Author Topic: بیگ محمد بیگل ؔ ءِ بانکیں جنئک لیلہ شبانہؔ ، یارجان بادینی ءِ نبشتانک  (Read 166 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 6957
  • Karma: 356
    • Baask-Home of Baluchi Language, Literature & Culture
بیگ محمد بیگل ؔ ءِ بانکیں جنئک لیلہ شبانہؔ
یار جان بادینی

بیگ محمد بیگل ؔ تاں وھدے زندگ ات ۔ آئی ءَ وتی سجیّں وھد بلوچی زبان ءُُ لبزانک ءِ حاترا داتگ ات ۔ تنکہ بلوچی زبان ءُُ ادب دیما برُوت ۔ بلوچی زبان دنیا ءِ دیما شُتگیں زبان ءُُ ادب آنی پڑ ءَ گندگ بہ بیت ۔ آ وت یک لائق ءُُ زانتکاریں مردے ات ۔انگریزی زبان ءَ شریّ ءَ بلد اَت ۔آ بلوٹ اتیں ات یک شریں نوکری یے گپت ءُُ کرت ۔ زّر ءُُ مال ءِ واھند جوڑ بوت کرت ۔ بلے آئی کمٹمنٹ گوں بلوچی زبان ءُُ لبزانک ءَ ات۔
ھمے حاترا آئی ءَ مالی بزّگی ءَ قبول کرت ۔بلے گیشتر وھد وتی زبان ءُُ لبزانک ءَ دات۔ آ نہ ایوکءَ مالی بدحالی ءِ سوب ءَ لاچار ات بلکیں آئی چک ءُُ زھگ ھم مالی لاچاری ءِ سوب ءَ باز بزّگ انت ۔
گوستگیں روچ ءَ وش ٹی وی ءَ بیگ محمد بیگل ؔ ءِ جنک بانک لیلہ شبانہ ءِ باروا یک رپورٹے شنگ ءُُ تالان کرتگ ات ۔رپورٹ ءِ تہا بانک لیلہ شبانہ وت گپ کنگ ءَ ات کہ آ گوستگیں دو سالاں چہ کینسر ءِ نا درائی ءِ آماچ انت ۔ لیلہ شبانہ وت لیاری ءِ ہسپتال ءُُ نرس ءِ جہت ءَ کار کنگ ءَ انت ۔ آ ئی وتی درا ئیں مال ءُُ مڈّی کینسر ءِ نا درائی ءِ سرا ھرچ کرتگ انت ۔ بلے انگت ءَ آئی نا درائی ءِ گر ءُُ دار بوھگ ءَ نہ انت۔
بانک لیلہ شبانہؔ بازیں سالاں چہ یک نرس ءِ جہت ءَ دومی نا درائیں مردمانی زند ءَ رکھینگ ءِ جہد ءُُ کوشست کرتگ مروچی آ وت لاچار انت ۔ انوں آئی کینسر ءِ نا درائی آئی ھڈ آنی تہا ھور بوتگ ۔ ڈاکٹر ءَ آئی ءَ را بازیں میڈیکل ٹیسٹ کنگ ءِ واستہ گشتگ ۔ بلے آئی گور ءَ کلدارے نیست کہ آ وتی ٹیسٹ آں بکنت، چیاکہ کینسر ءِ نا درائی ءِ سوب ءَ آ انوّں ہسپتال ءَ وتی کارءَ روگ ءَ نہ انت، کار ءَ ساڑی نہ بوھگ ءِ سوب ءَ آئر ءَ پگار ھم رسگ ءَ نہ انت ۔ آئی ءَ سندھ ءِ سرکار ءَ چہ لوٹ کرتگ ات کہ آئی دارو درمان سرکاری وڑا کنگ بہ بیت بلے سندھ ءِ سرکار ءِ نمائندہ ءَ گشتگ ۔ تو وتی دارو درمان ءَ وتی حرچ ءِ سرا بکن۔ رند ءَ دارودرمان ءُُ ٹیسٹانی بل ءَ بیاریت ءُُ محکمہ ءَ جم بکنت۔رند ءَ حکومت آھانی زر اں دنت۔
آانوں نا درائی ءِ سوب ءَ سکّ بزگّ انت ءُُ بلوچستان ءِ سرکار ءُُ خاص سر وزیر نواب ثناء اللہ زہری ءَ چہ لوٹ کرتگ کہ آئی نا درائی ءِ حاترا آئی مالی مدت ءُُ کمک کنگ بہ بیت۔
بانک لیلہ شبانہؔ مالی لاچاری ءِ سوب ءَ گشگ ءَ ات، وھدے بیگ محمد بیگلؔ زندگ ات تہ آ ئر ءَ ھچ پرواہ نہ ات ۔ انوں آئی پت زندگ نہ انت تہ آٹی وی چینل ءِ زریعہ ءَ مہلوک ءِ دیما دست تچک کنگ ءَ محتاج انت ۔
اے درگت ءَ مئے بلوچستان ءِ سرکار ءَ خاص سر وزیر ثناء اللہ زہری ءَ چہ لوٹ انت کہ بانک لیلہ شبانہ ءِ دارودرمان ءِ بندوبست ءَ بکنت ۔ چیاکہ لیلہ شبانہ ءِ پت واجہ بیگ محمد بیگلؔ ءَ وتی درائیں زندپہ بلوچی زبان ءُُ لبزانک ءِ حاترا داتگ اَت ۔ چریشی ابید بلوچستان ءِ وزیر ءُُ گزیر ءُُ دومی سیر ءُُ ازگار یں مردماں چہ ھم لوٹ انت کہ آ بیگ محمد بیگلؔ ءِ جنک بانک لیلہ شبانہؔ ءِ دارو درمان ءِ واستہ مالی مدت ءُُ کمک بکں انت ۔ تنکہ بیگ محمد بیگلؔ ءِ جنک ءِ شریں وڑے ءَ دارو درمان بہ بیت ۔ چیاکہ ماں بیگ محمد بیگلؔ ءِ درمان ءِ واستہ ھچ نہ کرت ۔
انوں آئی قبر ءِ دیما شرمندگی ءَ چہ گہتر انت کہ جنک ءِ دارو درمان ءِ واستہ مالی مدت ءُُ کمک کنگ بہ بیت ۔
ملک ءُُ درملکاں جاہ منندیں بلوچاں وتی وس ءُُ واک ءِ ردا بانک لیلہ شبانہ ءِ مالی مدت ءُُ کمک کرت۔ بلے کینسر ءِ نادرائی ءِ حرچ ءُُ درچ سک گراں انتُ ُ پوڑی ءُُ چندہ ءَ پورہ بوت نہ کنت ۔ بلوچستان ءِ سرکار ءَ ھم آئی مدت ءُُ کمک نہ کرت ۔ بیگ محمد بیگل ءِ بانکیں جنک لیلہ شبانہ 26 مارچ 2018 ءَ اے کوڑھیں دنیا یل دات ءُُ وتی آکبت ءِ جاہ ءَ شُت ۔ مئے دعا انت ۔ اللہ پاک آئر ءَ بہشت ءَ جاگہ بدنت ءُُ پد متگاں صبرے طاقت ءَ بدنت ۔ ( آمین)
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line