Author Topic: یَـک سَـنـگـَـت ءُ نـیـمـےءِ بـزانـت چـی اِنـت؟  (Read 113 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1097
  • Karma: 44
یَـک سَـنـگـَـت ءُ نـیـمـےءِ بـزانـت چـی اِنـت؟
رجـانـک : ادبـی هـکـیـم
-----------------------------------------
بـادشـاهے گـوں وَتـی ٹـولـی بـازارءَ تـرّگءَاِت اَنـت بـادشـاه ءَ دیـسـت بـاپـارے گـوں وَتـی زَهـگ گـپءَاِنـت :
بـاپـار: مـنـی زَهـگ تـرا چُـنـت سَـنـگـت هَـسـت؟
زَهـگ : مـن ءَ 40 سَـنـگـت هَـسـت!!..
بـاپـار: مـن وَتـی زِنـد گـوں یَـک سَـنـگـت ءُ نـیـمے پـیـر کـُـرت .
بـادشـاه ءَ چـہ وَتـی ٹـولـی جُـسـت کـُـرت شـمـا مـن ءَ بـہ گـوَش اِت یَـک سَـنـگـتءُ نـیـمـےءِ بـزانـت چـی اِنـت؟!!.. ٹـولـیءَ گـوَشـت واجَـہ مـا یَـک سَــنگـتے اِشـکـُـتَـگ بـلـئـے تـنـیـگـا نـیـم سَـنـگـَـت نـہ اِشـکـُـتَـگ !!..
بـادشـاه : بـاپـارءَ بـیـاراِت مـن وَت آئـیءَ جُـسـت کـَـن آں .
بـاپـار اِش بـادشـاهءِ گـوَرا آورت بـادشـاهءَ جُـسـت کـُـرت ، بـاپـار تـو مـن ءَ بُگـوَش یـک سَـنـگـت ءُ نـیـمےءِ بـزانـت چـی اِنـت؟!!..
بـاپـار : واجَـہ چـو مـن تـرا سَـرپَـد کـُـرت نـہ کـَـن آں ، اگـاں مـن تـرا بہ گـوَش آں پَـدا هَـم تـو سَـرپَـد نـہ بـئے !!..
بـادشـاه : چـونَـکـا ؟!!..
بـاپـار: تـو هَـنّـو وَتـی جـارجَـن ءَ بُگـوَش آ مـاں بـازارءِ تـہ ءَ جـار بـہ جَـنـت کـہ تـو بـانـدات سُـهـبءَ مـنءَ پـاهـو کـن ئَے ، گـُـڑا بـانـدات سُـهـبءَ تـو وَت سَـرپَـد بـئے .
بـادشـاهءَ هُـگـم دات بـازارءِ تـہ ءَ جـار بـہ جَـن اِت کـہ اِے بـاپـارءَ مـزَنـیـں جُـرمے کـُـرتَـگ مـا بـانـدات اِشـیءَ پـاهـو كـن اِیـں ، شـمـا درُهـا پـہ سَـیـل ءِ چـارَگ ءَ بـیـااِت.
