Author Topic: دُرّیـں گـُـپـتـار : عـبـدالـرحـمـن الـکـواکـبـی  (Read 256 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1114
  • Karma: 44
دُرّیـں گـُـپـتـار : عـبـدالـرحـمـن الـکـواکـبـی
رجـانـک : ادبـی هَـکـیـم
اَگـاں راجـے بـہ لـوٹ ایـت کـہ آ چـہ پُـشـت ءَ پَـشـت کـپَـگ ءَ ءُ چـہ وَتـی نـازانـتـی ءُ جـهـالَـت ءَ بـہ رَکّ ایـت ءُ وَتـی گـام ءَ مـاں تَـچـکـیـں راهـے ایـر بـہ کـَـنـت ءُ آجـوئـی ءُ آبـادی ءِ نـیـمَـگ ءَ بـہ رَوت ءُ وَت ءَ گـوں دُنـیـا ءِ راجـاں هَـمـسَـر بـہ کـَـنـت گـڑا آ راج پـیـسَـرا زانـت ءُ زانِـش ءِ وانَـگ ءُ زانَـگ ءَ مـاں وَتـی مُـلـک ءِ تـہ ءَ شِـنـگ بـہ کـَـنـت ، زانـتـکـار ءُ کـَـواسـیـں سـیـاسَـتـکـار جـواں بـہ کـَـنـت تـاں آ زانـتـکـار ءُ سـیـاسَـتـکـار وَتـی مُـلـک ءِ مَـردُمـاں سَـرپَـد بـہ کـن اَنـت کـہ چـونَـکـا آیـانـی مُـلـک زورگـیـر کـنَـگ بـوُتـگ ؟ چـونَـکـا آیـانـی مُـلـک ءِ مَـردُم پـہ زور ءُ زوراکـی گـُـلام کـنَـگ بـوُتـگ اَنـت ؟ زانـت ءُ زانِـش ءِ وانَـگ ءُ زانَـگ یَـک گِـهـتـریـں اَبـزارے کـہ راجـے چـہ تـهـاری ءَ کـَـشّ ایـت ءُ مـاں روژنـائـی ءَ ایـر کـَـنـت ، پَـرچـے کـہ اگـاں مَـردُم مـہ زان اَنـت کـہ آیـانـی وَتـی پَـجّـار چـی اِنـت آ وَتـی گـُـلامـی ءَ سَـرپَـد نـہ بَـنـت ءُ وَتـی آجـو کـنَـگ ءَ نـہ زان اَنـت آ وَتـی جِـنـد ءِ تـواکـَـت ءَ نـہ زان اَنـت وَتـی هَـکّ ءَ نـہ زان اَنـت زوراک ءِ اِرادَه ءُ پَـلـمَـل ءَ نـہ زان اَنـت ، زانـت ءُ زانِـش ءِ وانَـگ ءُ زانَـگ ءَ رَنـد آ سَـرپَـد بَـنـت کـہ آ چـہ وَتـی مـاتـانـی لاپ ءَ دَرآتـکـگ آجـو بـوُتـگ اَنـت بـلـے رَنـدا پـہ زور ءُ زوراکـی گـُـلام کـنَـگ بـوُتـگ اَنـت ، زانـت ءُ زانِـش ءِ وانَـگ ءُ زانَـگ ءَ رَنـد آ زان اَنـت کـہ چـو آدگـہ راجـانـی داب ءَ آیـان ءَ هَـم هَـکّ هَـسـت کـہ مـاں وَتـی مُـلـک ءَ آجـو بـہ بَـنـت ءُ پـہ شَـرَپ ءُ اِزّت زنـدگـی بـہ کـن اَنـت ، زانـت ءُ زانِـش ءِ وانَـگ ءُ زانَـگ ءَ رَنـد آ زان اَنـت کـہ کـَـےءَ وَتـی مُـلـک ءِ رَهـشـون بـہ کـن اَنـت کـہ آ رَهـشـون مُـلـک ءُ راج ءِ هِـزمَـت ءَ گـوں وَپـاداری کـُـرت بـہ کـَـنـت .
پَـرچـے کـہ زوراک یَـک سـیـاهـیـں پَـردَگـے نـازانـتـیـں راجـےءِ سَـرءَ دَور دَنـت کـہ آ راج وَتـی آجـوئـی ءُ دیـمـرَوی کـنَـگ ءَ هِـچّـبَـر مـہ گِـنـدایـت زوراک آ راج ءَ مـاں واڈے ءِ تـہ ءَ بَـنـد کـَـنـت کـہ آ راج دُنـیـا ءِ آجـو ءُ آبـادیـں راجـاں مـہ گِـنـدایـت زوراکـانـی چُـشـیـں سـیـاهـیـں پـردَگ ءَ زانـت ءُ زانِـش چـاک دَنـت ءُ یَـک نـوکـیـں روچـے مـاں آ مُـلـک ءَ بـرَمـش دَنـت.

[/b]