـرَگ ءَ بُـرز بـہ کـن ایـں ءُ جـهـان ءَ پـیـش بـدارایـں .
وَتـن ءِ آجـوئـی ءُ آبـاتـی آ راج ءِ پَـجّـارءَ جـهـان ءَ پـیـش دارایـت گـڑا رَنـدا جـهـان ءِ مَـردُم زان اَنـت کـہ آ وَتَـن ءِ راج شَـرّیـں مـسُـلـمـان اَنـت کـہ وَتـی وَتـن اِش آجـو ءُ آبـات کـُـرتـگ ءُ دگـرءِ وَتـن ءُ راج ءَ هَـم مَـدَت کـُـرت کـن اَنـت ، الله ءَ وَتـن ءِ بـارَوا مـاں وَتـی نـیـکـراه ءِ کـتـاب ءِ تـہ ءَ بـاز جـاگـاه ءَ نـبـشـتـگ چُـش کـہ وَتـی دیـار ءُ وَتـی لـوگ ءِ گـالاں ، اِے ڈول ءَ دیـارکـُـم ، دارُکـُـم ، اَگـاں یَـک زوراکـے شــمـئـے وَتـن ءِ سَـرءَ ارُش بـہ کـَـنـت شـمـئـے وَتـن ءُ شـمـئـے اِزّت ءُ شـرَپ ءَ پـادلَـپـاش بـہ کـَـنـت شـمـئـے پَـرزاِنـت کـہ آ زوراک ءِ سـرءَ جـهـاد بـہ کـَـن اِت ءُ وَتـی وَتـن ءَ پَـهـریـز بـہ کـن اِت ، مُـسـلـمـانـیـں اِنـسـان ءِ پَـرزاِنـت کـہ آ زوراکـےءَ وَتـی هَـکّ ءُ وَتـی اِزّت ءُ شـرَپ ءَ پـادلَـپـاش کـنَـگ ءَ مَـیـل ایـت ، اِے گـَـپ ءَ یـات بـہ کـَـن اِت اِسـلام کـَـس ءَ زوراکـی کـنَـگ ءَ نـہ مَـنّ ایـت ، تـمـاه ءِ هـاتِـرءَ مُـسـلـمـانـیـں راجـےءِ وَتـن ءِ سـرءَ اُرش کـنَـگ سـکـّـیـں گـرانـیـں گـَـپـے ، چُـشـیـں زوراک ءِ سـرءَ سَـرمَـچـاری کـنَـگ بـہ بـیـت ءُ آ زوراک بـائِـداِنـت چـہ وَتـی وَتـن ءَ جَـنَـگ ءُ کـُـشَـگ ءُ گـلّـیـنَـگ بـہ بـیـت ، زوراک ءَ چـہ وَتـی وَتـن ءَ جَـنَـگ ءُ گـَـلّـیـنَـگ هَـمُـک مـسـلـمـان ءِ سَـرءَ پَـرزاِنـت ، وَتـن ءِ پَـهـریـز کـنَـگ هَـمُـک مـسـلـمـان ءِ سـرءَ پَـرزاِنـت ، وَتَـن ءِ دوسـتـی اِسـلام ءِ دوسـتـی اِنـت.
[/b]