دومـی روچ بـادشـاه پـہ بـاپـارءِ پـاهـو دیَـگءَ آتـکءُ اوشـتـات ، پـاهـو كـَـنَـگءِ وَهـد نَـزّیـک بـوُت ، یَـک مَـردے آتـک ءُ گـوَشـت واجَـہ مـن اے بـاپـارءِ زنـدءَ چـہ تـو پـہ بُـهـا زوُرآں اِشـیءَ پـاهـو مـہ کـَن ، بـادشـاه گـوَشـت اِنّـاں اِشـیءِ جُـرم سَـکّ مَـزَن اِنـت ، مَـردءَ گـوَشـت مـنـی سَـجّـهـیـں مـال ءُ مـیـراس تـئـیـگ اَنـت بـلـئے اے بـاپـارءَ پـاهـو مـہ کـن ، بـادشـاهءَ گـوَشـت اِنّـاں مـن اے بـاپـارءَ یـلـہ نـہ کـن آں اِشـیءَ پـاهـو کـن آں ، مَـردءَ بـاپـارءِ نـیـمَـگ چـاراِت ءُ گـوَشـت مـنـی بـرات تـو اِشـکـُـت کـہ مـن وَتـی سَـجّـهـیـں مـال ءُ مـیـراس پـہ تـو کـَـولـیـگ کـرت اَنـت بـلـئے بـادشـاهءَ مـنـي گـَـپ نـہ مَـنّ اِت ، نـوں مـن تـئـی وَپـادار بـوُت آں یـاں نـہ ؟ بـاپـارءَ گـوَشـت هَـو مـنـی بـرات تـو وَتـی وَپـاداریءَ پـیـش داشـت ، نـوں تـو بُـرو ، سَـلامَـت بـات ئَے .
دگـہ یـَـک مَـردے آتـک ءُ گـوَشـت بـادشـاه سَـلامـت بـات ، واجَـہ اے بـاپـار بـے مَـیـارے اے جُـرم ءَ مـن کـُـرتَـگ ، شِـزا مـنءَ بـہ رَس ایـت اِشـیءَ یَـلـہ بـہ کـن ءُ مـن ءَ پـاهـو بـہ کـن .
بـادشـاه : مَـردَک تـو کـہ وَتـی جُـرم ءَ مَـنّ ئـے گـُـڑا مـا تـرا پـاهـو کـن ایـں.
مَـردَک : هَـو مـن ءَ بـاپـارءِ بَـدَل ءَ پـاهـو بـہ کـن اِت اے جُـرم ءَ مـن کـُـرتَـگ.
بـادشـاهءَ تـوار کـُـرت اے مَـرد ءَ بـاپـارءِ بَـدَل پـاهـو بـہ کـن اِت.
سـپـاهـیءَ بـاپـارءِ دَسـت پَـچ کـُـرت اَنـت ءُ اے مَـرد ءِ دَسـت بَـسـت اَنـت .
بـادشـاه : مَـردَک تـو تـنـیـگـا وَتـی گـپءِ سَـرا اوشـتـاتـگ ئَے مـا بـاپـارءَ یـلـہ بـہ کـن ایـں ءُ تـرا پـاهـو بـہ کـن ایـں ؟!!..
مَـردَک : هَـو واجَـہ مـنءَ پـاهـو بـہ کـَـن اِت ، بـاپـار تـو بُـرو وَتـی لـوگ ءَ تـئـی زال ءُ بـولّ تـئـی وَداراَنـت.
بـادشـاه : رَنـدا تـو چـہ وَتـی گـپ ءَ نـہ بَـجّ ئے ؟!!..
مَـردَک : نـہ واجَـہ مـن وَتـی گـپءَ نـہ بَـجّ آں.
هَـمے وَهـد ءَ بـاپـارءَ گـوں بـادشـاه گـوَشـت واجَـہ آ مَـرد کـہ آئـیءَ وَتـی مـال ءُ مـیـراس پـہ مـنـی آجـو کـنَـگ ءَ بَـکـش اِت اَنـت آ مَـرد مَـنـی نـیـم سَـنـگـت اَت ءُ اِے مَـرد کـہ اِشـیءَ وَتـی جـان پـہ مـنـی آجـو کـنـگءَ بَـکـش اِت اِے مَـرد مـنـی یَـک سَـنـگـتے واجَـہ نـوں تـو سَـرپَـد بـوُت ئے کـہ یَـک سَـنـگـت ءُ نـیـمےءِ بـزانـت چـی اِنـت؟..
بـادشـاه : بـاز وَشّـیـں گـپے بـاپـار ، هَـو نـوں مـن اِشـیءِ بـزانـتءَ سَـرپَـد بـوُت آں.
[/b]